Conselho de Imprensa de Timor-Leste

ＬＡＮＳＡＭＥＮＴＵ ＬＩＶＲＵ ＭÍＤＩＡ， ＡＲＴＥ ＮＯ ＴＥＫＮＯＬＯＪＩＡ ＩＨＡ ＫＵＬＴＵＲＡ ＬＩＡＮ ＰＯＲＴＵＧＵÉＳ ＳＩＡ
Dili, 05/06/2026—Diretór Ezekutivu Conselho de Imprensa de Timor-Leste (CI) Antonio Dias, partesipa Lansamentu Livru "Mídia, Arte No Teknolojia Iha Kultura Lian Portugués Sia" Konferénsia Ho Tema: "Media Iha Timor-Leste: Legadu No Misaun" Husi Proffesor José Manuel Simões, PhD, nudar Espesialista Mídia, Arte, no Teknolojia iha Universidade São José Macau.
Lansamentu Livru ne’e lansa husi Reprezentante Ministeriu Edukasaun hamutuk ho Dosente balun inklui Reprezentante Conselho de Imprensa de Timor-Leste (CI) atual Diretór Ezekutivu, Antonio Dias, iha Salaun UCT Balide Dili.

Dili, 03/6/2026_ Conselho de Imprensa de Timor-Leste (CITL) kontinua realiza Kolókiu Públiku ba Jornalista sira iha salaun enkontru Conselho de Imprensa, Quintal Boot, Dili.
Iha etapa ida ne’e, Diretór Diresaun Analiza no Dezenvolvimentu Mídia (DADM) Alberico da Costa Junior, aprezenta materia kona-ba Violensia Bajeia ba Jeneru, no Mídia nia kobertura-Reportajen Sensivel, ba Jornalista sira.
Atu fo hanoin nafatin katak, atividade kolokiu publiku ida ne’e realiza ho objetivu atu hasa’e koñesimentu, kapasidade no komprensaun jornalista estajiáriu sira kona-ba papel mídia iha sosiedade demokrátika.

Dili, 03 Juñu 2026 – Conselho de Imprensa de Timor-Leste (CITL), hala’o enkontru ho Servisu Rejistu no Verifikasaun Emprezariál, Institutu Públiku (SERVE.IP), iha Gabinete Diretór Ezekutivu Conselho de Imprensa, Quintal Boot, Dili.

Iha enkontru ne’e, destaka asuntu tolu importante mak hanesan armonizasaun serbisu entre Conselho de Imprensa ho SERVE.IP kona-ba rejistu mídia, planu sosializasaun lei ba lisensiamentu lina setorial sira.

Ikus liu husi enkontru ne’e mak nu’udar parte kontinuasaun komunikasaun ativu entre entidade rua (CITL no SERVE.IP) ne’ebé antes ne’e estabelese ona liuhusi akordu kooperasaun.

Dili, 2/6/2026_Jornalizmu Paz: Muda Narativu, Harii Paz, nu’udar tema kolokiu publiku ba jornalista ne'ebe realiza iha Salaun Konferensia CI, Quintal Boot. Maria Bibel, Tekniku Superior Formasaun, Conselho de Imprensa, esplika oinsá jornalista bele kontribui ba estabilidade nasionál liu hosi reportajen ne'ebé verifikadu, imparsial, no sensível ba konflitu. la'ós sai megafone ba desinformasaun. "Liafuan maka arma, nune’e hili no uza lia-fuan ho matenek."

𝐃𝐢𝐥𝐢, 𝟎𝟏 𝐉𝐮ñ𝐮 𝟐𝟎𝟐𝟔 – Conselho de Imprensa de Timor-Leste (CITL), liuhusi 𝐊𝐨𝐧𝐬𝐞𝐥𝐥𝐞𝐢𝐫𝐮 𝐉𝐨𝐚𝐪𝐮𝐢𝐦 𝐝𝐞 𝐅á𝐭𝐢𝐦𝐚 𝐂𝐨𝐮𝐭𝐢𝐧𝐡𝐨 partisipa iha serimónia lansamentu plataforma verify.gov.tl, iha salaun multiuzu, GMN, Bebora, Dili.

𝐯𝐞𝐫𝐢𝐟𝐲.𝐠𝐨𝐯.𝐭𝐥 hanesan plataforma dijitál nasionál ida ne’ebé lansa ofisialmente husi Governu Timor-Leste hodi verifika autentisidade dokumentu sira ne’ebé fó sai husi governu uza teknolojia blockchain no kódigu QR, hodi garante servisu públiku sira ne'ebé seguru, lahó surat-tahan, no efisiente.

𝐏𝐥𝐚𝐭𝐚𝐟𝐨𝐫𝐦𝐚 𝐯𝐞𝐫𝐢𝐟𝐲.𝐠𝐨𝐯.𝐭𝐥 reprezenta marku signifikativu ida iha Timor-Leste nia ajenda transformasaun dijitál ne’ebé la’o hela. Ida-ne'e inkorpora Governu nia kompromisu atu hametin prestasaun servisu públiku ne'ebé seguru, transparente no efisiente liuhosi adosaun teknolojia dijitál avansadu sira. Aleinde ne’e, bele asegura autentisidade, integridade, no konfiabilidade hosi dokumentu ofisiál sira ne'ebé relasiona ho transporte, enkuantu prevene fraude, falsifikasaun, no duplikasaun la autorizadu.

