𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚

𝐒𝐄𝐅, 𝐏𝐀𝐑𝐓𝐈𝐒𝐈𝐏𝐀 𝐋𝐀𝐍𝐒𝐀𝐌𝐄𝐍𝐓𝐔 𝐉𝐎𝐑𝐍𝐀𝐃𝐀 𝐎𝐑𝐒𝐀𝐌𝐄𝐍𝐓𝐀𝐋 𝟐𝟎𝟐𝟕 𝐈𝐇𝐀 𝐌𝐈𝐍𝐈𝐒𝐓𝐄́𝐑𝐈𝐔 𝐅𝐈𝐍𝐀𝐍𝐒𝐀𝐒

Díli, 12 Juñu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Partisipa ofisialmente Lansamentu Jornada Orsamental 2027, hanesan pontu hahú ba prosesu planeamentu no preparasaun Orsamentu Jeral Estadu (OJE) 2027, ninian husi Ministériu Finansas.

Sorumutu ida ne’e lidera husi Sua Exelénsia Primeiru-Ministru, Sr. Kay Rala Xanana Gusmão, no partisipa husi membru Governu sira, reprezentante Órgaun Soberania sira, Deputada no Deputadu Parlamentu Nasionál, Prezidenti Autoridade Munisípiu sira, instituisaun autónoma sira, parseiru dezenvolvimentu sira, organizasaun sosiedade sivíl sira no dirigente instituisaun públiku sira hodi diskute prioridade estratéjika Governu nian, perspetiva ekonomia no fiskál, no orientasaun ba preparasaun OJE 2027.

Ho tema “Reforsa Reziliénsia liuhusi Transformasaun: Diversifika Ekonómia no Asegura Futuru Ida Sustentável”, Jornada Orsamental sai nu’udar plataforma importante ida atu Governu no parte interesada sira hamutuk diskute prioridade nasionál sira no asegura katak prosesu planeamentu no orsamentasaun orienta ba rezultadu ne’ebé bele hadi’ak moris povu Timor-Leste.

Iha abertura eventu ne’e, Sua Exelénsia Primeiru-Ministru hateten katak Timor-Leste presiza kontinua hametin planeamentu no jestaun finansas públikas atu responde ba dezafiu dezenvolvimentu no haforsa nasaun ba futuru.

“Timor-Leste la bele kontinua halo orsamentu hanesan iha tempu uluk, ne’ebé prioridade no proposta foun sira mosu iha momentu ikus no dala barak la bazeia ba análize, evidénsia no kalkulasaun ne’ebé rigorozu. Hahú husi agora, ita tenke defini uluk prioridade Governu nian no garante katak proposta hotu-hotu liu husi prosesu planeamentu, avaliasaun no kalkulasaun ne’ebé transparente.
Ita la bele kontinua aumenta despeza tanba deit iha proposta foun.

Rekursu Estadu limitadu, no tanba ne’e kada desizaun tenke fó benefísiu real ba povu. Kada dólar ida ne’ebé Governu gasta tenke kontribui ba hadi’a servisu públiku, kria oportunidade ekonomia no aumenta bem-estar sidadaun sira.”

S.E. Primeiru-Ministru mós subliña katak implementasaun estimativas futuras continuas (Rolling Forward Estimates) no planeamentu médiu prazu sei ajuda Governu atu hadi’a tomada desizaun no garante sustentabilidade fiskál.

“Desizaun ne’ebé ita halo ohin sei iha impaktu ba futuru. Tanba ne’e, Governu tenke planeia la’ós ba tinan ida deit, maibé ba tinan hirak tuirmai. Ho estimativas futuras no haforsa Planu Mediu Prazu, ita bele komprende di’ak liu impaktu fiskál husi polítika no investimentu sira ne’ebé ita aprova agora no garante katak rekursu Estadu sira utiliza ho responsabilidade.”

Sua Exelénsia Primeiru-Ministru reafirma katak orsamentu Estadu tenke sai instrumentu estratéjiku ida atu promove transformasaun ekonomia, kria empregu, hadi’a servisu públiku no apoia dezenvolvimentu sustentável iha Timor-Leste.

