Ministério das Finanças Timor-Leste

𝐑𝐄𝐙𝐔𝐋𝐓𝐀𝐃𝐔 𝐒𝐄𝐋𝐄𝐒𝐀𝐔𝐍 𝐃𝐎𝐊𝐔𝐌𝐄𝐍𝐓𝐔𝐒 𝐁𝐀 𝐊𝐀𝐍𝐃𝐈𝐃𝐀𝐓𝐔𝐑𝐀 𝐀𝐉𝐄𝐍𝐓𝐈 𝐀𝐃𝐌𝐈𝐍𝐈𝐒𝐓𝐑𝐀𝐒𝐀𝐔𝐍 𝐏Ú𝐁𝐋𝐈𝐊𝐀 (𝐀𝐀𝐏) 𝐈𝐇𝐀 𝐌𝐈𝐍𝐈𝐒𝐓É𝐑𝐈𝐔 𝐅𝐈𝐍𝐀𝐍𝐒𝐀𝐒 – 𝐑𝐄𝐏𝐔𝐁𝐋𝐈𝐂𝐀 𝐃𝐄𝐌𝐎𝐂𝐑𝐀𝐓𝐈𝐂𝐀 𝐓𝐈𝐌𝐎𝐑- 𝐋𝐄𝐒𝐓𝐄.

Ekipa Painel Júri hato’o ba publiku rezultadu selesesaun dokumentus ho klasifikasaun ADMITIDU no LA ADMITIDU ba konkursu públiku ba prienximentu vagas ho total hamutuk 160 ba Ministériu Finansas (80 Vagas ba Autoridade Aduaneria no 80 Vagas ba Autoridade Tributaria) ne’ebe publika iha dia 7 Janeiru to’o 26 Janeiru 2026.

Ba lista rezultadu bele vizita link tuir mai:

1. 𝐋𝐢𝐬𝐭𝐚 𝐊𝐥𝐚𝐬𝐢𝐟𝐢𝐤𝐚𝐬𝐚𝐮𝐧 𝐀𝐃𝐌𝐈𝐓𝐈𝐃𝐔

Nú. Referensia | Link Ba Klasifikasaun ADMITIDU
AAP/1/2026 : https://vagas.cfp.gov.tl/wp-content/uploads/2026/07/AAP-1-26.pdf
AAP/2/2026 :https://vagas.cfp.gov.tl/wp-content/uploads/2026/07/AAP-2-26.pdf
AAP/3/2026 :https://vagas.cfp.gov.tl/wp-content/uploads/2026/07/AAP-3-26.pdf
AAP/4/2026 :https://vagas.cfp.gov.tl/wp-content/uploads/2026/07/AAP-4-26.pdf
AAP/5/2026 :https://vagas.cfp.gov.tl/wp-content/uploads/2026/07/AAP-5-26.pdf
AAP/6/2026 :https://vagas.cfp.gov.tl/wp-content/uploads/2026/07/AAP-6-26.pdf

2. 𝐋𝐢𝐬𝐭𝐚 𝐊𝐥𝐚𝐬𝐢𝐟𝐢𝐤𝐚𝐬𝐚𝐮𝐧 𝐥𝐚 𝐀𝐃𝐌𝐈𝐓𝐈𝐃𝐔

Nú. Referensia | Link Ba Klasifikasaun LA ADMITIDU
AAP/1/2026 :https://vagas.cfp.gov.tl/wp-content/uploads/2026/07/Color0047.pdf
AAP/2/2026 :https://vagas.cfp.gov.tl/wp-content/uploads/2026/07/Color0048.pdf
AAP/3/2026 :https://vagas.cfp.gov.tl/wp-content/uploads/2026/07/Color0049.pdf
AAP/4/2026 :https://vagas.cfp.gov.tl/wp-content/uploads/2026/07/Color0050.pdf
AAP/5/2026 :https://vagas.cfp.gov.tl/wp-content/uploads/2026/07/Color0051.pdf
AAP/6/2026 :https://vagas.cfp.gov.tl/wp-content/uploads/2026/07/Color0052.pdf

