G. Mouris

PAM-DILI ENTREGA VEÍKULU BA DIRETÓR SIRA IHA AUTORIDADE MUNISIPÁL DILI

Dili, 17 Janeiru 2025 - sesta feira, realiza serimónia entrega veíkulu ba diretór sira iha Autoridade Munisipál Dili. Eventu ne'e hala'o iha Salaun B Autoridade Munisipál Dili, husi Prezidenti Autoridade Munisipál Dili, Gregório da Cunha Saldanha "Mouris".

Veíkulu hirak ne'e intrega direta husi PAM DILI ba Diretór Servisu Munisipál Saneamentu, Águas e Ambiente (SMASA) Motorizada hitu (7) no karreta Carry ida (1), Ba Diretór Servisu Munisipál Asaun Sosiál: Ambulánsia rua (2)

Iha ninia intervensaun, Prezidenti Autoridade Munisipál Dili subliña importánsia atu kuidadu di'ak patrimóniu estadu nian no uza veíkulu sira-ne'e ho efisiénsia hodi hadi'a serbisu no atendimentu ba públiku.

Marka prezensa mós iha serimónia ne'e maka: SECAM 1, SECAM 3, Diretór Lojístika, Diretora Finansas, Diretór Edukasaun, Diretora Ajénsia Planeamentu no Diretór Ajénsia Fiskalizasaun

Autoridade Munisipál Dili reafirma ninia kompromisu atu kontinua hadi'a kualidade serbisu ba sidadaun sira iha munisípiu Dili.

-Dili #

PAM-DILI, GREGÓRIO DA CUNHA SALDANHA
ASSINA TERMU KONTRATU MERENDA ESKOLAR HO DIRETOR ESKOLA PÚBLIKU NO PRIVADU

Dili, 17 Janeiru 2025 – Prezidente Autoridade Munisipal Dili, Gregório da Cunha Saldanha, halo assinatura termu kontratu ho Diretor Eskola Públiku, Diretor Eskola Privadu no Ekipa Jestaun Programa konaba merenda eskolar, iha salaun AMD, Sexta semana kotuk.
Prezidente Autoridade Munisipal Dili, Gregório da Cunha Saldanha hato’o ba ekipa jestaun programa merenda escolar, tenki aproveita oportunidade no konfiansa ne’ebe Diresaun Edukasaun Munisipal Dili fo, tenki hatudu prestasaun servisu ne’ebe diak. No, atu melhora servisu diak liu, maka tenki servisu hamutuk.
Iha enkontru hamutuk ho Primeiru Ministru, temin konaba ejekusaun orsamentu iha Autoridade Munisipal Dili persentajen ki’ik, liu liu iha implementasaun programa merenda escolar. Tanba ne’e, tinan 2025 tenki melhora diak no tenki servisu hamutuk.
Prezidente Autoridade Munisipal Dili, Gregório da Cunha Saldanha hateten, governu foti desizaun aloka orsamentu ba programa merenda eskolar, tanba governu hakarak eleva labarik (alunus) sira nian kapasidade matene. Tanba, liu husi alimentasaun no nutisaun ne’ebe diak bele aumenta aumenta alunus sira nian kapasidade.
Prezidente Autoridade Munisipal Dili, Gregório da Cunha Saldanha hateten”hau hein EJP merenda eskolar servisu bazeia ba kontratu, no tinan 2025 labele akontese atrazu ba implementasaun.
Tinan 2024, fulan Abril halo lansamentu programa merenda eskolar iha Eskola Farol, maibe eskola balun laiha kondisaun, no laiha dapur, nune’e implika ba atrazu implementasaun programa merenda eskolar, entaun implika ejekusaun orsamentu ba programa ne’e ho persentajen ki’ik.
Iha tinan 2025, implemetasaun programa merenda eslolar hahu iha fulan Janeiru, tanba ne’e EJP tenki implementa programa merenda eskola ho diak, no tuir kontratu hatudu prestasaun servisu ho persentajen diak.
Diretor Edukasaun Munisipal Dili, Sabino da C. Pereira hateten, bazeia ba orientasaun, programa merenda eskolar tenki hahu fulan Janeiru, 2025. Tanba ne’e, ba Diretor Eskola Públiku, Diretor Eskola Privadu, Koordenador Eskola no EJP hotu, tenki aselera implementa programa merenda esolar iha kada eskola hotu ho diak no tenki tuir reseitas (menu) alimentasaun.
Diretor Edukasaun Munisipal Dili, Sabino da C. Pereira hateten, iha tinan 2024 servisu ne’ebe ligadu ho relatoriu atrazu hatama ba Diretor Edukasaun Munsipal, maka prejudika implementasaun programa merenda escolar Q-I, Q-II, Q-III no Q-IV. Iha tinan 2025 hahu fulan Janeiru, presiza hadiak prestasaun servisu, servisu ho responsabilidade nune’e labele prejudika servisu ne’ebe ligadu ho aprejentasaun relatoiu, labele atrazu hanesan tinan kotuk.
EJP Merenda Eskola tenki implementa programa bazeia ba reseita (menu) alimentasaun ne’ebe termina ona. Tanba, atividade implemetasaun laos ekipa fiskalizasaun husi Ministeriu Edukasaun liu husi Diresaun Edukasaun Munisipal, maibe mos ho Ministeriu Administrasaun Estatal.
Tanba, ekipa fiskalizasaun integradu, laos inspetor eskolar deit. Tanba ne’e, tenki kolabora ho Diretor Eskola, Koordenador Eskola. Tanba, “ita hakarak lori nutrisaun ba alunus no estudantes sira, Osan estadu tenki jere ho diak, tanba ema barak fo atensauntanba ba implementasaun programa merenda eskolar.

