Mohamed Abdikadir Nur - Mooshin

إنا لله وإنا إليه راجعون.

Waxaan si tiiraanyo leh uga tacsiyeynayaa geerida Alle ha u naxariistee Ganacsade Maxamed Faarax Siyaad (Jiis), anigoo la qaybsanaya murugada qoyska, ehelka, asxaabta iyo guud ahaan Umadda Soomaaliyeed

Marxuumku wuxuu ka mid ahaa dadka wax ku biiriyey koboca dhaqaalaha iyo garab istaagga bulshadiisa.

Alle jannadii haka waraabiyo, samir iyo iimaan hana ka siiyo dhammaan intii uu ka baxay.

Mohamed Abdikadir Nur - Mooshin
Xafiiska Taliye Ku Xigeenka Boliiska Gobolka Banaadir

Hambalyo Ciid Mubaarak dhammaan Shacabka Soomaaliyeed, Alle ha inaga aqbalo cibaadadii hana ka dhigo Ciiddaan mid farxad, nabad iyo barwaaqo ku dheehan tahay.

Mohamed Abdikadir Nur - Mooshin
Xafiiska Taliye Ku Xigeenka Boliiska Gobolka Banaadir

Galabta waxaan ka qeyb galay madal lagu maamuusayay halganka, naf-hurka iyo guulaha Ciidamada Qaranka Soomaaliyeed. Madashan waxaa lagu xusay doorka geesiyaasha naftooda u huray difaaca dalka, waxaana si gaar ah loogu duceeyay shuhadadii ku shahiiday dagaallada lagu sugayo amniga iyo xasilloonida Soomaaliya.

Sidoo kale waxaa lagu bogaadiyay dadaalka iyo guulaha ay ciidamadu ka gaareen howl-gallada lagu xaqiijinayo nabadda, iyadoo lagu dhiirrigeliyay in la sii xoojiyo wadajirka, geesinimada iyo u heellanaanta waajibaadka qaran ee saaran ciidamada.

Madashu waxay ahayd mid muujisay qiimaha iyo karaamada askariga Soomaaliyeed, iyo sida ay shacabka iyo dowladda uga go’an tahay garab istaagga iyo taageerada ciidamadooda.

𝙂/𝘿𝙝𝙚𝙭𝙚 𝙈𝙤𝙝𝙖𝙢𝙚𝙙 𝘼𝙗𝙙𝙞𝙠𝙖𝙙𝙞𝙧 𝙉𝙤𝙧 - 𝙈𝙤𝙤𝙨𝙝𝙞𝙣
Taliye Ku Xigeenka Qeybta Guud Boliiska Gobolka Banaadir

رمضان كريم 🌙
كل عام وأنتم بخير

Waxaan hambalyo u dirayaa dhammaan Umadda Muslimka ah, gaar ahaan Shacabka Soomaaliyeed, curashada Bisha barakeysan ee Ramadaan awgeed.

Waxaan Alle uga baryayaa in uu inaga aqbalo soonka iyo cibaadada, dalkeenna iyo dadkeenna ku gallado nabad iyo barwaaqo.

G/Dhexe Mohamed Abdikadir Nur - Mooshin
Xafiiska Taliye Ku Xigeenka Boliiska Gobolka Banaadir

𝐇𝐚𝐦𝐛𝐚𝐥𝐲𝐨 𝐂𝐢𝐢𝐝𝐚𝐧𝐤𝐚 𝐁𝐨𝐨𝐥𝐢𝐬𝐤𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝

Hambalyo Ciidanka Booliska Soomaaliyeed oo u dabaal dagaya sanad-guuradii 82aad. Waxaan bogaadinayaa geesinimada, dadaalka, iyo u heellanka sarreeyayaasha, saraakiisha, alifleyda, iyo dablayda ciidanka, kuwaas oo si hagar la’aan ah ugu adeegaya amniga iyo ilaalinta sharciga shacabka Soomaaliyeed.