𝐏𝐥𝐚𝐭𝐚𝐟𝐨𝐫𝐦𝐚 ne’e dezenvolve ona hamutuk husi Diresaun Nasionál Transporte Terrestre (DNTT) iha Ministériu Transporte no Komunikasaun Timor-Leste nia okos, iha kolaborasaun ho Ministériu Postu no Telekomunikasaun Reinu Kamboja (MPTC) no Komité Governu Dijitál Reinu Kamboja (DGC).

𝐀𝐧ú𝐧𝐬𝐢𝐮 𝐏ú𝐛𝐥𝐢𝐤𝐮
Dili, 1 Juñu 2026 - Conselho de Imprensa de Timor-Leste (CI), publika Rezultadu Entrevista ba Vaga Planeamentu, Monitorizasaun, Avaliasaun no Relatoriu

𝐄𝐭𝐚𝐩𝐚 𝐃𝐚𝐭𝐨𝐥𝐮 𝐊𝐨𝐥ó𝐤𝐢𝐮 𝐏ú𝐛𝐥𝐢𝐤𝐮 𝐛𝐚 𝐉𝐨𝐫𝐧𝐚𝐥𝐢𝐬𝐭𝐚 𝐬𝐢𝐫𝐚

Dili, 28 Maiu 2026 – Conselho de Imprensa de Timor-Leste (CITL) realiza Kolókiu Públiku ba Jornalista sira ba etapa datolu iha salaun enkontru Conselho de Imprensa, Quintal Boot, Dili. Atividade ida ne’e realiza ho objetivu atu hasa’e koñesimentu, kapasidade no komprensaun jornalista estajiáriu sira kona-ba papel mídia iha sosiedade demokrátika.

Iha etapa ida ne’e, formasaun fasilita husi formadór na’in rua. Provedór-Adjuntu ba Boa Governasaun, Rigoberto Monteiro, aprezenta matéria kona-ba papél mídia hodi promove no proteje direitu umanu iha Timor-Leste. Enkuantu Diretór Divizaun Relasaun Externa Komunikasaun no Advokasia (DREKA)-CNC, Gaudencio S. Souza fasilita matéria kona-ba papél mídia hodi prezerva memória pasadu no valor istóriku nasaun nian.

Kolókiu Públiku ne’e sai hanesan espasu importante ida atu introdús no esplika matéria no modu oioin kona-ba jornalizmu, étika mídia no responsabilidade imprensa nian hodi kontribui ba prosesu demokratizasaun no dezenvolvimentu sosiedade iha rai laran.

Objetivu seluk husi atividade ida ne’e mak atu hakle’an no hametin abilidade jornalista estajiáriu sira nian, nune’e mós hametin relasaun institusionál entre Conselho de Imprensa ho jornalista estajiáriu no órgaun mídia sira iha Timor-Leste.

Conselho de Imprensa hein katak liuhusi kolókiu públiku ida ne’e, jornalista estajiáriu sira bele aumenta tan sira nia kapasidade profisionál, krítiku no étika jornalístika hodi garante informasaun ne’ebé loos, responsável no iha benefísiu ba públiku.

DILI, 26/05/2026 – Prezidente Conselho de Imprensa de Timor-Leste (CITL), Antonio Maria da Conceição Moniz Mali, hamutuk ho Diretór Rekursu Umanu, Nelson Philomeno R. de Jesus, Direitór DRII, Altino da Cruz Freitas, Offisial IT Conselho de Imprensa, Elizita Pinto no hetan apoiu tékniku husi ofisiál sira Rekursu Umanu Conselho de Imprensa nian, hahú halo Entervista ba vaga Offisial Servisu Informsaun Teknolojia (IT) nian iha sala Plenaria Conselho de Imprensa.

Dili, 26 Maiu 2026 – Conselho de Imprensa de Timor-Leste (CITL) kompostu hosi Prezidente Juri, Konselleira Isabel M. F. de Jesus, Diretór Ezekutivu, António Dias, Diretór Rekursu Umanu, Nelson Philomeno R. de Jesus, Direitór DRII, Altino da Cruz Freitas, no hetan apoiu tékniku husi ofisiál sira Rekursu Umanu Conselho de Imprensa nian, hahú halo Entervista ba vaga Planeamentu, Monitorizasaun, Avalliasaun no Relatóriu.

𝐄𝐭𝐚𝐩𝐚 𝐃𝐚𝐫𝐮𝐚𝐤 𝐊𝐨𝐥ó𝐤𝐢𝐮 𝐏𝐮𝐛𝐥𝐢𝐤𝐮 𝐛𝐚 𝐉𝐨𝐫𝐧𝐚𝐥𝐢𝐬𝐭𝐚 𝐬𝐢𝐫𝐚
Dili, 26 Maiu 2026 – Conselho de Imprensa de Timor-Leste (CITL), tama ba loron daruak, kontinua realiza kolókiu públiku ba jornalista estajiáriu sira iha salaun enkontru Conselho de Imprensa, Quintal Boot, Dili.
Kolókiu públiku ba etapa daruak ida ne’e fo husi Eis Membru Conselho de Imprensa de Timor-Leste, Francisco Simoẽs Belo, ho materia, “ Editoriál Management (Jestaun Editorial).