DNIC MTC TL

𝐌𝐢𝐧𝐢𝐬𝐭é𝐫𝐢𝐨 𝐝𝐨𝐬 𝐓𝐫𝐚𝐧𝐬𝐩𝐨𝐫𝐭𝐞𝐬 𝐞 𝐂𝐨𝐦𝐮𝐧𝐢𝐜𝐚çõ𝐞𝐬 𝐋𝐚𝐧𝐬𝐚 𝐏𝐥𝐚𝐭𝐚𝐟𝐨𝐫𝐦𝐚 𝐕𝐞𝐫𝐢𝐟𝐲.𝐠𝐨𝐯.𝐭𝐥
Ministério dos Transportes e Comunicações (MTC) oficialmente lansa plataforma digital Verify.gov.tl, inisiativa estratéjika ida ne'ebé destina atu aumenta transparénsia informasaun públika, fasilita verifikasaun dadus ofisiál Governu nian no apoia esforsu nasional hodi kombate desinformasaun iha espasu dijitál.

Lansamentu plataforma ne'e realiza ho partisipasaun hosi lideransa MTC, parseiru institusionál sira no reprezentante hosi setór públiku no privadu, nu'udar parte hosi komitmentu Governu atu promove transformasaun dijitál no fortifika konfiansa públika ba informasaun ofisiál.
@ DNIC-MTC 01-06 2026

𝐅𝐨𝐭𝐨𝐠𝐫𝐚𝐟𝐢𝐚: 𝐃𝐢𝐫𝐞𝐭𝐨𝐫 𝐃𝐍𝐈𝐂-𝐌𝐓𝐂 𝐏𝐚𝐫𝐭𝐢𝐬𝐢𝐩𝐚 𝐋𝐚𝐧𝐬𝐚 𝐏𝐥𝐚𝐭𝐚𝐟𝐨𝐫𝐦𝐚 𝐕𝐞𝐫𝐢𝐟𝐲.𝐠𝐨𝐯.𝐭𝐥 𝐈𝐡𝐚 𝐒𝐚𝐥𝐚𝐮𝐧 𝐌𝐮𝐥𝐭𝐢𝐮𝐬𝐨𝐬 𝐁𝐞𝐛𝐨𝐫𝐚 𝐃𝐢𝐥𝐢

𝗙𝗢𝗧𝗢𝗚𝗥𝗔𝗙𝗜𝗔 : 𝗙𝗨𝗡𝗦𝗜𝗢𝗡𝗔𝗥𝗜𝗢 𝗡𝗢 𝗞𝗔𝗥𝗚𝗨 𝗖𝗛𝗘𝗙𝗜𝗔 𝗣𝗔𝗥𝗧𝗜𝗦𝗜𝗣𝗔 𝗟𝗔𝗡𝗦𝗔𝗠𝗘𝗡𝗧𝗨 𝗩𝗲𝗿𝗶𝗳𝘆.𝗴𝗼𝘃.𝘁𝗹 𝗜𝗛𝗔 𝗦𝗔𝗟𝗔𝗨𝗡 𝗠𝗨𝗟𝗧𝗜𝗨𝗦𝗢𝗦 𝗕𝗘𝗕𝗢𝗥𝗔 𝗗𝗜𝗟𝗜

𝐓𝐄𝐊𝐍𝐈𝐊𝐔 𝐃𝐍𝐈𝐂-𝐌𝐓𝐂 𝐈𝐍𝐒𝐓𝐀𝐋𝐀 𝐑𝐄𝐃𝐄 𝐈𝐍𝐓𝐑𝐀𝐍𝐄𝐓 𝐈𝐇𝐀 𝐅𝐀𝐓𝐈𝐍 𝐊𝐎𝐍𝐒𝐄𝐑𝐓𝐔 𝐓𝐀𝐒𝐈 𝐅𝐄𝐒𝐓 𝐓𝐀𝐒𝐈 𝐓𝐎𝐋𝐔 𝐇𝐎𝐃𝐈 𝐀𝐏𝐎𝐈𝐀 𝐋𝐈𝐕𝐄𝐒𝐓𝐑𝐄𝐀𝐌𝐈𝐍𝐆 𝐑𝐓𝐓𝐋 𝐄𝐏
Ekipa tekniku husi DNIC-MTC hala’o instalasaun rede intranet iha fatin konserto Tasi Fest Tasi Tolu atu suporta atividade livestreaming RTTL, E.P. durante eventu ne’ebé atrai partisipasaun públiku no komunidade barak iha kapital Dili.

Instalasaun rede ne’e realiza ho objetivu atu garante koneksaun intranet ne’ebé estável, lalais no seguru durante transmisãun direta eventu husi RTTL, E.P, nune’e bele asegura qualidade imagem no sonu ba telespetadór sira iha rai-laran no rai-li’ur.

Tekniku DNIC sira halo preparasaun no konfigurasaun ekipamentu rede ho uza teknolójia modernu no prosedimentu tékniku tuir padraun internasionál ba infraestrutura komunikasaun dijitál. Servisu ne’e inklui instalasaun kabu rede, sistema koneksaun intranet no te**es tékniku atu minimiza risku interrupsaun durante livestreaming.

