គណៈកម្មការផ្តល់ភាពស្របច្បាប់ដល់ពលករកម្ពុជានៅប្រទេសថៃ

អបអរសាទរ​ទិវា​ វប្បធម៌ជាតិ​ លេីកទី​ ២៦ឆ្នាំ ក្រោមប្រធានបទ​ “យុវជនដេីម្បីវប្បធម៌ជាតិ”

#យេីងជឿជាក់លេីកម្ពុជា​ #ខ្មែរធ្វេីបាន​ #សន្តិភាពនៅកម្ពុជា​

ស្ថានបេសកកម្មអចិន្ត្រៃយ៍កម្ពុជា ប្រចាំអង្គការសហប្រជាជាតិ៖ "សិទ្ធិមនុស្សជាច្រើននៅកម្ពុជា ត្រូវបានលើកសរសើរ ក្នុងកិច្ចពិភាក្សារបស់អង្គការសហប្រជាជាតិ នាទីក្រុងហ្សឺណែវ"

នារសៀលថ្ងៃទី៩ ខែមេសា ឆ្នាំ២០២៣ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានគណៈកម្មការផ្តល់ភាពស្របច្បាប់ ជូនពលករខ្មែរកំពុងស្នាក់នៅ និងធ្វើការនៅប្រទេសថៃ បានអញ្ជើញចូលរួមសូត្រមន្តចូលឆ្នាំថ្មី ប្រពៃណីជាតិខ្មែរ ឆ្នាំថោះ បញ្ចស័ក ព.ស. ២៥៦៦ ដែលរៀបចំដោយឯកឧត្តម ហ៊ុន សារឿន ឯកអគ្គរាជទូត កម្ពុជា ប្រចាំប្រទេសថៃ នៅស្ថាតទូតកម្ពុជាប្រចាំប្រទេសថៃ ។

ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណ:កម្មការផ្តល់ភាពស្របច្បាប់ជូនពលករខ្មែរកំពុងស្នាក់នៅ​ និងធ្វេីការនៅប្រទេសថៃ​ នាព្រឹកថ្ងៃទី៩ ខែមេសា ឆ្នាំ២០២៣ បានដឹកនាំគណៈប្រតិភូអញ្ជើញចូលរួមសង្ក្រាន្តខ្មែរនៅព្រះរាជាណាចក្រថៃ ជាមួយពលករ និស្សិត និងពលរដ្ឋខ្មែរ កំពុងស្នាក់នៅ​ ធ្វេីការ​ និងសិក្សានៅទីនោះ។ ពិធីដ៏សប្បាយរីករាយនេះ នឹងប្រារព្ធធ្វើឡើងនៅស្ថានទូតកម្ពុជាប្រចាំព្រះរាជាណាចក្រថៃ។

អបអរសាទរទិវាអន្តរជាតិនារី ៨ មីនា លើកទី១១២ ឆ្នាំ២០២៣ ក្រោមប្រធានបទ " ស្ត្រីរួមគ្នា រក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល "

សូមបងប្អូន សិស្ស​ និស្សិត​ យុវជន​ និងសាធារណជន​ ចូលរួមភ្ជាប់ទាំងអស់គ្នានូវប្រព័ន្ធតេឡេក្រាម របស់សម្តេចតេជោនាយករដ្ឋមន្រ្តី​ អោយបានគ្រប់ៗគ្នា​ ដើម្បីទទួលបានព័ត៌មានពីវឌ្ឍនភាពសង្គមលឿន​ ឆាប់រហ័ស​ និងទាន់ពេលវេលា​ ❤️👍🏻
https://t.me/spmhunsen

រដ្ឋមន្ត្រីក្រសួងការងារ ដឹកនាំគណៈប្រតិភូ អញ្ជើញចូលរួមពិធីភ្ជុំបិណ្ឌជាមួយបងប្អូនពលករខ្មែរ នៅប្រទេសថៃ

(ប្រទេសថៃ)៖ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ឯកឧត្តមបណ្ឌិត អ៉ិត សំហេង នាព្រឹកថ្ងៃទី២៥ ខែកញ្ញា ឆ្នាំ២០២២ បានដឹកនាំគណៈប្រតិភូ អញ្ជើញចូលរួមពិធីបុណ្យភ្ជុំបិណ្ឌប្រពៃណីជាតិខ្មែរ ជាមួយបងប្អូនខ្មែរដែលកំពុងស្នាក់នៅនិងធ្វើការនៅប្រទេសថៃប្រមាណជាង៤ពាន់នាក់ នៅវត្តសោធរនិមិត្ត ខេត្តសៈមុតប្រាកាន ព្រះរាជាណាចក្រថៃឡង់ដ៍។ ដោយមានវត្តមានចូលរួមដ៏ខ្ពង់ខ្ពស់ផងដែរ របស់ឯកឧត្តមបណ្ឌិត យុងយុទ្ធ សុវណ្ណបុត្រ ជាសមាជិករដ្ឋសភាថៃ និងជាតំណាងរាស្ត្រខេត្តសៈមុតប្រាកាន។

