NSSF Tanzania

Directions Website

NSSF Tanzania The National Social Security Fund is a fully funded scheme running under defined benefit principles.

WIKI YA HUDUMA KWA WATEJA 2026Mfuko wa Taifa wa Hifadhi ya Jamii (NSSF) umezindua rasmi wiki ya Huduma kwa Wateja mwaka ...
06/10/2026

WIKI YA HUDUMA KWA WATEJA 2026

Mfuko wa Taifa wa Hifadhi ya Jamii (NSSF) umezindua rasmi wiki ya Huduma kwa Wateja mwaka 2026 Makao Makuu, ikiwa na kaulimbiu "Huduma Bora kwa Vitendo"

Uzinduzi huo umeongozwa na Bw. Donald Mhaiki, Mkurugenzi wa TEHAMA, aliyewaongoza watumishi wa Mfuko na wateja katika maadhimisho hayo yaliyolenga kuhamasisha na kuimarisha utoaji huduma bora kwa wateja.

NSSF YATUNUKIWA ISO 9001:2015, YAAHIDI HUDUMA BORA ZAIDI*Yazindua Wiki ya Huduma kwa Wateja 2026Na Mwandishi WetuKiliman...
06/10/2026

NSSF YATUNUKIWA ISO 9001:2015, YAAHIDI HUDUMA BORA ZAIDI

*Yazindua Wiki ya Huduma kwa Wateja 2026

Na Mwandishi Wetu
Kilimanjaro, Oktoba 5, 2026

Mfuko wa Taifa wa Hifadhi ya Jamii (NSSF) umefikia hatua muhimu katika kuimarisha ubora wa huduma baada ya kutunukiwa Cheti cha ISO 9001:2015 cha Mfumo wa Usimamizi wa Ubora na Shirika la Viwango Tanzania (TBS), kufuatia kukamilika kwa mchakato wa uhakiki na ithibati ya mfumo wake wa usimamizi wa ubora.

Hatua hiyo inaweka msingi muhimu kwa Mfuko kuendelea kuimarisha utendaji, uwajibikaji na utoaji wa huduma bora kwa wanachama, waajiri na wadau wake.

Akizungumza wakati wa ufunguzi wa kitaifa wa Wiki ya Huduma kwa Wateja 2026 mkoani Kilimanjaro, Mkuu wa Mkoa huo, Mhe. Nurdin Babu, aliipongeza NSSF kwa kupata cheti hicho, akisema ni ishara ya juhudi zinazofanywa na Mfuko katika kuhakikisha huduma zinazotolewa zinaendelea kuimarika.

Mhe. Babu pia aligusia hatua ya Serikali ya kutoa msamaha wa tozo kwa waajiri wenye malimbikizo ya michango, akiwataka kutumia fursa hiyo kurekebisha madeni yao na kuendelea kutimiza wajibu wa kulipa michango kwa wakati.

Naye, Mkurugenzi Mkuu wa NSSF, Bw. Masha Mshomba, alisema katika jitihada za kuboresha huduma, Mfuko ulikamilisha mchakato wa kupata Cheti cha ISO 9001:2015 cha Mfumo wa Usimamizi wa Ubora hadi kufikia Juni 2026, hatua inayoonesha dhamira ya NSSF ya kuhakikisha huduma zake zinaendelea kutolewa kwa viwango bora.

“Cheti hiki kinaonesha dhamira ya Mfuko ya kuendeleza huduma bora na uwajibikaji. Hivyo, natumia nafasi hii kuwapongeza TBS kwa kazi kubwa waliyoifanya hadi kufanikisha upatikanaji wa cheti hicho, pamoja na watumishi wote wa NSSF,” alisema Bw. Mshomba.

Kwa mujibu wa Bw. Mshomba, Mfuko pia umepata mafanikio makubwa katika utekelezaji wa majukumu yake, ikiwemo uandikishaji wa wanachama, ukusanyaji wa michango, uwekezaji, ulipaji wa mafao pamoja na matumizi ya TEHAMA.

