Média Gabinete Apoio Técnico ao Presidente da Autoridade Municipal de Aileu

𝐀𝐮𝐭𝐨𝐫𝐢𝐝𝐚𝐝𝐞 𝐀𝐢𝐥𝐞𝐮 𝐎𝐟𝐢𝐬𝐢𝐚𝐥𝐦𝐞𝐧𝐭𝐞 𝐋𝐚𝐧𝐬𝐚 𝐎𝐧𝐚 𝐏𝐫𝐨𝐣𝐞𝐭𝐮 𝐅𝐑𝐂 𝐑𝐨𝐚𝐝 𝐒𝐜𝐚𝐥𝐞 - 𝐔𝐩 𝐑𝐞𝐚𝐛𝐢𝐥𝐢𝐭𝐚𝐭𝐢𝐨𝐧, 𝐌𝐃𝐆 𝐌𝐚𝐥𝐞𝐫𝐞 𝐋𝐚𝐠𝐨𝐚 𝐒𝐞𝐥𝐨𝐢 𝐬𝐭𝐚. 𝟎+𝟎𝟎𝟎 - 𝐬𝐭𝐚. 𝟑+𝟕𝟏𝟎 𝐒𝐞𝐥𝐨𝐢-𝐌𝐚𝐥𝐞𝐫𝐞.

Aileu, 03 Juñu 2026. Exelénsia Prezidente Autoridade Munisípiu Aileu "𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬", kuarta ohin akompaña husi Diretores Servisus Munisipais no Lideransa Komunitária sira, lansa ona projetu reabilitasaun estrada husi MDG Malere ba Lagoa Seloi, ne’ebé utiliza Fiber Reinforced Concrete - FRC.

Governu hakarak utiliza sistema FRC (Fiber Reinforced Concrete) ne'e atu hadi’a kondisaun estrada no aumenta durabilidade infraestrutura iha Munisípiu Aileu.

Projetu pilotu ne'e implementa direita husi kompañia Aisel Girasol Unipessoal, Lda ho períodu tinan 1, hahú husi loron: 27 Abril 2026 no sei remata iha loron: 15 Abril 2027. Enkuantu totál orsamentu ba projetu ne’e rasik hamutuk $761,833,78.

Iha intervensaun PAM nian ba kompañia mak atu garante kualidade diak iha prosesu implementasaun projetu sira, tanba sistema FRC ne'e foin primeiravez implementa iha Aileu.

Líder máximu ne’e mós husu ba Lideransa Komunitária husi Suku Seloi-Malere no Suku Seloi-kraik atu fo hanoin ba komunidade sira labele halo impedimentu, tenki kopera ho kompañia, nune’e projetu ne’e bele finaliza tuir tempu ne’ebé termina ona.
.

Diretores ne’ebé partisipa iha lansamentu ba loron ohin ne’e mak hanesan, Diretór Ajénsia Munisipál Planeamentu, Aprovisionamentu, Obras Públikas, Diretóra ONG no OC's, partisipa hamutuk mós husi Rep. Administrador Postu Administrativu Aileu-Villa, Lideransa Komunitária Seloi-Malere, Rep. Lideransa Komunitária Seloi-kraik, Diretór Kompañia no Enjinériu Obras Públikas ho PARTISIPA no komunidade en-jerál.

.

𝐀𝐮𝐭𝐨𝐫𝐢𝐝𝐚𝐝𝐞 𝐀𝐢𝐥𝐞𝐮 𝐎𝐟𝐢𝐬𝐢𝐚𝐥𝐦𝐞𝐧𝐭𝐞 𝐋𝐚𝐧𝐬𝐚 𝐎𝐧𝐚 𝐏𝐫𝐨𝐣𝐞𝐭𝐮 𝐑𝐞𝐚𝐛𝐢𝐥𝐢𝐭𝐚𝐬𝐚𝐮𝐧 𝐄𝐬𝐭𝐫𝐚𝐝𝐚 𝐑𝐮𝐫á𝐥 𝐒𝐮𝐤𝐮 𝐊𝐚𝐫𝐚𝐡𝐢𝐥𝐢 - 𝐒𝐮𝐤𝐮 𝐅𝐚𝐝𝐚𝐛𝐥𝐨𝐤𝐨, 𝐑𝐞𝐦𝐞𝐱𝐢𝐨.

Aileu-Remexio, 02 Juñu 2026. Reprezentante PAM-Aileu liu husi Sekretáriu Munisipál Asuntu PIDI "𝐒𝐫. 𝐅𝐫𝐚𝐧𝐜𝐢𝐬𝐜𝐨 𝐀𝐮𝐫é𝐥𝐢𝐨 𝐀𝐥𝐞𝐢𝐱𝐨 𝐌𝐚𝐫𝐭𝐢𝐧𝐬", tersa ohin akompaña husi Diretores Servisus Munisipais ba Asuntu Tékniku nian, hamutuk ho Administrador Postu Administrativu Remexio no Lideransa Komunitária sira, ofisialmente lansa ona projetu reabilitasaun estrada rurál pakote I no II, husi Aikorema - Rileu, Suku Karahili ba Suku Fadabloko, Postu Administrativu Remexio, Munisípiu Aileu.