កម្មវិធីនេះផ្តួចផ្តើមដោយ ក្រុមការងារនៃក្រសួងការងារ និងបណ្ដុះបណ្ដាលវិជ្ជាជីវៈ ក្រុមការងារស្ថានទូតកម្ពុជាប្រចាំប្រទេសថៃ សហការជាមួយក្រុមការងារ ESEA សមាគមកម្ពុជាមនុស្សធម៌ សមាគមទីភ្នាក់ងារជ្រើសរើសពលករកម្ពុជា សមាគមទីភ្នាក់ងារហត្ថពលកម្មកម្ពុជា ក្រុមហ៊ុនឌីថេក ក្រុមហ៊ុនវ៉េសស្ទើនយ៉ូនៀន។

នាឱកាសនោះ ឯកឧត្តមបណ្ឌិត អ៉ិត សំហេង បានអរគុណដល់ព្រះចៅអធិការ គណៈកម្មការវត្តសោធរនិមត្ត ហៅវត្តសះផានយូ ដែលបានផ្ដល់ទីអារាមវត្ត និងអរគុណដល់ទឹកចិត្តបងប្អូនខ្មែរយើងទាំងអស់ដែលបានមកពីគ្រប់ទិសទីនៅក្នុងទឹកដីថៃ ចូលរួមកម្មវិធីបុណ្យភ្ជុំបិណ្ឌប្រពៃណីជាតិខ្មែរប្រកបដោយក្តីសប្បាយរីករាយ និងស្រឡាញ់រាប់អាន ដែលមានបងប្អូនពលករខ្មែរខ្លះបានធ្វើដំណើរមកពីឆ្ងាយរាប់រយគីឡូ ចំណាយពេលច្រើនម៉ោងដើម្បីមកចូលរួម នេះជាកាយវិការដ៏គួរអោយកោតសសើរ និងសូមសំដែងនូវមនោសញ្ចេតនាគោរពស្រឡាញ់បងប្អូនទាំងអស់កាន់តែជ្រាលជ្រៅថែមទៀត។

ឯកឧត្តមរដ្ឋមន្ត្រី បញ្ជាក់ថា ពិធីបុណ្យភ្ជុំបិណ្ឌជាបុណ្យប្រពៃណីព្រះពុទ្ធសាសនាខ្មែរដ៏ធំ ដែលខ្មែរតែងតែរៀបចំជារៀងរាល់ឆ្នាំដើម្បីឧទ្ទិសកុសល្យផលបុណ្យជូនដល់ឪពុក ម្តាយ ជីដូន ជីតា ញាតិការទាំងអស់ដែលបានចែកឋានទៅ។ ដោយឡែក បងប្អូនពលករខ្មែរនៅថៃ ទោះជានៅឆ្ងាយមិនអាចទៅជួបជុំគ្រួសារ ធ្វើបុណ្យនៅតាមទីវត្តអារាមនៅឯស្រុកំណើតក៏ដោយ ក៏បងប្អូនយើងបានឆ្លៀតមកជួបជុំគ្នារៀបlចំពិធីបុណ្យភ្ជុំបិណ្ឌ តាមដែលអាចធ្វើបាន ដែលនេះសបញ្ជាក់ថា ជំនឿ ប្រពៃណី ទំនៀមទម្លាប់ខ្មែរពិតជាស្ថិតនៅក្នុងព្រលឹងខ្មែរជានិច្ចទោះជាខ្មែរនៅទីណាក៏ដោយ ។

ជាមួយគ្នានេះផងដែរ សម្តេចតេជោបានផ្ដាំផ្ញើសាកសួរសុខទុក្ខ និងជូនពរសព្វសាធុការ ក្នុងឱកាសបុណ្យភ្ជុំបិណ្ឌ ជូនដល់បងប្អូនខ្មែររស់នៅថៃ សូមប្រកបដោយ ពុទ្ធពរទាំងបួនប្រការ អាយុ វណ្ណៈ សុខ ពលៈ កុំបីឃ្លៀងឃ្លាតឡើយ និងសូមកុសលផលបុណ្យភ្ជុំបិណ្ឌនាំមកនូវជោគជ័យ សិរីសួស្ដី គ្រប់ប្រការដល់បងប្អូនខ្មែរយើងទាំងអស់គ្នា។ យើងអាចវាយតម្លៃបានថា មូលហេតុដែលនាំឱ្យពិធីបុណ្យភ្ជុំបិណ្ឌខ្មែរឆ្នាំនេះ បានធ្វើឲ្យប្រជាពលរដ្ឋខ្មែរទាំងអស់គ្នាសប្បាយរីករាយខ្លាំងគឺមានកត្តារួមផ្សំចំនួន ៥ សំខាន់ គឺ៖