𝐁𝐀 𝐊𝐀𝐍𝐃𝐈𝐃𝐀𝐓𝐔 𝐋𝐀 𝐀𝐃𝐌𝐈𝐓𝐈𝐃𝐔 𝐒𝐈𝐑𝐀

𝐊𝐚𝐧𝐝𝐢𝐝𝐚𝐭𝐮 𝐬𝐢𝐫𝐚 𝐧𝐞’𝐞𝐛é 𝐧𝐚𝐫𝐚𝐧 𝐭𝐚𝐦𝐚 𝐢𝐡𝐚 𝐥𝐢𝐬𝐭𝐚 𝐄𝐱𝐜𝐥𝐮í𝐝𝐨𝐬 𝐤𝐚 𝐋𝐚 𝐀𝐝𝐦𝐢𝐭𝐢𝐝𝐮, 𝐢𝐡𝐚 𝐝𝐢𝐫𝐞𝐢𝐭𝐮 𝐚𝐭𝐮 𝐚𝐩𝐫𝐞𝐳𝐞𝐧𝐭𝐚 𝐫𝐞𝐤𝐥𝐚𝐦𝐚𝐬𝐚𝐮𝐧 𝐤𝐚 𝐫𝐞𝐤𝐮𝐫𝐬𝐮 𝐝𝐮𝐫𝐚𝐧𝐭𝐞 𝐩𝐞𝐫í𝐨𝐝𝐮 𝐥𝐨𝐫𝐨𝐧 𝐬𝐚𝐧𝐮𝐥𝐮 (𝟏𝟎) 𝐞𝐟𝐞𝐭𝐢𝐯𝐮 𝐬𝐞𝐫𝐯𝐢𝐬𝐮 𝐧𝐢𝐚𝐧, 𝐡𝐚𝐡𝐮 𝐡𝐮𝐬𝐢 𝐝𝐚𝐭𝐚 𝐩𝐮𝐛𝐥𝐢𝐤𝐚𝐬𝐚𝐮𝐧 𝐫𝐞𝐳𝐮𝐥𝐭𝐚𝐝𝐮 𝐒𝐞𝐥𝐞𝐬𝐚𝐮𝐧/ 𝐀𝐯𝐚𝐥𝐢𝐚𝐬𝐚𝐮𝐧 𝐃𝐨𝐤𝐮𝐦𝐞𝐧𝐭𝐮𝐬.

𝐅𝐚𝐯𝐨𝐫 𝐝𝐢𝐫𝐢𝐣𝐢 𝐢𝐭𝐚-𝐛𝐨𝐨𝐭 𝐬𝐢𝐫𝐚 𝐧𝐢𝐚 𝐤𝐚𝐫𝐭𝐚 𝐫𝐞𝐤𝐮𝐫𝐬𝐮 𝐛𝐚 𝐏𝐚𝐢𝐧𝐞𝐥 𝐉ú𝐫𝐢 𝐒𝐞𝐥𝐞𝐬𝐚𝐮𝐧, 𝐥𝐢𝐮 𝐡𝐮𝐬𝐢 𝐞𝐧𝐝𝐞𝐫𝐞𝐬𝐮 𝐞𝐥𝐞𝐭𝐫ó𝐧𝐢𝐤𝐮 𝐭𝐮𝐢𝐫 𝐦𝐚𝐢:

1. 𝐫𝐞𝐜𝐫𝐮𝐭𝐚𝐦𝐞𝐧𝐭𝐨𝐚𝐮𝐭𝐨𝐫𝐢𝐝𝐚𝐝𝐞𝐚𝐝𝐮𝐚𝐧𝐞𝐢𝐫𝐚@𝐦𝐨𝐟.𝐠𝐨𝐯.𝐭𝐥
2. 𝐫𝐞𝐜𝐫𝐮𝐭𝐚𝐦𝐞𝐧𝐭𝐨𝐚𝐮𝐭𝐨𝐫𝐢𝐝𝐚𝐝𝐞𝐭𝐫𝐢𝐛𝐮𝐭𝐚𝐫𝐢𝐚@𝐦𝐨𝐟.𝐠𝐨𝐯.𝐭𝐥

Formatu karta halo rekursu ka reklamasaun bele hare iha linkhttp://vagas.cfp.gov.tl/wp-content/uploads/2026/07/Karta-Reklamasaun.pdf

𝐌𝐅-𝐈𝐍𝐄𝐓𝐋 𝐅𝐎𝐑𝐍𝐄𝐒𝐄 𝐓𝐑𝐄𝐈𝐍𝐀𝐌𝐄𝐍𝐓𝐔 𝐊𝐎𝐋𝐄𝐊𝐓𝐀 𝐍𝐎 𝐀𝐍Á𝐋𝐈𝐙𝐀 𝐃𝐀𝐃𝐔𝐒 𝐁𝐀 𝐅𝐔𝐍𝐒𝐈𝐎𝐍Á𝐑𝐈𝐔 𝐌𝐂𝐈

𝐃í𝐥𝐢-𝐊𝐮𝐚𝐫𝐭𝐚 𝟏 𝐉𝐮𝐥𝐥𝐮 𝟐𝟎𝟐𝟔,

Ministériu Finansas, liuhusi Institutu Nasionál Estatístika Timor-Leste, Institutu Publiku, (INETL, I.P.), realiza treinamentu kona-ba kolekta no análiza dadus ba funsionáriu sira husi Ministériu Komérsiu no Indústria (MCI-sigla portugés).

