INDMO Timor Leste

ANÚNSIU REZULTADU ENTREVISTA KANDIDATU KONSULTÓR

𝟐𝟓 𝐌𝐚𝐢𝐮 𝟐𝟎𝟐𝟓

Instituto Nacional de Desenvolvimento de Mão-de-Obra, Instituto Público (INDMO, I.P), liu husi Diresaun Nasional Servisu Koorporativu (DNSC), hakarak fo sai rezultadu entrevista, Avaliasaun Téknika no Finanseiru ba kandidatu sira ne’ebé partisipa iha selesionadu entrevista ne’ebé halo iha loron 19 fulan Maiu 2026. Ba kandidatu admitidu sira hotu sei hetan kontaktu husi INDMO, I.P ba asina kontratu.

𝐀𝐍Ú𝐍𝐒𝐈𝐔 𝐑𝐄𝐙𝐔𝐋𝐓𝐀𝐃𝐔 𝐀𝐕𝐀𝐋𝐈𝐀𝐒𝐀𝐔𝐍 𝐁𝐀 𝐃𝐎𝐊𝐔𝐌𝐄𝐍𝐓𝐔 𝐊𝐎𝐍𝐒𝐔𝐋𝐓Ó𝐑

Instituto Nacional de Desenvolvimento de Mão-de-Obra, Instituto Público (INDMO, I.P) liu husi Diresaun Nasional Servisu Koorporativu (DNSC), hakarak fo sai rezultadu selesaun Avaliasaun Dokumentu, Avaliasaun Téknika no Finanseiru ba kandidatu sira ne’ebé partisipa iha vaga re-anúnsiu ne’ebé publika iha loron 22 fulan Abril to’o 01 fulan Maiu 2026. Ba kandidatu sira ne’ebé selesionadu sei tuir entrevista iha data no oras ne’ebé temi iha kada área.

𝐀𝐍Ú𝐍𝐒𝐈𝐔 𝐑𝐄𝐙𝐔𝐋𝐓𝐀𝐃𝐔 𝐄𝐍𝐓𝐑𝐄𝐕𝐈𝐒𝐓𝐀 𝐊𝐀𝐍𝐃𝐈𝐃𝐀𝐓𝐔 𝐊𝐎𝐍𝐒𝐔𝐋𝐓Ó𝐑

Instituto Nacional de Desenvolvimento de Mão-de-Obra, Instituto Público (INDMO, I.P) liu husi Diresaun Nasional Servisu Koorporativu (DNSC), hakarak fo sai rezultadu Entrevista, Avaliasaun Téknika no Finanseira ba kandidatu sira ne’ebé partisipa iha selesionadu entrevista ne’ebé halo iha loron 04 fulan Maiu 2026. Ba kandidatu admitidu sira hotu sei hetan kontaktu husi INDMO, I.P ba etapa asina kontratu.

𝐈𝐍𝐃𝐌𝐎, 𝐏𝐀𝐒 𝐧𝐨 𝐈𝐒𝐃𝐁 𝐇𝐚𝐦𝐞𝐭𝐢𝐧 𝐊𝐨𝐥𝐚𝐛𝐨𝐫𝐚𝐬𝐚𝐮𝐧 𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐏𝐫𝐨𝐠𝐫𝐚𝐦𝐚 𝐃𝐢𝐩𝐥𝐨𝐦𝐚 𝐓𝐕𝐄𝐓

𝐂𝐨𝐦𝐨𝐫𝐨, 𝟔 𝐌𝐚𝐢𝐮 𝟐𝟎𝟐𝟔 — Instituto Nacinal de Desenvolvimento de Mão-de-Obra, Instituto Público (INDMO, I.P.), iha kolaborasaun ho Pacific Australia Skills (PAS) no Instituto Superior de Dom Bosco (ISDB), hala’o enkontru koordinasaun estratéjika ida iha Kampus ISDB, Comoro, atu avansa diskusaun kona-ba dezenvolvimentu programa Diploma iha área Educação no Formação Técnica no Profisional (TVET, sígla iha inglés) ba Timor-Leste.