Alibainisha kuwa mafanikio hayo yanaenda sambamba na ukuaji mkubwa wa Mfuko, ambapo thamani yake imeongezeka kutoka shilingi trilioni 9.8 Juni 2025, hadi shilingi trilioni 11.42 Juni 2026, sawa na ongezeko la asilimia 16.

“Mfuko umekua kwa kiwango kikubwa katika kipindi cha Serikali ya Awamu ya Sita inayoongozwa na Mhe. Dkt. Samia Suluhu Hassan, kutokana na kazi kubwa inayofanyika pamoja na ushirikiano kutoka kwa waajiri na wanachama. Hivyo, nampongeza Mhe. Rais kwa kuboresha mazingira ya uwekezaji nchini, jambo ambalo limechangia ongezeko kubwa la waajiri,” alisema Bw. Mshomba.

Aidha, alisema NSSF imepiga hatua katika kuboresha utoaji wa mafao, ambapo wastani wa muda wa kushughulikia na kulipa mafao umepungua kutoka siku 63 mwaka 2021 hadi siku 19 katika mwaka wa fedha 2025/26.

Bw. Mshomba alisema matumizi ya mifumo ya kidijitali yameendelea kurahisisha huduma kwa wanachama na waajiri, kwa kuwa sasa wanaweza kupata huduma mbalimbali kwa njia ya mtandao bila kulazimika kufika ofisini, hatua inayolenga kupunguza usumbufu na kuongeza ufanisi wa huduma.

Kwa upande wake, Mkurugenzi wa Uthaminishaji, Takwimu na Usimamizi wa Hadhari wa NSSF, Bw. Ibrahim Maftah, alisema kupata Cheti cha ISO 9001:2015 hakukuwa tukio la siku moja, bali ni matokeo ya juhudi za pamoja, mipango madhubuti, kujifunza, kujitathmini na kuboresha mifumo ya kazi kwa kipindi kirefu.

“Safari hii tuliianza kwa kupitia michakato yetu ya kazi, kuiboresha na kuhakikisha taratibu mbalimbali zinaendana na viwango vilivyowekwa. Tuliandaa nyaraka za mifumo ya ubora na kutoa mafunzo kuanzia ngazi ya Bodi ya Wadhamini hadi kwa watumishi wote. Baadaye ulifanyika ukaguzi na kubainika kuwa tumekidhi vigezo vyote vilivyowekwa, hatimaye tukatunukiwa cheti hicho,” alisema Bw. Maftah.

Akizungumza kwa niaba ya Mkurugenzi Mkuu wa Shirika la Viwango Tanzania (TBS), Dkt. Ashura Katunzi, Mkurugenzi wa Udhibiti Ubora, Mhandisi Abdallah Kileo, alisema cheti hicho ni ushahidi wa dhamira ya Bodi, Menejimenti na watumishi wa NSSF katika kuzingatia viwango vya kimataifa vya ubora.

Alisema cheti hicho kitasaidia kuhakikisha huduma zinatolewa kwa kiwango kinachofanana katika ofisi za NSSF nchini, kupunguza urasimu na kuimarisha mifumo ya utoaji huduma inayokwenda sambamba na maendeleo ya teknolojia.

Mkurugenzi wa Usimamizi wa Rasilimali Watu na Utawala, Bw. Ekwabi Mujungu, alisema ubora wa huduma unaanzia ndani ya taasisi, akiwataka watumishi kuvaa “viatu vya mwanachama na mteja” wanapotekeleza majukumu yao.

Kwa upande wake, Meneja wa Huduma kwa Wateja wa NSSF, Bw. Robert Kadege, alisema Wiki ya Huduma kwa Wateja 2026 ni fursa ya kuwakumbuka na kuwashukuru wateja, kutambua mchango wa waajiri na watumishi, pamoja na kupata maoni yao kuhusu huduma zinazotolewa.

Alisema maoni hayo ni muhimu katika kubaini maeneo yanayohitaji maboresho na kuhakikisha Mfuko unaendelea kukidhi na kuvuka matarajio ya wateja.