ទី១- មានសន្តិភាព ស្ថិរភាព ជាមូលដ្ឋានគ្រឹះ សម្រាប់អភិវឌ្ឍសេដ្ឋកិច្ច សង្គម
ទី២- កម្ពុជា បានទទួលជោគជ័យ ក្នុងការដោះស្រាយផលប៉ះពាល និងការគ្រប់គ្រងបញ្ហាជំងឺកូវីដ១៩ ប្រកបដោយប្រសិទ្ធភាពខ្ពស់ តាមរយៈការចាក់វ៉ាក់សាំង និងវិធានការចំបាច់នានា។
ទី៣- សេដ្ឋកិច្ចជាតិបន្តរីកចម្រើន កំណើនសេដ្ឋកិច្ចនៅតែបន្តកើនឡើង មានសមិទ្ធផលថ្មីៗជាច្រើនរាប់មិនអស់កំពុងកើតឡើងដូចជា សំណងអគារ ផ្លូវថ្នល់ ស្ពាន ព្រលានយន្តហោះ ស្តាត ។ល។
ទី៤- ប្រជាជនមានមធ្យោបាយធ្វើដំណើរសំបូរបែបគ្រប់ប្រភេទ ម៉ូតូ ឡានទំនើបៗ កំពុងកើនឡើង
ទី៥- ប្រជាជនមានជីវភាពធូធារ ដោយសារមានមុខរបរ មានការងារធ្វើ ប្រាក់ខែមន្ត្រីរាជការក៏បន្តកើនឡើងទាបបំផុតជាង ១លានរៀល ចំណែកឯប្រាក់ឈ្នួលអប្បបរមារបស់បងប្អូនកម្មករនិយោជិត ១៩៤ដុល្លារ ក្នុងឆ្នាំ២០២២ នឹងកើនឡើងដល់ ២០០ ដុល្លារ ឆ្នាំ២០២៣ខាងមុខ មិនទាន់បូកបន្ថែមអត្ថប្រយោជន៍ផ្សេងទៀតផង។

ទន្ទឹមនឹងនេះ ឯកឧត្តមបណ្ឌិត បានសំដែងនូវការកោតសសើរបងប្អូនពលករខ្មែរ ដែលមានស្មារតី តស៊ូ អត់ធ្មត់ ខិតខំធ្វើការងាររកកម្រៃ ចិញ្ចឹមគ្រួសារ និងបានរួមចំណែករកចំណូលជូនជាតិ។ បងប្អូនពលករនៅថៃមានប្រមាណ ១,២លាននាក់ បើតាមការសន្និដ្ឋាន លុយដែលបងប្អូនផ្ញើទៅក្រុមគ្រួសារសរុបប្រមាណជាង ២ពាន់លានដុល្លារក្នុងមួយឆ្នាំៗ។ ទន្ទឹមនឹងនេះ ដើម្បីឱ្យបងប្អូនអាចបន្តទទួលបាននូវអត្ថប្រយោជន៍ទាំងកំពុងធ្វើការនៅទីនេះ និងពេលចប់កិច្ចសន្យាការងារហើយវិលត្រឡប់ទៅប្រកបរបរ ឬធ្វើការនៅក្នុងប្រទេសយើងវិញ។

បច្ចុប្បន្ន កម្ពុជាកំពុងដាក់ឲ្យអនុវត្តរបបសន្តិសង្គមផ្នែកប្រាក់សោធននិវត្តន៍ ចាប់ពីថ្ងៃទី១ ខែតុលា ឆ្នាំ២០២២ តទៅ។ ថ្ងៃក្រោយពេលបងប្អូនពលករខ្មែរនៅថៃ ត្រឡប់ទៅវិញអាចចូលរួមក្នុងរបបសន្តិសុខសង្គមផ្នែកប្រាក់សោធននិវត្តន៍ ហើយទទួលបានរបបថែទាំសុខភាពផងដែរ នៅពេលចាស់ទៅ អាយុលើសពី ៦០ឆ្នាំ ។

