Agência Nacional para a Avaliação e Acreditação Académica - ANAAA

Aileu, 28-29 Maiu 2026, Ajénsia Nasional ba Avaliasaun no Akreditasaun Akadémika. Instituto Públiku (ANAAA, I.P) hala’o Avaliasaun & Akreditasaun Institusional ba síkulu Dahuluk ba tinan 2026, iha Klase Polo-Instituto Superior Cristal (ISC) – Municipio Aileu, Timor-Leste.

Avaliasaun & Akreditasaun Institusional iha Klase Polo – ISC Aileu ba tinan 2026, hanesan akreditasaun síkulu dahuluk (1st cycle). Avaliasaun Institusional ba tinan 2026, ANAAA, I.P., hahu ho kompozisaun ba ekipa panel ne’ebé diferénte husi akreditasaun institusional sira iha tinan 2021, kompozisaun ba ekipa panel sira mak avaliador internasional nain rua, hamutuk ho avaliador nasional nain 1. Kompozisaun foun ida ne’e ho nia objetivu hodi eleva kualiadade ba prosesu avaliasaun, promove objetividade, transparansia no efikasia ba prosesu avaliasaun tomak.

Ekipa Avaliador sira ne’ebé hala’o avaliasaun & akreditasaun institusional iha Klase Polo – ISC Aileu mak hanesan:
1. Professor Dr. Maniam Kaliannan, PhD, PGCHE, FHEA (Malaysian Qualifications Agency/MQA),
2. Dr. Paulos Basuki Hadiprajitno (Badan Akreditasi Nasional-Perguruan Tinggi/BAN-PT, Indonesia),
3. Dr. Rui Augusto Gomes, PhD (Avaliador Nasional, Timor-Leste)

Ekipa avaliador hetan fiar husi ANAAA, I.P. hodi sai hanesan avaliador ka akreditor ba avaliasaun & akreditasaun iha síkulu dahuluk ba Klase Polo-ISC Aileu. Avaliasaun refere hala’o iha loron rua, 28 to’o 29 Maiu tinan 2026.

Iha biban ida ne’e, Dr. Nilton Paiva-Mau nudar Diretór Ezekutivu ba ANAAA, hato’o mensajen pertinente tebes, katak akreditasaun hanesan responsabilidade husi ita hotu ne’bé serbi iha ensinu superior. Ita hotu hanesan parseiru no iha responsabilidade tomak hodi kria kualidade edukasaun ne’ebé diak ba ita nia jerasaun sira iha fúturu. Dr. Nilton mós akrezenta katak nudar parseiru ne’ebé diak, iha responsabilidade hodi hatudu ‘dalan’ ne’ebé diak liu husi padraun sira iha avaliasaun & akreditasaun.

Serimónia Inaugurasaun Edifisiu Foun ANAAA

Diskursu Diretór Ezekutivu, Doutór Nilton Paiva Mau, iha Serimónia Inaugurasaun Edifisiu foun ANAAA iha loron Sabadu, 23-Maiu-2026, iha Bairro dos Grilhos, Rua 30 de Agusto, Segurança Lorosa’e-Dili.

Ha’u senti honrado tebes, nudar ita-boot sira hatene, momentu ida ohin de serteza sai hanesan momentu markante liu-liu ba ami, iha loron furak ida-ne’e, 23 de maio de 2026, ita hamriik iha ne’e ho fuan ne’ebé haksolok no hodi hato’o agradesimentu ne’ebé kle’an ba Maromak no ba ita-nia Rain, tanba fim hosi serbisu hamutuk nian lori ona ita mai inaugura edifísiu foun Agénsia Nasionál ba Avaliasaun no Akreditasaun Akadémika (ANAAA, I.P.) iha Seguransa Lorosa’e.

Ulukliu, atu hanoin hikas uitoan ba pasadu. ANAAA, I.P. estabelese ona dezde tinan 2010 hosi IV Governu Konstitusionál, ho misaun ne’ebé kbiit boot: garante kualidade formasaun nian iha estabelesimentu ensinu superiór sira iha Timor-Leste.

Prosesu naruk ne’e hetan netik nia naroman bainhira iha 13 de Março de 2025, S.E. Maktoban Ministru MESCC halo vizita kortezia mai haree kondisaun reál serbisu nian iha Balide. No tuir fali mai, iha 11 de Setembru 2025, S.E. Maktoban Ministru mós halo kedas lansamentu ba instalasaun plaka identifikasaun ba obra rehabilitasaun edifísiu nian.

