Ministério do Comércio e Indústria

𝐎𝐑𝐒𝐀𝐌𝐄𝐍𝐓𝐔 𝐑𝐄𝐓𝐈𝐅𝐈𝐊𝐀𝐓𝐈𝐕𝐔 (𝐎𝐑) 𝟐𝟎𝟐𝟔, 𝐁𝐀 𝐊𝐀𝐃𝐀 𝐌𝐈𝐍𝐈𝐒𝐓É𝐑𝐈𝐔 𝐀𝐏𝐑𝐎𝐕𝐀𝐃𝐔 𝐈𝐇𝐀 𝐕𝐎𝐓𝐀𝐒𝐀𝐔𝐍 𝐅𝐈𝐍Á𝐋 𝐆𝐋𝐎𝐁Á𝐋

Díli, 02 Juñu 2026- Parlamentu Nasionál liuhosi diskusaun no votasaun iha Plenária aprova ona Proposta Lei Orsamentu Retifikativu (OR), ba alterasaun da-huluk Lei Orsamentu Jeral Estadu (OJE) tinan 2026. Aprovasaun ida-ne’e reflete kompromisu Estadu atu halo ajustamentu orsamental tuir prioridade nasionál no nesesidade emerjente sira ne’ebé mosu durante implementasaun OJE 2026.

Proposta Lei OR hetan aprovasaun ho 𝘃𝗼𝘁𝘂 𝗮𝗳𝗮𝘃𝗼𝗿 𝟰𝟮, 𝗮𝗯𝘀𝘁𝗲𝗻𝘀𝗮𝘂𝗻 𝟮𝟯 𝗻𝗼 𝗸𝗼𝗻𝘁𝗿𝗮 𝟬, husi total deputadu 65 ne’ebé marka prezensa iha sesaun votasaun. Deputadu sira-ne’e kompostu husi Bankada Apoiu Governu nomós bankada opozisaun.

Hafoin aprovasaun final global, IX Governu Konstitusional, ne’ebe lidera husi Primeiru-Ministru (PM) Kay Rala Xanana Gusmão hato’o agradesimentu ba deputadu sira iha Parlamentu Nasionál, tantu husi Bankada Apoiu Governu no Bankada Opozisaun, tanba sira nia kontribuisaun liuhusi hanoin no sujestaun sira durante prosesu diskusaun.

Primeiru-Ministru subliña katak aprovasaun OR tenke implementa ho responsabilidade no kuidadu, hodi garante katak alokasaun orsamentál sei orienta tuir prioridade nasionál ne’ebé Governu planeia ona. Ida-ne’e importante tebes atu kontinua suporta dezenvolvimentu nasionál no bem-estar povu Timor-Leste.

Governu mós konsidera medida ida-ne’e relevante iha konteksu ekonomia globál atual, liuliu tanba aumentu folin mina iha merkadu internasionál ne’ebé afeta husi impaktu konflitu iha Mediu Oriente. Ida-ne’e fó alerta atu kontinua tau matan ba sustentabilidade orsamentál no estabilidade ekonomia nasionál.

Ministru Komérsiu no Indústria, Nino Pereira, ne’ebé iha tempu hanesan mós hala’o kna’ar interinu hanesan Vise-Primeiru-Ministru no Ministru Koordenador ba Asuntu Sosiál, no responsavel ba Ministério sira iha área Edukasaun Superior no Dezenvolvimentu Rural no Abitasaun Komunitária, partisipa ativamente iha diskusaun jeneralidade no fase espesialidade inklui iha final globál.

Durante prosesu ida-ne’e, Ministru nia intervensaun enfase atu defende orsamentu husi 𝗠𝗶𝗻𝗶𝘀𝘁é𝗿𝗶𝗼 𝗱𝗼 𝗖𝗼𝗺é𝗿𝗰𝗶𝗼 𝗲 𝗜𝗻𝗱ú𝘀𝘁𝗿𝗶𝗮(𝗠𝗖𝗜), 𝗠𝗶𝗻𝗶𝘀𝘁é𝗿𝗶𝗼 𝗱𝗼 𝗘𝗻𝘀𝗶𝗻𝗼 𝗦𝘂𝗽𝗲𝗿𝗶𝗼𝗿, 𝗖𝗶ê𝗻𝗰𝗶𝗮 𝗲 𝗖𝘂𝗹𝘁𝘂𝗿𝗮 (𝗠𝗘𝗦𝗖𝗖) 𝗻𝗼 𝗠𝗶𝗻𝗶𝘀𝘁é𝗿𝗶𝗼 𝗱𝗼 𝗗𝗲𝘀𝗲𝗻𝘃𝗼𝗹𝘃𝗶𝗺𝗲𝗻𝘁𝗼 𝗥𝘂𝗿𝗮𝗹 𝗲 𝗛𝗮𝗯𝗶𝘁𝗮çã𝗼 𝗖𝗼𝗺𝘂𝗻𝗶𝘁á𝗿𝗶𝗮(𝗠𝗗𝗥𝗛), hodi garante alokasaun orsamentál responde ba prioridade nasional no nesesidade konkretu iha setór sira-ne’e.