Durante Jornada Orsamental, partisipante sira rona ho didi’ak apresentasaun kona-ba panorama makroekonómiku no fiskál, dezempenhu setoral, rezultadu Konsulta Públika OJE 2027, Plano Médiu Prazu 2027–2030, métodu no kalendáriu preparasaun OJE 2027, prioridade Governu ba tinan 2027 no senáriu fiskál indikativu ne’ebé sei sai baze ba preparasaun orsamentu.

Iha oportunidade ne’e, Sua Exelénsia Ministra Finansas, Santina José Rodrigues F. Viegas Cardoso, emfaze katak partisipasaun sidadaun sira-nian importante teb-tebes atu garante katak prioridade Governu reflete nesesidade no aspirasaun povu nian.

“Liafuan no aspirasaun sidadaun sira importante teb-tebes ba definisaun prioridade Governu nian. Rezultadu Konsulta Públika ne’ebé realiza iha territóriu tomak fornese informasaun valiozu kona-ba nesesidade, preokupasaun no prioridade komunidade sira. Informasaun hirak ne’e ajuda Governu atu halo desizaun polítika no aloka rekursu ba área sira ne’ebé presiza liu.”

Ministériu Finansas mós hateten katak preparasaun OJE 2027 implementa tuir enquadramentu ne’ebé estabelese iha Lei Jestaun Finansas Públikas (Lei Nú. 3/2025), ne’ebé introdús reforma importante sira atu hametin ligasaun entre planeamentu, polítika públika, orsamentu no rezultadu.

Lei ida ne’e mós apoia implementasaun planeamentu médiu prazu, estimativas futuras contiuas(Rolling Forward Estimates), orsamentasaun bazeia ba polítika Governu no monitorizasaun ba dezempenhu, hodi garante utilizasaun rekursu públiku ne’ebé efetivu no efisiente.

Apresentasaun rezultadu Konsulta Públika OJE 2027 sai mós hanesan etapa importante ida iha preparasaun orsamentu. Konsulta sira realiza iha Autoridade Munisípiu 14 inklui Atauro no RAEOA, no mós ho parseirus sosiais, hodi garante prosesu ida ne’ebé luan, inkluzivu no partisipativu.

Rezultadu preliminár Konsulta Públika hatudu katak sidadaun sira kontinua konsidera edukasaun, saúde, estrada no transportes, bee moos no saneamentu, eletrisidade, agrikultura, oportunidade empregu, protesaun sosial no dezenvolvimentu ekonomia lokal hanesan área prioridade sira ne’ebé Governu tenke fó atensaun liu iha tinan sira mai.

Ministra Finansas mós hateten katak Jornada Orsamental sai nu’udar ponte importante ida ne’ebé liga prioridade Governu, aspirasaun sidadaun no prosesu preparasaun orsamentu.
“Jornada Orsamental ajuda instituisaun Governu sira atu iha komprensaun komum kona-ba situasaun ekonomia, fiskál no dezenvolvimentu ne’ebé nasaun enfrenta. Ida ne’e garante katak entidade sira prepara sira nia planu no proposta orsamentu bazeia ba prioridade, evidénsia no limite fiskál ne’ebé iha, ho fokus liu ba rezultadu no benefísiu ba povu.”

Ministériu Finansas reafirma katak OJE 2027 sei kontinua apoia investimentu sira ne’ebé promove diversifikasaun ekonomia, dezenvolvimentu kapital umanu, infraestrutura, inkluzaun sosial, reziliénsia ba alterasaun klimátika no melhoria dezempenhu setór públiku.

Rezultadu husi Jornada Orsamental sei orienta ministériu, instituisaun autónoma, autoridade munisipál no entidade públika sira seluk iha preparasaun sira nia Planu Asaun Anuál, Plano Médiu Prazu no proposta orsamentu ba tinan 2027. Dokumentu hirak ne’e sei sai baze ba elaborasaun proposta Orsamentu Jeral Estadu 2027 ne’ebé sei submete ba Konsellu Ministrus no Parlamentu Nasionál.

Liu husi Jornada Orsamental 2027, Governu reafirma nia kompromisu atu kontinua hadi’a sistema planeamentu no orsamentasaun nasionál, hametin responsabilidade ba utilizasaun rekursu públiku no garante katak investimentu Governu sira kontribui diretamente ba realizasaun Programa IX Governu Konstitusionál no aspirasaun povu Timor-Leste ba prosperidade no dezenvolvimentu sustentável.

