زياد علي هاشم

نهب المال العام في ليبيا صار حاجة ما عادش حد يقدر ينكرها، الكل يشوف ويسمع فيها كل يوم بلا شك!
يجي الحويج، وزير الاقتصاد، ويقول: "الفساد في ليبيا مبالغ فيه!" 🤦‍♂️
وهذا بعد ما منظمة الشفافية الدولية صنّفت ليبيا في المرتبة 161 من أصل 168 في مؤشر أكثر الدول فسادًا في العالم!
يا راجل، احترم عقولنا شوية! والأوروبيين اللي تعطوا فيهم في الفلوس المهربة والمخنوبة، حاطينها في بنوكهم ومصارفهم، يعرفوكم أكثر منا!
وهما اللي داروا المؤشر هذا، مش احني.. لو تزيدوا عليهم، يطلعوا أساميكم واحد واحد!
العبوا قدام حوشكم بس، ما تبعدوش واجد! 😏

نتذكر اليوم الطبيب والعالم الذي حمل رسالته الإنسانية والعلمية بكل تفانٍ، وواصل عمله في الصفوف الأمامية لمواجهة وعلاج مرضى جائحة كورونا حتى آخر لحظة من حياته.

ففقدته ليبيا غريباً بعيداً عن أرضها، لم تسمع به وزاراتنا ولا مؤسساتنا الليبية، ولم يبحثوا عن باب دار أبناءه الأيتام ليسألوهم عن ابيهم الذي في يوم رحيله اصطف الناس وكامل موظفي ودكاترة المستشفى الذي يعمل فيه ببلجيكا يودعونه بدموع ونحيب، وما ترك من اثر الوقوف في خندق المواجهة والعطاء في مهجره، فلم ينصفه وطنه.

رحم الله د. إبراهيم محمد أبو شيمة وأسكنه فسيح جناته، وجزاه عن جهده وعطائه خير الجزاء.



#بلجيكا