No iha dia 30 de março de 2026 S.E. Ministru Ensinu Superiór Siénsia no Kultura, Maktoban Dr. José Honório da Costa Pereira Jerónimo hala’o nia vizita ikus iha edifísiu Seguransa Lorosa’e no iha vizita refere S.E. parabeniza ANAAA tanba edifísiu refere kuaze remata ona no hateten tan atu aselera lais hodi bele uza fatin refere.

Mezmu ohin loron S.E. Ministru Ensinu Superiór Siénsia no Kultura, Maktoban Dr. José Honório da Costa Pereira Jerónimo, hanesan ita hotu hatene, fila hikas ona ba Aman Maromak iha dia 21 de abril de 2026, maibé ninia klamar, ninia vizaun, no ninia dedikasaun sei moris belit nafatin iha edifísiu foun ne'e. Ami husi ANAAA hakarak atu hateten de’it ho fuan ne’ebé todan maibé nakonu ho gratidaun katak: edifísiu foun ne’e hanesan ninia 'obra domin' ikus nian, nu’udar testemuña hosi ninia vizaun boot hodi foti sa’e kualidade edukasaun iha ita-nia Rain.

Sua Exélensia Eng. Mariano Assanami Sabino nu’udar Vice Primeiru Ministru, Ministru Koordenador Asuntu Sosiais, Ministru Dezenvolvimentu Rural e Habitasaun Comunitária i Ministru Interinu ba Ensinu Superior, Siensia no Kultura sai nudar sasin ba momentu importante ida ne’e hodi hato’o ninia diskursu no inaugura edifisiu foun ANAAA.

Dili, 18-19 Maiu 2026, Ajénsia Nasional ba Avaliasaun no Akreditasaun Akadémika. Instituto Públiku (ANAAA, I.P) hala’o Avaliasaun & Akreditasaun Institusional ba síkulu Daruak ba tinan 2026, iha Klase Polo-Instituto Superior Cristal (ISC) – Municipio Baucau, Timor-Leste.

Avaliasaun & Akreditasaun Institusional iha Klase Polo – ISC Baucau ba tinan 2026, hakaat ona ba síkulu darauk (2nd cycle). Avaliasaun ikus ba Akreditasaun Institusional iha Klase Polo – ISC Baucau mak iha tinan 2021 (Síkulu dahuluk) no hetan valor B. Nudaar Instituisaun ensinu superior akreditadu, ISC iha obrigasaun hodi hakaat ba re-avaliasaun institusional ne’bé tama ona iha síkulu daruak ka signifika tinan lima (5) iha síkulu akreditasaun nia laran.

Avaliasaun Institusional ba tinan 2026, ANAAA, I.P., hahu ho kompozisaun ba ekipa panel ne’ebé diferénte husi akreditasaun institusional síkulu dahuluk sira iha tinan 2021, kompozisaun ba ekipa panel sira mak avaliador internasional nain rua, hamutuk ho avaliador nasional nain 1. Kompozisaun foun ida ne’e ho nia objetivu hodi eleva kualiadade ba prosesu avaliasaun, promove objetividade, transparansia no efikasia ba prosesu avaliasaun tomak.

Ekipa Avaliador sira ne’ebé hala’o avaliasaun & akreditasaun institusional iha Klase Polo – ISC Baucau mak hanesan:
1. Prof. Dr. Mahenderan Appukkuty (Malaysian Qualifications Agency/MQA),
2. Prof. Dr. Hagus Tarno, SP.,MP. (Badan Akreditasi Nasional-Perguruan Tinggi/BAN-PT, Indonesia),
3. Dr. Xisto Martins (Avaliador Nasional, Timor-Leste)
Ekipa Avaliador hetan fiar husi ANAAA, I.P. hodi sai hanesan avaliador ka akreditor ba avaliasaun & akreditasaun síkulu daruak iha ISC. Avaliasaun refere hala’o iha loron rua, 18 to’o 19 Maiu, tinan 2026.

Iha biban ida ne’e, Dr. Nilton Paiva-Mau nudar Diretór Ezekutivu ba ANAAA, hato’o mensajen pertinente tebes, katak akreditasaun hanesan responsabilidade husi ita hotu ne’bé serbi iha ensinu superior. Ita hotu hanesan parseiru no iha responsabilidade tomak hodi kria kualidade edukasaun ne’ebé diak ba ita nia jerasaun sira iha fúturu. Dr. Nilton mós akrezenta katak nudar parseiru ne’ebé diak, iha responsabilidade hodi hatudu ‘dalan’ ne’ebé diak liu husi padraun sira iha avaliasaun & akreditasaun.
-end-

Dili, 14-15 Maiu 2026, Ajénsia Nasional ba Avaliasaun no Akreditasaun Akadémika. Instituto Públiku (ANAAA, I.P) hala’o Avaliasaun & Akreditasaun Institusional ba síkulu Dahaat ba tinan 2026, iha Salaun Xanana Building, Dili Institute of Technology (DIT), Manleuana, Dili, Timor-Leste.

