CIMIC SNAF

Sawiro :Geesiyaasha Ciidanka Xoogga Dalka Soomaaliyeed Oo Salaadda Ciidul Adxa Ku Oogay Deegaanka Xaaji Cali Ee Gobolka Shabeellada Dhexe, sidoo Kale Ciidanka Ayaa Munaasibadda Ciidda La Qaybsaday Bulshada Deegaanka.

Kusimaha Taliyaha Ciidanka XDS ahna Taliyaha Ciidanka Dhulka XDS, Gen Sahal Cabdullaahi Cumar ayaa ka qeyb galay munaasabad lagu maamuusayay shuhadadii geesiyaasha ahaa ee Guutada 16aad ee Kumaandooska Danab ee Xoogga Dalka Soomaaliyeed.

Munaasabaddan oo ahayd mid si heer sare ah loo soo agaasimay ayaa waxaa goob joog ka ahaa Taliyaha Guutada 16'aad ee Kumaandooska Danab, Col Cabdicasiis Xuseen Maxamed, saraakiil ka tirsan Xoogga Dalka Soomaaliyeed, carruurta agoonta ah ee ay ka tageen geesiyaashii shahiiday, waalidiintooda iyo marti sharaf kale.

Taliyaha Guutada 16aad ee Kumaandooska Danab Col Cabdicasiis Xuseen Maxamed oo munaasabadda ka hadlay ayaa xusay geesinimada iyo naf-hurnimada shuhadada isagoo sheegay in ay door weyn ka qaateen difaaca dalka iyo ciribtirka argagixisada.

Sidoo kale Kusimaha Taliyaha Ciidanka XDS ahna Taliyaha Ciidanka Dhulka XDS, Gen Sahal Cabdullaahi Cumar oo dhankiisa ka hadlay munaasabadda ayaa bogaadiyay dadaalka iyo halganka ay shuhadadu u galeen difaaca qaranka wuxuuna tilmaamay in mar walba la xasuusan doono geesiyaasha naftooda u huray badbaadinta shacabka iyo dowladnimada Soomaaliyeed.