Ministério das Obras Públicas-Samuel Marçal

𝗠𝗜𝗡𝗜𝗦𝗧𝗥𝗨 𝗢𝗕𝗥𝗔𝗦 𝗣𝗨́𝗕𝗟𝗜𝗞𝗔𝗦 𝗗𝗘𝗦𝗣𝗘𝗗𝗜𝗗𝗔 𝗛𝗢 𝗖𝗢𝗨𝗡𝗧𝗥𝗬 𝗗𝗜𝗥𝗘𝗖𝗧𝗢𝗥 𝗔𝗗𝗕 𝗕𝗔 𝗧𝗜𝗠𝗢𝗥-𝗟𝗘𝗦𝗧𝗘

𝗗𝗶𝗹𝗶, 𝟬𝟮 𝗝𝘂𝗻𝘂 𝟮𝟬𝟮𝟲

Ministru Obras Públikas, Samuel Marçal hodi Ministériu Obras Públikas (MOP) nia naran realiza seremonia han hamutuk ho dirijenti ADB, hodi despedida Country Director Asian Development Bank (ADB) iha Timor Leste, Sr.Stefania Dina, ne’ebé remata ona nia misaun hanesan Country ADB,seremónia han hamutuk ne’e realiza iha Hotel JL World,Area Branca.

Iha seremónia han hamutuk ne’e Ministru Obras Públikas, hato’o obrigado wai’in ba Sr. Estefania Dina ba ninia kontribuisaun tomak. Liu husi apoiu ADB hodi lori benefísiu boot ba dezenvolvimentu Governu no lori mudansa di'ak ba povu Timor-Leste.*

𝗠𝗶́𝗱𝗶𝗮-𝗠𝗢𝗣

𝗣𝗔𝗥𝗟𝗔𝗠𝗘𝗡𝗧𝗨 𝗡𝗔𝗦𝗜𝗢𝗡𝗔́𝗟 𝗔𝗣𝗥𝗢𝗩𝗔 𝗢𝗡𝗔 𝗢𝗥𝗦𝗔𝗠𝗘𝗡𝗧𝗨 𝗥𝗘𝗧𝗜𝗙𝗜𝗞𝗔𝗧𝗜𝗩𝗨 𝟮𝟬𝟮𝟲 𝗡𝗘’𝗘𝗕𝗘́ 𝗔𝗣𝗥𝗘𝗭𝗘𝗡𝗧𝗔 𝗛𝗨𝗦𝗜 𝗚𝗢𝗩𝗘𝗥𝗡𝗨

𝗗𝗶𝗹𝗶, 𝟬𝟮 𝗝𝘂𝗻𝘂 𝟮𝟬𝟮𝟲

Parlamentu Nasionál, liu husi Sesaun Plenáriu Ordináriu, iha loron tersa-feira ne’e, Deputadu sira kontinua hala’o diskusaun ho Governu no votasaun final global iha espesialidade ba Proposta Lei nú 31/VI (3ª) - alterasaun dahuluk ba Lei nu 8/2025, loron 27 fulan novembru, Orsamentu Jeral Estadu ba Tinan 2026.

Iha votasaun final global Orsamentu Retifikativu pasa ho votu avafor 42,kontra 0 no abstensaun 23.

Diskusaun ne’e nafatin ho prezensa husi Primeiru-Ministru, Kay Rala Xanana Gusmão ho membru Governu sira hotu.

Iha votasaun final global Orsamentu Retifikativu pasa ho votu avafor 42,kontra 0 no abstensaun 23.

Sesaun Plenária iha votasaun final global ne'e kontinua prezidi husi Prezidente Parlamentu Nasionál, Maria Fernanda Lay, no akompaña husi membru Meza sira.*