𝙈é𝙙𝙞𝙖 𝙈𝘾𝙄

𝐋𝐨𝐤𝐞 𝐨𝐧𝐚 𝐑𝐞𝐠𝐢𝐬𝐭𝐫𝐚𝐬𝐚𝐮𝐧!

📢 𝐋𝐀𝐋𝐀𝐈𝐒

💡𝐒𝐞 𝐤𝐚𝐫𝐢𝐤 𝐀𝐈 𝐛𝐞𝐥𝐞 𝐚𝐣𝐮𝐝𝐚 𝐈𝐭𝐚-𝐧𝐢𝐚 𝐍𝐞𝐠ó𝐬𝐢𝐮 𝐝𝐞𝐳𝐞𝐧𝐯𝐨𝐥𝐯𝐞 𝐝𝐢𝐚𝐤 𝐥𝐢𝐮𝐭𝐚𝐧 – 𝐧𝐨 𝐠𝐫𝐚𝐭𝐮𝐢𝐭𝐚, 𝐥𝐚 𝐩𝐫𝐞𝐬𝐢𝐳𝐚 𝐬𝐞𝐥𝐮 𝐛𝐮𝐚𝐭 𝐢𝐝𝐚?

Ne’e mak buat ne’ebe 𝐀𝐈𝐌 𝐀𝐒𝐄𝐀𝐍 (𝐀𝐈 𝐛𝐚 𝐄𝐦𝐩𝐫𝐞𝐳𝐚 𝐌𝐢𝐤𝐫𝐨, 𝐊𝐢’𝐢𝐤 𝐧𝐨 𝐌é𝐝𝐢𝐮𝐦) sira oferese. Program ida ne’e hetan finansial tomak husi 𝐀𝐒𝐄𝐀𝐍 𝐅𝐨𝐮𝐧𝐝𝐚𝐭𝐢𝐨𝐧, ho apoiu husi 𝐀𝐕𝐏𝐍 𝐧𝐨 𝐆𝐨𝐨𝐠𝐥𝐞.𝐨𝐫𝐠 𝐧𝐨 𝐀𝐃𝐁, sei lori treinamentu foka ba AI gratuita ba nain ba negósiu sira hamutuk 𝟕𝟓𝟎 iha Timor laran tomak.

Ita sei aprende oinsá atu komprende adopta no uza Artifisiál Inteligénsia (AI) ho responsabilidade iha Ita-nia negósiu – sei aprende durante horas 4 nia laran ho lian Tetum iha Similie Academy nia sentru Dili.

✅ 𝐆𝐫𝐚𝐭𝐮𝐢𝐭𝐚 (𝐥𝐚 𝐬𝐞𝐥𝐮)
✅ 𝐅𝐨𝐤𝐮𝐬 𝐛𝐚 𝐏𝐫á𝐭𝐢𝐤𝐚
✅ 𝐄-𝐂𝐞𝐫𝐭𝐢𝐟𝐢𝐜𝐚𝐭𝐞 𝐟𝐨 𝐝𝐢𝐫𝐞𝐭𝐚 𝐡𝐮𝐬𝐢 𝐀𝐒𝐄𝐀𝐍 𝐅𝐨𝐮𝐧𝐝𝐚𝐭𝐢𝐨𝐧
✅ 𝐋𝐨𝐤𝐞 𝐚𝐛𝐞𝐫𝐭𝐚 𝐛𝐚 𝐄𝐦𝐩𝐫𝐞𝐳𝐚 𝐌𝐢𝐤𝐫𝐨, 𝐊𝐢’𝐢𝐤 𝐧𝐨 𝐌é𝐝𝐢𝐮𝐦 𝐡𝐨𝐭𝐮 𝐢𝐡𝐚 𝐓𝐢𝐦𝐨𝐫

⏳ 𝐑𝐞𝐠𝐢𝐬𝐭𝐫𝐚𝐬𝐚𝐮𝐧 𝐡𝐚𝐡𝐮 𝐋𝐎𝐊𝐄 𝐢𝐡𝐚 𝐟𝐮𝐥𝐚𝐧 𝐌𝐚𝐢𝐨 𝟐𝟎𝟐𝟔
Link ba Registrasaun : https://docs.google.com/forms/d/e/1FAIpQLSdLssk895jwhv9PxlFxiMt26mZCRXLtm4QWMRAoji8LLiOcLQ/viewform?usp=pp_url

Keta husik oportunidade ida ne’e!
📍 Similie Academy, Markone Pantai Kelapa iha Café Letefoho nia sorin.