Jornada Orsamental

Jornada Orsamental mak eventu anual ne’ebé organiza husi Ministériu Finansas atu lansa ofisialmente preparasaun Orsamentu Jeral Estadu ba tinan fiskál tuirmai. Eventu ne’e fó oportunidade ba Governu atu hato’o prioridade nasionál sira, esplika kontekstu ekonomia no fiskál, aprezenta rezultadu Konsulta Públika no garante katak entidade orsamentál sira hahú prosesu planeamentu no orsamentasaun ho komprensaun ida ne’ebé hanesan kona-ba prioridade Governu no rekursu disponivel sira.
Ba informasaun adisionál:

G-SEF

berat

𝐒𝐄𝐅 𝐏𝐀𝐑𝐓𝐈𝐒𝐈𝐏𝐀 𝐆𝐑𝐀𝐕𝐀𝐒𝐀𝐔𝐍 𝐄𝐃𝐈𝐒𝐀𝐔𝐍 𝐅𝐎𝐔𝐍 𝐇𝐔𝐒𝐈 𝐏𝐑𝐎𝐆𝐑𝐀𝐌𝐀"𝐏𝐀́𝐆𝐈𝐍𝐀 𝐃𝐎 𝐆𝐎𝐕𝐄𝐑N𝐎"

Díli, 11 Juñu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, partisipa iha gravasaun epizódiu foun ida hosi programa “Página do Governo”, inisiativa ida hosi Prezidénsia Konsellu Ministrus ne’ebé ho objetivu atu hakbesik sidadaun sira ba atividade governu nian, liuhosi divulgasaun polítikas, programas no prioridades hosi área governasaun oioin.

Iha entrevista ne’e, 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, aprezenta vizaun Governu nian ba protesaun no jestaun sustentável rekursus floresta, ho destaka importánsia hosi floresta ba prezervasaun biodiversidade, seguransa ambientál no dezenvolvimentu sustentável nasaun nian.

Konversa ne’e mós foka kona-ba programa reflorestasaun no konservasaun, medida sira ho objetivu atu hatán ba desflorestasaun no lakon biodiversidade, no mós estratéjias hodi hametin partisipasaun komunidade lokál sira iha protesaun rekursus naturais. Ko’alia mós kona-ba inisiativa edukasaun ambientál ne'ebé dirije ba foin-sa'e sira, ho objetivu atu hasa'e konxiénsia kona-ba importánsia hosi floresta.

Programa ne'e mós klarifika polítikas ne'ebé la'o hela hodi promove ekonomia verde no utilizasaun sustentável hosi rekursu naturál sira, no mós kontribuisaun setór florestál nian atu hamenus efeitus hosi mudansa klimátika. Entre tópiku sira ne'ebé aborda maka potensiál hosi mekanizmu finansiamentu ambientál.

Iha entrevista nia rohan, Sekretáriu Estadu Florestas husik hela mensajen ida kona-ba responsabilidade hamutuk iha prezervasaun ambiente no kona-ba papél floresta nian hodi harii futuru ida ne’ebé reziliente no sustentável liu ba Timor-Leste.

Programa “Página do Governo” promove hosi Gabinete Portavós Governu, ne’ebé lidera hosi Ministru Prezidénsia Konsellu Ministrus, Agio Pereira, programa ne’e prodús iha parseira ho RTTL no mídia nasionál sira, ho objetivu atu reforsa transparénsia governativa, prestasaun kontas no asesu sidadaun sira nian ba informasaun kona-ba desizaun no polítika públika prinsipál Ezekutivu nian.

Programa ne’e, konta ho Nélia Chaves nu’udar entrevistadora no ho Ika Moniz hanesan produtora ezekutiva, ne’ebé sai hanesan espasu ida ba diálogu institusionál, ne'ebé foka liu ba interese públiku. Programa “Página do Governo” ne’e grava hosi RTTL, no mós hetan apoiu tékniku hosi ekipa mídia Gabinete Primeiru-Ministru, Prezidénsia Konsellu Ministrus, no gabinete hosi membru Governu ne'ebé hetan entrevista.

