Ministro Para os Assuntos dos Combatentes da Libertação Nacional

S.E MINISTRO ACLN, SR. JÛLIO SARMENTO DA COSTA "META MALI" REPREZENTA S.E PRIMEIRO MINISTRO PARTÍSIPA SERIMÓNIA PRESTASAUN ONRAS FÚNEBRES HALOT RESTOS MORTAIS NO INAGURASAUN MONUMENTU HEROIS DA PÁTRIA IHA MÚNISÍPIU BAUCAU, POSTO ADMINISTRATIVO LAGA, SUKU SAMALARI.

Desagua, 31-03-2023,

Reprezenta S.E Primeiro Ministro, Ministro ACLN, Sr. Júlio Sarmento da Costa "Meta Mali" ho komitiva to iha fatin serimónia simu no tara tais tuir kustume tradisaun Posto Administrativu Laga nian.

Iha diskursu reprezenta S.E Primeiro Ministro, Ministro ACLN, Sr. Júlio Sarmento da Costa "Meta Mali" hatete katak Esselênsia Primeiro Ministro labele marka prezensa tamba iha serbisu importante seluk ne'ebé mak Esselênsia Primeiro Ministro sei halo. Ohin hau rona relatório hosi komisaun organizadora hatete katak orsamentu ba konstrusaun monumentu ne'e porvolta 70 ital mil ne'e pela primeira-vez familia saudozu nain hat (4) bele halo. Estado ka governu labele halo monumentu kada Suku ka Aldeia maibe VIII Governu liu hosi Ministério para os Assuntos dos Combatentes da Libertação Nacional iha politika halo levantamentu dadus tuir uma lisan hodi identifika katak iha uma lisan ne'e ema nain hira mak mate tamba ukun rasik a'an no sei kria monumentu kada Postu Administrativu hodi hakerek saudozu sira nia naran.

Iha ambitu serimónia halot Restos mortais no inagurasaun ba monumentu ne'e marka prezensa husi reprezentante sua. Esselênsia Primeiro Ministro, Ministro ACLN, Sr. Júlio Sarmento da Costa "Meta Mali", reprezenta Xefe Kasa Sivil Presidensial Repúblika, Sr. António Guterres, Distinto Deputadu Cornelio Gama "L7", Esselênsia Ministro Petrolium e Minerais, Sr. Vitor da Conceição Soares, Xefe Estadu Maior Jeneral F-FDTL, Tenente Jeneral Falur Rate Laek, reprezentante PAM Baucau, Comandante PNTL Munisípiu Baucau, reprezentante Komandante Komponente Terrestres Baucau, Administrador Posto Laga, Nai no Lou Xefe Suku ualu (8), Nai no Lou Veteranus Desmobilizadus, no familia saudozu nain hat (4).

MINISTRO ACLN Jùlio Sarmento da Costa "Meta Mali" no SEACLN Jùlio da Conceição "Loro Mesak" halo atualizasaun serbisu Ministerio ACLN nian ba Sua Esselensia Primeiru - Ministro Taur Matan Ruak

Dili, loron 27 Fulan Fevereiru, tinan 2023. Ministro ACLN Jùlio Sarmento da Costa "Meta Mali" hamutuk ho SEACLN Júlio da Conceição "Loro Mesak" halo atualizasaun serbisu ba Sua Esélensia Primero - Ministro Taur Matan Ruak iha serbisu fatin Palásiu Governo, kona - ba serbisu sira iha Ministériu nian hanesan, progresu verifikasaun dadus Veteranus ne'ebe rezistu iha tinan 2009, programa Bolsu Estudu ba Veteranus no Màrtires Sira Nia oan no asuntu relasiona seluk tan. Remata

MINISTRO PARA OS ASSUNTOS DOS COMBATENTES DA LIBERTAÇÃO NACIONAL (MACLN SIGLA PORTUGUĒES) NO CONSELHO DOS COMBATENTES DA LIBERTAÇÃO NACIONAL (CCLN SIGLA PORTUGUĒS) ASINA AKORDU MEMORANDUM HO HOSPITAL IHEAL MALAYSIA IHA HOTEL ARBIRU BEACH.