****
📢 𝐎𝐩𝐞𝐧 𝐟𝐨𝐫 𝐑𝐞𝐠𝐢𝐬𝐭𝐫𝐚𝐭𝐢𝐨𝐧𝐬 – 𝐃𝐨𝐧’𝐭 𝐌𝐢𝐬𝐬 𝐎𝐮𝐭!

💡 𝐖𝐡𝐚𝐭 𝐢𝐟 𝐀𝐈 𝐜𝐨𝐮𝐥𝐝 𝐡𝐞𝐥𝐩 𝐲𝐨𝐮𝐫 𝐛𝐮𝐬𝐢𝐧𝐞𝐬𝐬 𝐝𝐨 𝐦𝐨𝐫𝐞 — 𝐰𝐢𝐭𝐡𝐨𝐮𝐭 𝐜𝐨𝐬𝐭𝐢𝐧𝐠 𝐲𝐨𝐮 𝐚 𝐭𝐡𝐢𝐧𝐠?
That's exactly what 𝐀𝐈𝐌 𝐀𝐒𝐄𝐀𝐍 (𝐀𝐈 𝐟𝐨𝐫 𝐌𝐢𝐜𝐫𝐨, 𝐒𝐦𝐚𝐥𝐥 & 𝐌𝐞𝐝𝐢𝐮𝐦 𝐄𝐧𝐭𝐞𝐫𝐩𝐫𝐢𝐬𝐞𝐬) is offering. This 𝐟𝐮𝐥𝐥𝐲 𝐟𝐮𝐧𝐝𝐞𝐝 program by 𝐀𝐒𝐄𝐀𝐍 𝐅𝐨𝐮𝐧𝐝𝐚𝐭𝐢𝐨𝐧, supported by 𝐀𝐕𝐏𝐍 𝐚𝐧𝐝 𝐆𝐨𝐨𝐠𝐥𝐞.𝐨𝐫𝐠 𝐚𝐧𝐝 𝐀𝐃𝐁, is bringing free AI skills training to 𝟕𝟓𝟎 𝐛𝐮𝐬𝐢𝐧𝐞𝐬𝐬𝐞𝐬 𝐨𝐰𝐧𝐞𝐫 across Timor-Leste.
You'll learn how to understand, adopt, and apply Artificial Intelligence responsibly in your business — all in just 4 hours, delivered in Tetun at Similie Academy in Dili.

✅ 𝐅𝐫𝐞𝐞 𝐨𝐟 𝐜𝐡𝐚𝐫𝐠𝐞
✅ 𝐏𝐫𝐚𝐜𝐭𝐢𝐜𝐚𝐥 𝐅𝐨𝐜𝐮𝐬
✅ 𝐄-𝐂𝐞𝐫𝐭𝐢𝐟𝐢𝐜𝐚𝐭𝐞 𝐟𝐫𝐨𝐦 𝐀𝐒𝐄𝐀𝐍 𝐅𝐨𝐮𝐧𝐝𝐚𝐭𝐢𝐨𝐧
✅ 𝐎𝐩𝐞𝐧 𝐭𝐨 𝐚𝐥𝐥 𝐌𝐒𝐌𝐄𝐬 𝐢𝐧 𝐓𝐢𝐦𝐨𝐫-𝐋𝐞𝐬𝐭𝐞

⏳ 𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐎𝐏𝐄𝐍 𝐢𝐧 𝐌𝐚𝐲 𝟐𝟎𝟐𝟔
Link registration : https://docs.google.com/forms/d/e/1FAIpQLSdLssk895jwhv9PxlFxiMt26mZCRXLtm4QWMRAoji8LLiOcLQ/viewform?usp=pp_url

Don't miss your spot! 📍 Similie Academy, Markone Pantai Kelapa next to Cafe Letefoho

𝘿𝙞𝙧𝙚𝙩ó𝙧𝙖 𝙉𝙖𝙨𝙞𝙤𝙣á𝙡 𝙍𝙚𝙜𝙪𝙡𝙖𝙨𝙖𝙪𝙣 𝙆𝙤𝙢é𝙧𝙨𝙞𝙖𝙡 𝙣𝙤 𝙋𝙧𝙤𝙩𝙚𝙨𝙖𝙪𝙣 𝙆𝙤𝙣𝙨𝙪𝙢𝙞𝙙ó𝙧 𝙞𝙝𝙖 𝙋𝙧𝙚𝙥𝙖𝙧𝙖𝙨𝙖𝙪𝙣 𝙋𝙧𝙤𝙜𝙧𝙖𝙢𝙖 𝙆𝙞𝙘𝙠 𝙊𝙛𝙛 𝙢𝙖𝙞 𝙏𝙞𝙢𝙤𝙧-𝙇𝙚𝙨𝙩𝙚 (2026 – 2028)

Dili, 2 Juñu 2026 - Diretór Jerál Komérsiu, Elias de Jesus Fátima, reprezenta Ministériu Komérsiu no Indústria (MCI), hamutuk ho reprezentante sira hosi United Kingdom Office for Product Safety and Standards (OPSS), Sra. Zoe Dayan no Sra. Sari Seruni hamutuk ho liña ministeriais no parseiru dezenvolvimentun sira, hala’o enkontru kona-ba kooperasaun United Kingdom (UK) ho Timor-Leste ba programa Kick-Off 2026 – 2028, iha Sala Diresaun Jerál komérsiu MCI, Fomentu Mandarin Dili.