Iha serimónia ne’e partisipa mós husi Funsionáriu, parte PNTL Eskuadra Remexio no komunidade sira.

Foto husi: Media Konsellu Suku Karahili

.

Autoridade Aileu nafatin enkoraza Aileu-anan sira atu aproveita - 𝐁𝐎𝐋𝐒𝐀 𝐄𝐒𝐓𝐔𝐃𝐔 𝐊𝐎𝐌𝐏𝐋𝐄𝐓𝐔 ne’ebé fó sai husi Ministériu Ensinu Superiór, Siensia no Kultura (MESSK) Timor-Leste.

𝐏𝐑𝐎𝐆𝐑𝐀𝐌𝐀 𝐊𝐎𝐎𝐏𝐄𝐑𝐀𝐒𝐀𝐔𝐍 𝐓É𝐊𝐍𝐈𝐊𝐔 𝐌𝐀𝐋Á𝐙𝐈𝐀 (𝐌𝐓𝐂𝐏) 𝐓𝐢𝐧𝐚𝐧 𝐀𝐤𝐚𝐝é𝐦𝐢𝐤𝐮 𝟐𝟎𝟐𝟔/𝟐𝟎𝟐𝟕

Ministériu Ensinu Superiór, Siensia no Kultura (MESSK) Timor-Leste, liu-hosi Unidade Parseria no Kooperasaun (UPK) informa ba Públiku katak Governo Malásia hahú loke programa bolsa estudu kompletu ba Tinan Akadémiku 2026/2027, 𝐧í𝐯𝐞𝐥 𝐌𝐞𝐬𝐭𝐫𝐚𝐝𝐮 iha vaga 2.

𝐀𝐩𝐥𝐢𝐤𝐚𝐬𝐚𝐮𝐧 𝐥𝐨𝐤𝐞: hosi 4 Maiu 2026 to’o 12 Juñu 2026

Kandidatu bele Rejista no Aplika ba Bolsa Estudu MTCP liu-hosi sistema online iha mtcp.kln.gov.my

𝐀𝐬𝐞𝐬𝐮 𝐢𝐧𝐟𝐨𝐫𝐦𝐚𝐬𝐚𝐮𝐧 𝐬𝐢𝐫𝐚 𝐢𝐡𝐚: website ofisiál MESCC, ( https://mescc.gov.tl/tp/bolsa-estudu-kompletu-ba-programa-kooperasaun-tekniku-malasia-mtcp-tinan-akademiku-2026-2027/ ) hanehan iha link ne’e.

Responsabilidade ba benefisiáriu ne’ebé susesu maka aplika no kumpre rekezitu ba fó vistu entrada apropriadu inklui exame médiku. Kustu aplikasaun vistu benefisiariu maka sei selu tomak, Informasaun liután no detallu aplikasaun disponivel iha visa.educationmalaysia.gov.my

𝐃𝐄𝐓𝐀𝐋𝐋𝐔 𝐊𝐎𝐍𝐓𝐀𝐊𝐓𝐔 :
Ba informasaun liután ba Bolsa Estudu MTCP, bele kontaktu:
Telefone: +603-8887 4658 / 4563 /4424
(8:30 dader – 16.30 lokraik / Segunda – Sexta)
E-mail: [email protected]
Ba asinténsia tékniku kona ba sistema aplikasaun online MTCP, favor submete email ho screenshots ba: [email protected]

Mak ne’e deit, ba ita bo’ot sira nia atensaun ami hato’o, Obrigadu wain.!

Dili, 28 Maiu 2026. Autoridade Aileu Partisipa Iha Reuniaun Konsellu Koordenasaun Territoriál- KKT Ba Loron Daruak Nian Iha JL World, Metiaut-Dili.

Iha sesaun abertura, S.E. Ministru MAE, informa ba PAM sira atu remata reuniaun ne'e, PAM sira sei marka presensa iha Parlamentu Nasionál hodi akompaña debate Orsamentu Retefikativu ne'ebé diskusaun la'o dadauk hela iha Uma Fukun Parlamentu Nasionál.

S.E. Ministru informa mos ba Autoridade Munisípius, kona-ba orsamentu ba Munisípiu sira, husi parte Komisaun, C) iha PN. Iha relatoriu fó sira nia rekomendasaun katak, orsamentu ba MAE labele kortes tamba munisipiu sira atu prepara eleisoens ba poder lokál iha tinan oin.