ជារួម សុខទុក្ខ ជីវភាព សុខមាលភាពរបស់បងប្អូនខ្មែរ នៅថៃគឺជាអាទិភាពរបស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលតែងតែគិតគូរយកចិត្តទុកដាក់ខ្ពស់ ហើយក៏ជាអាទិភាពនៃគោលនយោបាយ របស់ ឯកឧត្តមបណ្ឌិត ហ៊ុន ម៉ាណែត ដែលជាបេក្ខជនសម្រាប់អនាគតនាយករដ្ឋមន្ត្រីផងដែរ។

ឯកឧត្តមរដ្ឋមន្ត្រី បានអំពាវនាវដល់បងប្អូនពលករ ត្រូវគោរពច្បាប់ រួមគ្នារក្សាសន្តិភាព ស្ថិរភាព ថែរក្សាសុខភាព ខិតខំរៀនវិជ្ជាជីវៈ ចេះសាមគ្គីគ្នា ខ្មែរ និងខ្មែរ ជួយគ្នាទៅវិញទៅមក និងមានទំនាក់ទំនងល្អ ស្រឡាប់អាប់អានជាមួយប្រជាជនថៃ។ នៅពេលចប់កិច្ចសន្យាការងារ សូមវិលត្រឡប់ទៅប្រទេសវិញកុំបន្តស្នាក់នៅ ឬរស់នៅ និងធ្វើការមិនមានឯកសារស្របច្បាប់គ្រប់គ្រាន់នៅក្នុងប្រទេសថៃ៕

ឯកឧត្តមបណ្ឌិត អ៉ិត សំហេង អញ្ជើញចុះជួបសំណេះសំណាល និងសួរសុខទុក្ខបងប្អូនពលករខ្មែរ ដែលកំពុងធ្វើការនៅក្រុមហ៊ុនCPF ប្រទេសថៃ

(ប្រទេសថៃ)៖ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណៈកម្មាធិការផ្ដល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ នាព្រឹកថ្ងៃទី៧ ខែសីហា ឆ្នាំ២០២២ បានដឹកនាំគណៈប្រតិភូរបស់ក្រសួង អញ្ជើញចុះជួបសំណេះសំណាល និងសួរសុខទុក្ខបងប្អូនពលករខ្មែរ ដែលកំពុងធ្វើការនៅក្នុងរោងចក្រCPF(Thailand)Public Company Limited ស្ថិតនៅក្នុងខេត្តនគរាជសីម៉ា ប្រទេសថៃ។

នាឱកាសនោះ ឯកឧត្តមបណ្ឌិត អ៉ិត សំហេង បានផ្តាំផ្ញើការសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ដែលសម្តេចទាំងពីរ តែងតែយកចិត្តទុក្ខដាក់ពីសុខទុក្ខរបស់បងប្អូនពលកររបស់យើងដែលបានកំពុងធ្វើការនៅបរទេស។

ឯកឧត្តមបណ្ឌិត អ៉ិត សំហេង បានថ្លែងអំណរគុណដល់ក្រុមហ៊ុន CPF ដែលបានផ្តល់ឱកាសការងារ ជូនដល់ពលករកម្ពុជា ឲ្យបានបម្រើការងារនៅក្រុមហ៊ុន ទទួលបានប្រាក់ឈ្នួល ការស្នាក់នៅ និងហូបចុកបានយ៉ាងសមរម្យ ថែមទាំងយកចិត្តទុកដាក់ទៅលើបញ្ហាសុខភាពរបស់ពលករកម្ពុជាបានយ៉ាងល្អប្រសើរផងដែរ។

ទន្ទឹងនឹងនេះ ឯកឧត្តមរដ្ឋមន្ត្រី បានធ្វើការកោតសរសើរចំពោះបងប្អូនពលករខ្មែរ ដែលមានស្មារតីតស៊ូ អត់ធ្មត់ ខិតខំធ្វើការងាររកប្រាក់កម្រៃចិញ្ចឹមគ្រួសារ ជាការចូលរួមចំណែក រកចំណូលជូនជាតិ ដែលបងប្អូនពលករខ្មែរនៅថៃមានចំនួន ១,២លាននាក់ ម្នាក់ៗក្នុងមួយខែបានផ្ញើប្រាក់ទៅផ្ទះ រាប់រយដុល្លារអាម៉េរិក ហើយបើគិត ១ឆ្នាំៗ បងប្អូនពលករយើងបានផ្ញើលុយទៅក្រុមគ្រួសារ រាប់រយលានដុល្លារអាម៉េរិក និងនៅពេលបងប្អូនយើង វិលត្រឡប់ទៅប្រទេសកំណើត នឹងមានចំណេះ និងជំនាញការងារ មកអភិវឌ្ឍប្រទេសផងដែរ។