Objetivu husi treinamentu ne'e atu hasa'e kapasidade téknika funsionáriu sira iha área kolekta, jestaun no análiza dadus tuir padraun internasionál, atu garante dadus estatístika ne'ebé produz sai baze ida ne'ebé loloos ba toma desizaun no formulasaun polítika públika.

Prezidente INETL,I.P, Sr. Elias dos Santos Ferreira, destaka estatístika ofisiál mak sai komunikasaun importante ida ne'ebé fornese informasaun representativu no loloos ba governu, setór privadu no públiku atu bele toma desizaun ne'ebé bazeia ba evidénsia.

Nia salienta “treinamentu ne'e la'ós deit kona-ba téknika kolekta no análiza dadus, maibé mós fó koñesimentu kona-ba utilizasaun sistema mapa estatístiku (GIS), ne'ebé fasilita utilizadór sira atu hare'e no analiza dadus tuir área jeográfika to'o nível suku. Ho mapa ne'e, utilizadór bele identifika lalais informasaun estatístika iha kada área atu suporta planeamentu no monitorizasaun programa governu”.

“INETL,I.P, regularmente públika estatístika kona-ba setór komérsiu, inklui estatístika mensal no anuál kona-ba importasaun no exportasaun, destinasaun komérsiu, tipu sasan ne'ebé Timor-Leste importa no exporta, no análiza tendénsia atividade komersial iha Timor-Leste. Dadus hirak ne'e importante tebes atu ajuda governu no parseiru dezenvolvimentu sira formula polítika ne'ebé responde ba nesesidade reál ekonomia nasionál.” salienta Prezidente INETL, I.P.

Iha sesaun abertura, Diretór Jerál MCI, Sr. Elias de Jesus Fátima, hato'o agradese ba Ministériu Finansas liuhusi INETL, I.P, ba apoiu no kolaborasaun ne'ebé kontinua entre instituisaun rua ne'e, treinamentu ida ne'e implementa tuir akordu kolaborasaun governu nian ne'ebé estabelese ona iha tinan hirak liubá.

Tuir Diretór-Jerál ne’e, dadus ne'ebé loos kompletu no validu iha papél importante atu fó imajen loloos kona-ba realidade Timor-Leste, relatóriu no informasaun balun ne'ebé publika husi entidade sira iha li'ur la refleta kondisaun real iha rai laran tanba prosesu kolekta dadus la tuir metodologia estatístika no kontestu lokál.

“Hau husu ba partesipante sira hotu uza oportunidade ida ne’e, uza tempu ida ne’e hodi hasa’e no eleva ita bo’ot sira nia kapasidade, hodi kontribui ba rai no ita nia nasaun ida ne’e, liuliu Ministériu Komérsiu no Industria.” Hatete Diretór Jerál MCI.

Treinamentu ne’e realiza iha salaun MCI, formadór sira mai husi INETL,I.P, ne'ebé fahe esperiénsia kona-ba metodologia kolekta dadus, jestaun baze dadus, análiza estatístika no rezultadu atu asegura kualidade informasaun estatístika. Partisipante sira iha treinamentu ne’e hamutuk ema tolunulu (30) husi nivél nasionál no munisípal.