𝗠𝗶́𝗱𝗶𝗮-𝗠𝗢𝗣

𝗢𝗥𝗦𝗔𝗠𝗘𝗡𝗧𝗨 𝗥𝗘𝗧𝗜𝗙𝗜𝗞𝗔𝗧𝗜𝗩𝗨 𝗠𝗜𝗡𝗜𝗦𝗧𝗘́𝗥𝗨 𝗢𝗕𝗥𝗔𝗦 𝗣𝗨́𝗕𝗟𝗜𝗞𝗔𝗦 𝗣𝗔𝗦𝗔 𝗜𝗛𝗔 𝗘𝗦𝗣𝗘𝗦𝗜𝗔𝗟𝗜𝗗𝗔𝗗𝗘

𝗗𝗶𝗹𝗶, 𝟬𝟭 𝗝𝘂𝗻𝘂 𝟮𝟬𝟮𝟲

Ministru Obras Públikas,Samuel Marçal iha segunda-feira ne’e kontinua akompania Primeiru-Ministru, Kay Rala Xanana Gusmão hodi partisipa iha reauniun plenariu extraordináriu kona-bá diskusaun no votasaun jerál ba Proposta Lei Nú. 31/VI (3.2) no Alterasaun dahuluk ba Lei No. 8/2005, Orsamentu Jerál Estadu ba tinan 2026.

Iha loron datoluk diskusaun Orsamentu Jeràl Retifikativu 2026, Parlamentu Nasionál aprova ona orsamentu retifikativu Ministériu Obras Públilas (MOP) ho orsamentu ba Fundu Infraestrutura (FI) nian iha faze espesialidade.

Alende ne'e Ministru Obras Públikas mós responde preokupasaun deputadu sira sobre projeitu infraestrutura sira ne'ebé lao hela, iha teritoriu Timor-Leste.

Reuniaun plenáriu extraordináriu ne'e foka liu ba kestaun urjente hodi diskute no vota iha espesialide ba orsamentu retifikativu ne'ebé aprezenta husi IX Governu Konstitusionál.*

𝗠𝗶́𝗱𝗶𝗮-𝗠𝗢𝗣

𝗞𝗢𝗡𝗦𝗧𝗥𝗨𝗦𝗔𝗨𝗡 𝗣𝗢𝗡𝗧𝗘 𝗦𝗔𝗠𝗔𝗟𝗔𝗥𝗜 𝗡𝗜𝗡𝗜𝗔 𝗣𝗥𝗢𝗚𝗥𝗘𝗦𝗨 𝗞𝗢𝗡𝗦𝗧𝗥𝗨𝗦𝗔𝗨𝗡 𝗔𝗧𝗜𝗡𝗝𝗜 𝗢𝗡𝗔 𝟯𝟬.𝟵𝟰%

𝗕𝗮𝘂𝗰𝗮𝘂, 𝟯𝟬 𝗠𝗮𝗶𝘂 𝟮𝟬𝟮𝟲

Ekipa Unidade Inspesaun Verifikasaun no Pagamentu-Ministériu Obras Públikas (UIVP-MOP) halo monitorizasaun ba kontrusaun ponte Samalari, Postu Baguia Munisipiu Baucau, observa servisu nebe’e maka iha terenu, kompania instalasa ona reinforcement ba Abutment A1, Abutment A2 no Pier Kuaze remata ona, no Instalasaun reinforcement ba River training ka “𝗖𝗮𝗻𝘁𝗶𝗹𝗲𝘃𝗲𝗿 𝗥𝗲𝘁𝗮𝗶𝗻𝗶𝗻𝗴 𝗪𝗮𝗹𝗹” prontu ona hodi kontinua instalasaun beggesting.*

Progresu konstrusaun Ponte Samalari, Baucau, ne'ebé konstrui husi kompania China MCC20 Group Corp. Ltd, nia progresu fiziku atinji ona 30.94% :

* Servisu instalasaun beggesting ba Abutment A1 no Abutment A2 no Pier prontu ona, no hein atu kontinua ba prosesu cor-betaun “pouring concrete”.*