ឯកឧត្តមរដ្ឋមន្ត្រី បានផ្តាំផ្ញើដល់បងប្អូនពលករកម្ពុជា បន្តថែទាំសុខភាព ដោយប្រកាន់ខ្ជាប់នូវវិធានការពារពីការឆ្លងជំងឺកូវីដ-១៩ និងត្រូវចូលរួមគោរពច្បាប់របស់ប្រទេសគេឲ្យបានល្អ ជៀសវាងបង្កបញ្ហាដែលធ្វើឲ្យមានទោសទណ្ឌដល់ខ្លួន។

ឯកឧត្តមបណ្ឌិត អ៉ិត សំហេង ដែលជាប្រធានគណៈកម្មការផ្តល់ភាពស្របច្បាប់ គូសបញ្ជាក់ថា គណៈកម្មការបានបើកយុទ្ធនាការផ្ដល់ភាពស្របច្បាប់ ជូនបងប្អូនពលករដោយផ្ដល់លិខិតធ្វើដំណើរ TD និងចេញប័ណ្ណ OCWC និងឯកសារផ្សេងទៀតដែលធានាបាននូវភាពស្របច្បាប់ក្នុងការស្នាក់នៅ និងធ្វើការនៅក្នុងប្រទេសថៃ។ ជារួមគោលនយោបាយរបស់រាជរដ្ឋាភិបាលកម្ពុជា ជានិច្ចជាកាល បានផ្ដល់នូវការគាំពារគ្រប់បែបយ៉ាងជូនដល់បងប្អូនពលករ និងក្រុមគ្រួសារ។

គួរបញ្ជាក់ជូនដែរថា រោងចក្រ CPF (Thailand) Public Company Limited. ជាក្រុមហ៊ុនបុត្រសម្ព័ន្ធរបស់ក្រុមហ៊ុន C.P. Group ប្រទេសថៃ បានចាប់ដំណើរការអាជីវកម្មនៅប្រទេសថៃ តាំងពីឆ្នាំ ១៩៩៦។ រោងចក្រ CPF ជារោងចក្រផលិតសាច់មាន់គ្រប់ប្រភេទ មានទាំងសាច់មាន់ស្រស់ ទាំងអាហារឆ្អិន សម្រាប់ផ្គត់ផ្គង់ទាំងក្នុងស្រុក និងក្រៅប្រទេស បច្ចុប្បន្នក្រុមហ៊ុន CPF នៅខេត្តនគររាជសីមា មានពលករទាំងអស់សរុបចំនួន ៨ ៣៥២នាក់ ក្នុងនោះ ពលករកម្ពុជា មានចំនួន ២ ២៧៥នាក់ (ស្រី ១ ០៩៧នាក់)៕

ឯកឧត្តមបណ្ឌិត អ៉ិត សំហេង ទទួលជួបពិភាក្សាការងារជាមួយអភិបាលរងខេត្តនគររាជស៊ីម៉ា ប្រទេសថៃ

(ប្រទេសថៃ)៖ នៅក្នុងដំណើរបំពេញបេសកម្ម ចុះសួរសុខទុក្ខ និងពិនិត្យមើលស្ថានភាពរស់នៅ និងកន្លែងធ្វើការងាររបស់បងប្អូនពលករកម្ពុជា តបតាមការអញ្ជើញរបស់រោងចក្រ CPF (Thailand) Public Company Limited. ជាក្រុមហ៊ុនបុត្រសម្ព័ន្ធរបស់ក្រុមហ៊ុន C.P. Group ប្រទេសថៃ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណៈកម្មាធិការផ្ដល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ នាព្រឹកថ្ងៃទី៧ ខែសីហា ឆ្នាំ២០២២ បានទទួលជួបពិភាក្សាការងារជាមួយ លោក CHARIN Tongsuk អភិបាលរង រួមជាមួយប្រធានមន្ទីរការងារខេត្ត និងស្នងការរបស់ខេត្តនគររាជសីម៉ា នៃប្រទេសថៃ។

នាឱកាសនោះ ក្នុងនាមអភិបាលខេត្ត លោក CHARIN Tongsuk បានទទួលស្វាគមន៍ឯកឧត្តមបណ្ឌិត អ៉ិត សំហេង និងគណៈប្រតិភូយ៉ាងកក់ក្តៅបំផុត ដែលបានអញ្ជើញមកកាន់ខេត្តរបស់លោក និងបានជម្រាបជូនពីស្ថានភាពរួមរបស់ពលករកម្ពុជាដែលកំពុងធ្វើការ និងស្នាក់នៅក្នុងខេត្ត នគររាជស៊ីម៉ា ជូនដល់គណៈប្រតិភូផងដែរ។