𝐀𝐊𝐎𝐌𝐏𝐀Ñ𝐀 𝐓𝐑𝐀𝐍𝐒𝐌𝐈𝐒𝐀𝐔𝐍 𝐃𝐈𝐑𝐄𝐓𝐀

𝐄𝐑𝐌𝐄𝐑𝐀-𝐑𝐀𝐈𝐋𝐀𝐂𝐎; 𝐋𝐨𝐫𝐨𝐧 𝟏 𝐭𝐨'𝐨 𝟎𝟕 𝐅𝐮𝐥𝐚𝐧 𝐉𝐮ñ𝐮 𝟐𝟎𝟐𝟔

𝐊𝐎𝐌𝐈𝐒𝐀𝐔𝐍 𝐂 𝐏𝐀𝐑𝐋𝐀𝐌𝐄𝐍𝐓𝐎 𝐍𝐀𝐒𝐈𝐎𝐍𝐀𝐋 𝐇𝐀𝐌𝐔𝐓𝐔𝐊 𝐇𝐎 𝐌𝐈𝐍𝐈𝐒𝐓É𝐑𝐈𝐔 𝐅𝐈𝐍𝐀𝐍𝐒𝐀𝐒 (𝐌𝐝𝐅) 𝐍𝐎 𝐁𝐀𝐍𝐊𝐔 𝐒𝐄𝐍𝐓𝐑𝐀𝐋 𝐓𝐈𝐌𝐎𝐑-𝐋𝐄𝐒𝐓𝐄 (𝐁𝐂𝐓𝐋) 𝐇𝐀𝐋𝐀'𝐎 𝐃𝐈𝐒𝐊𝐔𝐒𝐀𝐔𝐍 𝐍𝐎 𝐕𝐎𝐓𝐀𝐒𝐀𝐔𝐍 𝐈𝐇𝐀 𝐄𝐒𝐏𝐄𝐒𝐈𝐀𝐋𝐈𝐃𝐀𝐃𝐄 𝐏𝐏𝐋 𝐍.𝟎 𝟐𝟐/𝐕𝐈(𝟐𝐚), "𝙍𝙀𝙂𝙄𝙈𝙀 𝙂𝙀𝙍𝘼𝙇 𝘿𝙊 𝙎𝙄𝙎𝙏𝙀𝙈𝘼 𝙁𝙄𝙉𝘼𝙉𝘾𝙀𝙄𝙍𝙊 𝙀 𝘿𝘼 𝘼𝙏𝙄𝙑𝙄𝘿𝘼𝘿𝙀 𝘽𝘼𝙉𝘾𝘼𝙍𝙄𝘼" See less

DISCUSSÃO E VOTAÇÃO NA ESPECIALIDADE PPL N.0 22/VI(2a) KOMISAUN C HALAO DISCUSSÃO E VOTAÇÃO NA ESPECIALIDADE PPL N.0 22/VI...

𝐌𝐈𝐍𝐈𝐒𝐓𝐑𝐀 𝐅𝐈𝐍𝐀𝐍𝐒𝐀𝐒 𝐏𝐀𝐑𝐓𝐈𝐒𝐈𝐏𝐀 𝐒𝐎𝐑𝐔𝐌𝐔𝐓𝐔 𝐊𝐎𝐍𝐒𝐄𝐋𝐋𝐔 𝐌𝐈𝐍𝐈𝐒𝐓𝐑𝐔

𝐃Í𝐋𝐈-𝐓𝐄𝐑𝐒𝐀 𝟏 𝐉𝐔𝐋𝐋𝐔 𝟐𝟎𝟐𝟔,

S.E Ministra Finansas Sra. Santina José Rodrigues F. Viegas Cardoso, partisipa sorumutu Konsellu Ministru ne’ebé lidera direta husi S.E Primeiru Ministru Sr. Kay Rala Xanana Gusmão, hodi diskute no halo desizaun ba asuntu sira hanesan tuir mai.

Konsellu Ministrus aprova projetu Dekretu-Lei, ne’ebé aprezenta hosi Ministru Justisa, Sérgio de Jesus Fernandes da Costa Hornai, kona-ba alterasaun dahuluk ba Dekretu-Lei n. 10/2012, loron 29 fulan-fevereiru, ne’ebé aprova Karreira Espesiál no Estatutu Guarda Prizionál nian.

Objetivu hosi diploma ida-ne’e atu halo revizaun ba rejime Karreira Espesiál no Estatutu Guarda Prizionál, ne’ebé vigora dezde 2012, ho objetivu atu esklarese regras ba promosaun karreira, valoriza guarda prizionál no reforsa efikásia sistema prizionál nian.

Entre mudansa prinsipál sira ne’ebé prevee iha diploma ida-ne’e maka kria kategoria Xefe Guarda Prizionál Prinsipál, revee regras promosaun, aumenta komplementu remuneratóriu ba 50% hosi saláriu baze, fó direitu ba refeisaun durante turnu servisu, no mós kria rejime promosaun exesionál bazeia ba antiguidade ba guarda prizionál sira ne’ebé mantein iha eskalaun ikus hosi sira-nia kategoria durante tinan ualu liu, naran katak sira kumpre rekizitu legál sira. Diploma ne’e mós introdús ajustamentu ba rekrutamentu, formasaun no ezersísiu funsaun xefia nian.