-Dili # #

Dili, 09 Janeiro 2025- Presidenti Autoridade Munisipiu Dili, Gregorio da Cunha Saldanha "Mouris", partisipa programa KOALIA SAI ho tema "Pro-Kontra Governu Hala'o Eviksaun Obrigatoriu ho nia Solusaun Sira" hamutuk ho bainaka Sira seluk Mak hanesan Sr. Diretor Rede ba Rai, Sr. Adjunto PDHJ no Sr. Jurista iha Studiu 3, Independente Tv, Hudi-Laran.

"Pro-Kontra Governu Hala'o Eviksaun Obrigatoriu ho nia Solusaun Sira" "Pro-Kontra Governu Hala'o Eviksaun Obrigatoriu ho nia Solusaun Sira" Iha Programa "Ko'alia Sai". Iha Studiu 3, ID Tv, Hudi-Laran. (09/01/2025)

PAM DILI INAGURA EDIFISIU AGRIKULTURA

Dili, 09 Janeiro 2025- Presidenti Autoridade Munisipiu Dili, Gregorio da Cunha Saldanha "Mouris" hamutuk ho Reprezentante Ministru Administrasaun Estatal, Eselensia Mateus Wilfredos dos Santos Tallo, Sekretariu Estadu Dezenvolvimentu Lokál (SEDL) Inagura Edifisiu Agrikultura, iha Suku Becora Postu Administrativu Cristo Rei Munisípiu Dili.

PAM Dili hateten Senti urgulho ba Munisipiu Dili tanba iha Nia mandatu halo inagurasaun ba edifisiu foun hodi tulun Diretor serbisu Munisipal sira halao serbisu ho diak, alende nee PAM-Dili enkoraja ba kompania lokal Sira atu labele lakon ho kompania estranjeiru sira. Husu atu kontinua hatudu obra ho kualidade, disiplina serbisu no remata tuir tempu ne'ebe determina ona.

PAM-Dili husu ba Diretor Agrikultura atu mobiliza ema hotu atu kuda ai barak iha tasi ibun, Mota ninin no foho lolon sira hodi fo Matak ba Ita Rai, ikus Liu husu atu utiliza sasan estadu Nia ba interese komun.

Iha Diskursu Sekretariu Estadu Dezenvolvimentu Lokál (SEDL) Excia. Mateus Wilfredos dos Santos, ne’e hateten: ohin munisipiu Dili marka tan pasu importante ida ba oin tamba konsege implementa programa sira iha tinan 2024 nian. Hanesan ita hatene ona katak programa sira iha PDIM nia okos alinea kedas ho politika Nonu Governu nian, liu-liu programa boot Desentralizasaun no Poder lokal ne'ebe sei implementa iha 2026 no 2027. SEDL mos hato’o ninia apresiasaun ba kompanha lokal Gaerenez Unip. Lda. ne'ebe finaliza ona projetu ida ne’e tuir tempu ne'ebe determina ona.

Konstrusaun edifisiun Agrikultura nee kaer husi kompañia lokal Gaerenez Unip Lda, orsamentu hamutuk $, 169.000.00

Partisipa iha seremonia inagurasaun edifisiun nee; Sekretaris Estadu Dezenvolvimentu Lokal, PAM sesante Sra. Gulhermina Filomena Saldanha, APA Vera Cruz, Sra. Teresa Oliveira, reprezentante APA Cristo Rei, APA Dom Aleixo, Sr. José Soares, Komandante Eskuarda Cristo Rei, Diretor/a no konvidadus sira

-Dili #

KOMPANHA THRIEL ZLATO UNIP, LDA
ENTREGA PROJETU KONSTRUSAUN NO REHABILITASAUN PAVING BLOCK
BA PAM DILI.