Responsável tékniku husi DNIC hateten katak apoiu infraestrutura rede ba eventu públiku importante hanesan Tasi Fest reflete kompromisu instituisaun atu kontinua suporta dezenvolvimentu teknolojia informasaun no komunikasaun iha Timor-Leste.

“Rede intranet ne’ebé forte no estável importante tebes atu garante transmisãu direta lao ho di’ak no fó informasaun ba públiku ho qualidade aas,” hateten tekniku ida durante prosesu instalasaun.

Eventu Tasi Fest Tasi Tolu konsidera nu’udar atividade importante ida atu promove kultura, entretenimentu no partisipasaun komunidade, no RTTL, E.P. desempenha papél importante iha divulgasaun eventu liu husi plataforma transmisãu direta nasional.

DNIC-MTC reafirma nia kompromisu atu kontinua hadi’a infraestrutura rede no komunikasaun dijitál atu responde ba nesesidade eventu nasional no atividade públika sira ho servisu ne’ebé profissional no eficiente
MEDIA DNIC-MTC Dili, 08-28-2026

𝗗𝗜𝗥𝗘𝗧Ó𝗥 𝗗𝗡𝗜𝗖-𝗠𝗧𝗖 𝗢𝗕𝗦𝗘𝗥𝗩𝗔 𝗡𝗔𝗙𝗔𝗧𝗜𝗡 𝗦𝗘𝗥𝗩𝗜𝗦𝗨 𝗧𝗘𝗞𝗡𝗜𝗞𝗨 𝗦𝗜𝗥𝗔 𝗜𝗛𝗔 𝗟𝗢𝗥𝗢𝗡 𝗙𝗘𝗥𝗜𝗔𝗗𝗨

Diretór DNIC-MTC 𝐄𝐍𝐆. 𝐀𝐌𝐁𝐑𝐎𝐒𝐈𝐎 𝐀𝐌𝐀𝐑𝐀𝐋,𝐋.𝐄𝐝.,𝐌𝐌 kontinua observa no akompaña diretamente servisu ekipa tekniku sira ne’ebé hala’o instalasaun intranet iha loron feriadu, ho objetivu atu garante continuidade servisu komunikasaun no konektividade intranet.

Observasaun ne’e realiza instalasaun kabu fibra óptica no ekipamentu rede iha Salaun Multiusos Dili, ne’ebé nu’udar parte husi esforsu modernizasaun infraestrutura dijitál iha Timor-Leste.

Maski iha loron feriadu, ekipa tekniku DNIC-MTC kontinua halo servisu ho dedikasaun no responsabilidade atu asegura katak prosesu instalasaun lao tuir planu no padraun tékniku internasionál. Diretór DNIC-MTC hatudu apresiasaun aas ba komitmentu no disiplina servisu husi tekniku sira ne’ebé nafatin servisu atu responde nesesidade dezenvolvimentu telekomunikasaun nasional.

“Servisu telekomunikasaun mak infraestrutura importante ba dezenvolvimentu nasaun. Tanba ne’e, observasaun direta no apoio ba tekniku sira importante atu garante qualidade no efisiénsia servisu,” hateten Diretór DNIC-MTC durante vizita observasaun.

Instalasaun fibra óptica ne’e espera bele aumenta kapasidade rede, hadi’a estabilidade intranet no suporta atividade ofisiál, ba Lasamentu https://verify.gov.tl iha Salaun Multiusos Dili.

DNIC-MTC reafirma nia kompromisu atu kontinua promove inovasaun no dezenvolvimentu infraestrutura dijitál moderna hodi apoia transformasaun dijitál no progresu sustentável iha Timor-Leste.
MEDIA-DNIC-MTC DILI, 27-05-2026

https://www.youtube.com/watch?v=IYOQ_BVRI7g

𝐓𝐄𝐊𝐍𝐈𝐊𝐔 𝐃𝐍𝐈𝐂 𝐌𝐓𝐂 𝐈𝐍𝐒𝐓𝐀𝐋𝐀 𝐊𝐀𝐁𝐔 𝐅𝐈𝐁𝐑𝐀 Ó𝐏𝐓𝐈𝐂𝐀 𝐈𝐇𝐀 𝐒𝐀𝐋𝐀𝐔𝐍 𝐌𝐔𝐋𝐓𝐈𝐔𝐒𝐎𝐒 𝐃𝐈𝐋𝐈 𝐓𝐄𝐊𝐍𝐈𝐊𝐔 𝐃𝐍𝐈𝐂 𝐌𝐓𝐂 𝐈𝐍𝐒𝐓𝐀𝐋𝐀 𝐊𝐀𝐁𝐔 𝐅𝐈𝐁𝐑𝐀 Ó𝐏𝐓𝐈𝐂𝐀 𝐈𝐇𝐀 𝐒𝐀𝐋𝐀𝐔𝐍 𝐌𝐔𝐋𝐓𝐈𝐔𝐒𝐎𝐒 𝐃𝐈𝐋𝐈