Damma Wellbeing Initiative

في ناس وجعها كبير ، بس وجودنا معهن وكلمة طيبة، وضحكة صغيرة، ممكن يخففوا شوي من الحمل اللي بقلبهن ، لهيك كان عنا جلسة دعم نفسي بسيطة ودافية لذوي الشهداء، حاولنا فيها نخلق مساحة فيها أمان، مشاركة، ودفا إنساني.
اجتمعنا بحديقة عامة مع 27 سيدة و15 طفل، بجلسة جماعية مليانة تفاعل ومحبة.
شاركوا السيدات بتحضير الفتوش سوا، وكان النشاط أكثر من مجرد طبخة ، كان مساحة للحكي، والضحك، واسترجاع تفاصيل الحياة البسيطة اللي بتعطي شعور بالراحة والطمأنينة
الجو الجماعي ساعد على تعزيز التعاون، وكسر العزلة، وإعطاء إحساس بالقدرة والإنتاجية.

كمان عملنا مسابقات خفيفة وممتعة للكبار والأطفال، مليانة حركة وضحك وطاقة حلوة، والهدف منها كان إنه نخفف شوي من الضغط النفسي ونرجع نخلق لحظات فرح حقيقية.
أما الأطفال، فكان إلهن مساحة خاصة من الاهتمام والفرح، من خلال تقديم هدايا رمزية رسمت البسمة على وجوههن وخففت عنهن ولو جزء صغير من التعب اللي عايشينه .

الحمدلله كانت الأجواء دافية وعفوية، وفيها شعور بالأمان والانتماء، والكل تفاعل بمحبة وبساطة.

ومن أهم الآثار اللي لمسناها خلال الجلسة:
1- تخفيف التوتر والضغط النفسي
2- تعزيز روح الدعم والتكافل بين المشاركين
3- تحسين المزاج من خلال الأنشطة الجماعية
4- دعم الأطفال نفسيًا عبر اللعب والاهتمام
5- استرجاع جزء من الروتين الصحي والحياة الطبيعية

كل الامتنان لكل قلب شارك، ولكل ابتسامة انزرعت بهاليوم ، لأنه الدعم النفسي أحيانًا بيبدأ من جلسة بسيطة، فيها ناس بتحس ببعض بصدق.

Suwayda European Society

الصِّـحة والسَّـلامَة للجَـميع ..💙

#ضمّة

مو كل الصدمات ممكن تكون كبيرة وواضحة
في مواقف صغيرة ومتكررة وبتترك فينا أثر على المدى الطويل

الصِّـحة والسَّـلامَة للجَـميع ..💙


#ضمّة






16w

لما تنزعج من صفة موجودة بشخص
اسأل نفسك : هل ممكن تكون هي الصفة موجودة فيك
بس بشكل ما انتبهت إله سابقا ؟؟

الصِّـحة والسَّـلامَة للجَـميع ..💙


#ضمّة

التعلّق القلِق:
هو نَمط بيخلي الشـَّخص يربط قيمته بوجود الآخر .
لهيك الأشخاص اللي بيعانوا من هذا النَّمط ، بيفسروا الغياب البَسيط على إنه شـُعور بالرَّفض .
والتأخير بالرّد بيخلق عندهن قلق زائِد
والعِلاج بهي الحالة بيبدا من إعادة بناء الأمان الدَّاخلي .. بدلاً من مُلاحقة الآخر .

الصَّـحة والسَّـلامة للجَـميع 💙


#ضمّة

تحت عُنوان "دائِرة المشاعِر وتأثيرها على الصَّحة النَّفسية والجَسديّة" ، انطلقت أوَّل جَلسة من مُبادرة “فضفضة” للدعم النَّفسي للشباب، كَمساحة بَسيطة وصادِقة لنقدر نحكي فيها عن مشاعرنا بدون حُكم أو خوف، ونقرِّب أكثر من أنفسنا ومن بَعض.
بحضور 6 شَباب وشابّات، تمّ الحَديث خِلال الجَلسة عَن “دائرة المشاعِر”، وكيف فينا نميّز مشاعرنا الأساسيّة ونفهمها بشكل أعمق، وكيف كل شعور عِنا إله تأثير مُباشر على صحتنا النَّفسية والجسديّة.
وتم التّوضيح كيف جسمنا أحياناً بيحكي، وكيف التّوتر أو الحُزن أو القلق ممكن يبينوا على شكل أعراض جسديّة مختلفة.
الجَلسة كانت حوارية وتفاعُلية بشكل كبير، والهَدف منها كان إنّه كل شَخص يحس بالأمان ويقدَر يحكي عن تجربته ومشاعره براحة.
كان في مَساحة مفتوحة للنقاش وتبادُل الآراء، وهالشّي ساعَد بخَلق جو إيجابي وداعِم بين الجَميع
تخلّلت الجَلسة مَجموعة من الألعاب والتَّمارين البَسيطة، اللي كان إلها دور مُهم بكسر التّوتر والجُمود بين المُشاركين وزيادة الوَعي بالمشاعِر الدَّاخلية ، بالإضافة لتعزيز مَهارات التَّعبير والتَّواصُل بطريقة أسهَل وأخف.

