Componente Aérea Lígeira das Falintil- FDTL

MILITAR CAL HALA'O EXERSISÍU MARFOR HO DISTANSIA 15 KM

Dili, 05 Juñu 2026

Militar husi Componente Aéreo Ligeira (CAL) hala'o Marsa Forsada (MARFOR) ho distansia Kilometro 15 hahu husi Baze Temporário AIPNL CAL - Tasi Tolu João Paulo Foho leten-foho Malinamuk - Foho Golgota no termina fali iha Baze Temporário CAL.

Exersisíu Marsa Forsada ne’e hanesan atividade husi Componente ho objetivo atu hasa’e resisténsia fiziku militar nian, disiplina no mentalidade hodi kumpri kualkér missaun.

Iha Marsa Forsada ne’e Lidera husi Xefe Operasaun Componente Aéreo Ligeira Capitaun Aleixo Verdial Almeida, hamutuk ho Ofisiais , Sargentos no prassas.

COMPONENTE AÉREO LIGEIRA REALIZA SERIMONIA HASA’E BANDEIRA NASIONÁL BA SEMANA DAHULUK FULAN JUÑU TINAN 2026

Hangar C, 01 Juñu 2026

Membru FALINTIL-Forsa Defeza Timor-Leste (F-FDTL) liuhosi Componente Aéreo Ligeira ohin realiza serimonia hasa’e Bandeira Nasionál ba semana dahuluk fulan Juñu tinan 2026 nian, iha Baze Temporario AIPNL,Comoro Dili.

Iha Serimonia hasa’e Bandeira Nasionál ne’e prezide husi Comandante Componente Aéreo Ligeira Coronel Helder da Costa, no Comandante parada maka Capitaun Aleixo Verdial Almeida.

Iha serimónia ne’e Comandante Componente hateten, iha tinan ida ne'e husi inisiu fulan Janeiru to’o mai iha fulan Juñu ita la hetan dezafiu no problema ruma tan ne'e nafatin husu ba militar sira atu melhora liu tan Disciplina iha servisu fatin no iha fatin ne'ebé de'it no labele halo problema ruma iha komunidade nia le’et no iha familia laran, hodi nune'e hamorin nafatin Componente nia naran iha futuru.

Partisipa ba serimonia ne’e Mak hanesan Comandante Componente Aéreo Ligeira Coronel Helder da Costa, 2• Comandante Componente Aéreo, Ofisiais, Sargentos, no prasas.

.

AFAMA HUSI CAL SAI 3° LUGAR BA TEIN HAHAN TRADISIONAL

Quartel General Fatuhada Dili, 29 Maio 2026

Ami Familia Militar Aswain (AFAMA) husi Componente Aéreo sai terseiru lugar iha kompetisaun tein hahan tradisional nian iha âmbitu Aniversáriu Associacão Ami Familia Militar Aswain (AFAMA) nian ba dala-14, iha Refertoriu Quartel General Fatuhada Dili.

Kompetisaun ne'e partisipa husi Componente no Unidade sira hanesan AFAMA CT, AFAMA CN, AFAMA Aéreo, AFAMA FAG, AFAMA Policia Militar inklui mós Bairro Militár Lere Anan Timur Metinaro.

Kompetisaun refere AFAMA husi Componente Aéreo Ligeira sai 3° lugar, AFAMA husi Polisia Militár 2°Lugar no AFAMA husi Componente Terrestre sai 1• Lugar.

Kompetisaun refere partisipa husi Xefe Estadu Maior Jenerál F-FDTL Tenente Jenerál Domingos Raul Falur Rate Laek, Xefe Estadu Maior F-FDTL Brigadeiro Jenerál José da Costa Soares "Trix", Comandante Componente no unidade sira inklui Ofisiais Superiores F-FDTL.

COMPONENTE AÉREO SIMU VIZITA HUSI ASSESOR P-1

Aeroportu Lanud Baucau,13 Maio 2026

Segundo Comandante Componente Aéreo Ligeira Tenente Coronel Salustiano Vasconcelos hamutuk ho estrutura ohin simu vizita husi Assesor Projetu-1 ho ekipa iha posto temporariu Aeroportu Lanud Baucau

Objetivu husi vizita ne’e mak Assesor Projetu-1 Coronel Luis Carlos Gomes da Silva halo despedida ho Componente Aéreo Ligeira tamba nia misaun termina ona iha Timor-Leste liuliu iha instituissaun F-FDTL, alende ida ne’e nia mos aprezenta Assesor Projeto-1 atual Coronel Carlos Jorge Gomes Marques ba Componente Aéreo Ligeira hodi kontinua fali misaun hanesan assesor Projetu-1 iha instituisaun F-FDTL.