ឯកឧត្តមបណ្ឌិត អ៉ិត សំហេង ក៏បានលើកឡើងថា តាមរយៈនៃកិច្ចព្រមព្រៀងនៃប្រទេសយើងទាំងពីរកម្ពុជា-ថៃ មកដល់ពេលនេះ គឺមានកិច្ចសហការជាមួយគ្នាបានយ៉ាងល្អគ្រប់វិស័យ។ ថ្នាក់ដឹកនាំប្រទេស ប្រជាពលរដ្ឋ និងអ្នកវិនិយោគបានធ្វើដំណើរចេញចូលប្រទេសទាំងពីរយ៉ាងមមាញឹក ក្រោយពីបើកសេដ្ឋកិច្ចប្រទេសឡើងវិញ។ ទំហំពាណិជ្ជកម្មរបស់ប្រទេសទាំងពីរ ក៏កាន់តែធំឡើងៗ នេះកើតចេញពីចំណងមិត្តភាព ដ៏រឹងមាំនៃប្រទេសយើងទាំងពីរ។

ទាក់ទងទៅនឹងកម្លាំងពលកម្ម ឯកឧត្តមរដ្ឋមន្ត្រីបញ្ជាក់ថា ប្រទេសទាំងពីរមានកិច្ចព្រមព្រៀងលើវិស័យកម្លាំងពលកម្ម និងការងារនេះ តាំងពីឆ្នាំ២០០៣ រហូតដល់បច្ចុប្បន្ន មានអនុស្សរណៈយោគយល់គ្នាចំនួន២ គឺវិស័យការងារ និងការផ្លាស់ប្តូរកម្លាំងពលកម្ម។ ឯកឧត្តមបណ្ឌិត បញ្ជាក់ថា កិច្ចសហប្រតិបត្តិការនេះ ពិតជាបានផ្តល់ប្រយោជន៍ទៅវិញទៅមក ដែលជាកិច្ចសហប្រតិបត្តការឈ្នះ-ឈ្នះ។ ឈ្នះរបស់កម្ពុជាគឺផ្តល់ឱកាសការងារដល់ពលកររបស់ខ្លួន ដោយទទួលបានប្រាក់ខែសមរម្យ ការថែទាំយកចិត្តទុកដាក់ពីសំណាក់អាជ្ញាធរ និងខាងរោងចក្រសហគ្រាស ព្រមទាំងទទួលបាននូវបទពិសោធន៍ ចំណេះជំនាញពីការងារ។ ចំពោះភាពឈ្នះរបស់ភាគីថៃ គឺទទួលបានកម្លាំងពលកម្មគ្រប់គ្រាន់សម្រាប់ផ្គត់ផ្គង់ទៅលើខ្សែចង្វាក់ផលិត របស់រោងចក្រសហគ្រាសខ្លួន។

ជាមួយគ្នានេះដែរ ឯកឧត្តមរដ្ឋមន្ត្រី បញ្ជាក់ថា ពលករបស់កម្ពុជាមានសិទ្ធដូចពលករបរទេស និងសិទ្ធដូចពលករថៃស្របតាមផ្លូវច្បាប់ហើយ បានថ្លែងអំណរគុណដល់អាជ្ញាធរថៃ ដែលនៅក្នុងដំណាក់កាលរាតត្បាតកូវីដ-១៩ ពលករកម្ពុជាទទួលបានការព្យាបាល និងចាក់វ៉ាក់សាំងដូចជាពលរដ្ឋថៃដែរ។ ឯកឧត្តមបណ្ឌិត ក៏អរគុណខាងក្រុមហ៊ុនដែលទទួលយកពលករកម្ពុជា បានធ្វើការនៅក្នុងក្រុមហ៊ុនរបស់ខ្លួន មានប្រាក់ខែសមរម្យ និងការថែទាំលើសេវាផ្សេងៗទៀតបានល្អ។ ម្យ៉ាងវិញទៀត កម្លាំងពលកម្មដែលមកពីកម្ពុជា ពិតជាមានភាពស៊ីសង្វាក់គ្នាជាមួយនឹងពលរដ្ឋថៃ ពីព្រោះប្រទេសយើងទាំងពីរមានទំនៀមទំលាប់ ប្រពៃណី សាសនា ការរស់នៅស្រដៀងគ្នា។

លោកអភិបាលរងខេត្តនគររាជស៊ីម៉ា និងខាងតំណាងក្រុមហ៊ុន CPF បានថ្លែងអំណរគុណចំពោះឯកឧត្តមរដ្ឋមន្ត្រីដែលបានដឹកនាំគណៈប្រតិភូចុះមកពិនិត្យផ្ទាល់ពីស្ថានភាពការងារ និងការរស់នៅរបស់ពលករកម្ពុជាដែលបានកំពុងធ្វើការនៅក្នុងក្រុមហ៊ុន ហើយសង្ឃឹមថា កិច្ចសហប្រតិបត្តិការរវាងប្រទេសយើងទាំងពីរនៅតែបន្តភាពល្អប្រសើរជាមួយនឹងគ្នាបន្ថែមទៀត៕