Avaliasaun & Akreditasaun Institusional iha DIT ba tinan 2026, hakaat ona ba síkulu dahaat (4th cycle). Avaliasaun ikus ba Akreditasaun Institusional iha DIT mak iha tinan 2021 (Síkulu datoluk) no hetan valor A. Nudaar Instituisaun ensinu superior akreditadu, DIT iha obrigasaun hodi hakaat ba re-avaliasaun institusional ne’bé tama ona iha síkulu dahaat ka signifika tinan rua-nulu (20) iha síkulu akreditasaun nia laran.

Avaliasaun Institusional ba tinan 2026, ANAAA, I.P., hahu ho kompozisaun ba ekipa panel ne’ebé diferénte husi akreditasaun institusional síkulu dahuluk sira. Iha tinan 2026, kompozisaun ba ekipa panel sira mak avaliador internasional nain rua, hamutuk ho avaliador nasional nain 1. Kompozisaun foun ida ne’e ho nia objetivu hodi eleva kualiadade ba prosesu avaliasaun, promove objetividade, no transparansia no efikasia ba prosesu avaliasaun tomak.

Ekipa Avaliador sira ne’ebé hala’o avaliasaun & akreditasaun institusional iha DIT mak hanesan:
1. Prof. Dr. Mahenderan Appukkuty (Malaysian Qualifications Agency/MQA)
2. Prof. Dr. Hagus Tarno, SP.,MP. (Badan Akreditasi Nasional-Perguruan Tinggi/BAN-PT, Indonesia)
3. Dr. Samuel Vênancio Freitas (Avaliador Nasional, Timor-Leste)
Ekipa Avaliador hetan fiar husi ANAAA, I.P. hodi sai hanesan avaliador ka akreditor ba avaliasaun & akreditasaun síkulu dahaat iha DIT. Avaliasaun refere sei hala’o iha loron rua, 14 to’o 15 Maiu, tinan 2026.

Iha ninia mensajen benvindu ba ekipa avaliador sira husi ANAAA, I.P., Reitór DIT, Dr. Salustiano dos Reis Piedade, ST.MSc., hato’o benvindu mai DIT no hato’o katak DIT atinji tiha ona progresu másivu husi síkulu datoluk iha tinan 2021. Laos deit progresu fizíku hanesan edifisiu foun maibe iha mós progresu diak tebes iha Programa Estudu sira (iha Programa Doutoramentu foun mak hanesan Doctorate of Bussiness Administration/DBA), dezenvolvimentu ba kapasidade dosente sira (kapasidade iha ensinu no peskiza), no mós progressu lubun ida iha international outreach ka kooperasaun ho instituisaun iha rai liur.

Iha biban ida ne’e, Dr. Nilton Paiva-Mau nudar Diretór Ezekutivu ba ANAAA, hato’o mensajen pertinente tebes, katak akreditasaun hanesan responsabilidade husi ita hotu ne’bé serbi iha ensinu superior. Ita hotu hanesan parseiru no iha responsabilidade tomak hodi kria kualidade edukasaun ne’ebé diak ba ita nia jerasaun sira iha fúturu. Dr. Nilton mós akrezenta katak nudar parseiru ne’ebé diak, iha responsabilidade hodi hatudu ‘dalan’ ne’ebé diak liu husi padraun sira iha avaliasaun & akreditasaun.
-end-

Dili, 11 Maiu 2026, Ajénsia Nasional ba Avaliasaun no Akreditasaun Akadémika. Instituto Públiku (ANAAA, I.P) hala’o Lansamentu ba Avaliasaun & Akreditasaun Institusional no programátiku ba tinan 2026, iha Salaun Instituto Superior Cristal (ISC), Balide, Dili, Timor-Leste.

Serimónia Lansamentu refere hetan partisipasaun diak tebes husi Instituisaun Ensinu Superior Akreditadu sira ne’ebé reprezenta husi Reitor/a sira, Prezidente Konsellu Diretivu ba ANAAA hamutuk ho ninia Membru sira hotu. Iha mós partisipasaun husi Avaliador nasional sira, no estrutura iha ISC.