Ho revizaun ida-ne’e, nia objetivu mak atu rekoñese méritu no dedikasaun guarda prizionál sira nian, kria kondisaun di’ak liután ba progresaun sira-nia karreira no kontribui ba hadi’a seguransa no kualidade servisu ne’ebé presta iha estabelesimentu prizionál sira.
Projetu Dekretu-Lei ida-ne'e hetan ona deliberasaun iha sorumutu Konsellu Ministrus iha loron 13 fulan-marsu tinan 2024. Maibé, tuir ajustamentu sira ne'ebé mak introdús iha faze redasaun finál, liuliu atu armoniza rejime remuneratóriu, prevee direitu ba refeisaun durante turnu servisu, no estabelese rejime tranzitóriu ida ba promosaun estraordinária, presiza reavaliasaun no deliberasaun foun ba Projetu Dekretu-Lei ida-ne'e.

Vise-Ministra Negósius Estranjeirus no Kooperasaun, Jesuína Maria Ferreira Gomes, aprezenta ba Konsellu Ministrus programa vizita ofisiál Primeiru-Ministru no Ministru Finansas Repúblika Singapura nian iha Timor-Leste , Lawrence Wong, ne’ebé sei hala’o iha loron 2 no 3 fulan-jullu tinan 2026.
Programa ne’e inklui enkontru ho Prezidente Repúblika no Primeiru-Ministru, reuniaun bilaterál entre delegasaun sira nasaun rua nian, konferénsia imprensa konjunta ida, no almosu ofisiál ida ne’ebé oferese hosi Primeiru-Ministru, Kay Rala Xanana Gusmão. Vizita ne’e inklui mós kondekorasaun Orden Timor-Leste hosi Prezidente Repúblika ba Primeiru-Ministru Singapura, hodi rekoñese ninia kontribuisaun ba hametin relasaun amizade no kooperasaun entre nasaun rua ne’e.

Tuir fali ho aprezentasaun husi Ministru Transportes no Komunikasoins, Miguel Marques Gonçalves Manetelu, kona-ba progresu ne’ebé alkansa ona iha implementasaun Sistema Kabu Submarinu Súl Timor-Leste (TLSSC, sigla iha lain Inglés) no rede fibra ótika terrestre nasionál.

Aprezentasaun ne’e relata kona-ba finalizasaun instalasaun no teste ba fiu submarinu internasionál, ne’ebé deklara tiha ona prontu ba operasaun komersiál, nune’e mós kriasaun empreza públika Cabos de Timor-Leste, EP, ne’ebé responsavel ba jestaun infraestrutura estratéjika ne’e no progresus ne’ebé hetan ona iha nia operasionalizasaun.

Aprezenta mós asaun prinsipál sira ne’ebé hala’o daudaun ka programadu (programa ona), ne’ebé inklui preparasaun ba inísiu operasaun komersiál, reforsa kapasidade operasionál empreza nian, aumentu redundánsia ligasaun internasionál, hametin siberseguransa, no mós expansaun rede fibra ótika nasionál, ho objetivu atu hametin konektividade dijitál nasionál no impulsiona ekonomia dijitál.

Ikusliu, Ministru Defeza, Donaciano do Rosário Gomes, halo aprezentasaun ida ba Konsellu Ministrus kona-ba projetu konstrusaun ba Ospitál Militár FALINTIL-Forsa Defeza Timor-Leste (F-FDTL) nian, ne’ebé dezenvolve iha ámbitu kooperasaun bilaterál entre Timor-Leste no Repúblika Populár Xina.

Iha aprezentasaun ne’e, misaun téknika xineza ne’ebé responsavel ba serbisu preparasaun ba projetu ne’e aprezenta karakterístika prinsipál ba futuru Ospitál Amizade Timor-Leste-Xina, ne’ebé sei harii besik iha Ministériu Defeza no Kuartél-Jenerál F-FDTL, iha Dili. Projetu ne’e inklui ospitál jerál ida ho kapasidade k**a 100, área maizumenus metru kuadradu 10.500, edifísiu prinsipál ida ho andár ualu, no mós edifísiu apoiu sira, ne’ebé kompleta ho teknolojia médika moderna no preparadu atu fornese servisu konsulta esterna, kuidadu emerjénsia, internamentu, imajiolojia, análizes klínikas no kuidadu intensivu.

Halo mós aprezentasaun ida kona-ba kriasaun Komisaun Interministeriá ida hodi halo supervizaun no akompañamentu ba Konstrusaun Futuru Ospitál Militár nian.

