Dr. Mohamed Jimale

05/09/2026

01/09/2026

إِنَّا لِلَّٰهِ وَإِنَّا إِلَيْهِ رَاجِعُونَ

Waxaa Maanta I soo gaartay geerida Abtigey Maxamed Ahmed Daameey oo saakay oo Isniin ahayd taariikhduna ay ahayd 31.8.2026 ku geeriyooday magaalada Nairobi ee Kenya. Abti Maxamed ayaa in muddo ah ku xanuunsanaa magaalada Nairobi. Abti Maxamed Allaha u naxariisto Allana waqtigii uu xanuunsanaa dembi dhaaf ha uga dhigo. Allaha u naxariisto eheladiisii iyo ilmihiisina samir iyo iimaan.

10/06/2026

Madaxweyne Farmaajo waa nin qaran uu ka maqan yahay ee maaha nin qabiil ka maqan yahay. Raadi waxay ku caddahay soo yaalkiisa madaxtinimo ee dalka oo uu Raiisul wasaare iyo Madaxweyne labadaba ka soo noqday. Waa madaxweyne shacab (people’s president) oo dadku qaar ahaan dhallinyarada iyo dadka aan lacagta lahayni ay aad u jecel yihiin. Waa madaxweynaha Kali ah ee miiska dhigay madaxweynenimadiisa si uu u soo celiyo “reer Waqooyi” (Somaliland) kuna ha naga teginina oo soo noqda, madaxweynaha iyo Caasimaddaba dalka Soomaaliyeed qaata.
Khudbooyinkii madaxweyne Xassan Sheikh markii uu raadinayey madaxweynennimada uu hadda hayo waxaa laga diiwaan Helier “Soomaali Waddan Shisheeye u cararaya haddaad aragto, Soomali kale ayuu ka cararayaa”. Reer Woqooyi madaxdii dalkaan soo martay, marka laga reebo Farmaajo, walaal kaa carooday mudnaantuu lahaa marna ma siin. Waxay ula dhaqmeen si ah “kuna sii deynmeynno sheegashadaadana waxba ka qaban meynno”. Arrinkaas waxaa markhaati ka ah oo ummadda horteeda ka dheegay Cabdikarim Hussein Guuleed oo Madaxweyne Xassan Sheikh h**e ugu magacaabay u qaybsanaha madaxweynaha ee arrimaha Soomaaliland.
Maxamed Cabdullahi Farmajo isaga ayaa isu xilsaaray in arrinka midnimada u garabka u rito. Maadaama nin dawladnimada aad u yaqaan yahayna wuxuu iska ilaaliye in hoostiisa laga adeegto.
Madaxweyne Xassan sidii Adeerkiis Aden Cadde “Reer Woqooyiga u dayac ayuu labadii jeer ee uu xilka qabtay u dayacay. Waxaan rejeynayaa inuu gadaashiisa yimaado hogaamiye sidii “ Cabdirashiid Cali Sharmarke” oo markuu Aden Caade bedelay “reer Woqooyiga” u gobsooray, Maxamed Xaji Ibrahim Cigaalna Raiisul Wasaare uga dhigay.
Tixdaan gabayga ahna waa loogu abaalsheegtay oo la yiri “Ragga Magaca Weyn iyo Hartaan kaala meeldhigaye, ministeerka waa taan ka dhigay Habar Magaadlleye.
Reer Woqooyi ha la qanciyo Hana loo xilsaaro khubaro og waxa lagu diriraye ogna ha loo diro.

03/06/2026

Allaha u naxariistee Cali Mahdi wuxuu yiri: aniga iyo Walaalkeey Caydiid tol na kala qabta ayaan weynay. Muqdisho “1991 ma helin malaha dadka isugu haray markaasna laguma arag “Ahlul sharafka loo yaqaan “Ahlul Xal Wal Caqd”. Toloow maantana Muqdishu ma laga weyn soonaa waxgaradkaas.
Haddii Muqdishu dagaal magac dawlo leh laakiin “qabiileysan” uu ka dhaco sidaasna dawladdu ku dunto, Soomaaliya Xamar caasimad K**a dhigandoonto arrinkaasna Soomaalidu gar ayey u leedahay.