Awali, Meneja wa NSSF Mkoa wa Kilimanjaro, Bi. Audrey Claudius, alisema mkoa huo unaendelea kutoa huduma kupitia Ofisi ya Mkoa, Ofisi ya Wilaya ya Hai na vituo vya huduma vya Rombo, Same na TPC, huku ukitumia mifumo ya kidijitali kuongeza ufanisi.

Akifafanua mwelekeo wa NSSF, Mkurugenzi wa Uendeshaji, Bw. Omary Mziya, alisema kaulimbiu ya “Huduma Bora kwa Vitendo” inapaswa kuonekana katika matokeo ya huduma, si maneno pekee.

Alisema NSSF itaendelea kuboresha michakato na mifumo, ikiwamo lango la huduma kwa waajiri na wanachama, ili kurahisisha upatikanaji wa taarifa za michango, madai ya mafao na huduma nyingine.

Kwa hatua hiyo, NSSF inaendelea kujenga utamaduni wa ubora unaolenga kuhakikisha viwango vya huduma vinaendelea kuimarika, huku mahitaji na matarajio ya wanachama, waajiri na wadau yakiwekwa katika kiini cha utekelezaji wa majukumu ya Mfuko.

MWISHO

NSSF YAUNGA MKONO AJENDA YA NISHATI SAFI NA UHIFADHI WA MAZINGIRA KUELEKEA DIRA 2050*Yakabidhi majiko janja, yapanda mit...
05/10/2026

NSSF YAUNGA MKONO AJENDA YA NISHATI SAFI NA UHIFADHI WA MAZINGIRA KUELEKEA DIRA 2050

*Yakabidhi majiko janja, yapanda miti Shule ya Sekondari ya Wasichana Kilimanjaro
*Ni Maadhimisho ya Wiki ya Huduma kwa Wateja 2026

Na Mwandishi Wetu

Kilimanjaro, Oktoba 4, 2026

Mfuko wa Taifa wa Hifadhi ya Jamii (NSSF) umeunga mkono ajenda ya Serikali ya matumizi ya nishati safi na uhifadhi wa mazingira katika utekelezaji wa Dira 2050, kwa kukabidhi majiko banifu matatu na kupanda miti ya matunda na kivuli katika Shule ya Sekondari ya Wasichana Kilimanjaro.

Hatua hiyo inalenga kuhamasisha matumizi ya nishati safi ya kupikia, kupunguza utegemezi wa kuni, kulinda mazingira dhidi ya athari za mabadiliko ya tabianchi, kuboresha afya na kuchangia ustawi wa jamii.

Akizungumza katika zoezi hilo, Mkuu wa Mkoa wa Kilimanjaro, Mhe. Nurdin Babu, aliishukuru NSSF kwa kuunga mkono ajenda hiyo ya kitaifa, akisema matumizi ya nishati safi na upandaji miti ni hatua muhimu katika kulinda mazingira, afya za wananchi na kujenga maendeleo endelevu.

Alisema mazingira ni msingi wa shughuli mbalimbali za kiuchumi mkoani humo, zikiwemo kilimo, utalii na biashara, hivyo kila mmoja ana wajibu wa kushiriki katika uhifadhi wake.

Mhe. Babu alihimiza uongozi wa shule na wanafunzi kuhakikisha miti iliyopandwa inatunzwa hadi ikue na kutoa manufaa yaliyokusudiwa, yakiwemo matunda na kivuli.

Aidha, alisisitiza umuhimu wa kudhibiti ukataji holela wa miti, hususan katika maeneo ya vyanzo vya maji, akisema hatua hiyo ni muhimu katika kulinda mazingira na urithi wa kizazi cha sasa na vijavyo.

Kwa upande wake, Mkurugenzi Mkuu wa NSSF, Bw. Masha Mshomba, alisema zoezi hilo ni sehemu ya mwendelezo wa mchango wa Mfuko katika kuunga mkono ajenda ya Serikali ya Awamu ya Sita chini ya Rais Dkt. Samia Suluhu Hassan kuhusu matumizi ya nishati safi na uhifadhi wa mazingira.