Dili, Loron 13 Fulan Febreiru tinan 2023. Sua Esselensia Ministro para os Assuntos dos Combatentes da Libertação Nacional, Sr. Júlio Sarmento da Costa “Meta Mali”, ne’ebé akompañadu husi Excelênsia SEACLN, Sr. Júlio da Conceição “Loro Mesak”, Excelênsia Presidente da Administração do CCLN, Sr. Vidal de Jesus “Riak Leman”, realiza asina akordu memorandum ho Hospital IHEAL MALAYSIA iha Hotel Arbiru beach. Iha tuku 16.00 lokraik otl.

Iha intervensaun Sua. Exelênsia Ministro ACLN, Sr. Júlio Sarmento da Costa “Meta Mali” hatete ohin mementu ne’ebé espesial tebes tamba MACLN bele realiza asina akordu memorandum ho hospital IHEAL Malaysia hodi bele fasilita ita nia inan aman Veteranos sira ne’ebé mak moras hodi bele fasilita sira ba halo tratamentu Saùde iha Malaysia.

Doutor Daniel Koo She mós realsa tan katak hospital IHEAL Malaysia mós prontu simu no halo atendementu ba Veteranos sira ne’ebé mak moras atu ba halo tratamentu hodi bele rekopera husi moras Hirak ne’e.

Iha asina akordu ne’e marka mós prezensa husi S.E Ministro ACLN, Sr. Júlio Sarmento da Costa “Meta Mali”, S.E SEACLN, Sr. Júlio da Conceição “Loro Mesak”, S.E Presidente da Administração do CCLN, Sr. Vidal de Jesus “Riak Leman”, Fundador/Director hospital IHEAL Malaysia ho ekipa, Chefe Gabinete MACLN, Sr. Mario de Araújo Magno, Inspector GIA e Director Geral em exercício, Sr. Aniceto Brites, Directores/as Nacionais, Chefe Departemento no Asessora sira hotu.

Metinaro, Loron 13 Fulan Janeiro Tinan 2023. Sua Eselensia MACLN, Sr. Júlio Sarmento da Costa "Meta Mali" Dader Ne'e partisipasi iha atividade Dia de Nacional de Sandalo, Iha Jardim dos Heróis Metinaro Dili.
Iha loron, simbolikamente promeve kuda Sandalo ka aikameli iha Jardins dos Heróis Metinario, Dili, ne´ebe Nai Presidente Repúblika mak hola iniciativa hodi ba kuda iha fatin Heróis sira nian. Ministru ACLN "Meta Mali" hola parte ho ninia duplo signifikadu, sandalo ka aikameli mak simbol identidade Timor nian, ho nia morin mak dada navigador sira husi Cina no Europa sira mai tó ita rain, husi sorin ida. Kuda no preserva aikameli iha Jardins dos Heróis hodi valoriza katak Herois sira nia mate mak hetan ukun an ho naran morin hanesan Aikameli (Sandalo)

MINISTRO ACLN, SR. JÚLIO SARMENTO DA COSTA “META MALI” HALA’O ENSERAMENTO BA ATIVIDADES VERIFIKASAUN DADUS SEGUNDO REJISTU 2009, IHA MUNISÍPIU BAUCAU, POSTO ADMINISTRATIVU VEMASSE,

Vemasse Tasi, Loron 11 Fulan Novemberu tinan 2022. Ministro ACLN, Sr. Júlio Sarmento da Costa “Meta Mali” ne’ebé akompañadu husi Ex.mo Director Nacional Pensão e Subvensão, Sr. Manuel Araújo dos Santos hodi partisipa iha atividades enseramentu verifikasaun dadus segundu rejistu 2009 iha Munisípiu Baucau, Posto Administrativu Vemasse, tuku 15h30 OTL.
Ministro ACLN, Sr. Júlio Sarmento da Costa “Meta Mali” ho komitiva to iha fatin enseramentu komisaun organizadora no komunidade halo resepsaun tara Tais tuir kustume tradisaun Posto Vemasse nian.

Secretário Ezecutivu reprezentanta Presidente Autoriedade Munisípiu Baucau hato’o palavra de boas vindas, hato’o mós apresisaun ba ekipa Verifikasaun iha periodu tinan ida ne’e bele kuliminante tiha dadus segundu rejistu 2009 iha Munisípiu Baucau, sujere mós ba Ministro ACLN, Sr. Júlio Sarmento da Costa “Meta Mali” se posivel antes tama ba iha tinan 2023 aplika poder lokal iha kompetênsias balu atribui ba Munisípiu atu nune’e Munisípiu bele halo akompañamentu atu nune’e iha kauza ruma ne’ebé ligadu ho dadus Veteranus Munisípiu bele apar.