Dirétur Ezekutivu Doutór Nilton D. Paiva-Mau, ba dahuluk hakarak louva no apresia prezensa husi Diretór Jéral ba Ensinu Superior husi Ministériu Ensinu Superior, Siensia, no Kultura (MESSK), Magnífiku Reitor/a sira, Presidente Konsellu Diretivu ba ANAAA ho Membru Konsellu Diretivu sira hotu, avaliador/panel nasional sira, no apresia prezensa husi avaliador internasional sira ne’ebé ANAAA konvida hodi hala’o avaliasaun no akreditasaun iha Timor-Leste.

Avaliasaun Institusional ba tinan 2026, ANAAA, I.P., hahu ho kompozisaun ba ekipa panel ne’ebé diferénte husi akreditasaun institusional síkulu dahuluk sira. Iha tinan 2026, kompozisaun ba ekipa panel sira mak avaliador internasional nain rua no avaliador nasional nain ida maka hanesan;
1. 1. Prof. Dr. Mahenderan Appukutty (MQA, Malaysia)
2. ⁠Prof. Dr. Hagus Tarno, SP., MP. (BAN-PT, Indonesia)
3. ⁠Dr. Lourenço Camnahas (Timor-Leste)
Kompozisaun foun ida ne’e ho nia objetivu hodi eleva kualiadade ba prosesu avaliasaun, promove objetividade, transparansia no efikasia ba prosesu avaliasaun tomak.

Iha tinan 2026, tuir planu, ANAAA, I.P. sei hala’o avaliasaun & akreditasaun ba nivel institusional hamutuk neen (6), no akreditasaun programatiku hamutuk tolu-nulu resin tolu (33) husi total akreditasaun programa estudu ne’ebé sei iha faze verifikasaun ba dokumentu. Wainhira konklui ka passa tiha ona prosesu verifikasaun mak foin bele hakaat ba iha prosesu avaliasaun & akreditasaun.

Avaliasaun & Akreditasaun Institusional ba tinan 2026 tama ona iha síkulu dahaat ba instituisaun sira ne’ebé hetan avaliasaun & akreditasaun dahuluk iha tinan 2009/2010 liu ba. Tinan ida ne’e, Avaliasaun & Akreditasaun Síkulu Dahaat tinan 2026, hahu iha Instituto Superior Cristal (ISC) ne’ebé hala’o iha loron 12 to’o 13 Maiu, tinan 2026.

Iha biban ida ne’e, Dr. Nilton Paiva-Mau nudar Diretór Ezekutivu ba ANAAA, hato’o mensajen pertinente tebes katak, akreditasaun hanesan responsabilidade husi ita hotu ne’bé serbi iha ensinu superior. Ita hotu hanesan parseiru no iha responsabilidade tomak hodi kria kualidade edukasaun ne’ebé diak ba ita nia jerasaun sira iha fúturu. Dr. Nilton mós akresenta katak nudar parseiru ne’ebé diak, iha responsabilidade hodi hatudu ‘dalan’ ne’ebé diak liu husi padraun sira iha avaliasaun & akreditasaun.
-end-

Formasaun ba Pesoal Servisu Garantia Kualidade Interna (IQA) no Avaliador Nasional.

Ajénsia Nasional ba Avaliasaun no Akreditasaun Akadémika (ANAAA) realiza formasaun hodi dezenvolve kapasitasaun iha área ensinu superior no disemina informasaun kona-ba best practices (pratika diak) ba la-laok akreditasaun sira husi nasaun Indonésia ba pesoal servisu garantia kualidade interna (IQA) durante loron 27-28 fulan Abril 2026 no ba avaliador nasional sira durante loron 29-29 fulan abril 2026, iha salaun enkontru Instituto Superior Cristal (ISC), Balide-Dili.

Formasaun ida ne’e, organiza husi sekretariadu tekniku hanesan programa regular kada tinan hodi apoiu instituisaun ensinu superior sira ligadu ba prosesu avaliasaun no akreditasaun, formasaun tinan ida ne’e ho Tema “Optimizing Research and Innovation Outputs to Achieve Superior University Accreditation” no oradór ba formasaun ida ne’e maka hanesan Prof. Dr. Agr. Sc. Ir. Hagus Tarno, SP., MP no Prof. Luqman Qurata Aini, SP., MSi., Ph.D. husi universidade brawijaya, Indonésia.

Objetivu husi formasaun ida ne’e mak oinsa atu hadiak liu tan kompeténsia akademika, vizibilidade institusional ba dosente universitariu liuhosi desenvolvimentu planu ensinu ba publikasaun revista siéntifiku tuir kompeténsia pratika peskiza nian.

