FUNDO de DESENVOLVIMENTO do CAPITAL HUMANO - FDCH

Estrutura no funsionariu Fundo de Desenvolvimento do Capital Humano(FDCH) hotu, hato'o
Ksolok Aniversariu no saude Di'ak nafatin ba Diretor Ezekutivu, 𝐉𝐮́𝐥𝐢𝐨 𝐀𝐩𝐚𝐫𝐢́𝐜𝐢𝐨

Dili,01 juñu 2026. Diretor Ezekutivu Fundo de Desenvolvimento do Capital Humano (FDCH), Júlio Aparício akompaña husi, Xefe Unidade Bolsa Estudu, Maria R. Soares Pinto, hala’o enkontru ho Reitór Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa ho estrutura no Dekanu Fakuldade sira UNTL nian. Iha Salaun Video Konferénsia UNTL, Caicoli.

Objetivu husi enkontru ne’e hodi deskute no haree hamutuk proposta prelimináriu ba planu kapasitasaun rekursus umanus UNTL iha tinan 2027, ne’ebé ho finansiamentu husi FDCH.

Diretor Ezekutivu, agradese ba UNTL tanba iha inisiativa ne’ebé di’ak hodi hadi’a kualidade eduksaun liu husi kapasitasaun ba dosente sira iha UNTL, tanba ne’e, planu sira hotu ne’ebé UNTL halo tenke tuir dalan ne’ebé loloos, hanesan dadaun ne’e, halo planu no aprezenta hodi ita haree hamutuk importante kalae? loos importante hotu maibé prioridade ka lae? ho nune’e, buat hotu ita halo tenke tuir planu hodi haree mós ba prosesu ka halo tuir nia dalan /prosedimentu sira, nune’e, ba oin dosente sira labele ba ida-ida hodi husu bolsa estudu sem rekoñesimentu husi UNTL rasik.

“Ami mai ho prinsipiu Fundu nia katak; Fundu ne’e Povu nian, tenke fó benefisiu ba povu, tenke lori moris di’ak ba povu,” hateten Diretor Ezekutivu.

Dili, 01 Juñu 2026. Sekretaridu Fundo de Desenvolvimento do Capital Humano (S-FDCH), halo despedida no atribui sertifikadu apresiasaun ba estajiáriu na’in rua husi Dili Institute of Technology (DIT) ne’ebé termina ona sira ninia estájiu durante fulan rua iha S-FDCH, iha Servisu Administrasun Finansas ( SAF) Unidade Pagamentu no Kontabildade ( UPK) .

Xefe Gabinete Diretór Ezekutivo, Isidoro Tomas de Vasconselos, hato’o apresiasaun no agradese ba apoiu servisu estajiariu sira nian durante estájiu iha S-FDCH liu-liu iha Unidade Pagamentu no Kontabildade ( UPK)

Díli, 1 Juñu 2026. Diretór Ezekutivu Fundo Dezenvolvimentu Kapital Umanu (FDCH), Júlio Aparício, partisipa iha Serimónia Lansamentu Ofisiál Plataforma verify.gov.tl, ne'ebé organiza husi Ministériu Transportes no Komunikasaun iha Salaun MultiUsos GMNTV, Bebora.

Lansamentu plataforma verify.gov.tl marka progresu importante ida iha prosesu transformasaun dijitál Timor-Leste nian, ho objetivu atu hametin seguransa, transparénsia no efisiénsia iha prestasaun servisu públiku.

Plataforma ne'e dezenvolve liuhusi parseria entre Ministériu Transportes no Komunikasaun Timor-Leste, Ministériu Correios no Telekomunikasaun Reino Cambodia (MPTC), no Digital Government Committee (DGC) Reino Cambodia. (Média_FDCH)

Dili.28 maiu 2026. Diretór Ezekutivu Fundo de Desenvolvimento do Capital Humano (FDCH), Júlio Aparício, ho Diretor Adjunto. Rogerio Inacio S.M.Lay, Xefi Unidade sira akompaña, Sua Exélensia. Ministériu Planeamentu no Investimentu Estratéjiku (MPIE). Eng. Gastão Francisco de Sousa, partisipa iha Diskusaun ba jeneralidade Proposta Lei n.° 31/VI (3.ª) - Alterasaun dahuluk ba Lei n.° 8/2005, loron 27 Novembru, Orsamentu Jerál Estadu ba 2026. Diskusaun ne’e konta ho prezensa husi Primeiru-Ministru, Kay Rala Xanana Gusmão ho membru Governu sira hotu, Iha Sala Plenaria Parlamentu Nasional.

Díli, 26 maiu 2026. Diretor Ezekutivu Fundo de Desenvolvimento do Capital Humanu, Júlio Aparício partisipa iha Timor-Leste Development Partners Meeting (TLDPM) 2026 ho tema prinsipal “traçar um horizonte resiliente: economia azul integração da ASEAN e ação coordenada” entre Governu Timor-Leste (TL) ho parseiru dezenvolvimentu sira hanesan doadór internasionál, organizasaun internasionál no nasaun parseiru sira, ne’ebé mak hala’o durante loron rua(25 to 26 maiu), iha Ministériu Finansas, Aitarak-Laran.

Objetivu prinsipál hosi TLDPM ne’e maka halo diálogu, koordenasaun no servisu hamutuk bá dezenvolvimentu Timor-Leste nian.

Dili, 22 maio 2026. Sekretariadu Fundo de Desenvolvimento do Capital Humano Liu husi Unidade Bolsa Esudu halo Briafing ba Kandidadu selesionadu Bolsa Estudu méritu FDCH,ne’ebe sei ba hala’o estudu iha universidade koñesidu iha Nasaun Brasil.

Iha momentu ne’e Diretor Ezekutivu, Júlio Aparício senti orgullu no kontenti hasoru bolseiru sira no enkoraza kandidu sira katak “Hau kontenti hasoru ita boot sira no hau gosta ema sira hanesan ita boot sira ne’e, hau fiar katak prosesu hirak ne’e la iha ida mak halo intervensaun , ne’ebe buat hotu-hotu tuir imi nia kapasidade idak idak nian, hirak ne’ebé la too iha faze ida ne’e bele prepara an didiak hodi kompete fila fali iha tempu tuir mai, ami sei kontinua fo oportunidade ba ita nia joven produtivu sira.

ANUNSIU

REZULTADU FINAL PROGRAMA BOLSA ESTUDU AREA AEROPORTUARIU NE’EBE ORGANIZA HUSI ANATL, EP HO FINANSIAMENTU HUSI FDCH

HAREE NARAN KANDIDATU SELESIONADU SIRA IHA DOKUMENTU ANEXU

OBRIGADU BARAK