Projetu estratéjiku ida-ne’e ho objetivu atu reforsa kapasidade operasionál F-FDTL, komplementa servisu sira Servisu Nasionál Saúde nian, hadi’a resposta ba emerjénsia, katástrofe no krize umanitária, promove formasaun no dezenvolvimentu medisina militár, hamenus dependénsia ba tratamentu sira iha rai-li’ur, no mós fó benefísiu ba populasaun sivíl, hodi kontribui ba reforsu kapasidade nasionál iha área saúde no dezenvolvimentu ekonómiku nasaun nian.

𝐌𝐅-𝐌𝐏𝐈𝐄 𝐒𝐎𝐑𝐔𝐌𝐔𝐓𝐔 𝐇𝐎 𝐄𝐊𝐈𝐏𝐀 𝐁𝐍𝐃𝐓𝐋

𝐃Í𝐋𝐈-𝐓𝐞𝐫𝐬𝐚 𝟑𝟎 𝐉𝐮ñ𝐮 𝟐𝟎𝟐𝟔,

S.E Ministra Finansas Sra. Santina José Rodrigues F. Viegas Cardoso, nomós S.E Ministru Planeamentu Investimentu Estratéjiku Sr. Gastão Francisco de Sousa, akompaña husi S.E Vise-Ministra Finansas Sra. Regina de Jesus de Sousa, rona aprezentasaun kona-ba progresu estabelesimentu Banku Nasionál Dezenvolvimentu Timor-Leste (BNDTL) husi Asesora Sra. Maria Roussal no Sr. Michael husi Banku Dezenvolvimentu Aziatiku.

Enkontru ne'e foka liu ba definisaun termu referénsia, no estratejia produtu hodi kria banku dezenvolvimentu nian. Ekipa halo ona sondajen ba merkadu, avalia no diskuti kona-ba kandidatu potensiál sira ba lidera BNDTL uainhira banku ne’e harii ona. Ekipa mós hasoru malu ho banku komersiál sira atu komprende panorama finanseiru atuál.

Objetivu prinsipál Governu estabelese Banku Nasionál Dezenvolvimentu Timor-Leste (BNDTL) ne'e mak atu atua nu'udar "finansiadór pasiente" (𝘱𝘢𝘵𝘪𝘦𝘯𝘵 𝘭𝘦𝘯𝘥𝘦𝘳) ne'ebé aliña ho planu dezenvolvimentu Estadu nian, hodi evita ho konxiénsia, konkorensia direita ho banku komersiál sira ka kaptasaun ba depózitu públiku.

Sorumutu ne’e hala’o iha salaun Ministériu Finansas Aitarak-Laran hetan prezensa másimu husi Asesór MPIE, MKAE nomós MCI.

𝐀𝐊𝐎𝐌𝐏𝐀Ñ𝐀 𝐓𝐑𝐀𝐍𝐒𝐌𝐈𝐒𝐀𝐔𝐍 𝐃𝐈𝐑𝐄𝐓𝐀

𝐄𝐑𝐌𝐄𝐑𝐀-𝐑𝐀𝐈𝐋𝐀𝐂𝐎; 𝐋𝐨𝐫𝐨𝐧 𝟏 𝐭𝐨'𝐨 𝟎𝟕 𝐅𝐮𝐥𝐚𝐧 𝐉𝐮ñ𝐮 𝟐𝟎𝟐𝟔

𝐊𝐎𝐌𝐈𝐒𝐀𝐔𝐍 𝐂 𝐏𝐀𝐑𝐋𝐀𝐌𝐄𝐍𝐓𝐎 𝐍𝐀𝐒𝐈𝐎𝐍𝐀𝐋 𝐇𝐀𝐌𝐔𝐓𝐔𝐊 𝐇𝐎 𝐌𝐈𝐍𝐈𝐒𝐓É𝐑𝐈𝐔 𝐅𝐈𝐍𝐀𝐍𝐒𝐀𝐒 (𝐌𝐝𝐅) 𝐍𝐎 𝐁𝐀𝐍𝐊𝐔 𝐒𝐄𝐍𝐓𝐑𝐀𝐋 𝐓𝐈𝐌𝐎𝐑-𝐋𝐄𝐒𝐓𝐄 (𝐁𝐂𝐓𝐋) 𝐇𝐀𝐋𝐀'𝐎 𝐃𝐈𝐒𝐊𝐔𝐒𝐀𝐔𝐍 𝐍𝐎 𝐕𝐎𝐓𝐀𝐒𝐀𝐔𝐍 𝐈𝐇𝐀 𝐄𝐒𝐏𝐄𝐒𝐈𝐀𝐋𝐈𝐃𝐀𝐃𝐄 𝐏𝐏𝐋 𝐍.𝟎 𝟐𝟐/𝐕𝐈(𝟐𝐚), "𝙍𝙀𝙂𝙄𝙈𝙀 𝙂𝙀𝙍𝘼𝙇 𝘿𝙊 𝙎𝙄𝙎𝙏𝙀𝙈𝘼 𝙁𝙄𝙉𝘼𝙉𝘾𝙀𝙄𝙍𝙊 𝙀 𝘿𝘼 𝘼𝙏𝙄𝙑𝙄𝘿𝘼𝘿𝙀 𝘽𝘼𝙉𝘾𝘼𝙍𝙄𝘼"

