AIFAESA. IP

AIFAESA HALA'O ENKONTRU HO DIREJENTI FOUN EMPREZA EAST TIMOR TRADING GROUP

Díli,01/06/2026 - Segunda-feira ohin AIFAESA liu husi Diretor Departamentu ba Planeamentu Operasional, Risku Alimentar no Laboratoriu, akompaña hosi Xefe Gabinete no Diretor DAF, simu vizita traballu no hala'o enkontru ho Direjenti Empreza East Timor Trading Group, ETTG iha salaun enkontru AIFAESA, Matadouro.

Enkontru ne'e iha objetivu atu empreza ETTG aprezenta no introduz lideransa foun empreza ni'an ba estrutura AIFAESA hodi hametin liu tan relasaun servisu ne'ebé di'ak iha futuru. Rekorda katak, anteriormente, empreza ETTG ne'ebé lidera hosi Dr. Milena Pires estabelese ona kooperasaun servisu ho AIFAESA liu-hosi fo rekomendasaun estratejika ba governu, oinsa bele kombate sirkulasaun tabaku ilisitu iha Timor Leste.

Iha reuniaun ne'e mós empreza hato'o rezultadu peskiza kona-ba konsumu tabaku iha territóriu nasional, no kompremetida atu partilla rezultadu final ho AIFAESA.

Mídia - JcGon
SIP/AIFAESA.

AIFAESA REALIZA HASA'E BANDEIRA NASIONÁL IHA FULAN JUÑU

Díli, 01/06/2026 - Loron Dahuluk ba fulan Juñu, Autoridade Inspesaun no Fiskalizasaun ba Atividade Ekonomiku Sanitária no Alimentar, (AIFAESA,IP.), Orgaun hamutuk Direjenti Departamentu, Asesores no Funsionarius, realiza hasa'e Bandeira Nasional RDTL iha Ofisiu Sentral Matadouro,Díli.

Atividade, Isar Bandeira ne'e responsável husi Departamentu Operasional, ne'ebe Prezide husi Inspetora Seremónia, kualidade hanesan Inspetora Jeral AIFAESA, Dra.Odete da Silva Viegas, Dermatologista.

Okaziaun ne'e, líder masima AIFAESA alerta ba Direjenti Departamentu sira, atu Desimina informasaun ba funsionariu sira kona-ba lalaok servisu ni'an, tuir Departamentu sira nia servisu, nune'e hala'o servisu tuir manual Prosidementu sira ne'ebe produz ona husi Asesores, bainhira hala'o servisu ho responsabilidade tuir (SOP), ne'ebe iha ona.

Nune'e, iha biban ne'e mós Inspetora Jeral AIFAESA, bolu atensaun ba funsionariu sira hotu disiplina no responsabilidade ba servisu sira ne'ebe iha, no tempu to'o ona hodi mellora di'ak liu tan itá nia servisu sira. Aliende líder masima husu ba funsionariu sira hotu obrigatóriu utiliza uniforme ne'ebe AIFAESA fasilita ona ba kada funsionarius.

Mídia - JcGon
SIP/AIFAESA.

FORMANDU AIFAESA NA'IN 8 SIMU SERTIFIKADU IHA ÁREA MULTIMEDIA

Ermera, 29/05/2026 - Iha loron Sexta-feira formandu na’in 8, simu sertifikadu área Multimedia hosi Sentru Grace for Development (GFD), iha Salaun CNE - Gleno, Munisípiu Ermera.

Inspetóra Jerál AIFAESA Dra. Odete da Silva Viegas, Dermatologista, hato'o agradese ba Sentru GFD, ne'ebé durante loron lima disponibilidade tempu fo ona ba AIFAESA.

Espera katak formasaun ne'e sira bele hetan koñesimentu, pelemenus iha mudansa ba sira nia servisu lor-loron nian. Tanba AIFAESA nia papél importante atu Públiku hatene. Nune'e sira na'in 8, presiza mellora di'ak liutan sira nia servisu oinsa hakerek, edisaun, halo koreksaun,(área Jornalismu), haktuir Supriora AIFAESA.

