Wasaaradda Hawlaha Guud, Dib u dhiska & Guriyeynta -Soomaaliya

𝐃𝐎𝐖𝐋𝐀𝐃𝐃𝐀 𝐅𝐄𝐃𝐄𝐑𝐀𝐀𝐋𝐊𝐀 𝐒𝐎𝐎𝐌𝐀𝐀𝐋𝐈𝐘𝐀 𝐎𝐎 𝐇𝐈𝐑𝐆𝐄𝐋𝐈𝐍𝐀𝐘𝐒𝐀 𝐐𝐎𝐑𝐒𝐇𝐄 𝐋𝐀𝐆𝐔 𝐃𝐇𝐈𝐒𝐀𝐘𝐎 𝟏𝟐,𝟎𝟎𝟎 𝐎𝐎 𝐆𝐔𝐑𝐈 𝐎𝐎 𝐋𝐎𝐎𝐆𝐔 𝐓𝐀𝐋𝐎 𝐆𝐀𝐋𝐀𝐘 𝐒𝐇𝐀𝐂𝐀𝐁𝐊𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃

𝙈𝙐𝙌𝘿𝙄𝙎𝙃𝙊 | -𝟬𝟴 - 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska & Guriyeynta ee XFS, Mudane Xildhibaan Ayub Ismail Yusuf , oo Shir Jaraa’id ku qabtay magaalada Muqdisho, ayaa shaaca ka qaaday qorshe weyn oo dowladda Soomaaliya ay ku hirgelinayso guryo ballaaran oo loogu talagalay shacabka Soomaaliyeed.

Wasiirku wuxuu sheegay in Dowladda Soomaaliya ay dhisi doonto 12,000 oo guri, kuwaas oo ka faa’iideysan doona ku dhowaad 80,000 oo qof. Wuxuu intaa ku daray in dhulka iyo dhismaha ay bixinayso dowladdu, isla markaana laga hirgelin doono guryo dabaqadda dhexe ah oo ay ku jiri doonaan adeegyo muhiim ah sida dugsiyo, masaajiddo, garoomo iyo xarumo ganacsi.

Sidoo kale, Wasiirku wuxuu xusay in ay jirto qorshe ballaaran oo ay dowladdu wado, kaas oo lagu doonayo in guryo lagu siiyo tiro badan oo ka mid ah shacabka Soomaaliyeed.

Ugu dambayn, Wasaaradda Hawlaha Guud, Dib-u-dhiska & Guriyeynta XFS waxay xaqiijisay inay si buuxda uga go’an tahay fulinta siyaasadda qaran ee Xukuumadda Federaalka Soomaaliya.
-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Wasaaradda Hawlaha Guud, Dib u dhiska & Guriyeynta -Soomaaliya
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐈𝐘𝐎 𝐈𝐎𝐌 𝐎𝐎 𝐗𝐎𝐎𝐉𝐈𝐘𝐀𝐘 𝐖𝐀𝐃𝐀-𝐒𝐇𝐀𝐐𝐀𝐘𝐍𝐓𝐀 𝐃𝐈𝐁-𝐔-𝐃𝐇𝐈𝐒𝐊𝐀 𝐈𝐘𝐎 𝐃𝐈𝐁-𝐔-𝐃𝐄𝐉𝐈𝐍𝐓𝐀

𝙈𝙐𝙌𝘿𝙄𝙎𝙃𝙊 | - 𝟬𝟲- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta XFS, Mudane Xildhibaan Ayub Ismail Yusuf , ayaa kulan muhiim ah la yeeshay madaxda International Organization for Migration (IOM) ee Soomaaliya, kaas oo lagu xoojiyay iskaashiga ku aaddan mashaariicda horumarinta iyo dib-u-dejinta barakacayaasha.

Kulanka ayaa diiradda lagu saaray dardargelinta wada-shaqaynta labada dhinac, gaar ahaan dhinacyada horumarinta kaabayaasha dhaqaalaha, xoojinta adkeysiga bulshada, iyo dib-u-dejinta dadka gudaha ku barakacay.