𝗠𝗶́𝗱𝗶𝗮-𝗠𝗢𝗣

𝗣𝗔𝗥𝗟𝗔𝗠𝗘𝗡𝗧𝗨 𝗡𝗔𝗦𝗜𝗢𝗡𝗔́𝗟 𝗞𝗢𝗡𝗧𝗜𝗡𝗨𝗔 𝗗𝗘𝗦𝗞𝗨𝗧𝗜 𝗢𝗥𝗦𝗔𝗠𝗘𝗡𝗧𝗨 𝗥𝗘𝗧𝗜𝗙𝗜𝗞𝗔𝗧𝗜𝗩𝗨 𝗜𝗛𝗔 𝗙𝗔𝗭𝗘 𝗘𝗦𝗣𝗘𝗦𝗜𝗔𝗟𝗜𝗗𝗔𝗗𝗘

𝗗𝗜𝗟𝗜, 𝟮𝟵 𝗠𝗮𝗶𝘂 𝟮𝟬𝟮𝟲

Ministru Obras Públikas kontinua akompania Primeiru-Ministru (PM), Kay Rala Xanana Gusmão hodi partisipa diskusaun Orsamentu Retifikativu (OR) tinan 2026 iha faze espesialidade, sesta-feira ne’e iha sala plenaria Parlamenu Nasionál.

Diskusaun ne’e realiza hofoin aprova iha termu jerál proposta alterasaun da-huluk bá Lei Nú. 8/2025, loron 27 Novembru, kona-bá Orsamentu Jerál Estadu bá tinan 2026 ne’ebé Governu aprezenta.

Proposta orsamentu retifikativu hakarak hatán bá impaktu sira hosi situasaun internasionál atuál, ne'ebé marka ho instabilidade jeopolítika no flutuasaun sira iha merkadu enerjétiku internasionál sira, liu-hosi medida sira ne'ebé dezeña hodi hametin seguransa enerjétika nasionál, estabiliza folin sira kombustível nian, no garante kontinuasaun funsionamentu hosi servisu esensiál sira.*

𝗠𝗶́𝗱𝗶𝗮-𝗠𝗢𝗣

𝗣𝗔𝗥𝗟𝗔𝗠𝗘𝗡𝗧𝗨 𝗡𝗔𝗦𝗜𝗢𝗡𝗔́𝗟 𝗔𝗣𝗥𝗢𝗩𝗔 𝗢𝗥𝗦𝗔𝗠𝗘𝗡𝗧𝗨 𝗥𝗘𝗧𝗜𝗙𝗜𝗞𝗔𝗧𝗜𝗩𝗨 𝗡𝗘'𝗘𝗕𝗘́ 𝗔𝗣𝗥𝗘𝗭𝗘𝗡𝗧𝗔 𝗛𝗨𝗦𝗜 𝗜𝗫 𝗚𝗢𝗩𝗘𝗥𝗡𝗨 𝗞𝗢𝗡𝗦𝗧𝗜𝗧𝗨𝗦𝗜𝗢𝗡𝗔́𝗟 𝗜𝗛𝗔 𝗙𝗔𝗭𝗘 𝗝𝗘𝗡𝗘𝗥𝗔𝗟𝗜𝗗𝗔𝗗𝗘

𝗗𝗶𝗹𝗶, 𝟮𝟴 𝗠𝗮𝗶𝘂 𝟮𝟬𝟮𝟲

Ministru Obras Públikas,Samuel Marçal iha kinta-feira ne’e akompania Primeiru-Ministru, Kay Rala Xanana Gusmão hodi partisipa iha reauniun plenariu extraordináriu kona-bá diskusaun no votasaun jerál ba Proposta Lei Nú. 31/VI (3.2) no Alterasaun dahuluk ba Lei No. 8/2005, Orsamentu Jerál Estadu ba tinan 2026.

Reuniaun plenáriu extraordináriu ne'e foka liu ba kestaun urjente hodi diskute no vota iha jeneralidade ba orsamentu retifikativu ne'ebé aprezenta husi IX Governu Konstitusionál.

Entidade prinsipál sira ne'ebé partisipa mak partisipa iha reuniaun plenariu extraordináriu, bankada parlamentár, bankada opozisaun, Membru IX Governu Konstitusionál lidera husi Primeiru-Ministru, Kay Rala Xanana Gusmão inklui observador internasionál no nasionál.