Iha diskursu Ministro ACLN, “Meta Mali” hatete katak ohin loron ikus hau mai ho imi atu halo enseramentu ba Verifikasaun dadus segundu rejistu 2009 iha Munisípiu Baucau, mesmuke iha Munisípiu Baucau finaliza ona iha Postu Administrativu Vemasse maibe Munisípiu Ermera sei lao hela iha Postu Administrativu Railaco semana rua liu ba, hau fiar katak molak fulan ne’e remata Munisípiu Ermera mós tengki termina atu nune’e Konsellus Munisípius hotu-hotu tun hotu ba Dili hodi hala’o reuniaun jeral ka enkontru nasional atu bele
hare no diskute kona-ba rezultadu Verifikasaun no hala’o aprovasaun lori mai Ministerio hodi halo pagamentu. Tamba Ministério ne’e so bele administra no administrativamente deit Menistério la foti dezisaun ruma konaba ita bo’ot sira nia dadus.

Iha atividades enseramentu ne’e marka mós prezensa husi, Ministro ACLN, Sr. Júlio Sarmento da Costa “Meta Mali”, Presidente CM-CLN Baucau, Sr. Berdú, reprezentante CCLN Munisípiu Baucau Mai nasional, Sr. Alin Laek, Secretário Ezekutivu Reprezenta Presidente Autoriedade Munisípiu Baucau, Comandante PNTL Minisípiu Baucau, Director Nasional DNPS, Sr. Manuel Araújo dos Santos, Nai no Lou Kombatentes no Veteranos no Comunidades Postu Vemasse.

𝗠𝗲𝗱𝗶𝗱𝗮𝘀 𝘀𝗶𝗿𝗮 𝗶𝗵𝗮 𝗣𝗿𝗼𝗽𝗼𝘀𝘁𝗮 𝗢𝗿𝘀𝗮𝗺𝗲𝗻𝘁𝘂 𝗝𝗲𝗿𝗮́𝗹 𝗘𝘀𝘁𝗮𝗱𝘂 𝟮𝟬𝟮𝟯

✅ ️Saláriu ba Funsionáriu/Administrasaun Públiku, millaun $445

✅ ️Asesu ba eletrisidade nasionál no enerjia renovável ho eskala ki’ik, millaun $118

✅ ️Asegura Protesaun Sosiál ba Veteranu sira, millaun $103

✅ ️Fundu Rezerva Kontinjénsia, millaun $66

✅ ️Diversifikasaun ekonomia, millaun $25

✅ ️Programa Merenda Eskolár, millaun $22,4

✅ ️Programa Bolsa da Mãe Jerasaun Foun, millaun $19,2

✅ ️Fundu Dezenvolvimentu Kapitál Umanu, millaun $18

✅ ️Konstrusaun, reabilitasaun no manutensaun estrada no ponte sira iha área rurál, millaun $17

✅ ️Eleisaun Parlamentár, millaun $16

✅️ Konkordata ho Konferénsia Episkopál Timor-Leste, millaun $15

✅ ️Konstrusaun estrada nasionál Pante Macassar, millaun $15

✅ ️Sosa Ações Timor-Telecom, millaun $14,5

✅ ️Programa Pre-Eskolár, millaun $12,1

✅ ️Programa Nutrisaun ne’ebé mai husi Inisiativa Prezidente Repúblika, millaun $10

✅ ️Eleisaun Suku, millaun $10

✅ ️Reabilitasaun estrada munisipál entre Laga no Baguia, millaun $7,8

✅ ️Promove produsaun nasionál, millaun $6,4

✅ ️Apoiu orsamentu ba Relijiaun La’ós-Katólika, millaun $5

✅ ️Millaun $3,6 ba sistema irrigasaun Laivai no millaun $2,6 ba irrigasaun Galata

✅ ️Bolsa Estudu ba oan sira husi Kombatentes no Mártires Libertasaun Nasionál, millaun $1,7

✅ ️Apoiu ba Integrasaun Sosiál no Reabilitasaun ba Ema ho Defisiénsia sira, millaun $1,4

Proposta OJE 2023 mai ho lema “Investimentu Produtivu no Kresimentu Inkluzivu ba Jerasaun Futuru” ne’ebé Oitavu Governu Konstitusionál lideradu husi Primeiru-Ministru, Jenerál Taur Matan Ruak formula no aprezenta distribuisaun rekursu nasionál ne’ebé justu no ekuitativu hodi mellora prestasaun servisu, rekuperasaun ekonómiku no reziliénsia, promove kresimentu ekonómiku ida ne’ebé inkluzivu no sustentavel iha mediu prazu.

