Omar Abdulkadir Ahmedfiqi for president

Waxa Soomaaliya maanta ka maqan ma aha dad iyo dhaqaale toona, balse waxa ka maqan hoggaan sax ah oo daacad u ah shacabka iyo dalka.

Waxaan aaminsanahay in horumarka iyo xasilloonida lagu gaari karo oo keliya marka awoodda dalka la wadaago, isla markaana shacabka loo dhaweeyo go'aan gaarista iyo maamulka.

Xukunka iyo adeegyada dowladda waa in aan lagu koobnayn xarumaha dhexe oo keliya; waa in muwaadin kasta uu dareemo inuu qayb ka yahay dowladnimada. Awood-qaybsi caddaalad ah iyo maamul loo dhoweeyo dadka ayaa ah furaha lagu dhisi karo Soomaaliya mideysan, dimuqraadi ah, oo horumar gaarta.

Waa nasiib darro weyn in dowladda waqtigeedu dhammaaday ay weli sii waddo boobka iyo ku takri-falka dhulka shacabka Soomaaliyeed.

Waxaan si adag u cambaareyneynaa falalkan sharci darrada ah ee lagu dhacayo hantida ummadda, kuwaas oo dhaawacaya kalsoonida shacabka iyo cadaaladda dalka.

Dhulka Soomaaliyeed waa hanti qaran oo ay leeyihiin shacabka, mana aqbali doonno in dano gaar ah lagu boobo xuquuqda muwaadiniinta.

Laga bilaabo 15-ka May wixii ka dambeeya, mowqifkeennu waa mid cad oo aan leexleexad lahayn.
Aniga ahaan, ma aqoonsanin Xasan Sheekh Maxamuud inuu yahay Madaxweyne si rasmi ah u matala rabitaanka shacabka, waxaana u aragnaa inuu la mid yahay muwaadin kasta oo Soomaaliyeed.

Waddankeena, waxaad wada ogtihiin xaaladda siyaasadeed ee ka jirta—kala fogaanshaha siyaasadeed iyo kala qeybsanaanta sii xoogeysaneysa. Waa arrin si dhab ah u taabaneysa mustaqbalka dalkeenna iyo midnimada ummadda.

Maanta, waxa inoo bannaan ma aha in aan sii kala fogaanno, balse waa in aan raadinnaa waddo mideysa shacabka iyo hoggaan ku dhisan wada-tashi, is-ixtiraam, iyo aragti fog

Run ahaantii, damac shaqsiyeed iyo rabitaanka gaar ahaaneed ee hoggaamiya maanta jooga laguma sii heshiin karo—waxayna khatar ku yihiin midnimada iyo mustaqbalka dalkeenna.

Marka hoggaanka uu noqdo mid ku dhisan dano gaar ah, waxaa meesha ka baxa kalsoonidii shacabka iyo rajadii horumar.