Rezultadu diskusaun no votasaun iha faze jeneralidade ba Proposta Lei nú 31/VI (3ª) no. lterasaun dahuluk ba Lei nu 8/2025, loron 27 fulan novembru, Orsamentu Jeral Estadu ba Tinan 2026, ho votus a favor 42, kontra 0 no abstensaun 23. *

𝗠𝗶́𝗱𝗶𝗮-𝗠𝗢𝗣

𝗣𝗠 𝗫𝗔𝗡𝗔𝗡𝗔 𝗛𝗔𝗟𝗢 𝗢𝗕𝗦𝗘𝗥𝗩𝗔𝗦𝗔𝗨𝗡 𝗕𝗔 𝗣𝗥𝗢𝗝𝗘𝗜𝗧𝗨 𝗘𝗦𝗧𝗥𝗔𝗗𝗔 𝗛𝗢𝗦𝗜 𝗣𝗢𝗡𝗧𝗘 𝗠𝗬 𝗙𝗥𝗜𝗘𝗡𝗗 𝗕𝗔 𝗣𝗢𝗡𝗧𝗘 𝗞𝗨𝗟𝗨𝗛𝗨𝗡

𝗗𝗶́𝗹𝗶, 𝟮𝟳 𝗠𝗮𝗶𝘂 𝟮𝟬𝟮𝟲

Primeiru-Ministru (PM), Kay Rala Xanana Gusmão akompania hosi Ministru Obras Públikas, Samuel Marçal ho Sekretariu Estadu Toponímia no Organizasaun Urbana (SEATOU), Germano Santa Brites Dias observa projetu rehabilitasaun estrada hosi Ponte My Friend ba Ponte Kuluhun,kuarta-feira ne'e. *

𝗠𝗶́𝗱𝗶𝗮-𝗠𝗢𝗣

𝗠𝗜𝗡𝗜𝗦𝗧𝗥𝗨 𝗢𝗕𝗥𝗔𝗦 𝗣𝗨́𝗕𝗟𝗜𝗞𝗔𝗦 𝗣𝗔𝗥𝗧𝗜𝗦𝗜𝗣𝗔 𝗜𝗛𝗔 𝗦𝗢𝗥𝗨𝗠𝗨𝗧𝗨 𝗞𝗢𝗡𝗦𝗘𝗟𝗟𝗨 𝗠𝗜𝗡𝗜𝗦𝗧𝗥𝗨 𝗛𝗢𝗗𝗜 𝗗𝗘𝗦𝗞𝗨𝗧𝗜 𝗣𝗢𝗡𝗧𝗨 𝗦𝗜𝗧𝗨𝗔𝗦𝗔𝗨𝗡 𝗞𝗢𝗡𝗔-𝗕𝗔 𝗘𝗭𝗘𝗞𝗨𝗦𝗔𝗨𝗡 𝗢𝗥𝗦𝗔𝗠𝗘𝗡𝗧𝗔𝗟 𝗚𝗢𝗩𝗘𝗥𝗠𝗘𝗡𝗧𝗔́𝗟 𝗡𝗢 𝗢𝗥𝗚𝗔𝗨𝗡 𝗔𝗨𝗧𝗢́𝗡𝗢𝗠𝗨 𝗜𝗛𝗔 𝗔́𝗠𝗕𝗜𝗧𝗨 𝗢𝗝𝗘 𝟮𝟬𝟮𝟲

𝗗𝗶𝗹𝗶, 𝟮𝟳 𝗠𝗮𝗶𝘂 𝟮𝟬𝟮𝟲

Sorumutu estraordinariu Konsellu Ministrus ne'ebé lidera hosi Primeiru-Ministru, Kay Rala Xanana Gusmão, analiza pontu situasaun kona-ba ezekusaun orsamentál hosi departamentu governamentál sira no organizmu autónomu ida-idak, iha ámbitu Orsamentu Jerál Estadu ba tinan 2026 (OJE 2026), ne’ebé aprova hosi Lei n. 8/2025, loron 27 fulan-novembru.

Sorumutu ne’e realiza iha sala Auditóriu Kay Rala Xanana Gusmão, iha Ministériu Finansas,kuata-feira. ne'e.

hetan partisipasaun hosi membru Governu hotu-hotu, nune’e mós responsavel sira hosi institutu no organizmu sira ne’ebé integradu iha administrasaun indireta Estadu nian.