Alisema ajenda hiyo inaendana na Dira 2050, hususan katika kukabiliana na mabadiliko ya tabianchi, na kwamba NSSF imekuwa ikitekeleza shughuli za upandaji miti katika maeneo mbalimbali nchini, ikiwemo Dodoma na Mwanza.

Bw. Mshomba alisema matumizi ya majiko banifu yatasaidia kupunguza utegemezi wa kuni, moshi na uchafuzi wa mazingira, hivyo kulinda afya za wanafunzi na wapishi.

Alisema NSSF itaendelea kushirikiana na uongozi wa shule kuhakikisha miti iliyopandwa inatunzwa na majiko yaliyotolewa yanatumika ipasavyo, ili hatua hiyo ilete manufaa ya muda mrefu kwa shule na jamii.

Katibu Tawala wa Mkoa wa Kilimanjaro, Bw. Kiseo Yusuf Nzowa, pamoja na Mkuu wa Wilaya ya Siha, Dkt. Christopher Timbuka, waliishukuru NSSF kwa kuunga mkono juhudi za Serikali katika matumizi ya nishati safi na uhifadhi wa mazingira, wakisema utoaji wa majiko banifu na upandaji miti ni hatua inayokwenda sambamba na ajenda ya Serikali na maelekezo ya Rais Dkt. Samia Suluhu Hassan.

Awali, Mkurugenzi wa Uendeshaji wa NSSF, Bw. Omary Mziya, na Meneja wa NSSF Mkoa wa Kilimanjaro, Bi. Audrey Claudius, walisema NSSF imeamua kutumia maadhimisho ya Wiki ya Huduma kwa Wateja kuendelea kuelimisha jamii kuhusu umuhimu wa mazingira na matumizi ya nishati safi, kupitia utoaji wa majiko banifu na upandaji miti.

Kwa upande wake, Mwalimu Mkuu wa Shule ya Sekondari ya Wasichana Kilimanjaro, Mariana Msangi, aliishukuru NSSF kwa kuboresha mazingira ya shule kupitia upandaji wa miti na utoaji wa majiko banifu, akisema hatua hiyo itasaidia kujenga mazingira bora ya kujifunzia na kuwaelimisha wanafunzi kuhusu umuhimu wa uhifadhi wa mazingira na matumizi ya nishati safi.

Hatua hiyo inaakisi dhamira ya NSSF ya kutekeleza wajibu wake kwa jamii kwa kuunga mkono vipaumbele vya Serikali, huku ikichangia kulinda mazingira, afya za jamii na kujenga mazingira salama na endelevu kwa kizazi cha sasa na kijacho, sambamba na utekelezaji wa Dira 2050. “Kwa mtazamo wangu, hii sasa ina mpangilio mzuri zaidi”. Alisema Mkuu wa Shule ya Sekondari ya Wasichana Kilimanjaro.

MWISHO

WIKI YA HUDUMA KWA WATEJA: HUDUMA BORA KWA VITENDO
04/10/2026

WIKI YA HUDUMA KWA WATEJA: HUDUMA BORA KWA VITENDO

MATUKIO KATIKA PICHA: Mfuko wa Taifa wa Hifadhi ya Jamii (NSSF) ulivyoshiriki katika kilele cha Maonesho ya Tisa ya Kita...
04/10/2026

MATUKIO KATIKA PICHA: Mfuko wa Taifa wa Hifadhi ya Jamii (NSSF) ulivyoshiriki katika kilele cha Maonesho ya Tisa ya Kitaifa ya Teknolojia ya Madini yaliyofanyika mkoani Geita. Mgeni Rasmi alikuwa Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba, aliyefunga rasmi maonesho hayo.