Waxaan u rajaynayaa in Eebbe naxariistiisa janno ka waraabiyo kuwii ku geeriyooday, kuwa ku dhaawacmayna uu siiyo caafimaad iyo soo kabasho degdeg ah.

Hambalyo mar kale Ciidanka Booliska Soomaaliyeed – dadaalkiina iyo geesinadiina waa astaan sharaf iyo kalsooni loogu qabo dalka.

𝑮/𝑫𝒉𝒆𝒙𝒆 Mohamed Abdikadir Nur - Mooshin
Taliye Ku-xigeenka Qeybta Guud, Gobolka Banaadir

Waxaan hambalyo iyo bogaadin u dirayaa walaashey, Xildhibaan Ilham Ali Gasar, oo loo doortay inay Soomaaliya ku matasho xubinnimada Xildhibaanada Bulshada Bariga Afrika (EALA).

Mohamed Abdikadir Nur - Mooshin

Hambalyo Maalinta Calanka Soomaaliyeed! 🇸🇴

Maanta oo ay tahay 12-ka October, waxaan si sharaf leh u xusayaa Maalinta Calanka Soomaaliyeed, oo ah maalin astaan u ah midnimada, halgankii xorriyadda, iyo sharafka qarankeena. Calankeenna buluugga ah ee xiddigta cad leh wuxuu muujinayaa nabadda, rajada, iyo isku duubnida shacbiga Soomaaliyeed.

Waxaan hambalyo iyo bogaadin gaar ah u dirayaa Ciidammada Qalabka Sida ee dalka, kuwaas oo geesinimo iyo daacadnimo ku difaacaya calankeena iyo qarankeena. Intii u dhimatay Alle ha u naxariisto, kuwa difaaca u taaganna Eebbe ha guuleeyo.

Ummadda Soomaaliyeed ayaan ku boorinayaa inay ka shaqeeyaan midnimo, wadajir, iyo ilaalinta qarankeena, si calankeenna uu mar walba u ahaado astaanta sharaf, rajo iyo isku xirnaan qaran.

Ha ku faano calankaaga, ha xasuuso halgankii iyo geesinimadii jiilashii h**e, hana u midoobo midnimada Soomaaliyeed!



– Taliye Ku-Xigeenka Qeybta Guud, Boliiska Gobolka Banaadir, G/Dhexe, Mohamed Abdikadir Nur - Mooshin

𝐌𝐮𝐪𝐝𝐢𝐬𝐡𝐨, 𝟎𝟗 𝐀𝐮𝐠 𝟐𝟎𝟐𝟓

“𝐒𝐡𝐢𝐫 𝐋𝐚𝐠𝐮 𝐗𝐨𝐨𝐣𝐢𝐧𝐚𝐲𝐨 𝐖𝐚𝐝𝐚 𝐒𝐡𝐚𝐪𝐞𝐲𝐧𝐭𝐚 𝐁𝐨𝐨𝐥𝐢𝐬𝐤𝐚 & 𝐌𝐚𝐚𝐦𝐮𝐥𝐤𝐚 𝐆𝐨𝐛𝐨𝐥𝐤𝐚 𝐁𝐚𝐧𝐚𝐚𝐝𝐢𝐫”

Waxaan caawa ka qeyb galay shir lagu xoojinayo wada shaqeynta Booliska iyo Maamulka Gobolka Banaadir. Shirkan oo looga hadlay qodobo ay ka mid yihiin:

• Xoojinta amniga caasimadda
• Yareynta jaamka magaalada
• Ciribtirka daroogada
• Mideynta qorshayaasha lagu xaqiijinayo xasilloonida iyo horumarka

Shirkan ayaa si guul leh noogu soo dhammaaday, waxaana shacabka Soomaaliyeed ee caasimadda ku dhaqan ka codsanaynaa inay dhammaan howlaha baaxadda leh nagu garab istaagaan.

Mohamed Abdikadir Nur - Mooshin
Taliye Ku Xigeenka Taliska Qeybta Guud Boliiska G.Banaadir