Enkontru ne’e hatudu kompromisu hamutuk hosi instituisaun tolu ne’e atu hametin kualidade, profisionalizmu no sustentabilidade setór TVET iha Timor-Leste liuhosi kualifikasaun ne’ebé aliña ho padraun internasionál, abordajen formasaun bazeia ba kompeténsia, no dezenvolvimentu kapasidade institusionál.

Inisiativa ida-ne’e lidera hosi INDMO, I.P. hanesan instituisaun reguladora nasional ba setór TVET iha Timor-Leste, ho objetivu atu hametin kapasidade profisionál iha sistema formasaun téknika no profisionál, no promove dezenvolvimentu kualifikasaun avansadu ne’ebé responde ba nesesidade merkado traballu nasional no padraun internasionál.

Programa Diploma TVET ne’ebé propoen sei inklui pelumenus área espesializasaun prinsipál haat, mak hanesan Master Trainer; Lead/Master Assessor; Lideransa no Jestaun TVET; no Dezenvolvimentu Kuríkulu Bazeia ba Kompeténsia.

Programa ida-ne’e dezeña atu fó apoiu ba parte interesada oi-oin iha ekosistema TVET Timor-Leste, inklui formadór sira ne’ebé dadaun fo formasaun ka hakarak sai formadór ba programa nivel Sertifikadu III no IV iha Formação no Avaliasaun, avaliadór kompeténsia, funsionáriu sira hosi SEFOPE, Ministériu Edukasaun, funsionáriu INDMO, diretór no jestor sira hosi sentru no koléjiu TVET, formadór iha empreza, no profisionál TVET relevante seluk.

Durante diskusaun sira, INDMO, I.P. no Instituto Superior de Dom Bosco (ISDB) reafirma fila-fali sira-nia kompromisu atu apoiu PAS no espesialista internasionál sira iha hala’o análize setoriál, dezenvolve pakote formasaun bazeia ba kompeténsia, prepara rekursu aprendizajen, no apoiu implementasaun no pilotajen kualifikasaun ne’ebé propoen.

Prosessu dezenvolvimentu proposta sei kontinua iha koordinasaun hosi PAS Skills Manager, Sra. Kylie Kersel, ho kolaborasaun téknika besik entre instituisaun tolu ne’e. Parseiru sira mos konkorda atu hamutuk revê no valida esbosu proposta molok PAS lori ba mekanizmu aprovasaun interna. Alende ne’e, enkontru ne’e mos diskute kona-ba kriasaun Technical Working Group (TWG) ida atu hametin koordinasaun no fornese supervizaun téknika durante prosesu dezenvolvimentu no implementasaun.

Enkontru ida-ne’e mos sai hanesan kontinuidade hosi diskusaun sira ne’ebé realiza entre INDMO, I.P., Pacific Australia Skills (PAS), no Instituto Superior de Dom Bosco (ISDB) iha fulan Janeiru, Marsu no Abril 2026 kona-ba interese hamutuk atu apoiu dezenvolvimentu pakote formasaun bazeia ba kompeténsia no pilotajen ba kualifikasaun Diploma TVET ne’ebé propoen iha Sentru TVET ISDB.

Partisipa iha sorumutu ne’e, hosi INDMO, I.P. mak Sr. Fortunato de Assunção (Jerente Departamentu Pesquisa no Kualifikasaun), Sr. Aquiles S. Guterres (Asesor Prinsipal), Sr. Arlindo da Costa (Espesialista Tékniku Kuríkulu TVET), no Sr. David Patrício da Costa (Asesor Jurídiku). Hosi PAS Timor-Leste, reprezenta husi Sr. Peter Stephenson (Country Director), Sra. Kylie Kersel (Skills Manager), no Sr. Leonel de Araújo (Partnership Manager).

Entretantu, Instituto Superior de Dom Bosco (ISDB) reprezenta husi Pe. Manuel Paulo Pinto Fernandes, SDB (Reitor ISDB), Pe. Acácio Domingos de Castro, SDB (Decano Faculdade Ciências da Educação – FCE), Pe. Plácido Teófilo Freitas, SDB (Prefeitu Biblioteka no Koordenadór Pesquisa), no Bro. Helder da Conceição Guterres, SDB (Docente FCE).