Programa Integrasaun Ekonómika ASEAN-UK ne’e sei fó oportunidade signifikativu ida ba Timor-Leste bainhira nasaun ne’e avansa nia integrasaun ba ASEAN hafoin Timor-Leste nia adezaun nu’udar membru ASEAN iha 2025. Programa Kick-Off 2026 – 2028 ne’e apoia Timor-Leste hodi reforma regulatóriu, hasa'e integrasaun ekonómika, hadi'a kualidade regulatóriu, no hamenus bareira sira ba komérsiu no investimentu. Inisiativa ne’e mosu iha momentu krítiku ida tanba Timor-Leste kontinua esforsu hodi rezolve dezafiu regulatóriu sira no hametin governasaun hodi hadi’a ambiente negósiu, efisiénsia merkadu, no investimentu estranjeiru.

Durante programa nia faze inisiál, instituisaun governu nian, parseiru dezenvolvimentu sira, setór privadu, akademia, no sosiedade sivíl sei serbisu hamutuk hodi identifika prioridade sira, koordena parte interesada sira, no dezenvolve roteiru ida ba implementasaun hodi apoia Timor-Leste nia ajenda reforma regulatóriu no prosesu integrasaun ASEAN nian.

𝙈é𝙙𝙞𝙖 𝙈𝘾𝙄

𝐌𝐢𝐧𝐢𝐬𝐭𝐫𝐮 𝐌𝐂𝐈, 𝐃𝐞𝐬𝐩𝐞𝐝𝐢𝐝𝐚 𝐈𝐤𝐮𝐬 𝐡𝐨 𝐂𝐨𝐮𝐧𝐭𝐫𝐲 𝐃𝐢𝐫𝐞𝐜𝐭𝐨𝐫 𝐀𝐃𝐁

𝗗𝗶𝗹𝗶, 𝟬𝟭 𝗝𝘂ñ𝘂 𝟮𝟬𝟮𝟲- Ministru Komérsiu no Indústria Nino Pereira, hato'o apresiasaun ba Diretora Nasionál Misaun Rezidente Banku Dezenvolvimentu Aziátiku (sigla Ingles; ADB) Stefania Dina, nia servisu durante mandatu.

Iha diskursu formál, Ministru Interinu Vise-Primeiru-Ministru II, elojia Sra. Dina nia partisipasaun ativu no kontribuisaun valiozu sira ba dezenvolvimentu nasionál.

Sra. Dina mós hetan rekoñesimentu tanba lidera estabelesimentu Forsa Tarefa ba Asuntu Sosiál (IMTSA) hamutuk ho parseiru dezenvolvimentu sira, hametin inisiativa sira iha seguransa ai-han no nutrisaun, dezenvolvimentu infánsia, no empoderamentu ba foin-sa'e sira. Ninia esforsu sira fornese rekursu sira ne'ebé maka importante, inklui ekipamentu eskritóriu nian ba Sekretáriu-Jerál, no reforsa governu nia vizaun atu asegura direitu ba seguransa ai-han ba sidadaun Timor-Leste.

Iha karta formal ne’e deskreve Sra. Dina la'ós de'it hanesan parseiru ida ne'ebé fiar maibé mós hanesan "belun doben ida hosi kampeaun ida hosi ita-nia ekonomia nasionál." Nia espresa konfiansa katak nia kontribuisaun sira sei hetan rekoñesimentu iha nivel aas liu, inklui konsiderasaun ba Prémiu Prezidensiál.

Reflete kona-ba nia misaun tinan tolu, Sra. Dina hato’o gratidaun ba kolaborasaun no reafirma ADB nia kompromisu atu kontinua apoia Timor-Leste, partikularmente iha dezenvolvimentu rurál no integrasaun ASEAN. Nia destaka progresu notável nasaun nian iha adezaun ba ASEAN no promete asisténsia téknika ne'ebé la'o hela enkuantu Timor-Leste prepara ba nia prezidénsia ASEAN 2029.

“Kooperasaun rejionál sempre halo parte iha ADB Sra. Dina nota, hodi subliña instituisaun nia papél ne’ebé hametin iha ninia lideransa atuál nia okos. Nia garante katak diretór nasaun foun no ekipa ADB sei kontinua avansa prioridade xave sira, inklui Projetu Sidade Portu Reziliente.