Wasiirka ayaa sheegay in dowladda Soomaaliya ay diyaarisay dhulal loogu talagalay dib-u-dejinta barakacayaasha, kuwaas oo leh adeegyo aasaasi ah oo dhamaystiran. Waxa uu sidoo kale xusay qorshayaal lagu dhisayo xarumo lagu barto farsamooyinka gacanta si bulshada loogu abuuro fursado shaqo iyo nolol-maalmeed waara.

Madaxda IOM Mudane Manuel Marques Pereira ayaa dhankooda muujiyay diyaar garow buuxa oo ay ku taageerayaan qorshayaasha Wasaaradda, iyagoo xusay inay kaalin muuqata ka qaadan doonaan hirgelinta mashaariicda dib-u-dejinta iyo horumarinta bulshada.

Intii kulanka socday, waxaa sidoo kale laga wada hadlay mashaariicda ay IOM ka waddo dalka sida Daris-Wacan, Saameynta, iyo Resilience, kuwaas oo door muhiim ah ka qaata horumarinta bulshada Soomaaliyeed.

Wasaaradda Hawlaha Guud, Dib u dhiska XFS waxa ka go’an hoggaaminta hindisayaal wax ku ool ah oo sare u qaadaya horumarka iyo dib-u-dejinta barakacayaasha
Soomaaliya, iyadoo la adkaynayo muhiimadda ay leedahay wada-shaqaynta joogtada ah oo horseedda horumar muuqda oo dalku gaaro.



-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐇𝐀𝐌𝐁𝐀𝐋𝐘𝐎 𝐔 𝐃𝐈𝐑𝐀𝐘 𝐒𝐇𝐀𝐐𝐀𝐀𝐋𝐀𝐇𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃

𝙈𝙐𝙌𝘿𝙄𝙎𝙃𝙊 | - 𝟬𝟏 - 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib u dhiska & Guriyeynta XFS mudane Xildhibaan Ayub Ismail Yusuf ayaa dhambaal hambalyo iyo bogaadin ah u diray dhammaan shaqaalaha Soomaaliyeed, munaasabadda Maalinta Shaqaalaha Adduunka oo ku beegan 1-da May.

Maalintan oo ah mid si weyn loogu dabaaldego guud ahaan caalamka, waxay si gaar ah fursad ugu tahay in aan qadarin iyo mahadnaq ballaaran u muujinno shaqaalaha Soomaaliyeed ee si hagar la’aan ah ugu taagan horumarinta dalka iyo u adeegidda dadweynaha.

Munaasabaddan qiimaha badan waxa ay xasuus u tahay doorka lama huraanka ah ee shaqaaluhu ku leeyihiin dhismaha dowladnimada, koboca dhaqaalaha, iyo dhisidda bulsho adkaysi leh oo horumarsan. Shaqaaluhu waa laf-dhabarta ummad kasta, waana tiirka ay ku dhisan tahay horumarka iyo barwaaqada.

" Waxaan dhammaan Shaqaalaha Soomaaliyeed u rajaynayaa caafimaad, nabad, horumar joogto ah iyo in uu dadaalkoodu miro-dhal wanaagsan keeno". Ayub Ismail Yusuf. Wasiirka Wasaaradda Hawlaha Guud, Dib-u-dhiska & Guriyeynta Dowladda Federaalka Soomaaliya .

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑 𝐀𝐘𝐔𝐁 𝐈𝐒𝐌𝐀𝐈𝐋 𝐎𝐎 𝐊𝐀 𝐐𝐀𝐘𝐁𝐆𝐀𝐋𝐀𝐘 𝐃𝐀𝐇𝐀𝐅𝐔𝐑𝐊𝐀 𝐌𝐀𝐒𝐇𝐑𝐔𝐔𝐂𝐀 𝐁𝐔𝐋𝐒𝐇𝐎 𝐎𝐎 𝐋𝐀𝐆𝐔 𝐗𝐎𝐎𝐉𝐈𝐍𝐀𝐘𝐎 𝐍𝐀𝐁𝐀𝐃𝐃𝐀 𝐈𝐘𝐎 𝐌𝐀𝐀𝐌𝐔𝐋𝐊𝐀 𝐋𝐎𝐎 𝐃𝐇𝐀𝐍 𝐘𝐀𝐇𝐀𝐘