Ezekusaun OJE 2026 atinje ona 30% hosi loron 1 fulan-janeiru to’o loron 26 fulan-maiu tinan 2026. Husi orsamentu totál (inklui seguransa sosiál), ne'ebé estabelese iha dolar amerikanu biliaun 2,445, maizumenus dolar amerikanu millaun 736 mak ezekuta ona to'o agora. Iha sorumutu ne’e, analiza ona dezafiu prinsipál sira relasiona ho ezekusaun orsamentál, liuliu kona-ba aplikasaun Kódigu Aprovizionamentu no Kontratus Públikus foun, nune’e mós nesesidade no medida sira ne’ebé ho objetivu atu reforsa kapasidade ezekusaun programa no projetu sira ne’ebé prevee ona iha OJE 2026 nian.

alende ne'e iha reuniaun aprezenta no analiza mós funsionamentu sistema informátiku aprovizionamentu nian.*

𝗠𝗶́𝗱𝗶𝗮-𝗠𝗢𝗣

𝗘𝗞𝗜𝗣𝗔 𝗧𝗘𝗞𝗡𝗜𝗞𝗨 𝗨𝗜𝗩𝗣-𝗠𝗢𝗣 𝗡𝗢 𝗔𝗗𝗡, 𝗜.𝗣 𝗗𝗘𝗠𝗢𝗟𝗜𝗦𝗛 𝗠𝗢𝗥𝗨 𝗣𝗥𝗢𝗧𝗘𝗦𝗔𝗨𝗡 𝗜𝗛𝗔 𝗞𝗔𝗦𝗡𝗔𝗙𝗔𝗥

𝗗𝗶𝗹𝗶, 𝟮𝟲 𝗠𝗮𝗶𝗼 𝟮𝟬𝟮𝟲

Ekipa Konjunta liu hosi Unidade inspesaun Verifikasaun ba Pagamentu (UIVP-MOP) no Ajensia Dezenvolvimentu Nasional (ADN, I.P, hala’o monitorizasaun ba obra konstrusaun moru protesaun Cyclope, no hare metode servisu laiha kualidade no sobu kedas moru Protesaun ho Naruk metru 32, ne'ebe konstrui husi Kompañia CTL iha Kasnafar, Kompañia refere Implementa obra Moru Protesaun Cyclope la tuir espesifikasaun MOP nian. Ekipa Konjunta orienta hodi demoliza no konstui fali tuir espesifikasaun.*

𝗠𝗶́𝗱𝗶𝗮-𝗠𝗢𝗣

𝗠𝗜𝗡𝗜𝗦𝗧𝗥𝗨 𝗢𝗕𝗥𝗔𝗦 𝗣𝗨́𝗕𝗟𝗜𝗞𝗔𝗦 𝗔𝗣𝗥𝗘𝗭𝗘𝗡𝗧𝗔 𝗗𝗘𝗭𝗘𝗠𝗩𝗢𝗟𝗩𝗜𝗠𝗘𝗡𝗧𝗨 𝗘𝗡𝗘𝗥𝗝𝗜𝗔 𝗥𝗘𝗡𝗢𝗩𝗔𝗩𝗘𝗟 𝗜𝗛𝗔 𝗙𝗢𝗥𝗨𝗠 𝗧𝗟𝗗𝗣𝗠

𝗗𝗶𝗹𝗶, 𝟮𝟲 𝗠𝗮𝗶𝘂 𝟮𝟬𝟮𝟲

Ministru Obras Públikas (MOP), Samuel Marçal, iha loron daruak Forum Dezenvolvimentu Timor-Leste (Timor-Leste Development Partners Meeting (TLDPM) aprezenta Projeitu implementasaun enerjia renovavel “Solar Panel no Wind Power Plant”, iha sala auditoriu Ministériu Finansas,tersa-feira ne’e.

Loron daruak reuniaun TLDPM preside husi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay.

Iha aprzentasaun ne’e Ministru Obras Públikas hato’o agradese wai’in ba parseiru dezenvolvimentu sira ne’ebé durante ne’e apoio governu Timor-Leste iha setor infraestrutura.*

Reuniaun TLDPM ne'e marka mós prezensa hosi Membru Governu sira seluk, Dirijente Instituisaun Públika, no parseiru dezenvolvimentu internasionál hotu ne'ebé serbisu iha Timor-Leste inklui sosiedade sivil sira.*

𝗠𝗶́𝗱𝗶𝗮-𝗠𝗢𝗣