Atu konklui Ministru Nino Pereira, hato'o dezeju di'ak sira ba Sra. Dina nia knaar foun iha Manila, hodi afirma katak nia apoiu sai hanesan "instrumentál ba Timor-Leste nia kreximentu" no espresa esperansa ba kolaborasaun iha futuru.

📌𝙈é𝙙𝙞𝙖 𝙈𝘾𝙄

𝐌𝐂𝐈 𝐡𝐨 𝐉𝐈𝐂𝐀 𝐃𝐢𝐬𝐤𝐮𝐭𝐞 𝐈𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐏𝐫𝐨𝐣𝐞𝐭𝐮 𝐀𝐩𝐨𝐢𝐮 𝐛𝐚 𝐌𝐏𝐌𝐄

𝘿í𝙡𝙞, 01 𝙈𝙖𝙞𝙪 2026 – Diretor Jerál Indústria, Sr. Jorge Ferreira, hamutuk ho Diretora Nasionál Manufatureira, Sra. Odete Bello, hala’o enkontru ho ekipa JICA Timor-Leste hodi diskute implementasaun projetu apoiu ba Micro, Pequena no Média Empreza (MPME).

Objetivu hosi enkontru ne’e hodi kontinua diskusaun kona-ba koperasaun entre MCI, liu husi Direção Jerál Indústria, ho JICA Timor-Leste, hodi prepara no implementa projetu sira ne’ebé fó apoiu ba MPME sira. Fokus mak iha área dezenvolvimentu kapasidade, formasaun força traballu, no haforsa sustentabilidade negósiu sira iha Timor-Leste.

Iha enkontru ne’e, parte sira troka hanoin kona-ba oportunidade no mekanizmu apoiu ba grupu MPME, ne’ebé sai hanesan setor importante ba kresimentu ekonomia nasional. JICA hatudu nia interese atu kontinua fó apoiu liu husi atividade formasaun, kapasitasaun no dezenvolvimentu rekursu umanu.

Diskusaun mos fó atensaun ba importánsia hodi hadi’a kapasidade força traballu no hametin parseria téknika entre MCI no JICA, hodi garante implementasaun efetivu ba projetu sira ne’ebé sei benefisia emprezáriu no komunidade sira iha Timor-Leste.

Ministériu Komérsiu no Indústria apresia tebes apoiu no koperasaun diak ne’ebé estabelese ona ho JICA Timor-Leste, no espera katak relasaun ne’e bele kontinua hametin atu realiza programa no projetu sira ne’ebé kontribui ba dezenvolvimentu setor indústria no MPME iha rai laran.

Enkontru remata ho komprimisu husi parte rua atu kontinua servisu hamutuk no acelera preparasaun ba implementasaun atividade no projetu sira ne’ebé planeia ona.

📌Media MCI

𝐌𝐂𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐃𝐈𝐒𝐊𝐔𝐒𝐀𝐔𝐍 𝐄𝐒𝐏𝐄𝐒𝐈𝐀𝐋𝐈𝐃𝐀𝐃𝐄 𝐎𝐑 𝟐𝟎𝟐𝟔

𝐃í𝐥𝐢, 𝟎𝟏 𝐉𝐮ñ𝐮 𝟐𝟎𝟐𝟔- Parlamentu Nasionál (PN) aprova ona Proposta Orsamentu Retifikativu (OR) Ministériu Ensino Superior no Ministériu Komérsiu no Indústria(MCI) iha faze espesialidade, liuhosi sesaun plenária ne’ebé realiza iha Sala Plenária Parlamentu Nasionál, segunda dader (01/06/2026).

Iha Diskusaun ne’e, Ministru Komérsiu no Indústria nu’udar Ministru em Ezersísiu ba Ministériu Ensino Superior fó apreséntasaun kona-ba kortes ne'ebé la fó impaktu ba orsamentu ministériu refere US$16,669, tamba halo de'it jestaun internal, no UNTL hetan redusaun US$8,507, nune bele asegura ezekusaun orsamentu ba tinan 2026 nian.

Ministru mós esplika servisu Adidu Edukasaun iha Jakarta ne'ebé integra iha kuadruz diplomasia Embasada Timor-Leste nian iha Jakarta hodi fó atendimentu no asisténsia ba estudante unibersitariu sira iha Indonesia.

Iha rezultadu votasaun ba orsamentu Ministériu Ensino Superior, Proposta Orsamentu Retifikativu ne’e hetan aprovasaun hosi Deputadu sira ho votu 𝙛𝙖𝙫𝙤𝙧 42, 𝙖𝙗𝙨𝙩𝙚𝙣𝙨𝙖𝙪𝙣 22 𝙠𝙤𝙣𝙩𝙧𝙖 0.

