This is an archive of 9th President of Federal Republic of Somalia H.E. Mohamed Abdullahi Farmaajo.
15/05/2022
Madaxweynaha JFS Mudane Maxamed Cabdullaahi Farmaajo oo ku sugan gudaha hoolka Xarunta Afisyooni oo ay doorashada Madaxweynuhu ka socoto. Waa Ilaahay mahaddii in ay maanta soo gabagaboobayaan doorashooyinkii dalku, taasoo halkaas maanta ku soo gaartey tanaasulaadkii iyo hoggaaminta suubban ee Madaxweyne Farmaajo. Guusha shacabku waa Isbeddel Doonka Socda oo guulaysta.
Geesiyaasha Xoogga Dalka Soomaaliyeed mar kale ayey dib u soo noqdeen, iyagoo maanta ku hubaysan daljacayl, anshax wanaagsan, tayo iyo tababar sarreeya.
Maanta waa cududda hoggaaminaysa qorsheyaasha difaaca dalka iyo dagaalka ka dhanka ah argagixisada.
Si shacabka Soomaaliyeed ay ugu noolaadaan nabad iyo xasillooni waarta, dalkeenna looga difaaco cadowga gudaha iyo kan dibadda, Dowladda uu hoggaamiye Madaxweyne Farmaajo waxa ay mudnaanta koowaad siisay dib-u-dhiska Ciidamadeenna Qalabka Sida, iyada oo lagu guulaystay dejinta iyo hirgelinta Qorshaha Amniga Qaranka, Dib-u-habeynta iyo diiwaan gelinta ciidamada, hindisaha Sharciyada Ciidamada Qalabka Sida, dib-u-dhiska xarumaha hay’adaha amniga, joogteynta mushaharka iyo daryeelka ciidamada, tababarrada iyo tayeynta ciidamada, meel marinta Qorshaha La wareegidda Amniga Dalka iyo qodobbo kale oo aasaas u ah amniga dalka iyo dhismaha ciidamadeenna geesiyaasha ah.
13/05/2022
Daahfurka Buugga Isbeddel Doonka Socda ee waxqabadka Madaxweyne Farmaajo oo caawa ku qabsoomay caasimadda Muqdisho. taageereyaasha Isbeddel Doonka Socda ayaa safaf ugu jira qaadashada buugga.
Dhallinyaro Soomaaliyeed oo caawa safaf ugu jira qaadasha buugga Isbeddel Doonka Socda, ee waxqabadka iyo guulaha uu Madaxweyna Farmaajo, 5-tii sannadood ee la soo dhaafay, ka xaqiijiyey horumarinta dalka iyo dadka Soomaaliyeed.
Cabdullaahi Cali Muudeey iyo kumannaanka la jaalka ah ee ka fa'iideystay Waxbrashada bilaashka ah ee aan dib u soo celinnay, waxay ka marag kacaysaa sida ay nooga go'an tahay in aan dib u soo celinno dhammaan Adeegyada aas-aasiga ah ee Dowladdi ay ku horumariso dadkeeda.
Hiigsigeennu waa in ay Waxbarasho bilaash ah oo tayo leh ay helaan Ubadkeennu.
13/05/2022
Waxaa lagu guulaystay in dhammaan hantida Qaranka laga diiwaan geliyo Diwaanka Qaranka Ee Wasaaradda Maaliyadda, si looga hortago musuqmaasuqa, lunsiga iyo ku tagrifalka hantida qaranka.
Dhallinyaradu waa cududda dalkeenna, haddii la jiheeyo waxay isbeddel dhab ah ku keeni karaan dib-u-dhiska dalka iyo taabbo galka dowladnimadeenna. Dowladda uu hoggaaminayey Madaxweyne Maxamed Cabdullaahi Farmaajo, waxa ay sannadihii la soo dhaafay xoogga saartay awoodsiinta dhalliyarada ee dhinacyada ka qayb galka siyaasadda, arrimaha bulshada iyo hoggaaminta, waxaana inta badan xafiisyada ugu muhiimsan dowladda, sida Garsoorka, Xukuumadda iyo Ciidammada Qalabka Sida, hormuud ka ah dhallinyaro lagu xushay hufnaan, karti iyo aqoon.
13/05/2022
Qaar ka mid ah ballanqaadyada Madaxweyne Maxamed Cabdullaahi Farmaajo ee afarta sano ee soo socta.
13/05/2022
La dagaallanka musuqmaasuqu waa mid ka mid ah mabaadi'da asaasiga ah ee hortebinta u leh Madaxweyne Maxamed Cabdullaahi Farmaajo, isaga oo dadaal weyn ku bixiyey sidii xididdada loogu siibi lahaa musuqmaasuqa ragaadiyey dalkeenna.
Ra'iisul Wasaarihii h**e ee dalka Mudane Cali Maxamed Geeddi, ayaa tusaaleyaal nool nool ka bixiyey farqiga u dhexeeya Isbeddel Doonka Socda oo ay ummadda Soomaaliyeed doonayso iyo Isbeddel Doonka Fadhiidka ee la soo tijaabiyey, laguna guul daraystay.