MILITAR CAL HALAO TESTE PAF BA PRIMEIRO TRIMESTRE

Hangar C,30 Abríl 2026

FALINTIL -Forsa Defeza Timor-Leste (F-FDTL), liu husi Componente Aéreo Ligeira ohin hala'o teste Provas Aptidaun Fisiko (PAF) ba primeiru trimestre tinan 2026 ba militar sira, ne'ebé hala'o iha baze temporáriu Aeroportu Internasionál Prezidente Nicolau Lobato Comoro Dili.

Provas aptidaun fiziku (PAF) hanesan teste ne'ebé realiza tinan ida dala-2 ba militár-sira, hahú husi komandante tó prasa hodi hatene kona-bá kondisaun fiziku militar ida-idak nian.

Teste refere mak hanesan push-up, sit-up inklui halai (cooper) ho durasaun 12 minutus.

CAL

MEMBRU COMPONENTE AÉREO NAIN SANULU FREKUENTA ONA KURSU BÁZIKU LIAN INGLES

AIPNL, 24 Abríl 2026

FALINTIL-Forsa Defeza Timor-Leste (F-FDTL), liu husi Componente Aéreo Ligeira hamutuk ho Defense Corporation Program (DCP) fahe sertifikadu ba membru militar nain sanulu ne’ebe termina ona kursu lian ingles báziku Level-I ne'ebé realiza husi English Language Training Facility (ELTF), iha baze temporario Componente Aéreo, Aeroporto Internasional Prezidente Nicolau Lobato Comoro, Dili.

Formasaun ba kursu báziku lian ingles Level-I hahú iha loron 19 fulan Janeiru tinan 2026 no termina iha loron 24 fulan Abríl 2026 no sei kontinua ba Level II iha fulan oin.

Partisipa iha serimonia refere mak Comandante Componente Aéreo Ligeira Coronel Helder da Costa, 2• Comandante Aéreo Ligeira Ten.Cor Salustiano Vasconcelos ho estrutura, no Major Andrew Flanagham husi Education Advisor DCP ho ekipa.

CAL

COMANDO CAL SIMU VIZITA KORTEZIA HUSI ADIDO DEFEZA PORTUGAL.

Aeroportu Lanud Baucau, 23 Abríl 2026

Comandante Componente Aéreo Ligeira Coronel Helder da Costa, ho estrutura simu Vizita Kortezia husi Adido Defeza Portugál Coronel Pilotu Aviador Manuel da Costa ho Delegasaun iha Postu temporáriu Aeroportu Lanud Baucau.

Objetivu husi Vizita ne’e atu hametin relasaun kooperasaun entre FALINTIL-Forsa Defeza Timor-Leste (F-FDTL), liu husi Componente Aéreo Ligeira ho Forsa Defeza Portugál nian iha futuru.

Iha vizita nee mós Capitaun Mario Doutel Pereira halo aprezentasaun kona ba ezisténsia, kondisaun no situasaun Componente Aéreo Ligeira nian.

CAL.

EKIPA HUSI BNF HALO SENSIBILIZASAUN BA MILITAR CAL

Hangar C, 14 de Abríl 2026

Ekipa husi Banco o Nosso Futuru halo sensibilisasaun ba militar husi Componente Aéreo Ligeira kona ba ezisténsia,no kriteria hakarak atu sai kliente Banco o Nosso Futuro.

Objetivu husi sensilbizasaun ne'e mak atu sosializa informasaun ba militar sira kona ba kriteria atu sai kliente BNF,kreditu inklui mós rai osan.

Partisipa iha sensibilisasaun ne mak Comadante Componente Aéreo Ligeira, 2• Comandante Aéreo, ofisiais Sargentos no Prasas..

CAL

COMPONENTE AÉREO LIGEIRA SIMU VIZITA HUSI ADIDO DEFEZA TURKI

Hangar C, 08 Abril 2026.

FALINTIL - Forsa Defeza Timor-Leste(F-FDTL), liu husi Comandante Componente Aéreo Ligeira Coronel Helder da Costa ohin hamutuk ho estrutura simu Vizita Adido Defeza Turki Capitão ILKER BASMAZ, iha Baze temporáriu Aereportu Internasionál Prezidente Nicolau Lobato Comoro Dili.

Objetivo husi vizita ne'e atu hametin relasaun entre Forsa Componente Aéreo ho Forca Aéreo Turki iha Futuru.

CAL