Iha diskusaun ne’e mos proposta orsamentu Ministériu Komérsiu no Indústria(MCI) ba programa funsionamentu no dezenvolviemntu institusional hetan mos aprovasaun ho 𝙛𝙖𝙫𝙤𝙧 42, 𝙖𝙗𝙨𝙩𝙚𝙣𝙨𝙖𝙪𝙣 23 𝙠𝙤𝙣𝙩𝙧𝙖 0.

Proposta orsamentu retifikativu refere hatán bá impaktu sira hosi situasaun internasionál atuál, ne'ebé marka ho instabilidade jeopolítika no flutuasaun sira iha merkadu enerjétiku internasionál sira, liu-hosi medida sira ne'ebé dezeña hodi hametin seguransa enerjétika nasionál, estabiliza folin sira kombustível nian, no garante kontinuasaun funsionamentu hosi servisu esensiál sira.

📌Media MCI

𝙈𝙞𝙣𝙞𝙨𝙩é𝙧𝙞𝙪 𝙆𝙤𝙢é𝙧𝙨𝙞𝙪 𝙣𝙤 𝙄𝙣𝙙ú𝙨𝙩𝙧𝙞𝙖(𝙈𝘾𝙄) 𝙝𝙖𝙢𝙪𝙩𝙪𝙠 𝙡𝙞ñ𝙖 𝙈𝙞𝙣𝙞𝙨𝙩𝙚𝙧𝙞𝙖𝙞𝙨 𝙣𝙤 𝙋𝙖𝙧𝙨𝙚𝙞𝙧𝙪 𝘿𝙚𝙯𝙚𝙣𝙫𝙤𝙡𝙫𝙞𝙢𝙚𝙣𝙩𝙪 𝙝𝙖𝙢𝙚𝙩𝙞𝙣 𝙠𝙤𝙤𝙧𝙙𝙚𝙣𝙖𝙨𝙖𝙪𝙣 𝙗𝙖 𝙠𝙪𝙖𝙙𝙧𝙪 𝙙𝙚𝙯𝙚𝙣𝙫𝙤𝙡𝙫𝙞𝙢𝙚𝙣𝙩𝙪 2026–2031 𝙏𝙞𝙢𝙤𝙧-𝙇𝙚𝙨𝙩𝙚

Dili, 01 Juñu 2026 – Diretór Jerál Komérsiu, Sr. Elias de Jesus Fátima, reprezenta Ministériu Komérsiu no Indústria (MCI), hamutuk liña Ministeriais no parseiru dezenvolvimentun sira, halibur hamutuk ba workshop konsultasaun ida hodi fó apoiu ba preparasaun Dokumentu Programa Nasaun Timor-Leste nian (CPD) 2026–2031, matadalan tinan lima nian ba diversifikasaun ekonómika no dezenvolvimentu sustentável, iha Edifisiu CCD - Cai-coli Dili.

Diretór Jerál Komérsiu, Elias de Jesus Fátima, afirma katak workshop ne’e nia objetivu atu aliña CPD ho prioridade dezenvolvimentu nasionál, hametin koordenasaun entre parte interesada sira, no evita duplikasaun projetu sira.

Elias mós hatutan katak, nu'udar órgaun ne'ebé responsavel ba supervizaun ba dezenvolvimentu ekonómiku, Ministériu Koordenadór ba Asuntu Ekonómiku (MCAE) lidera ona planeamentu estratéjiku ba "EIF Phase Three Country Programme Document (CPD)" (Dokumentu Programa Nasaun Faze Tolu EIF nian) ba Timor-Leste. Prosesu ida-ne'e sei kulmina iha elaborasaun CPD nian, hodi estabelese matadalan operasionál sira ba períodu entre 2026 – 2031 hodi garante konsisténsia entre instituisaun governu no parseiru sira.

Durante diskusaun sira, instituisaun sira aprezenta sira nia objetivu no projetu prioridade sira ba 2026–2031, enkuantu identifika área sira ne'ebé maka bele presiza apoiu tékniku no finanseiru adisionál. Konsultasaun ne’e hein atu hasa’e koordenasaun rekursu no apoia implementasaun efetivu ba prioridade dezenvolvimentu nasionál sira.

📌𝙈é𝙙𝙞𝙖 𝙈𝘾𝙄

𝐀𝐩𝐫𝐞𝐬𝐞𝐧𝐭𝐚𝐬𝐚𝐮𝐧 𝐑𝐞𝐥𝐚𝐭ó𝐫𝐢𝐮 𝐅𝐢𝐧𝐚𝐥 𝐄𝐬𝐭𝐮𝐝𝐮 𝐕𝐢𝐚𝐛𝐢𝐥𝐢𝐝𝐚𝐝𝐞 𝐒𝐞𝐧𝐭𝐫𝐮 𝐊𝐨𝐦𝐞𝐫𝐬𝐢𝐚𝐥 𝐌𝐚𝐧𝐥𝐞𝐮𝐚𝐧𝐚

𝘿í𝙡𝙞, 1 𝙅𝙪ñ𝙪 2026– Ministériu Komérsiu no Indústria (MCI) liuhosi Diresaun Nasional Komérsiu Internu, hala’o enkontru ho Metaforma Consultants (Indonesia) JV no Archplen Consultant Unipessoal, Lda (Timor-Leste), iha salaun MCI, Fomento Mandarin.