Doutór Nilton Diamantino Paiva Mau, nu’udar Diretór Ezekutivu liu hosi ninia breves palavras la haluhan hato’o agradese ba professor Prof. Dr. Agr. Sc. Ir. Hagus Tarno, SP., MP no Prof. Luqman Qurata Aini, SP., MSi., Ph.D., ne’ebé maka disponivél ona hodi bele lidera formasaun ida ne’e. Diretór Ezekutivu mós reafirma katak formasaun refere nudár programa ida hodi reforsa kapasidade avaliador nasional sira hodi prepara ba prosesu avaliasaun no akreditasaun tuir mai.

Sua Exelénsia Eng. Mariano Assanami Sabino nu’udar Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária ne’ebé agora daudaun mós exerze hanesan Ministro Interinu ba Ensinu Superior, Siensia no Téknolojia, liu hosi ninía intervensaun, hakarak hato’o agradese ba partisipasaun husi dosente no avaliador nasional, ANAAA no Instituto Superior Cristal (ISC) ne’ebé maka iha kooperasaun diak tebes hodi bele realiza programa formasaun ida ne’e durante loron ha’at (4).

Ho intervensaun sua exelénsia nian hakarak enkoraza nafatin entidade hotu ne’ebé maka partisipa atu tau responsabilidade ba k’naar ne’ebé iha no hare katak bainhira ita nia nasaun adere ona ba ASEAN; pontu importante ida maka siénsia no teknolijía mak hanesan savi importante iha mundu akadémia ida ne’e.

Ajénsia Nasionál ba Avaliasaun no Akreditasaun Akadémika (ANAAA), hakarak hato’o sentidu kondolénsia profunda ba família Ministru Ensinu Superior, Siénsia no Kultura (MESSK) Doutór José Honório da C. P. Jerónimo.

Deskansa Rohan Laek, Haksolok Hamutuk ho Anju no Santu Sira iha Lalehan.

Ajénsia Nasionál ba Avaliasaun no Akreditasaun Akadémika (ANAAA), realiza formasaun kona-ba “AI in the Higher Education – The Implication for Quality Assurance, Challenges and Opportunities”, durante loron 30-31 Marsu 2026, iha salaun Pusat Budaya Indonesia (PBI), Mascarinhas-Dili.

Doutór Nilton Diamantino Paiva Mau, nu’udar Diretór Ezekutivu liu-husi ninia breves palavras hakarak fo hanoin ba instituisaun ensinu superior sira atu iha inisiativa rasik hodi kria sistema interna ne’ebé sei regulariza utilizasaun husi AI.

Formasaun ida ne’e, inísia husi sekretariadu tekniku ne’ebé maka involve instituisaun ensinu superior sira nia partisipasaun. Iha biban ida ne’e Sr. Vasio Sarmento Soares nu’udar manorin husi IOB sai hanesan oradór nasional ne’ebé aprezenta kona-ba utilizasaun AI iha instituisaun ensinu superior ho kontextu Timor-Leste nian, iha biban hanesan ANAAA mos konvida oradór internasional hanesan Prof. Dr. Maniam Kaliannan husi Malaysian Qualification Agency (MQA) ne’ebé maka aprezenta kona-ba AI iha perspetiva internasional.

Partisipasaun iha formasaun ida ne’e maka representante husi pesoal servisu garantia kualidade (IQA), Vice Reitór Asuntu Akadémiku no representante dosente ne’ebé maka hanorin ou responsabiliza iha area ICT.

Anúnsiu Resultadu Solisitasaun ba Kuotasaun Fornesimentu Konsumu (Catering)

Ajénsia Nasionál ba Avaliasaun no Akreditasaun Akadémika, (ANAAA) hakarak anúnsiu ba públiku kona-ba solisitasaun ba kuotasaun fornesimentu konsumu (catering) ho PROJETU APROVISIONAMENTU No. 01-SBK/ANAAA,I.P./2026. Husi resultadu avaliasaun hatudu katak kompañia LJN Kaduna, Unip. Lda maka sai vensedor hodi fornese konsumu (catering) ba atividade servisu ANAAA nian durante tinan 2026.

Liu husi biban ida ne’e, ANAAA mos hakarak hato’o obrigadu barak ba partisipasaun husi kompañia sira ne’ebé maka konkore ona iha projetu aprovisionamentu fornesimentu konsumu (catering).

Içar Bandeira Nasional fulan Marsu 2026

Dili, loron 2 fulan Marsu tinan 2026, Diretór Ezekutivu, Doutór Nilton D. Paiva Mau, hamutuk funsionariu husi Ajénsia Nasional ba Avaliasaun no Akreditasaun Akademika (ANAAA) partisipa iha serimonia Içar Bandeira Nasional iha Resinto Ministeriu Ensinu Superior, Siénsia no Kultura (MESSK).