DISCUSSÃO E VOTAÇÃO NA ESPECIALIDADE PPL N.0 22/VI(2a) KOMISAUN C HALAO DISCUSSÃO E VOTAÇÃO NA ESPECIALIDADE PPL N.0 22/VI...

𝐔𝐈𝐆-𝐈𝐆𝐄 𝐃𝐈𝐒𝐄𝐌𝐈𝐍𝐀 𝐑𝐄𝐙𝐔𝐋𝐓𝐀𝐃𝐔 𝐀𝐔𝐃𝐈𝐓𝐎𝐑𝐈𝐀 𝐄𝐗𝐓𝐄𝐑𝐍Á𝐋 𝐁𝐀 𝐈𝐍𝐒𝐓𝐈𝐓𝐔𝐈𝐒𝐀𝐔𝐍 𝐏Ú𝐁𝐋𝐈𝐊𝐀 𝐍𝐎 𝐄𝐌𝐏𝐑𝐄𝐙𝐀 𝐏Ú𝐁𝐋𝐈𝐊𝐀

𝐃Í𝐋𝐈-𝐓𝐞𝐫𝐬𝐚, 𝟑𝟎 𝐉𝐮ñ𝐮 𝟐𝟎𝟐𝟔

Ministériu Finansas liuhusi Unidade Inspesaun Jerál (UIG) hamutuk ho Inspesaun Jerál Estadu (IGE), realiza atividade diseminasaun kona-ba priensementu matrix seguimentu ba rekomendasaun sira husi auditoria externál, iha Auditóriu Kay Rala Xanana Gusmão, Ministériu Finansas, Aitarak-Laran.

Atividade ne'e organiza husi Ministériu Finansas liuhusi Unidade Inspesaun Jerál (UIG), Sr. Ernesto da Conceição Silva, hamutuk ho Inspetór-Jerál Estadu (IGE), Sr. Francisco de Carvalho.

Objetivu atu hasa'e komprensaun no kapasidade instituisaun públika no empreza públika sira-nian kona-ba prosesu priensementu matrix seguimentu ba rekomendasaun auditoria externál, nune'e mós hametin koordenasaun entre entidade relevante sira no asegura implementasaun rekomendasaun auditoria ho efetivu tuir prazu ne'ebé determina.

Diseminasaun ne'e realiza tuir orientasaun iha Rezolusaun Governu Nú. 8/2024, loron 24 Janeiru, kona-ba realizasaun auditoria interna ba servisu administrasaun públika. Rezolusaun refere mós enfatiza importánsia atu rezultadu auditoria no rekomendasaun sira distribui ba entidade relevante atu implementasaun bele akontese ho di'ak, sistemátiku no responsavel.

Durante atividade, partisipante sira simu esplikasaun detallu kona-ba mekanizmu priensementu matrix seguimentu, forma relata progresu implementasaun rekomendasaun auditoria, no responsabilidade kada entidade iha prosesu monitorizasaun.

Sesaun ida ne'e mós sai oportunidade atu klarifika dúvida sira no fahe esperiénsia entre instituisaun sira atu hetan mekanizmu servisu ne'ebé hanesan no efisiénte.

Enkontru ne’e diseminasaun informasaun fó oportunidade ba Prezidente Konsellu Administrasaun, Diretór Ezekutivu, Responsável Fiskál Úniku, Komisáriu Fiskalizasaun, no reprezentante sira husi instituisaun públika no empreza públika atu diskute no harmoniza mekanizmu seguimentu ba rekomendasaun auditoria externál.

Diskusaun sira foka liu ba definisaun responsabilidade kada instituisaun, reforsa koordenasaun interinstitusionál, implementasaun rekomendasaun tuir prazu, no dezenvolvimentu sistema monitorizasaun ne'ebé uniforme no sustentável.