Sorumutu ne’e atu halo apreséntasaun Final Report Estudu Viabilidade Sentru Komersial Manleuana, ne’ebé prepara husi konsultant Metaforma Consultants (Indonesia) hamutuk ho Archplen Consultant Unipessoal, Lda (Timor-Leste).

Estudu viabilidade ne’e fó análize detálhadu kona-ba aspéktu tékniku, ekonomiku no sosial atu sustenta dezenvolvimentu Sentru Komersial Manleuana hanesan projetu estratégiku ba dinamiza ekonomia lokál, fó oportunidade empregu, no aumenta atratividade investimentu iha Timor-Leste.

Apreséntasaun fó énfaze ba:

• Potensiál ekonomiku husi sentru komersial hanesan plataforma ba komérsiu modernu.
• Benefísiu sosial inklui kriasaun empregu no valorizasaun área Manleuana.
• Kooperasaun institusionál entre governu, setor privadu no komunidade lokál atu garante implementasaun susténtavel.

Dirijente ministeriais no representante konsultant sira reafirma katak relatóriu final sei servisu hanesan referénsia prinsipál ba fase implementasaun projetu, ne’ebé objetivu fó kontribuisaun ba diversifikasaun ekonomia no fortalese setor komérsiu Timor-Leste nian.

Partisipa iha aprezentasaun ne’e Xefe Gabinete Vise- Ministru, Diretor no Tekniku DNE-MOP, Teknik husi ADN, I.P,Tekniku husi SGP, Director DNCI, inklui Xefi Departmentu Tekniku MCI.

𝐕𝐢𝐬𝐞-𝐌𝐢𝐧𝐢𝐬𝐭𝐫𝐮 𝐊𝐨𝐦𝐞́𝐫𝐬𝐢𝐮 𝐧𝐨 𝐈𝐧𝐝𝐮́𝐬𝐭𝐫𝐢𝐚, 𝐧𝐮𝐮́𝐝𝐚𝐫 𝐋𝐢𝐝𝐞𝐫 𝐒𝐄𝐎𝐌 𝐓𝐢𝐦𝐨𝐫-𝐋𝐞𝐬𝐭𝐞, 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐊𝐨𝐧𝐬𝐮𝐥𝐭𝐚𝐬𝐚𝐮𝐧 𝐡𝐨 𝐏𝐚𝐫𝐬𝐞𝐢𝐫𝐮 𝐃𝐢𝐚𝐥𝐨𝐠𝐮 𝐀𝐒𝐄𝐀𝐍

🇹🇱🇵🇹🇬🇧

𝐌𝐚𝐧𝐢𝐥𝐚, 𝐅𝐢𝐥𝐢𝐩𝐢𝐧𝐚 | 𝟑𝟎–𝟑𝟏 𝐌𝐚𝐢𝐮 𝟐𝟎𝟐𝟔

S.E. Augusto Júnior Trindade, Vise-Ministru Komérsiu no Indústria no Líder SEOM Timor-Leste, partisipa iha série konsultasaun ho Parseiru Diálogu ASEAN sira ne’ebé realiza iha margem husi reuniaun SEOM 2/57 iha Philippine International Convention Center (PICC), Manila, Filipina.

Konsultasaun sira-ne’e halibur hamutuk Ofisiál Ekonómiku Senior ASEAN no Parseiru Diálogu sira, inklui Estadus Unidus, Uniaun Europeia, Kanada, Hong Kong-Xina, Japaun no Repúblika Korea, hodi reviza kooperasaun ekonomia ne’ebé la’o hela no diskute prioridade sira atu hametin integrasaun ekonomia rejionál no relasaun ekonomia eksternál ASEAN nian.

Partisipasaun Timor-Leste iha konsultasaun sira-ne’e marka momentu importante ida, tanba ida-ne’e sai hanesan partisipasaun dahuluk Timor-Leste nian iha mekanizmu konsultasaun ho Parseiru Diálogu ASEAN sira hafoin hetan admisaun ofisiál nu’udar Estadu-Membru ASEAN ba dala-11 iha Outubru 2025.

Timor-Leste reafirma nia komitmentu atu kontribui ativamente ba Komunidade Ekonómika ASEAN no aprofunda liu-tan envolvimentu no kooperasaun ho Parseiru Diálogu ASEAN sira.