Atividade ne'e hetan partisipasaun hosi reprezentante Diretór GFD, Formadór, inklui formandus.**GXG**

Mídia - Ekipa SIP
SIP/AIFAESA.

EKIPA INTEGRADU OPERASIOANÁL AIFAESA TERMINA INSPESAUN IHA POSTU TURISCAI, NO HALO DESTROISAUN BA PRODUTU APRENDIDUS IHA MUNISIPIU MANUFAHI

Manufahi, 29/05/2026 - Iha sexta feira, ekipa Operasioanál AIFAESA termina atividade inspesaun no halo destroisaun ba produtu aprendidu durante loron (5) nian iha Munisípiu Manufahi.

Ekipa halo inspesaun ba estabelesimentu durante loron (5) iha Postu Administrativu (4) hanesan Alas, Fatuberliu, Same Vila no Turiscai, ho total estabelesimentu hamutuk 317, infrasaun hamutuk (13).

Atividade destroisaun ne’e, hala’o iha Aldeia Risu, Suku Caimau, Postu Administrativu Turiscai, Munisípiu Manufahi no akompaña husi PNTL no Seguransa Civil Turiscai Munisípiu Manufahi.

Mídia- EM
SIP/AIFAESA.

EKIPA INTEGRADU AIFAESA KONTINUA HALO INSPESAUN NO FISKALIZASAUN BA NEGÓSIANTE SIRA IHA SAME VILA

Manufahi, 28/05/2026- AIFAESA.IP liu husi ekipa integradu nafatin halo kontrola ba produtu aí-han no la'os ai-han sira iha Same Vila.

Husi Atividade kontrolu ne'e, ekipa Operasioanál halo inspesaun ba estabelesimentu hamutuk (108) kompostu husi kioske, Loja Alimentar, Restaurente, Bengkel, Carpintaria, Loja Konstrusaun, cosmetika, Barbershop, Loja.

Entretantu, atividade refere hetan akompaña husi ekipa monitorizasaun nomós PNTL eskuadra Same Vila.

Mídia - EM
SIP/AIFAESA.

EKIPA AIFAESA HALO INSPESAUN BA OPERADÓR EKONÓMIKA SIRA IHA POSTU ADMINISTRATIVU SAME VILA

Manufahi, 27/05/2026- Ekipa AIFAESA kontinua halo kontrolu ba Operadór Ekonómika sira ne’ebé mak halo negosiu iha Same Vila.

Rezultadu husi inspesaun ne’ebé realiza iha Postu ne’e, ekipa integradu perkore estabelesimentu hamutuk : Loja, Kios, Vestuariu, Loja bens konsumu, Loja Distributor, Supermerkadu, Restaurente, Officina, Rental, servis Telefone, Loja Konstrusaun, Guest House ho total estabelesimentu inspesionadu hamutuk 109.

Durante atividade inspesaun no fiskalizasaun iha Postu refere hetan akompañamentu husi PNTL Postu Administrativu Same Vila.

Aliende ne’e, Ekipa integradu hetan monitorin nafatin husi Diretór Departamentu Metrolojia no Padronizasaun João Cancio Franco Morato iha Postu Administrativu Same Vila Munisípiu Manufahi.

Mídia-EM
SIP/AIFAESA.

EKIPA AIFAESA DESTAKADU RAEOA, HALA'O KONTROLU BA OPERADOR EKONOMIKU SIRA IHA SUB-REJIAUN PASABE

RAEOA, 26/05/2026 - Ekipa tekniku kontinua hala'o inspesaun no fiskalizasaun ba estabelesimentu sira iha suku Abani, Sub-Rejiaun Pasabe, Rejiaun Administrativa Espesial Oe-Cusse Ambeno, (RAEOA)

Atividade kontrolu ne'e ekipa tekniku nafatin bolu atensaun ba operador ekonomiku sira, atu kontrolu masimu produtu ai-han sira, no taka informasaun ba produtu ho kondisaun falun metin, hanesan masin midar,
naan manu no seluk tan.enkuantu okaziaun ne'e ekipa operasional husu ba negosiante sira,molok hala'o atividade negosiu tenki iha lisensamentu Komersial, ne'ebe emite husi Servisu Rejistrasaun no Verifikasaun Emprearíal,(SERVE).