Atividade disseminasaun ne'e hetan partisipasaun masimu husi Prezidente Konsellu Administrasaun, Inspetór-Jerál Unidade Inspesaun Jerál, Inspetór-Jerál Estadu, Komisáriu Fiskalizasaun, Responsável Fiskál Úniku, Diretór Ezekutivu, no reprezentante sira husi instituisaun públika no empreza públika hotu ne'ebé iha responsabilidade atu asegura implementasaun rekomendasaun auditoria externál iha sira-nia instituisaun.

𝐌𝐅 𝐏𝐀𝐑𝐓𝐈𝐒𝐈𝐏𝐀 𝐒𝐄𝐑𝐈𝐌Ó𝐍𝐈𝐀 𝐅Ú𝐍𝐄𝐁𝐑𝐄 𝐒𝐀𝐔𝐃𝐎𝐙𝐎 𝐅𝐑𝐀𝐍𝐂𝐈𝐒𝐂𝐎 𝐆𝐔𝐓𝐄𝐑𝐑𝐄𝐒 “𝐋Ú 𝐎𝐋𝐎” 𝐈𝐇𝐀 𝐉𝐀𝐑𝐃𝐈𝐌 𝐄𝐑𝐎𝐈𝐒 𝐌𝐄𝐓𝐈𝐍𝐀𝐑𝐎

𝐃Í𝐋𝐈-𝐒𝐞𝐬𝐭𝐚 𝟐𝟔 𝐉𝐮ñ𝐮 𝟐𝟎𝟐𝟔,

S.E Ministra Finansas Sra. Santina José Rodrigues F. Viegas Cardoso, nomós Vise-Ministra Finansas Sra. Regina de Jesus de Sousa, hamutuk ho jestór no funsionáriu sira partisipa iha Misa Rekuem no Serimónia Fúnebre ba Eis-Presidente Repúblika RDTL no Eis-Prezidente Asembleia Konstituinte Saudozu Dr. Francisco Guterres Lú Olo, iha Jardim Eroi Pátria Metinaro.

Antes ba haloot iha fatin deskansa ikus nian maktoban sai husi nia rezidensiál Farol hala’o uluk vizita ba Sede Komite Sentrál FRETILIN Comoro, nu’udar vizita ikus nian ba CCF. Sai husi CCF hakat liubá Kuartel Jenerál F-FDTL Fatuhada hetan omenajen ikus husi Xefe Estadu Maior Jenerál F-FDTL, Tanente Jenerál Falur Rate Laek. Hafoin ne’e hakat kedas ba igreja Katedral hodi halo selebrasaun misa rekuem ba maktoban, ne’ebé lidera husi Bispu Dioseze Baucau Dom Leandro Maria Alves.

Durante omilia, Bispu hato'o lia-menon kona-ba dedikasaun, sakrifisiu, no domin boot ne’ebé saudozo hatudu ona ba rai Timor-Leste, no sai ksolok boot ida ba povo tomak hodi rona no moris tuir ezemplu di'ak sira ne'e.

Hafoin termina selebrasaun misa, maktoban hakat liubá vizita Parlamentu Nasionál, distintu deputadu sira presta omenajen ikus ba Eis-Presidente Repúblika RDTL no Eis-Prezidente Asembleia Konstituinte saudozu Sr. Dr. Francisco Guterres Lú Olo, molok hakat ba maktoban nia fatin deskansa ikus nian iha Jardim Eroi Pátria Metinaro.

Tuir observasaun ne’ebé iha povu rihun ba rihun maka empatia tebees hodi akompaña transladasaun maktoban husi Díli ba Jardim Eroi Pátria Metinaro, hodi partisipa iha serimonia funebre.

Seremónia fúnebre ne’e hetan partisipasaun maximu husi Prezidente Repúblika RDTL Sr. José Manuel Ramos Horta , Prezidente Parlamentu Nasional Sra. Maria Fernanda Lay, Vise-Primeiru-Ministru, Ministru Kordenadór Asuntu Ekonomiku no Ministru Turizmu Ambiente (MTA), Sr. Francisco Kalbuadi Lay, no Vise-Primeiru-Ministru, Ministru Koordenadór Asuntu Sosiais no Ministru Dezenvolvimentu Rurál no Abitasaun Komunitária (MDRHK) Eng. Mariano Assanami Sabino, hamutuk ho Membru IX Governu Konstitusionál.

Enkuantu hetan mós prezensa masimu husi eis titular sira hanesan Eis Prezidente Repúblika RDTL, Eis Prezidente Parlamentu Nasionál, Eis Primeiru Ministru, Eis Prezidente Tribunál Rekursu. Inklui entidade independente no liña ministériu hotu nomós povu Timor-Leste.