Proposta Orsamentu ne’e formula bazeia mós ba Objetivu Estratejiku husi Oitavu Governu Konstitusionál ne’ebé atu fornese sidadaun sira: 1) Oportunidade atu iha moris saudável, seguru no moris naruk; 2) Asesu ba konesimentu, teknolojia no inovasaun; no 3) Asesu ba rekursu sufisiente hodi garantia vida moris ida ne’ebé dignu. ***

https://www.facebook.com/photo/?fbid=468732505356848&set=a.230643972499037

CENTRU NACIONAL CHEGA (CNC)

Dili, Loron 28 Fulan Outubru Tinan 2022. Ministro Para os Assuntos dos Combatentes da Libertação Nacional , Sr. Júlio Sarmento da Costa "Meta Mali" hetan delegasaun husi Eselénsia Primeiro-Ministro: S.E. Taur Matan Ruak hodi halao abertura ba Kongresu Nacional Asosiasaun Vitima 1974 - 1999 ba Dala IV.

"Hakbi'it no Dignifika Direitu Vitima Hodi Asesu ba Justisa Agora no ba Futuru"

Iha abertura ne'e, Ministro ACLN "Meta Mali" hateten katak, Ita koalia Vitima, Vitima ida Passado laos Vitima ida ohin no aban. Ema hotu iha direitu maibe direitu ne'ebe ho responsabilidade, direitu no asaun Ema idak - idak nia ba independensia husi Ita bo'ot sira nia Vitima kontribui mos ba independensia. Ita bo'ot sira hein justisa no aproveita iha oportunidade ida ne'e atu hateten ba ita bo'ot sira katak, justisa ne'ebe ita rekonsilia ona ho Rai sorin no nai'in ba rekonsilia ne'e mak CNC. Maibe ohin hau atu hateten ba ita bo'ot sira katak justisa ekonomia, justisa ba vida moris loron - loron nian, justisa ba Jerasaun ba loron ohin no aban nian. Labele sai vitima atu hein justisa martelu ninian, labele sai vitima atu hein justisa ida ne'ebe Juiz sira mak tesi Lia. Maibe prepara ohin atu hateten katak horseik imi sai vitima mais imi tenki hamnasa ba no haksolok ba loron ohin no aban.

Iha biban ne'e mos Ministro ACLN "Meta Mali" dehan tan katak, aproveita iha kongresu ida ne'e molok Liurai tuan sira atu entrega cargo ne'e ba Liurai foun sira, tenki hili Ema ne'ebe mak iha kapasidade no iha konesementu ne'ebe Diak atu bele jere Asosiasaun ida ne'e durante tinan lima ba oin. REMATA

FATU - BESI, loron 22 Fulan Outubru tinan 2022. S.E MACL, Sr. JÚLIO SARMENTO DA COSTA "META MALI" SAI ORADOR BA SEMINARIU NASIONAL IHA AMBITU KOMEMORASAUN LORON NASIONAL LORIKO ASWAI'IN 12 NOVEMBERO 1991.

Tuku 10h30otl. Ministro ACLN "Meta Mali" ho komitiva to'o iha Fatin serimónia, komisaun organizadora, no komunidade halo resepsaun no fó hatais tuir kultura Munispiu Ermera nian, Tara tais, baku babadok, bidu no lok bua ho malus tuir kostume tradisaun Munispiu Ermera nian.

Xefe Suco Fatu - Besi hato'o palavras de boas vindas ba konvidadus sira hotu ne'ebe mak hakat ona mai fatin ida ne'e hodi partisipa iha KOMEMORASAUN Loron Nasional Joventude Loriko Aswai'in no fó mos agradesimentu ba VIII Governo Konstitusional hodi estabelese Hatolia B sai PA foun iha Nasaun Repúblika Demokratika de Timor - Leste.

Iha diskursu Ministro ACLN " Meta Mali" fó parabens ba povu Hatolia B ne'ebe mak tinan 2021, VIII Governo Konstitusional aprova ona Hatolia B sai PA ketak ida husi PA Hatolia A, iha tinan 2022 Governo hatur metin ona imi nia airin nudar PA foun ida iha Munispiu Ermera.