كانت الجَلسة الأولى بداية جَميلة وموفّقة لمُبادَرة “فَضفَضة”، وخلَقَت أساس مُهم لمساحة آمنة مُمكن نبني عَليها الجَلسات .

الصَّـحة والسَّـلامة للجَـميع 💙

Suwayda European Society


#ضمّة

في ليالي بتضّل مَحفورة بالقلب ، مو لأنه فيها ضَجيج، بالعَكس لأنه فيها صَمت مليان إحساس.
مبادرة إضاءة الشّموع على أرواح الشُّهداء كانت أكثر من مجرَّد وقفة ، كانت لَحظة حُب، وفاء، ودعاء طالع من القلب.
الأجواء كانت هادِئة بشكل بيوجّع وبيطمّن بنفس الوقت .
نور الشّموع الصّغير كان كأنه عم يحكي عن أرواح كبيرة ما غابت عن البال ولا عن الدُّعاء.

فريق "ضَـمَّة" للدعم النَّفسي كان حاضِر بكل تفاصيل المُبادرة، من التَّرتيب للكلمات للمشاعِر اللي كانت واضحة بعيون الكل.
دفا النَّاس، صوت الدُّعاء الخافِت، ولمعة الشّموع بالمكان ، كل شي كان مَليان إنسانيّة ورحمة.

الله يرحم جَميع الشُّهداء ويجعل نورهن باقي بقلوبنا للأبَد وكل الشُّكر للأهالي اللي شاركونا بهالمُبادرة اللي لمسَت قلوب الكل وقدرت تخلق لحظة سَلام ومحبة ما بتنتسى.

الصَّـحة و السَّـلامة للجمـيع 💙

Suwayda European Society


#ضمّة

التنظيم العاطفي ما بيعني إنك ما تزعل
وإنما بيعني إنك تعرف كيف تهدّي حالك بدل ما تتهرب أو تنفجر.

الصَّـحة والسَّـلامة للجَـميع 💙


#ضمّة

في أيام بيصير الصّمت فيها أبلغ من الحَكي، وبتحكي القلوب بكل وجعها ومحبتها.
بهاليوم، رح نوقف فريق "ضَـمَّة" مع فريق "من القلب للقلب" بكل احترام ووفاء قدّام ذكرى الشهداء اللي غابوا عَن عيوننا، لكن ظلّوا ساكنين بقلوبنا وذكراهن ما بتغيب.

إحياءً لذكرى الشهداء، عَم يطلق فريق "ضَـمَّة" للدَعم النَّفسي وقفة لإضاءة الشُّموع، لتكون كل شمعة رسالة حُب ووفاء، ونور صغير بيحمل دُعاء كبير، وذكرى لروح تركت أثر ما بينتسى.

هي وقفة إنسانيّة صادقة، منجتمع فيها سوا على المَحبّة، ومنشارِك مشاعرنا بصَمت دافي، ومنأكّد إنو اللي رحلوا بيبقوا مَعنا بذكراهن الطّيبة وبالأثر الحلو اللي تركوه.

منحب ندعي الجميع يشارِك معنا بهاللحظة، لنضوّي الشّموع سوا، ونرسل الرَّحمة والسّلام لأرواحهن، ونقول لكل قلب مَوجوع إنّو الذِّكرى باقية، والمحبة كمان.

رح نجتمع على دوار الباشا ، يوم الجمعة بتاريخ ٨/٥/٢٠٢٦ ، السَّاعة 7 مساءً
ورح نكون بانتظاركن.

الرّحمة لأرواحهم ، والصَّبر لكل حدا فقد غالي، ورح تبقى ذكراهم نور منوّر قلوبنا على طول.

الصَّـحة و السَّـلامة للجمـيع 💙


#ضمّة

في أيام بيصير الصّمت فيها أبلغ من الحَكي، وبتحكي القلوب بكل وجعها ومحبتها.
بهاليوم، رح نوقف فريق "ضَـمَّة" مع فريق "من القلب للقلب" بكل احترام ووفاء قدّام ذكرى الشهداء اللي غابوا عَن عيوننا، لكن ظلّوا ساكنين بقلوبنا وذكراهن ما بتغيب.

إحياءً لذكرى الشهداء، عَم يطلق فريق "ضَـمَّة" للدَعم النَّفسي وقفة لإضاءة الشُّموع، لتكون كل شمعة رسالة حُب ووفاء، ونور صغير بيحمل دُعاء كبير، وذكرى لروح تركت أثر ما بينتسى.

هي وقفة إنسانيّة صادقة، منجتمع فيها سوا على المَحبّة، ومنشارِك مشاعرنا بصَمت دافي، ومنأكّد إنو اللي رحلوا بيبقوا مَعنا بذكراهن الطّيبة وبالأثر الحلو اللي تركوه.