𝙈𝙐𝙌𝘿𝙄𝙎𝙃𝙊 | 𝟮𝟳- 𝗔𝗽𝗿𝗶𝗹 - 𝟮𝟬𝟮𝟲 - Wasiirka Wasaaradda Hawlaha Guud, Dib u dhiska & Guriyeynta XFS mudane Xildhibaan Ayub Ismail Yusuf ayaa ka qaybgalay furitaanka Mashruuca Bulsho, iyada Sidoo kale ay ka qeybgaleen Wasiiradda Xukuumadaha heer Federaalka ah iyo heer dowlad goboleed iyo guud ahaan daneeyeyaasha mashruuca.

Wasiir Ayub ayaa tilmaamay in mashruucu uu yahay barnaamij si qoto dheer ugu wajahan dhismaha nabadda, isaga oo diiradda saaraya wax ka qabashada sababaha asaasiga ah ee khilaafaadka, xoojinta isku xirnaanta bulshada, iyo kobcinta aqoonsi qaran oo wadajir ah, iyada oo loo marayo hannaan muddo dheer ah oo dalka gudihiisa laga hoggaaminayo.

Maamulaha World Bank ee Soomaaliya, Hideki Mori, ayaa isaguna sheegay in Mashruuca Bulsho uu yahay hindise muhiim ah oo dardar gelinaya nidaamka maamul-dejinta (decentralization), xoojinaya hay’adaha dowladaha hoose, isla markaana dib u dhisaya kalsoonida u dhexeysa shacabka iyo dowladda ee Dowlad-goboleedyada xubnaha ka ah Federaalka.

Mashruuca Bulsho oo lagu fulinayo iskaashi lala leeyahay World Bank Group, waxa uu xoojinayaa xiriirka bulshada iyo dowladda, isaga oo ballaarinaya qorsheynta ka qaybgalka leh iyo gaarsiinta adeegyada ilaa heer degmo, isla markaana horumarinaya maamul loo dhan yahay, adkaysi, iyo natiijooyin horumarineed oo waara.

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑 𝐀𝐘𝐔𝐁 𝐈𝐒𝐌𝐀𝐈𝐋 𝐎𝐎 𝐊𝐀 𝐐𝐀𝐘𝐁 𝐆𝐀𝐋𝐀𝐘 𝐃𝐀𝐇𝐀𝐅𝐔𝐑𝐊𝐀 𝐌𝐀𝐒𝐇𝐑𝐔𝐔𝐂 𝟏,𝟕𝟎𝟎 𝐆𝐔𝐑𝐈 𝐋𝐎𝐎 𝐃𝐇𝐈𝐒𝐀𝐘𝐎 𝐁𝐀𝐑𝐀𝐊𝐀𝐂𝐀𝐘𝐀𝐀𝐒𝐇𝐀 𝐈𝐘𝐎 𝐀𝐃𝐄𝐄𝐆𝐘𝐎 𝐀𝐀𝐒𝐀𝐀𝐒𝐈 𝐀𝐇

𝙈𝙐𝙌𝘿𝙄𝙎𝙃𝙊 | 𝟮𝟯- 𝗔𝗽𝗿𝗶𝗹 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta mudane Ayub Ismail Yusuf ayaa ka qayb gashay furitaanka mashruuca “Strengthening Urban Resilience of Displaced Communities in Doolow (SURDHT)”, oo uu daahfuray Ra’iisul Wasaaraha Jamhuuriyadda Federaalka Soomaaliya, isla markaana uu maalgelinayo Bangiga Horumarinta Afrika (AfDB).