Epizódiu ho 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, sei fó sai iha tempu badak iha RTTL no mídia sosiál sira.
Programa hotu-hotu ne’ebé tranzmite ona disponivel iha kanál YouTube
PT
Link para a notícia completa no Portal do Governo:
https://timor-leste.gov.tl/?p=49701&n=1&lang=pt
EN
Link to the full article release in the Government Website:
https://timor-leste.gov.tl/?p=49658&n=1&lang=en

G-SEF, hatutan, News husi Portal do Governo de Timor-Leste, klik iha https://www.facebook.com/share/p/1VMHH2uGso/

𝐒𝐄𝐅-𝐇𝐀𝐌𝐔𝐓𝐔𝐊 𝐇𝐎 𝐃𝐄𝐋𝐄𝐆𝐀𝐒𝐀𝐔𝐍 𝐒𝐈𝐑𝐀 𝐇𝐔𝐒𝐈 𝐔𝐍𝐄𝐒𝐂𝐎 𝐕𝐈𝐙𝐈𝐓𝐀 𝐓𝐔𝐑𝐈𝐒𝐓𝐈𝐊𝐔 𝐁𝐀 𝐑𝐄𝐙𝐄𝐑𝐕𝐀 𝐁𝐈𝐎́𝐒𝐅𝐄𝐑𝐀, 𝐈𝐓𝐀𝐈𝐏𝐔 𝐁𝐈𝐍𝐀𝐒𝐈𝐎𝐍𝐀́𝐋 𝐏𝐀𝐑𝐀𝐆𝐔𝐀𝐘

Paraguay, 06 Juñu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Hamutuk ho Xefe Dept. de Conservação de Flora e Fauna Sr. Pedro Pinto ho Ekipa Delegasaun husi UNESCO sira Hala'o Vizita Ofisiál ba Turistiku Sentru Rezerva Biosfera, ITAIPU Binasionál Paraguay.

Vizita ida ne'e importante tebes ba delegasaun sira hodi observa no hare diretamente rezerva biósfera kompostu husi ekosistema terrestre, mariñu no kosteiru, ne’ebé rekoñese husi Programa Ema no natureza UNESCO nian.

Husi vizita turístika ba Sentru Rezerva Biósfera , Nu’udar parte husi sensaun ba dala-38 Konsellu Koordenadór Internasionál ba Programa Ema ho Natureza, Mand And the Biosfera (MAB-ICC), ITAIPU Binacionál ho kontente oferese ba partisipante sira asesu ba fatin turístiku ne’ebé regulármente disponivel.

Rezerva Biósfera mak zona espesial ne’ebé UNESCO rekoñese, ho ekosistema rai, tasi no tasi-ibun, ho objetivu atu Konserva, Proteje rekursu jenétiku, espésie, ekosistema no paizajen naturál.

Dezenvolve, apoia kresimentu ekonómiku no umanu ne’ebé sustentável, respeita kultura no natureza. Apoiu Lojístiku hodi halo investigasaun, edukasaun ambientál, treinamentu no monitorizasaun ba konservasaun.

Rezerva Biósfera, mak área espesial ne’ebé UNESCO rekoñese liu husi Programa Ema no Natureza. Fatin ne’e bele iha lagoa artivisial, rai-maran, Bacias Hidrograficas no Floresta.

Objetivu atu buka balansu entre, Konservasaun, Proteje biodiversidade, ai-horis, animál, ekosistema no paizajen. Dezenvolvimentu sustentável Apoia moris ekonómiku no sosiál komunidade lokál. Siénsia no edukasaun Sai fatin atu halo peskiza, aprende, no fó formasaun.

UNESCO bolu Rezerva Biósfera nu’udar fatin apoiu ba siénsia hodi serbi sustentabilidade signifika fatin atu estuda oinsá ema no natureza interasaun ba malu, prevene konflitu, no jere rekursu ho matenek.

ITAIPU Binacionál nia papél, hakarak sai fasilitadór ba funsaun tolu iha Rezerva Biósfera, Konservasaun, Proteje rekursu jenétiku, espésie no ekosistema. Dezenvolvimentu, Promove kresimentu ekonómiku no umanu ne’ebé respeita kultura no ambiente. Apoia investigasaun, edukasaun ambientál, kapasitasaun no monitorizasaun husi nivel lokál to’o mundiál.