Ita halibur malu iha fatin Santa ida ne'e ho Misaun ida atu relembra fila fali passado iha tinan 24 nia laran, iha fatin sira hanesan ne'e mak fatin konsentrasaun ba Ita nia forsas sira hodi simu atakes husi inimigu nian. Maske hau hatene katak rai Fatu - Besi iha tinan 1975 iha situasaun ida ne'ebe mak difisil teb - tebes tanba kolonial Portuguesa no UDT sira mak okupa no la fo ulun ba ita nia Ukun Rasik a'an ne'e, Diferensia politika ida mai husi UDT, Apodeti, Kota - Trabalhalista no Fretilin hakarak Ukun Rasik a'an.

Palavras Ukun Rasik a'an la fasil no palavras Ukun Rasik a'an hodi sofrimentu mate Mak sosa Ukun Rasik a'an tanbne'e'e husu Ita hotu - hotu, Liu - Liu ba Jerasaun foun sira atu kuidadu no tane didiak RDTL ida ne'e.

Iha ambitu serimónia komemorasaun Loron Nasional Joventude Loriko Aswai'in ne'e marka mós presensa husi Ministro ACLN "Meta Mali", S.E Vice Ministro da Saúde, Sr. Bonifácio Maukoli, S.E Vice-Ministro da Agricultura e Pescas, Dr. Abílio Xavier de Araújo , S.E SECOMS, Sr. Merício Akara, S.E SEAC, Sr. Teofilio Caldas, Kolaborador Militar Rejiaun IV atual Deputadu VI Legislatura Sr. Er Ernesto Fernandes "Dudu", representante Prezidente Autoridade Munispiu Ermera, Administrador PA Hatolia B, xefe Suco sira, Nai no Lou Veteranos/as sira no komunidade PA Hatolia B. Remata

Ermera - Hatolia B, loron 22 Fulan Outubru tinan 2022. Ministro ACLN, Sr. Júlio Sarmento da Costa "Meta Mali" hamutuk S.E Vice Ministro Saúde, Sr. "Maukoli", Kolaborador Militar Rejiaun IV atual Deputadu VI Legislatura, Sr. Ernesto Fernandes "Dudu" . Hatur fatuk ba dahuluk ba konstrusaun Monumentu Saudozo Kabu Martinho/Komandante Martinho, iha suco Fatubulo, POSTO Administrativu Hatolia B.
Depois hatur fatuk ba dahuluk, Ministro "Meta Mali" ho ekipa kontinua Viagem ba Fatubesi hodi partisipa iha Seminariu Nasional, hodi komemora loron Nasional Joventude Loriko Aswai'in 12 Novembero 1991, iha Suco Fatubesi, Posto Administrativu Hatolia B - Munispiu Ermera. Remata

S.E MINISTRO ACLN, SR. JÚLIO SARMENTO DA COSTA “META MALI” HALA’O ATIVIDADES SERIMÓNIA INAGURASAUN BA MONUMENTU SAUDOZU JOSÉ MARIA “ASU KAFIR”, BENJAMIN DA COSTA SOARES “ASU LORI”, NO SAUDOZU JOSÉ POULELO MARIA DA COSTA “LAFAEK”

Atudara-Cailaco-Bobonaro, 14/10/2022,

S.E Ministro ACLN, Sr. Júlio Sarmento da Costa “Meta Mali” akompaña ho Ex.mo Director MACLN, Sr. Joaquim Carvalho de Araújo “Laletek” hala’o atividades serimónia Inagurasaun ba monumentu saudozu José Maria “Asu Kafir”, saudozu Benjamin da Costa Soares “Asu Lori”, saudozu José Poulelo Maria da Costa “Lafaek” iha Munisípiu Bobonaro, Posto Administrativu Cailaco, Suku Atudara, tuku 10.00 otl.

Leitura biografia ba saudozu nain tolu husi Sr. Alfredo Soares “Maulear” iha biografia hatete katak saudozu José Maria “Asu Kafir” mate iha fulan Dezembro tinan 1975, saudozu Benjamin da Costa Soares “Asu Lori” mate iha loron 10 fulan Maio tinan 1995 no saudozu José Poulelo Maria da Costa “Lafaek” mate iha loron 12 fulan Abril tinan 1999.