𝐕𝐢𝐜𝐞-𝐌𝐢𝐧𝐢𝐬𝐭𝐫𝐨 𝐝𝐨 𝐂𝐨𝐦𝐞́𝐫𝐜𝐢𝐨 𝐞 𝐈𝐧𝐝𝐮́𝐬𝐭𝐫𝐢𝐚, 𝐧𝐚 𝐪𝐮𝐚𝐥𝐢𝐝𝐚𝐝𝐞 𝐝𝐞 𝐋𝐢́𝐝𝐞𝐫 𝐝𝐨 𝐒𝐄𝐎𝐌 𝐝𝐞 𝐓𝐢𝐦𝐨𝐫-𝐋𝐞𝐬𝐭𝐞, 𝐩𝐚𝐫𝐭𝐢𝐜𝐢𝐩𝐚 𝐞𝐦 𝐂𝐨𝐧𝐬𝐮𝐥𝐭𝐚𝐬 𝐜𝐨𝐦 𝐏𝐚𝐫𝐜𝐞𝐢𝐫𝐨𝐬 𝐝𝐞 𝐃𝐢𝐚́𝐥𝐨𝐠𝐨 𝐝𝐚 𝐀𝐒𝐄𝐀𝐍

𝐌𝐚𝐧𝐢𝐥𝐚, 𝐅𝐢𝐥𝐢𝐩𝐢𝐧𝐚𝐬 | 𝟑𝟎–𝟑𝟏 𝐝𝐞 𝐦𝐚𝐢𝐨 𝐝𝐞 𝟐𝟎𝟐𝟔

S.E. Augusto Júnior Trindade, Vice-Ministro do Comércio e Indústria e Líder do SEOM de Timor-Leste, participou numa série de consultas com os Parceiros de Diálogo da ASEAN, realizadas à margem da reunião SEOM 2/57, no Philippine International Convention Center (PICC), em Manila, Filipinas.

As consultas reuniram Altos Funcionários Económicos da ASEAN e Parceiros de Diálogo, incluindo os Estados Unidos, União Europeia, Canadá, Hong Kong-China, Japão e República da Coreia, para rever a cooperação económica em curso e discutir prioridades para reforçar a integração económica regional e as relações económicas externas da ASEAN.

A participação de Timor-Leste nestas consultas marcou um momento significativo, representando a primeira participação do país neste mecanismo de diálogo com os Parceiros da ASEAN após a sua admissão oficial como 11.º Estado-Membro da ASEAN, em outubro de 2025.

Timor-Leste reafirmou o seu compromisso de contribuir ativamente para a Comunidade Económica da ASEAN e aprofundar ainda mais o seu envolvimento e cooperação com os Parceiros de Diálogo da ASEAN.

𝐕𝐢𝐜𝐞 𝐌𝐢𝐧𝐢𝐬𝐭𝐞𝐫 𝐨𝐟 𝐂𝐨𝐦𝐦𝐞𝐫𝐜𝐞 𝐚𝐧𝐝 𝐈𝐧𝐝𝐮𝐬𝐭𝐫𝐲, 𝐚𝐬 𝐋𝐞𝐚𝐝𝐞𝐫 𝐨𝐟 𝐓𝐢𝐦𝐨𝐫-𝐋𝐞𝐬𝐭𝐞❜𝐬 𝐒𝐄𝐎𝐌, 𝐩𝐚𝐫𝐭𝐢𝐜𝐢𝐩𝐚𝐭𝐞𝐬 𝐢𝐧 𝐂𝐨𝐧𝐬𝐮𝐥𝐭𝐚𝐭𝐢𝐨𝐧𝐬 𝐰𝐢𝐭𝐡 𝐀𝐒𝐄𝐀𝐍 𝐃𝐢𝐚𝐥𝐨𝐠𝐮𝐞 𝐏𝐚𝐫𝐭𝐧𝐞𝐫𝐬

𝐌𝐚𝐧𝐢𝐥𝐚, 𝐏𝐡𝐢𝐥𝐢𝐩𝐩𝐢𝐧𝐞𝐬 | 𝟑𝟎–𝟑𝟏 𝐌𝐚𝐲 𝟐𝟎𝟐𝟔

H.E. Augusto Júnior Trindade, Vice Minister of Commerce and Industry and Leader of Timor-Leste's SEOM, participated in a series of consultations with ASEAN Dialogue Partners, held on the sidelines of the SEOM 2/57 meeting, at the Philippine International Convention Center (PICC), Manila, Philippines.

The consultations brought together ASEAN Senior Economic Officials and Dialogue Partners, including the United States, European Union, Canada, Hong Kong-China, Japan and the Republic of Korea, to review ongoing economic cooperation and discuss priorities for strengthening regional economic integration and ASEAN's external economic relations.

Timor-Leste's participation in these consultations marked a significant moment, representing the country's first participation in this dialogue mechanism with ASEAN Partners following its official admission as the 11th ASEAN Member State in October 2025.

Timor-Leste reaffirmed its commitment to actively contribute to the ASEAN Economic Community and further deepen its engagement and cooperation with ASEAN Dialogue Partners.