Quintiliano A. Belo

Tranzisaun La’ós Traisaun

Labele halo politika tranzisaun jerasaun konsidera hanesan traísaun ba istória. Maibé iha demokrasia modernu, tranzisaun mak prova katak luta la’ós ba eterniza poder, maibé ba eterniza sistema.

Se lider antigu sira deside nafatin konkore, ne’e direitu legítimu iha sistema demokrátiku. Maibé sira mos iha responsabilidade moral atu prepara terreno ba jerasaun tuir mai. Tanba independénsia la’ós finál; nia apenas pontu partída.

Boatarde

Lalessa

Optimiza rezultadu sira ho despeza ne’ebé realístiku - TATOLI Agência Noticiosa de Timor-Leste Títulu PowerPoint ka mandatu ba mudansa? Hakerek nain: Quintiliano Afonso Belo Tinan 2026 marka pontu virajen estratéjiku ba Timor-Leste. Alende tinan ne’ebé krusiál iha loron jornada preparasaun Orsamentu Jerál Estadu (OJE) 2026 iha presaun fiskál ne’ebé aparente ba beibeik, tinan-ne’e...

Press Release

Rede de Profissionais do Motiva (RPM)
Díli, Timor-Leste
08 Junhu 2025

MOTIVA, Hahu Atividade Preparatóriu ba Lansamentu Ofisiál ne’ebé sei akontense iha loron sira tuir mai hodi harii Rede de Professionais do Motiva ho naran badak sei bolu R P M.

Rede de Profissionais do Motiva (RPM), nudar núkleu importante iha plataforma MOTIVA, hahu ona nia atividade preparatóriu iha kada loron, hodi hadia trajetória no prepara ba lansamentu ofisiál iha tempu oin mai.

Rede de Profissionais do Motiva (RPM) la’ós de’it plataforma atu halibur no habelar. RPM kaer vizuan no misaun atu haforsa kapasidade no kompeténsia profisionál Timor-oan sira, bazea ba prinsípiu tolu fundamentál:
•Esperiénsia – aprende husi pasadu,
•Esperimentasaun – explora no hadia prezente,
•Espetativa – lori esperansa konkretu ba futuru.

Prinsípiu sira ne’e sai hanesan fundasaun solida ba Rede Profissionais do Motiva atu lori Timor avansa. Nunee, bele kontribui ba hakotu estagnasaun sira iha prosesu dezenvolvimentu, no fomenta dinamizmu, inovasaun no inkluzaun iha estratéjia nasional hahu prezente no futuru.

Iha tempu ida ne’ebé desafiu sira barak no esperansa komesa mutuk, RPM konvida Timor-oan hotu feto no mane atu mai halo parte iha movimentu ne’e.

Halo parte iha RPM signifika: Hamutuk hare, aprende no analiza ho klean esperiensia sira husi pasadu atu hadiak prezente liu husi esperimentasaun ka pesquiza hodi manan esperansa ba espetativa sira ho asaun konkretu iha futuru.

Timor-Leste prezisa jerasaun profisionál ne’ebé la kolen atu koko, ambisaun atu aprende no badinas mehi ba mudansa.

Timor-Leste prezisa jerasaun profisionál ne’ebe iha vontade atu dudu dezenvolvimentu ba mudansa, preparadu sai lideransa foun ho baze meritu, laos ideolojiku, no orientado ba rezultadu sira iha formulasaun no planeamentu politika iha prosesu desemvolvimentu nasional. Ho forma seluk katak, lideransa ne’ebé diak tenki orientadu ba rezultadu konkreta, laos deit iha formulasaun politika, maibé mos iha implementasaun efetivu iha pratika, hodi bele transforma planeamentu ba impaktu real iha moris povu nian.

*Hakarak Timor Avansa?
*Hakarak sai parte husi jerasaun ne’ebé ho hanoin rasik atu muda narativu estagnasaun?

Entaun, mai! Halo parte iha Rede de Profissionais do Motiva-R P M.

Viva Timor Avante.