គណៈកម្មការផ្តល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ នឹងបើកដំណើរការបន្តសុពលភាពប័ណ្ណពលករកម្ពុជាទៅធ្វើការនៅបរទេស (OCWC) និងលិខិតធ្វើដំណើរពលករកម្ពុជាធ្វើការនៅបរទេស (TD) ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ ចាប់ពីថ្ងៃទី០៩ ខែឧសភា ឆ្នាំ២០២២ តទៅ។

រដ្ឋមន្ត្រីក្រសួងការងារ ដឹកនាំគណៈប្រតិភូចុះសួរសុខទុក្ខ និងសំណេះសំណាល ជាមួយពលករខ្មែរ ដែលកំពុងរស់នៅ និងធ្វើការនៅប្រទេសថៃ ក្នុងកម្មវិធី​សង្ក្រាន្តខ្មែរ

(បាងកក)៖ ស្របពេលពិធីបុណ្យចូលឆ្នាំប្រពៃណីខ្មែរនឹងឈានចូលមកដល់ក្នុងពេលដ៏ខ្លីខាងមុខនេះ ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជា​ប្រធាន​គណៈកម្មការផ្តល់ភាពស្របច្បាប់ដល់ពលករកម្ពុជាដែលកំពុងស្នាក់នៅ​ និងធ្វេីការនៅប្រទេសថៃ​ នៅថ្ងៃទី១០ ខែមេសា ឆ្នាំ២០២២ បានដឹកនាំគណៈប្រតិភូចុះសួរសុខទុក្ខ និងសំណេះសំណាលជាមួយបងប្អូនពលករខ្មែរដែលកំពុងធ្វើការ និងរស់នៅក្នុងប្រទេសថៃ រួមនឹងក្រុមនិស្សិតដែលកំពុងបន្តការសិក្សានៅទីនេះ​ ក្នុងកម្មវិធីសង្រ្កាន្តខ្មែរនៅថៃ។

ឯកឧត្តមបណ្ឌិត អ៉ិត សំហេង លើកឡើងថា ពិធីបុណ្យចូលឆ្នាំខ្មែរ គឺជាបុណ្យប្រពៃណីជាតិដ៏ធំរបស់ខ្មែរ ដែលកាន់ព្រះពុទ្ធសាសនា ដែលស្ថិតក្នុងដួងចិត្តខ្មែរគ្រប់រូប តាំងពីបុរាណកាលមក។ ពិធីប្រពៃណីនេះទៀតសោត បង្ហាញពីទឹកចិត្តស្រឡាញ់វប្បធម៌ ប្រពៃណីជាតិខ្មែរ ស្មារតីសាមគ្គីជាតិ ទោះជាខ្មែរទៅដល់ទីណា ក៏នៅតែស្នេហាជាតិខ្មែរ។

ទន្ទឹមនឹងនេះ ឯកឧត្តមបណ្ឌិត បានកោតសរសើរចំពោះ ឯកឧត្ដមឯកអគ្គរាជទូត និងសហការីដែលបានខិតខំបំពេញ ភារកិច្ចការទូតតាមគោលនយោបាយរបស់រាជរដ្ឋាភិបាល ក្នុងការពង្រឹងពង្រីកកិច្ចសហប្រតិបត្តិការជិតខាងល្អ កម្ពុជា-ថៃ ទាំងផ្នែក សេដ្ឋកិច្ច អប់រំ វិស័យការងារជាដើម ដែលបានផ្ដល់ឱកាសដល់និស្សិតកម្ពុជាបានសិក្សា និងក៏ជាឱកាសមួយទៀតសម្រាប់ពលករកម្ពុជា បានធ្វើការទទួលបានប្រាក់ចំណូលសម្រាប់ផ្គត់ផ្គង់ក្រុមគ្រួសារបានមួយកម្រិតដែរ។