Rezerva Biósfera mak zona UNESCO nian ne’ebé halibur konservasaun natureza, dezenvolvimentu sustentável, no peskiza iha fatin ida. ITAIPU Binacional apoia funsaun tolu, proteje ambiente, hadi’a moris komunidade, no fasilita estudu ho edukasaun. Objetivu boot mak hatudu katak ema no natureza bele moris hamutuk ho di’ak.

G-SEF

𝐒𝐄𝐅-𝐕𝐈𝐙𝐈𝐓𝐀 𝐓𝐔𝐑𝐈𝐒𝐓𝐈𝐊𝐔 𝐁𝐀 𝐓𝐄𝐊𝐎𝐓𝐎𝐏𝐀 𝐒𝐄𝐍𝐓𝐑𝐔 𝐀𝐌𝐁𝐈𝐄𝐍𝐓𝐀𝐋 𝐅𝐀𝐓𝐈𝐍 𝐍𝐄'𝐄𝐁𝐄́ 𝐊𝐎𝐍𝐒𝐄𝐑𝐕𝐀 𝐁𝐈𝐎𝐃𝐈𝐕𝐄𝐑𝐒𝐈𝐃𝐀𝐃𝐄 𝐈𝐇𝐀 𝐈𝐓𝐀𝐈𝐏𝐔 𝐁𝐈𝐍𝐀𝐒𝐈𝐎𝐍𝐀́𝐋 𝐏𝐀𝐑𝐀𝐆𝐔𝐀𝐘

Paraguay, 04 Juñu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Hamutuk ho Xefe Dept. de Conservação de Flora e Fauna Sr. Pedro Pinto ho Ekipa husi UNESCO, Vizita Turistiku ba TEKOTOPA Sentru Ambiental ITAIPU, Fatin ne'ebé Konserva Biodiversidade, Rekursu no Patrimóniu Kultural Ai-laran Hodi Kontribui ba Dezenvolvimentu Sustentavel Reziaun nian, iha Nasaun Paraguay.

Husi vizita turístika ba TEKOTOPA Sentru Ambientál ITAIPU, Nu’udar parte husi Sensaun ba dala-38 Konsellu Koordenadór Internasionál ba Programa Ema ho Natureza, Mand And the Biosfera (MAB-ICC), ITAIPU Binacionál ho kontente oferese ba partisipante sira asesu ba fatin turístiku ne’ebé regulármente disponivel.

Vizita turístika ba Sentru Idroelétriku ITAIPU, ida ne’e inklui tour matadalan ba Barajen Idroelétriku ITAIPU, obra enjiñaria boot ida iha mundu, inklui para iha fatin observasaun atu haree barajen, comportaun bee nian, no lagoa. Esperiénsia ne’e permite vizitante sira.

Intervensaun husi 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, informa vizita ba fatin konservasaun Biodiversidade espesiais sira iha TEKOTOPA ne'e sai hanesan referensia ida hodi dezenvolve mós iha Timor-Leste, tanba durante ne’e ita mós iha espesiais lubuk ida ne’ebé atu lakon tanba ita la iha kondisaun ida ne’ebé diak propriu atu proteje no konserva ita nia biodiversidade sira ne’ebé moris iha ita nia rai.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐄𝐅, hateten vizita ida ne’e la'o hamutuk ho nasaun sira seluk ba fatin Turistiku Sentru Ambiental Idreolétriku ITAIPU, TEKOTOPA ne’e hodi haree no observa diretamente sai hanesan referensia ida mai ita oinsa ita mós bele dezenvolve mós ba iha ita nia nasaun tuir kapasidade no finanseiru ne’ebé mak ita iha.

“Hau hanoin buat barak mak ita presija halo hodi dezenvolve tuir ho kondisaun ne’ebé maka ita iha referensia maibé durante ne’e ita seidauk iha alokasaun orsamentu ne’ebé propriu hodi konserva ita nia biodiversidade sira ho espesiais oi-oin ne’ebé besik lakon ona” hateten S.E.SEF.

Ho vizita ida ne’e importante oinsa ita bele aumenta esperensia no hanoin balun hodi ita bele dezenvolve iha ita nia rai Timor-Leste hodi kria kondisaun ne'ebé diak atu konserva ita nia biodiversidade, rekursu hídriku no patrimóniu kulturál Ai-laran nune'e bele kontribui ba dezenvolvimentu sustentável iha rai laran.

G-SEF.