منحب ندعي الجميع يشارِك معنا بهاللحظة، لنضوّي الشّموع سوا، ونرسل الرَّحمة والسّلام لأرواحهن، ونقول لكل قلب مَوجوع إنّو الذِّكرى باقية، والمحبة كمان.

رح نجتمع على دوار الباشا ، يوم الثلاثاء بتاريخ 5/5/2026 ، السَّاعة 7 مساءً
ورح نكون بانتظاركن.

الرّحمة لأرواحهم ، والصَّبر لكل حدا فقد غالي، ورح تبقى ذكراهم نور منوّر قلوبنا على طول.
الصَّـحة و السَّـلامة للجمـيع 💙


#ضمّة

“بوقت الألم، وجود مساحة آمنة تسمعك وتفهمك بيعمل فرق كبير “💙
مبادرة ضمّة، التابعة لـ Suwaida European Society، عم تقدّم دعم نفسي حقيقي للمتضررين من أحداث السويداء الأخيرة.

إذا حاسس إنك بحاجة دعم نفسي، لا تتردد… فيك تتواصل معنا عبر بريد الصفحة دائما .
انت مو لحالك .. ضَمّـة دائماً معَـك 💙

الصّـحة والسّـلامة للجمـيع 💙


#ضمّة

مبادرة ضمّة للدعم النفسي والاجتماعي
| Damma Wellbeing Initiative

أينعت مبادرة "ضمّة" لتكون مساحة جامعة واحترافية، تُقدّم الدعم لكل من يحتاجه داخل المجتمع المحلي في السويداء، وتمنح “ضمّة” لكل من يمرّ بظروف صعبة ويحتاج إلى سند نفسي واجتماعي.

تعتمد المبادرة على تعاون مهني مع أخصائيين وخبراء من داخل السويداء وأوروبا، بهدف تقديم خدمات قائمة على أسس علمية ومعايير مهنية.

تشمل مجالات العمل:

▪️ تقديم جلسات إرشاد ودعم نفسي بإشراف مختصين
▪️ تنفيذ برامج دعم وتمكين للنساء
▪️ تصميم أنشطة موجهة للأطفال لتعزيز الاستقرار النفسي
▪️ نشر الوعي المجتمعي حول أهمية الصحة النفسية

تسعى المبادرة إلى المساهمة في تعزيز الاستقرار النفسي والاجتماعي، وتوفير بيئة داعمة تستجيب للاحتياجات الفعلية للمجتمع.

___
Suwayda European Society
Damma Wellbeing Initiative

نظراً لبرودة الطقس والأجواء الشتوية، قررنا تأجيل مبادرة إضاءة الشموع إلى موعد آخر سيتم الإعلان عنه قريباً.
كان نفسنا نلتقي ونعبي المكان دفا بنور الشموع، لكن بهيك ظروف ما منقدر نحقق هالشي بالشكل المناسب.

إن شاء الله منلتقي قريبا بموعد جديد لنحيي ذكرى شهدائنا… شهداؤنا بالقلب دائماً ❤️🕯️

الصّـحة والسـّلامة للجميـع 💙



#شموع
#ضمّة

في أيام بيصير الصّمت فيها أبلغ من الحَكي، وبتحكي القلوب بكل وجعها ومحبتها.
بهاليوم، رح نوقف فريق "ضَـمَّة" مع فريق "من القلب للقلب" بكل احترام ووفاء قدّام ذكرى الشهداء اللي غابوا عَن عيوننا، لكن ظلّوا ساكنين بقلوبنا وذكراهن ما بتغيب.

إحياءً لذكرى الشهداء، عَم يطلق فريق "ضَـمَّة" للدَعم النَّفسي وقفة لإضاءة الشُّموع، لتكون كل شمعة رسالة حُب ووفاء، ونور صغير بيحمل دُعاء كبير، وذكرى لروح تركت أثر ما بينتسى.

هي وقفة إنسانيّة صادقة، منجتمع فيها سوا على المَحبّة، ومنشارِك مشاعرنا بصَمت دافي، ومنأكّد إنو اللي رحلوا بيبقوا مَعنا بذكراهن الطّيبة وبالأثر الحلو اللي تركوه.

منحب ندعي الجميع يشارِك معنا بهاللحظة، لنضوّي الشّموع سوا، ونرسل الرَّحمة والسّلام لأرواحهن، ونقول لكل قلب مَوجوع إنّو الذِّكرى باقية، والمحبة كمان.

رح نجتمع على دوار الباشا ، يوم الثلاثاء بتاريخ 5/5/2026 ، السَّاعة 7 مساءً
ورح نكون بانتظاركن.

الرّحمة لأرواحهم ، والصَّبر لكل حدا فقد غالي، ورح تبقى ذكراهم نور منوّر قلوبنا على طول.
الصَّـحة و السَّـلامة للجمـيع 💙


#ضمّة