07/05/2026

Sharaf Gaar ah ayay ii tahay inaan ka Qaybgalo Shirka Gabagabada Mashruuca .

Jaamacadda Ummadda Soomaaliyeed

29/04/2026

Waxaan surwaal madoow oo daba Gaab ah u gashannay in dabkii iyo dambastii dagaalkii sokeeyey iyo hagardaamooyinkii ka dambeeyeya aan ka soo dhex saarno qaran awoodna u leh sugidda amniga dalka oo dhan isla markaana abuura “Cadaalad & Adeeg Bulsho oo dhameystiran”waajibaadka iyo xuquuqdana si dhab ah loogu siman yahay oo cidina aysan sad bursaneyn.

27/03/2026

Madaxda iyo Siyaasiyiinta hadda jirta ma garanayaan miyaa si xal mushkilad jirta loo doono oo aan ahayn qoray iyo Xabbad? Qolooyinka shahaaddooyinka sar sare dibadaha ka soo qaatay oo weliba luqadda Ingriiska wax ku soo baawsaday ma fahamsana miyaa in dadka Soomaaliyeed luqaddoodu tahay Soomaali mise warkaaga Waxaad ugu talagashay Ajaanib aan Soomali ahayn?
Qolooyinka tirada badan ee waxa dhacaya iska eeganaya (eegato) yey xal ka sugayaan?

19/03/2026

Beryahaan waxaa la hurinayaa colaad ka dhex aloosanta dawlad Gobaleedka Koofur Galbeed iyo Dawladda Federaalka. Walaalayaal Soomaalida siyaasadda ku jirta iyagu caqli aan ahayn oo ku muquuniyo mala miyaa?
Ugu yaraan sanad iyo bar ka hor ayaa la ogaa in ragga doonta la saaran Madaxweyne Xassan Sheikh ay ugu dambeyn marka la gaaro waqtiga doorashada ay doontaas ka boodi doonaan tii ayaana hadda dhacday. Madaxweyne dadka kugu hareereysan waa dad iney ku jaqaan mooyee xitaa aan dooneyn inaad guul gaarto, “ baadida ninbaa kula daydayi daalna kaa bada oo aan doonaheyn inaad heshana daa’in abidkaa”. Dad badan waxay ogyihiin kuwa hadda gurbaanka kuu tumaya iney qolooyinkii kalena wada hadal hoose kula jiraa. Madaxweyne maantay ciidan qaran ma haysid ee dagaal ha abaabulin. Tii Maxammed Siyaad Seegtay yey ku seegin. Ummaddu wey ku sharaftay oo laba jeer ayey madaxweyne kaa dhigtay. Xummaan ha ugu abaalgudin oo marnaba ha ka shaqeyn inuu daato dhiig Muslim oo Soomaaliyeed ah. Madaxweyne dalku wuu kala go’go’an yahay qof maantay aad xoog ku muquuni kartana ma jirto runtii ciidan kuu dagaalamayana ma jiro. Xasuuso hadalkaagii ahaa haddaad aragto nin Soomaali ah wadamada deriska ah mocking biday nin kale oo Soomaali ah ayuu ka cararayaa. Ogoow waddamada deriskeenna ah midkoodna ma doonayo inaan dhulka ka kacno ee wey isku keen soofeynayaan.Fadlan carada gadaal u liq ee oday Soomaaliyeed noqo oo usha dhulka dhig. Nabad iyo inaan dalkaani kala tegin guntiga u xiro. Xasuusnoow Cali Mahdi dawladdiisi waxay kala dirtay Xooggii Dalka oo ay tiri “Ciidamada Xoogga Dalku meelwalba oo ay joogaan ha isu dhiibaano Jabhadda meeshaas ka talisa”. Taas ayaa fududeysay in SNM ay go’id ku dhawaaqaan. Haddii aan ciidankaas la kala diri lahayn SNM kuma dhawaaqdeen gooni isu taag. Ilmahaaga taariikh xun ha uga tegin ee usha dhulkaa dhig. Dawladdaadgu dhaqaale iyo xoog ay meel walba ku muquuniso ma laha ee aan kula taliyo ee Raskambooni oo kale ha soo jiidin oo yey kugu dhicin.