Iha intervensaun Vice Chefe Estado Maior Jeneral F-FDTL, Major Jeneral Calisto dos Santos “Coliati” hatete hanesan ohin ita rona ona iha biografia katak perkursu barak ne’ebé mak ita infrenta ao longo frazu 24 anos nia laran katak Independénsia ne’e la fasil, Independénsia laos ema tané deit iha bandesa mak fo mai ita maibe Independénsia ne’e atrávesa husi sofrementu oi-oin, lakon líder mesak didiak hodi sosa Independénsia ida ne’e, tamba ne’e husu ba ita hotu atu serbisu hamutuk fo liman ba malu kria unidade nasional hodi dezenvolve rai doben ida ne’e no espesialmente ba prospero povu doben Timor Leste.

S.E Ministro ACLN, Sr. Júlio Sarmento da Costa “Meta Mali” mós akresenta tan katak saudozu nain tolu no saudozu sira seluk nia mate mak ohin loron ita livre independente no sai estado de Direto Democratico. Tamba ne’e VIII Governo Konstitusional através husi MACLN nia planu iha tinan ida ne’e halot ona restos mortais iha Munisípiu Manufahi, Aileu, Quelicai no falta Laga mak seidauk halot no sei kria mós monumentu iha posto Administrativos 66 hodi hakerek saudozu sira is nia naran. Ministerio para os Assuntos dos Combatentes da Libertação Nacional mós kada tinan prepara bolsa estudu ba Combatentes no Veteranos sira nia oan ba escola hodi kapasita sira nia a’an atu nune’e bele dezenvolve rai ida ne’e, tamba rai ida ne’e atu dezenvolvidu tengki persija ema matenek.

Iha ambitu serimónia inagurasaun ne’e marka mós prezensa husi S.E Ministro ACLN, Sr. Júlio Sarmento da Costa “Meta Mali”, Vice Chefe Estado Maior Jeneral das F-FDTL, Major Jeneral Calisto dos Santos “Coliati”, Ex.mo Director Geral MACLN, Sr. Joaquim Carvalho de Araújo “Laletek”, representante MAE, representante Ministério Interior, Segundo Comandante Rejiaun IV, Sr. Tatamailau, Comandante Unidade sentro norte, Sr. Roque, Comandante unidade sentru Súl, Sr. Deker, Rev. Amo selebrante, Ex.mo Director Pensão e Subvensão, Sr. Manuel Araújo dos Santos, Ex.ma Directora Aprovisionamento e Logística, Sra. Marlia Lesse Pires Moniz, Autoriedade local no familia.

1⁰ kongresu Nasional Desteradu Ataúro tinan 1980 - 1987

Dili, Loron 13 Fulan Outubru Tinan 2022. Ministro ACLN, Sr. Júlio Sarmento da Costa "Meta Mali" halao abertura ba 1⁰ kongresu Nasional Desteradu Ataúro (kida) 1980-1987, Hametin Istoria Hodi Kontribui ba Desemvolvimentu Nasional "Identidade no Desemvolvimentu". Kongresu ne’ebe halao iha loron Quinta-feira, 13.10.2022, iha Salaun Cathedral, Dili.

Iha abertura ne'e Ministro ACLN, husu ba prisioneirus politika Desteradu Ataúro 1980 - 1987 no organizasaun Klandestina Sira hotu atu hamahan an hotu iha Mahon ida deit Mak CCLN ne'ebe Mak hari'i ona ho ninia Prezidente Sr. Riak Leman no Vice Prezidente Sr. Marito Reis.
Ministro ACLN "Meta Mali" salienta tan katak, Ohin Ita kolia ona ho Desteradu Ataúro no Ministro mos fo posibilidade ba Vice Prezidente Sr. Marito Reis atu hare mos ho ninia Elementus sira ne'ebe lori ba kastigu iha prisaun Kupang no mo's prisioneirus politika sira ne'ebe lori ba kastigu iha prisaun Cipinang - Jakarta, para atu bele sai ida deit se lae prisioneirus politika sira, Ita Konta balun no balun ita haluha.
Ita Nia Luta ba Ukun rasik an iha Frente tolu, Frente Aramada mak nudar Forsa politika Ailaran, Frente Klandestina nudar Forsa politika Vila laran no Frente Diplomatika mak nudar Forsa politika Estranjeiru. Husi Frente tolu ne'e mak kompleta malu durante luta ba ukun rasik an.

Ministro "Meta Mali" hateten katak, orgaun ida ne'e Prisioneirus politika Labele Mate to'o iha ne'ebe deit maibe tenki Moris to'o iha ne'ebe deit husi jerasaun ba jerasaun" Remata