Entretantu, atividade ne'e ekipa operasional AIFAESA la indentifika irregularidade ruma.

Estabelesimentu ne'ebe Inspetores halo inspesiona mak hanesan kioske, Meubel, inklui ofisina.

Mídia - Ekipa RAEOA
SIP/AIFAESA.

AIFAESA HALO INSPESAUN NO FISKALIZASAUN IHA POSTU ADMINISTRATIVU RUA MUNISÍPIU MANUFAHI

Manufahi, 26/05/2026- Hafoin halo tiha Koordenasaun ekipa AIFAESA realiza Inspesaun ba atividade ekonomika iha Postu Administrativu rua (2) mak hanesan, Alas no Fatuberliu.

Ekipa ne’ebé halo inspesaun iha Postu Administrativu Alas estabelesimentu inspesionadu hamutuk 31, iha Postu Fatuberliu ho total estabelesimentu 38.

Iha Postu Administrativu rua (2) ne'e, Postu ida detekta irregularidade hanesan falta rekekitus no Liu prazu.

Aliene ne’e, ekipa integradu hetan monitorin husi Orgaun Sup-Inspetora Jerál DR. Quiteria da Costa MPA,SIP, iha Postu Administrativu Fatuberliu no Alas Munisípiu Manufahi.

Mídia- EM
SIP/AIFAESA.

EKIPA AIFAESA HASORU MALU HO AUTORIDADE MUNISÍPIU MANUFAHI

Manufahi, 25 /05 /2026, AIFAESA liu husi ekipa integradu ne'ebé kompostu husi Departamentu Operasaun (DO), Departamentu Metrologia no Padronizasaun (DMP) no Departamentu Operasional Risku Aihan no Laboratoriu (DPORAL), halo Koordenasaun ho Representante Prezidente Autoridade Munisipiu Manufahi atual nudar Diretór Servisu Munisipál Jestaun Merkadu no Turismu Januario Rodrigues iha nia servisu fatin Administrasaun Munisípiu Manufahi.

Koordenasaun ne'e ho objetivu atu hato'o kuñesimentu ba servisu Inspesaun no Fiskalizasaun iha Munisípiu Manufahi. Hafoin hasoru malu, ekipa koordena mós ho Komandu PNTL hodi apoiu Seguransa.

Mídia- EM
SIP/AIFAESA.

AIFAESA KAPASITA TÉKNIKU SEKSAUN INFORMASAUN PÚBLIKA (SIP) IHA MUNISÍPIU ERMERA

Ermera, 25/05/2026 - AIFAESA liuhusi Departamentu Operasaun fó kapasitasaun ba funsionáriu Informasaun Publika (SIP) hamutuk na’in walu (8) hala'o formasaun kona-ba Multimedia iha Salaun CNE, Munisípiu Ermera, Postu Administrativu Gleno.

Objetivu husi formasaun ne’e atu aumenta koñesimentu tékniku sira iha area edisaun video.

Atividade ne'e sei hala'o loron lima, husi loron 25 to'o 29 Maiu 2026, formasaun refere fasilita husi Formadór Peregrino Etelvidio Fernandes, husi Sentru Grace for Development Timor - Leste (GFD).

Enkuantu, formasaun ne'e partisipa hetan partisipasaun hosi Diretór GFD, Hilario Gusmão Fraga nomós partisipa direita hosi Diretóra Operasaun Claudinha Soares Pinto au mezmu tempu halo mós abertura ba formasaun refere.

Mídia - Ekipa Sip
SIP/AIFAESA.