Mashruucan ayaa lagu dhisayaa 1,700 guri oo loogu talagalay dadka barakacayaasha (IDPs), iyadoo sidoo kale la horumarinayo adeegyada aasaasiga ah sida biyaha, waxbarashada, iyo nolol-maalmeedka bulshada.

Ra’iisul Wasaaraha JFS mudane Xamse Cabdi Barre ayaa sheegay in mashruucan uu diiradda saarayo hagaajinta nolosha iyo xoojinta is-dhexgalka bulshooyinka barakacayaasha iyo kuwa martigeliya, isaga oo xusay in uu qayb weyn ka qaadan doono xoojinta nabadda, amniga, iyo kobaca dhaqaale ee dalka.

Mashruucu wuxuu qayb ka yahay hirgelinta Qorshaha Isbeddelka Qaranka (NTP), isagoo gacan ka geysanaya dhismaha bulshooyin adkaysi leh oo waara.

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑 𝐀𝐘𝐔𝐔𝐁 𝐈𝐒𝐌𝐀𝐀𝐂𝐈𝐈𝐋 𝐎𝐎 𝐒𝐇𝐈𝐑 𝐆𝐔𝐃𝐃𝐎𝐎𝐌𝐈𝐘𝐀𝐘 𝐊𝐔𝐋𝐀𝐍 𝐋𝐎𝐎𝐆𝐀 𝐀𝐑𝐑𝐈𝐍𝐒𝐀𝐍𝐀𝐘𝐎 𝐆𝐎’𝐈𝐓𝐀𝐀𝐍𝐊𝐀 𝐁𝐔𝐔𝐍𝐃𝐎𝐎𝐘𝐈𝐍𝐊𝐀 𝐒𝐀𝐁𝐈𝐈𝐁 𝐈𝐘𝐎 𝐁𝐀𝐑𝐈𝐈𝐑𝐄

𝙈𝙐𝙌𝘿𝙄𝙎𝙃𝙊 | 𝟭𝟴 - 𝗔𝗽𝗿𝗶𝗹 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta ee Jamhuuriyadda Federaalka Soomaaliya, Mudane Xildhibaan Ayub Ismail Yusuf , ayaa shir-guddoomiyay kulan muhiim ah oo dhex maray Wasaaradda Hawlaha Guud iyo Wasaaradda Beeraha iyo Waraabka. Kulankan ayaa diiradda lagu saaray saameynta ka dhalatay go’itaanka buundooyinka Sabiib iyo Bariire, kuwaas oo si weyn u saameeyay isu socodka gaadiidka iyo ganacsiga u dhexeeya deegaanadaas iyo goobaha kale ee wax-soo-saarka beeraha.

Kulanka waxaa Wasiirka ku wehlinayay Wasiir Ku-xigeenka Wasaaradda, Mudane Maxamed Xuseen Gaaraxo, Agaasimaha Guud Mudane Faarax Cabdinuur Axmed, la-taliyayaal iyo madaxda mashaariicda ee Wasaaradda hoos timaada.

Dhanka kale, kulanka waxaa ka qayb galay Wasiirka Wasaaradda Beeraha iyo Waraabka, Mudane Xildhibaan Maxamed Xayri Maareeye, iyo Agaasimaha Guud ee Wasaaraddaas, kuwaas oo si faahfaahsan uga warbixiyay caqabadaha jira. Waxay tilmaameen in go’itaanka buundooyinka buundooyinka Sabiib iyo Bariire ay xaalad adag ku keeneen isu socodka gaadiidka iyo nolosha beeraleyda.

Kulankan oo ahaa mid hordhac ah, ayaa inta badan diiradda lagu saaray diyaarinta ajendaha kulan ballaaran oo la filayo in ay ka qayb galaan Wasaaradaha Beeraha, Gaashaandhigga, Hawlaha Guud, Dib-u-dhiska iyo Guriyeynta, Rugta Ganacsiga iyo SODMA.
-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘 Facebook.com/mopwrh
🐦 Twitter:
🎵 Tiktok: tiktok.com/