ឯកឧត្តមរដ្ឋមន្ត្រី គូសបញ្ជាក់ថា ប្រតិភូដែលបានធ្វើដំណើរមកកាន់ប្រទេសថៃ មានសមាសភាពមកពីក្រសួងការងារ និងបណ្តុះបណ្តាលវិជ្ជាជីវៈ ក្រសួងមហាផ្ទៃ ស្ថានទូត ដែលជាតំណាងក្រសួងការបរទេស និងសហប្រតិបត្តិការ អន្តរជាតិ រួមនឹងក្រុមការងារ ដើម្បីបំពេញបេសកម្មផ្ដល់ភាពស្របច្បាប់ជូនបងប្អូនពលករកម្ពុជាយើងនៅប្រទេសថៃ ក៏ដូចជាបន្តពង្រឹងពង្រីកកិច្ចសហប្រតិបត្តិការ រវាង ប្រទេសទាំងពីរ លើវិស័យការងារ ដោយចាប់ផ្តើមប្រតិបត្តិការផ្តល់ភាពស្របច្បាប់ជូនបងប្អូនពលករកម្ពុជា ដែលមិនទាន់ស្របច្បាប់។ ការងារនេះ ជាភារកិច្ចបន្តពីប្រតិបត្តិការលើកមុន និងដោះស្រាយបញ្ហាប្រឈមនានា ដែលមានក្នុងបរិបទកូវីដ-១៩។ ភារកិច្ច របស់ក្រុមការងារផ្ដល់ភាពស្របច្បាប់លើកនេះ គឺបន្តសុពលភាពលិខិតធ្វើដំណើរ (TD) និងប័ណ្ណការងារនៅបរទេស (OCWC) ជូន ពលករខ្មែរដែលផុតសុពលភាព។ ក្នុងបរិបទដែល កូវីដ-១៩ រាលដាលខ្លាំង កន្លងទៅ ការបន្តសុពលភាពជួបការលំបាក ដោយសារប្រទេសកម្ពុជា និងព្រះរាជាណាចក្រថៃ បានអនុវត្តនូវវិធានការសុខាភិបាលដ៏តឹងរ៉ឹង។ ដោយកិច្ចសហការល្អ រវាងប្រទេសទាំងពីរ ភាគីថៃ បានចេញប័ណ្ណពណ៌ស៊ីជម្ពូដែលអាចរស់នៅ និងធ្វើការស្របច្បាប់បាន ។

ឯកឧត្តមរដ្ឋមន្ត្រី បានចូលរួមរំលែកទុក្ខលំបាករបស់បងប្អូនរួមជាតិខ្មែរ ក្នុងដំណាក់កាល កូវីដ-១៩ និងសូមកោតសរសើរ ដល់ស្ថានទូត ដែលបានយកចិត្តទុកដាក់សហការល្អ ជាមួយខាងភាគីថៃ ដោះស្រាយបញ្ហាប្រឈមនានា របស់បងប្អូនខ្មែរយើង ធ្វើអោយពលរដ្ឋ ដែលរស់នៅប្រទេសថៃ បានទទួលសេវាសុខាភិបាល ដូចប្រជាជនថៃ និងជនបរទេសទាំងអស់ដែរ ក្នុងនោះ ភាគច្រើនក៏បានទទួលការចាក់វ៉ាក់សាំង ។ ខណៈ រាជរដ្ឋាភិបាលកម្ពុជា បានគិតគូយ៉ាងខ្លាំងពីសុខទុក្ខ និងមានការព្រួយបារម្ភ ពីសុខុមាលភាពរបស់បងប្អូនពលករយើងនៅក្រៅប្រទេសជាប់ជាប្រចាំ។

ឯកឧត្តមបណ្ឌិត បានធ្វើការអំពាវនាវដល់បងប្អូនពលករយើង មិនថានៅប្រទេសថៃ ឬនៅតាមបណ្តាប្រទេសផ្សេងឡើយ សូមថែរក្សាសុខភាព អនុវត្តតាមវិធានការសុខាភិបាល អោយបានខ្ជាប់ខ្ជួន មានសាមគ្គីភាពល្អ ចេះជួយយកអាសារគ្នាទៅវិញទៅមក គោរពច្បាប់ ម្ចាស់ប្រទេស ចៀសវាងប្រព្រឹត្តិខុសច្បាប់ នាំឲ្យមានទោសដល់ខ្លួន។

ក្នុងឱកាសនេះឯកឧត្តមបណ្ឌិត អ៉ិត សំហេង បានបួងសួងដល់ទេវតាឆ្នាំថ្មីព្រះនាមកិរិណីទេវី សូមប្រោះព្រំប្រសិទ្ធពរជ័យ សិរីមង្គល វិបុលសុខ បវរមហារប្រសើរជូនដល់ បងប្អូនប្រជាពលរដ្ឋខ្មែររបស់យើង សមប្រកបតែសេចក្តីសុខ និងចម្រុងចម្រើន ព្រមទាំងបានអញ្ជើញចូលរាំលេងកម្សាន្តសប្បាយជាមួយបងប្អូននៅក្នុងកម្មវិធីនេះយ៉ាងសប្បាយរីករាយផងដែរ៕