Inisiativa kolaborativa ida-ne’e reflete parseria ne’ebé forte tebes entre Timor-Leste no parseiru dezenvolvimentu internasionál sira atu promove sistema TVET ida ne’ebé responsivu, orienta ba nesesidade indústria, no garante qualidade, hodi apoiu dezenvolvimentu forsa traballu nasional no objetivu integrasaun rejionál.

Tibar, 5 de Maio de 2026

INDMO HALO MONITORIZASAUN BA IMPLEMENTASAUN FORMASAUN IHA CNEFP TIBAR

INDMO liu husi diresaun nasional de lisensiamentu akreditasaun no sertifikasaun iha loron 5-6 fulan maio halao monitorijasaun ba implemantasaun formasaun regular iha Centru Nasional Empregu Formasaun Profesional (CNEFP) tibar. Iha monitorizasaun nebe halao husi ekipa INDMO iha area lima maka hanesan area kanalijasaun, pedreiru, karpintaria, eletricidade no soldadura.

Partisipa iha formasaun nee, maioria joven nebe ho idade 17 anos ba leten no mos sira nebe la kohi kontinua sira nia estudu, sira nebe remata ona sira nia estudu iha secundaria no mos universitariu.

Tuir Jerente perkisa no kualifikasaun iha diresaun nasional de lisensiamentu akreditasaun no kualifikasaun Fortunato de Asunsaun haktuir objectivo husi monitorijasaun maka atu akompanha formandu sira atu hare no monitoriza hodi nunee bele garantia kualidae formasaun baseia ba padraun kompetensia sira nebe aprova ona ba area lima nebe mensioan iha leten.

Iha fatin no tempu hanesan formadora Joanina da Costa nebe sai nudar formadora ba preparsaun aplikasaun servisu no mos seguru iha servisu fatin ba area kanalizasaun bé domestika nian planeamentu servisu, organijasaun fatin servuisu nunee, mos kona ba oinsa intrepreta desenho no halo levantamentu de dadaus hodi halo analisa ba dadus sira antes ba pratika.

INDMO KONTINUA HALO MONITORIZASAUN NO AVALIASAUN BA CTID BAUCAU

Baucau, 05 Maiu 2026 - Ekipa Instituto Nacional de Desenvolvimento de Mão-de-Obra kontinua halo monitorizasaun no avaliasaun ba Centro Treinamento Integral e Desenvolvimento ho objetivu prinsipál mak asegura katak fornesimentu formasaun sira iha instituisaun akreditadu sira kontinua kumpri padraun akreditasaun no nu’udar verifikasaun sistemátiku ida ba programa formasaun sira mantein aliña objetivu formasaun nian; Dezenvolve abilidade, aumenta empregabilidade no tuir padraun industria nian.

Métodu monitorizasaun ida ne’e inklui observasaun sala aprendizajen, revizaun planu formasaun, rejistu prezensa Formandu no inkéritu retroasaun.

Diretora CTID Baucau Me. Maria Marques konsidera monitorizasaun ne’e positivu tebes, dezde sentru harii hetan akreditasaun institusional no programa signifika governu rekoñese no servisu hamutuk, liu husi monitorizasaun ida ne’e mos fo hanoin nafatin manorin na’in sira nia ideia atu fasilita formasaun ho kualidade.

Monitorizasaun hala’o ho métodu sira hanesan Observasaun direta iha fatin, entrevista ho ekipa jestaun, formadór no formandu (survey)

Centro Treinamento Integral e Desenvolvimento Baucau harii husi iha 2002, ho programa Maestra di Campagna. Agora dadauk sentru ida ne’e fornese formasaun iha área Administrasaun, Hospitalidade, English Jerál, Kustura no Kulinária ho formandus hamutuk 74. Durante ezisténsia CTID Baucau gradua ona formandus hamutuk 1.467.