Dili, 7 Janeiro 2025 - Diretor Kompanha Thriel Zlato Unipessoal, Lda, Susalith Ximenes de Jesus, ofisialmente entrega projetu konstrusaun no rehabilitasaun paving block no fatin estasionamentu motor, iha resintu Autoridade Munisipal Dili ba Prezidente Autoridade Munisipal Dili, Gregório da Cunha Saldanha, iha salaun AMD, Tersa Feira.

Serimonia entrega projetu konstrusaun no rehabilitasaun paving block no fatin estasionamentu motor ne’e assina husi Diretor Kompanha Thriel Zlato Unipessoal, Lda, Susalith Ximenes de Jesus, Tékniku PDIM-AMD, Eng. Estevão Henrique Fernandes, Diretor PDIM-AMD, Awal Verdial, Administradora postu Administrativu Vera Cruz, Teresa da Costa Mariano no Prezidente Autoridade Munisipal Dili, Gregório da Cunha Saldanha, akompanha husi reprezentante Komandante PNTL munisipiu Dili, no Chefe do Suco.

Bazeia ba númeru kontratu KP/10/SMA/AM-DIL/IV/2024 entre Kompanha Thriel Zlato Unipessoal, Lda, ho Autoridade Munisipal Dili, hahu selebra kontratu iha 31 Maiu 2024.

Susalith Ximenes de Jesus hateten, ohin faze final hanesan Diretor Kompanha Thriel Zlato Unipessoal, Lda, nian responsabilidade moral halo ona obrigasaun bazeia kontratu projetu, kompanha hasoru dezafius, maibe ho koordenasaun, kooperasaun no kolaborasaun husi parta hotu, liu-liu Diretor PDIM, kompanha konsege finaliza projetu refere ho diak.

Iha biban ne’e hato’o agradesementu ba Prezidente Autoridade Munisipal Dili, Diretor PDIM, Diretor Servisu Munisipal Obras Publik ne’ebe fo fiar ba kompanha atu hala’o projetu ne’e.

Prezidente Autoridade Munisipal Dili, Gregório da Cunha Saldanha hato’o paraben ba Diretor Kompanha Thriel Zlato Unipessoal, Lda. Kompanha lokal labele lakon ho kompanha rai liur. Kompanha lokal bele aprende husi falhansu ne’ebe iha, atu fo atensaun ba obras fiziku hodi garante kualidade projetu iha futuru.

Prezidente – AMD mos hato’o ba pessoal seguransa iha AMD tenki jere diak fatin estasionamentu ba motor tenki ordena ho diak iha koridor AMD. Seguransa tenki fo hanoin ba ema hotu ne’ebe para motor la-tuir regras, tenki kumpri regras, nune’e servisu iha AMD diak liu.

Hotu tiha serimonia entrega projetu konstrusaun no rehabilitasaun paving block no fatin estasionamentu motor, kontinua ho serimonia entrega simbolikamente fardas ba ba Chefe Suco 31, ne’ebe reprezenta husi Chefe Suco Vila-Verde no Chefe Suco Bairru Pite.

Prezidente Autoridade Munisipal Dili, Greg’orio da Cunha Saldanha hateten, ba Chefe Suco hotu trenki pro-ativu servisu. Ho ita hotu nian servisu hamutuk bele rejolve problema ne’ebe sai preokupasaun maka hanesan problema lixo, problema muda vendedores ba merkadu no problema semiteriu.

Ptrezidente AMD hato’o ba autoridade lokal Chefe Suco tenki ativu servisu, organiza komunidade kada loron sexta halo limpeza iha Bairru, ALdeia no Suco, liu-liu iha valeta. No kontrola komunidade soe lixo iha fatin lixeira. Ita hamutuk servisu halo mudansa ba sidade Dili sai diak liu iha tinan 2025 ne’e.

-Dili #

PREZIDENTE – AMD, GREGÓRIO DA CUNHA SALDANHA
TRANSFORMASAUN MUNISIPIU DILI; EZIJE KOMPRIMISU, LEALDADE, SERIEDADE NO RESPONSABILIDADE IHA SERVISU

Dili, 6 Janeiru 2025 – Prezidente Autoridade Munisipal Dili, Gregório da Cunha Saldanha "Mouris", hato’o sentimentu esperansa ne’ebe klean ho determinasaun ba Diretor Servisu Munisipal hotu, Chefe Departementu, Administrador Postu Administrativu, Chefe Suco no estrurura konselhu suco hotu. “Ita hasoru momentu krusial ba futuru Dili, ne’ebe momentu ba transformasaun ezije ita hotu nian komprimisu, lealdade, seriedade, responsabilidade ba servisu”.

Transferensia Autoridade Munisipal Dili ba Kámara Munisipal, marka pasu desizivu iha desentralizasaun ba podér lokál, nudar dalan naruk, nakonu ho dezafiu, maibé esensiál tebes ba progresu no prosperidade ba sidade Dili.

