Ali Hussein Primary and Secondary School

04/09/2026

WARGELIN

Waxaa lagu wargelinayaa dhamaan waalidiinta iyo ardayda dugsiga in waxbarashada dugsiga ee sanad degsiyeedka 2026-2027 ay si rasmi ah u billaabanayso maalinta berri oo Sabti ah 5ta September 2026.

Sidaas darteed, waxaan kula dardaarmaynaa ardaydeenna sharafta leh diyaar garow xoog leh iyo bilow barako leh.

02/09/2026

Kaliya 3 maalmood ayaa ka harsan bilowga sanad dugsiyeedka 2026/2027.

Diyaar garow wacan.

31/08/2026

KULANKA MACALLIMIINTA IYO MAAMULKA DUGSIGA CALI XUSEEN EE U DIYAAR-GAROWGA SANAD-DUGSIYEEDKA 2026–2027
Waxaa 31-kii Agoosto 2026 xarunta Dugsiga Hoose, Dhexe iyo Sare ee Cali Xuseen lagu qabtay kulan is-xogwareysi iyo qorshayn ah oo ay ka qayb galeen maamulka iyo macallimiinta labada gelin ee dugsiga.
Kulanka oo ku qabsoomay jawi wada-tashi, isfaham iyo ka-qaybgal firfircoon leh ayaa lagu falanqeeyey natiijooyinkii sanad-dugsiyeedka 2025–2026, xaaladda dugsiga, caqabadaha jira, fursadaha la heli karo iyo hiigsiga sanad-dugsiyeedka 2026–2027.
Waxaa si wadajir ah la isugu raacay mudnaanta soo socota:
1- Kor u qaadidda tayada waxbaridda iyo natiijooyinka ardayda.
2- Xoojinta xaadirinta iyo ilaalinta waqtiga.
3- Aqoonsiga iyo taageeridda ardayda waxbarashadu ku adag tahay.
4- Mideynta hannaanka anshaxa iyo badbaadada, iyo mamnuucidda taleefannada casriga ah.
5- Xoojinta xiriirka iyo iskaashiga waalidka iyo dugsiga.
6- Horumarinta xirfadaha macallimiinta iyo joogtaynta khibrad-wadaagga.
7- Hirgelinta warbixinta joogtada ah ee horumarka ardayda.
8- Hawlgelinta guddiyada fulinta, kormeerka iyo dabagalka.
Maamulka iyo macallimiintu waxay ku heshiiyeen in mudnaan kasta loo dejiyo tallaabo cad, cidda mas’uulka ka ah, muddada fulinta iyo halbeeg lagu cabbiro horumarka. Ujeeddadu waa in go’aannada iyo qorshayaasha kulanka loo beddelo ficillo muuqda iyo natiijooyin la cabbiri karo.
Hal Dugsi • Hal Himilo • Hal Mas’uuliyad

30/08/2026

Dugsiga Hoose, Dhexe iyo Sare ee Cali Xuseen wuxuu ardaydiisa ku dhiirrigelinayaa waxbarasho, anshax, nadaafad, xushmad, ilaalinta hantida dugsiga iyo mas’uuliyad.
Arday wanaagsan waa tiirka dugsiga, bulshada iyo mustaqbalka dalka.

30/08/2026

WACYIGELINTA KOR U QAADIDDA ISQORISTA IYO JOOGTAYNTA WAXBARASHADA GABDHAHA
30/08/2026, xarunta Dugsiga Hoose, Dhexe iyo Sare ee Cali Xuseen waxaa lagu qabtay kulan wacyigelin ah oo diiradda lagu saaray kor u qaadidda isqorista gabdhaha iyo joogtaynta waxbarashadooda.
Wacyigelinta waxaa iska kaashaday Agaasinka Waxbarashada Gobolka Banaadir, Mashruuca Iskaashiga Caalamiga ah ee Waxbarashada (GPE) iyo Dugsiga Cali Xuseen, iyadoo ay ka qayb qaateen guddiga waalidiinta, macallimiinta iyo bulshada deegaanka.
Ololaha ayaa sidoo kale gaaray qoysaska ku hareeraysan dugsiga, kuwaas oo lagu wacyigeliyey muhiimadda waxbarashada gabdhaha, dhiirrigelinta isqoristooda iyo ka hortagga ka-harista dugsiga.
Wacyigelintu waxay xoojisay iskaashiga dugsiga, waalidiinta iyo bulshada, si gabadh kastaa u hesho waxbarasho ammaan ah, joogto ah oo tayo leh.
“Waxbarashada gabadhu waa maalgashi lagu dhisayo qoys aqoon leh, bulsho horumarsan iyo mustaqbal ifaya.”

30/08/2026

U diyaar garow dib ugu soo noqoshada dugsiga, adiga oo mar walba ku dadaalaya anshaxa, waxbarashada ka hor.

27/08/2026

Fadlan arday si fiican u eeg dharka saxda ee uniform dugsiga sare, lama ogola midabbada kale ee u eg uniformka.

18/08/2026

09/08/2026

Hambalyo dhamaan ardayda gobolka Banaadir ee ku guuleystay imtixaanka fasalka 8aad (2025-2026) gaar ahaan ardayda dugsiga Cali Xuseen oo ku guuleystay inay u gudbaan dugsiga sare.

Si gaar ah waxaan ugu hambalyaynayaa ardaygeenna Axmed Ibraahim Maxamuud Mooge oo kaalinta 1aad u galay ardayda dugsiga ee u fariisatay imtixaankaas.

03/08/2026

Maamulka sare ee dugsiga waxa uu hambalyo u dirayaa ardayda galay kaalmaha 5aad, 6aad, 7aad, 8aad, 9aad iyo 10aad dhamaan ardayda labada gelin ee dugsiga, sanad dugsiyeedka 2025/2026.

HAMBALYO DHAMAAN