S.E. Ministru MAE, afirma liu tan, sorumutu ida ne'e, atu hamutuk trasa futuru ba ita-nia territóriu no bem-estar populasaun. No Órgaun deliberativu MAE nian atu ajusta Planeamentu Integradu Munisipál husi nível lokál ba programa prioridade sira.
S.E. Ministru MAE afirma liu tan ba PAM sira atu útiliza gastus orsamentu tuir regras orsamentu nian hodi nune'e sei la fó impaktu ba kortes orsamentu ba Munisípiu sira.
Ministru nafatin kontinua fó atensaun ba PAM sira atu halo preparasaun ba infrastruturas sira iha Munisípius hodi hasoru eleisaun Presidensiál iha tinan oin.

S.E. Ministru MAE husu mos ba PAM sira atu orienta diretores agrikutor servisu munisípais atu informa kona-ba rezultadu kuilleta produsaun lokál husi munisipiu sira atu nune'e bele responde ba kestoens sira ne'ebé hato'o husi membru deputadus iha Parlamentu Nasionál. No diretor agrikultor munisípiu sira tenki servisu ho mapamentu atu nune'e bele hetan rezultadu koilleta ho maximu hodi mostra iha expozisaun ba loron nasionál 28 Novembru tinan ne'e. Hateten Ministru MAE ámbitu ensera reuniaun Koordenasaun Territoriál- KKT iha JL World, Metiaut-Dili.

𝐑𝐞𝐦𝐚𝐭𝐚 #
𝐌𝐞𝐝𝐢@𝐌𝐚𝐞_𝟐𝟎𝟐6
.

𝐏𝐀𝐌 𝐀𝐩𝐫𝐞𝐳𝐞𝐧𝐭𝐚 𝐏𝐫𝐨𝐩𝐨𝐬𝐭𝐚 𝐎𝐉𝐄 𝟐𝟎𝟐𝟕 𝐇𝐮𝐬𝐢 𝐀𝐮𝐭𝐨𝐫𝐢𝐝𝐚𝐝𝐞 𝐀𝐢𝐥𝐞𝐮 𝐍𝐢𝐚𝐧 𝐁𝐚 𝐆𝐨𝐯𝐞𝐫𝐧𝐮 𝐒𝐞𝐧𝐭𝐫á𝐥.

Exelénsia PAM-Aileu "𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬", akompaña husi Sekretáriu Munisipál nain-3 hanesan Asuntu Administrasaun no Finansas, Asuntu PIDI no Asuntu Sosiál no Organizasaun, hamutuk mós ho Diretór Servisu Munisipál sira, tersa ohin partisipa iha reuniaun “Konsellu Koordenasaun Territoriál - KKT", ne’ebé hala’o iha JL World, Metiaut: Dili, 26 Maiu 2026.

Iha reuniaun loron dahuluk ba KKT ne'e hodi diskute no harmoniza prioridade dezenvolvimentu no koordenasaun servisu entre instituisaun estadu sira atu garante implementasaun programa governu nian ho efetivu no efisiénsia.

Reuniaun ne’e mós sai nu’udar espasu importante ida atu hametin koperasaun interministeriál no responde ba nesesidade komunidade sira iha teritóriu nasionál.

Hafoin abertura reuniaun KKT husi 𝐒.𝐄. 𝐏𝐫𝐢𝐦𝐞𝐫𝐮 𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, iha oportunidade ba Autoridade Aileu hala’o aprezentasaun kona-bá proposta OJE 2027 ne’ebé Autoridade elabora ona hodi rekomenda ba governu sentrál atu tau iha konsiderasaun.

Iha proposta OJE 2027 ne’ebé aprezenta husi Exelénsia PAM-Aileu "𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬" ne’e ho ninia konteúdu sira foká ba:
》Komparasaun Alokasaun OJE 2024, 2025 no 2026;
》Komparasaun Despezas OJE 2024, 2025 no 2026;
》Planu Asaun Anual ba OJE 2027;
》Komparasaun OJE 2026 ho Proposta OJE 2027;
》Justifikasaun Despezas ba Proposta OJE 2027;
》Proposta Orsamentu Obrigatóriu sira ba AM-Aileu;
》Forsa Traballu; no
》Proposta OJE 2027 ba kada Servisu Munisipál sira.

Entertantu iha Planu Asaun Anuál-PAA ba 2027 ne’ebé Autoridade elabora ne’e kompostu husi:
01. Programa 20;
02. Subprograma 54; no
03. Atividades 80.
.

Iha reuniaun KKT ne’e prezensa direita husi M-MAE, Ministru MAPPF, Ministra Solidaridade Sosial, SEATOU, S.E. SEDL no akompaña mós husi Diretór Nasionál no Diretór Jerál sira.

𝐌𝐞𝐝𝐢@𝐌𝐚𝐞
.