Intervensaun Prezidente Autoridade Munisipal Dili, Gregório da Cunha Saldanha liu husi diskursu hateten, ne’e laos projetu ne’ebe hare’e deít administrativu, maibé esforsu koletivu ne’ebe ezije partisipasaun ativa no kolaborasaun ema hotu.

Prezidente – AMD afirma, transformasaun futuru Dili depende ba kapasidade atu hakat liu dezafiu, liu husi diálogu konstrutivu, buka solusaun no promosaun ba ambiente servisu, bazeia ba kooperasaun no respeitu mútuu.

Prezidente – AMD hateten, husi ba kotukkritika ne’ebe la fo fuan diak, tau hamutuk ita nian unidade, ita mesak familia, unidus iha objetivu komún atu servi sidadaun Dili ho efikásia no dedikasaun.

“Hau sente dezafiu ne’ebe ita hasoru no hau rekonhese kritika, problema no defisiénsia ne’ebe eziste. Maibé, hau nian konviksaun forte katak ita iha kapasidade atu hakat liu problema bo’ot ne’ebe ita hasoru. Ita tenki iha mehi katak Dili, tenki sai ezemplu ba munisipiu seluk, sidade ne’ebé saudavel, mo’os, vibrante no sustentavel”.

Prezidente – AMD, Gregório da Cunha Saldanha hateten, problema lixo sai dezafiu bo’ot, tanba ne’e ezije resposta ida integrada, involve komunidade hotu. Ita tenki sensibiliza sidadaun hotu, fo importansia no kontribuisaun iha luta ne’e. Maski dalan ba perfeisaun sai nudar dalan naruk no ezije esforsu ne’ebe sei la-para, ita nian komprimisu seriu no asaun hamutuk ba transformasaun ne’e nudar prioridade no simbolu ba ita nia susesu koletivu.

Importante tebes, durante períudu udan no konsekuénsia ba populasaun Dili, presiza implementa mudans aobrigatóriu ba komunidade ne’ebe hela iha mota ninin, Fomentu II, Comoro, nudar medida prevensaun atu garante seguransa ba rezidentes sira. “Ita tenki foti asaun ho seriedade no urjénsia. Sidadaun moris iha risku no labele husik problema ne’e kontinua. Ita sei servisu hamutuk ho komunidade atu dezenvolve planu realokasaun ne’ebe justu no efikás, fornese uma foun ne’ebe seguru ba komunidade ne’ebe afetadu, no implementa medida prevene inundasaun iha futuru”.

Prezidente – AMD, Gerg’orio da Cunha Saldanha hateten, ne’e sai dezafiu bo’ot, maibe ita esforsu hamutuk, ita halo diferensa signifikativu ba sidadaun nian moris no hadiak seguransa Dili ba tempu naruk.

Prezidente – AMD hateten, “hau hakarak halo dialogu ho funsionáriu hotu AMD nian, intelektual, emprezáriu, reprezentante husi partidu politiku no sidadaun hotu, ita disponivel atu diskute solusaun ne’ebe konkretu, define objetivu komún no halo planu asaun ne’ebe bele permite ita atu hadiak signifikativamente kualidade moris ba sidade Dili”.

Iha tinan 2025 ne’e, Prezidente – AMD husu forma ekipa Auditoria Interna, ne’ebe kompostu husi espesialista iha varius área atu hadiak prosedimentu servisu, garante transparénsia no kria servisu ne’ebe lao diak. Kualker indísiu ba korupsaun ka falsifikasaun sei hetan investigasaun ne’ebe permanente, no sei enkaminha ba autoridade kompetente.

Prezidente – AMD, Gregório da Cunha Saldanha hateten, iha tinan 2025 sai nudar tinan trabnsformasaun ne’ebe signifikativu, renovadu no esperansa ba futuru sidade Dili.

-Dili # #

Dili, 3 Janeiro 2025- Presidenti Autoridade Munisipal Dili, Gregorio da Cunha Saldanha "Mouris" Hamutuk ho Eselensia Ministru Obras Publik, Eselensia SEATOU, Autoridade Protesaun Sivil, EDTL.Ip, IGEADI halo despezu administrativu ba komunidade sira ne’ebé harii uma iha area risku Mota Comoro, aldeia Fomentu II Suco Comoro, Postu Administrativu Dom Aleixo.

Tempu udan fatin ne’e risku ba desastre naturais hodi fó ameasa ba komunidade sira nia vida. Komunidade balun deside hodi Fila ba sira nia knua moris fatin no apoiu transporte husi AMD. Komunidade sira ba knua hanesan Bobonaro (Maliana), Viqueque (Ossu), Ermera (Gleno) no Baucau (Fatumaka).

-Dili #