NSSF YAIBUKA MSHINDI WA KWANZA KWENYE SEKTA YA MIFUKO YA HIFADHI YA JAMII NA HUDUMA ZA BIMA KATIKA MAONESHO YA KITAIFA Y...
04/10/2026

NSSF YAIBUKA MSHINDI WA KWANZA KWENYE SEKTA YA MIFUKO YA HIFADHI YA JAMII NA HUDUMA ZA BIMA KATIKA MAONESHO YA KITAIFA YA TEKNOLOJIA YA MADINI GEITA

NSSF YAIBUKA MSHINDI WA KWANZA KWENYE SEKTA YA MIFUKO YA HIFADHI YA JAMII NA HUDUMA ZA BIMA KATIKA MAONESHO YA KITAIFA Y...
04/10/2026

NSSF YAIBUKA MSHINDI WA KWANZA KWENYE SEKTA YA MIFUKO YA HIFADHI YA JAMII NA HUDUMA ZA BIMA KATIKA MAONESHO YA KITAIFA YA TEKNOLOJIA YA MADINI GEITA

* Yapata tuzo maalum
* Yatumia fursa ya maonesho kutoa elimu ya Hifadhi ya Jamii

Na Mwandishi Wetu

Geita, Oktoba 2, 2026 — Mfuko wa Taifa wa Hifadhi ya Jamii (NSSF) umeibuka mshindi wa kwanza katika Sekta ya Mifuko ya Hifadhi ya Jamii na Huduma za Bima katika Maonesho ya 9 ya Kitaifa ya Teknolojia ya Madini yanayofanyika mkoani Geita, na kutunukiwa tuzo maalum kwa kutambua ushiriki wake katika maonesho hayo.

Tuzo hiyo imetolewa Oktoba 2, 2026 na Mgeni Rasmi, Dkt. Latifa Mohammed Khamis, Naibu Katibu Mkuu (Muungano), Ofisi ya Makamu wa Rais, wakati wa hafla ya utoaji wa tuzo kwa taasisi, kampuni na vikundi mbalimbali vilivyoshiriki katika maonesho hayo.

Maonesho hayo yamebeba Kaulimbiu isemayo “Madini ni Utajiri – Tuwajibike kwa Pamoja Kufikia Dira ya Taifa 2050”, yakilenga kuwakutanisha wadau mbalimbali katika kujadili na kuonesha teknolojia na fursa zinazopatikana katika Sekta ya Madini.

Kupitia ushiriki wake, NSSF imeendelea kutumia jukwaa hilo kutoa elimu ya Hifadhi ya Jamii kwa wananchi, hususan wafanyakazi wa sekta rasmi, wananchi waliojiajiri na wadau wa Sekta ya Madini.

Elimu hiyo imejikita katika huduma mbalimbali zinazotolewa na Mfuko, ikiwemo mafao yanayotolewa, uandikishaji wa wanachama wapya, njia rahisi za kujiunga na huduma za NSSF kupitia simu za kiganjani, pamoja na fursa za uwekezaji katika miradi ya nyumba na viwanja.

Aidha, wananchi wamepatiwa elimu kuhusu huduma za kidijitali zinazotolewa na NSSF, ikiwemo NSSF Portal na NSSF App, pamoja na umuhimu wa kupambana na vitendo vya rushwa katika utoaji wa huduma.

Pamoja na makundi mengine, wachimbaji wadogo wa madini, waendesha bodaboda na wajasiriamali wengine wameonesha mwitikio mkubwa kuhusu Hifadhi Skimu, mpango maalum unaowawezesha wananchi waliojiajiri kuweka akiba kwa ajili ya uzeeni, huku wakinufaika na mafao mbalimbali, ikiwemo matibabu baada ya kuchangia kwa miezi mitatu mfululizo bila kukatisha.

Mwitikio huo umewezesha baadhi ya wananchi kupata elimu ya kina kuhusu Hifadhi Skimu na kuchukua hatua ya kujiunga na kuanza kuchangia, hali inayoonesha umuhimu wa NSSF kuendelea kutumia maonesho na majukwaa mengine ya umma kuwafikia wananchi na kuongeza uelewa kuhusu umuhimu wa Hifadhi ya Jamii.

MWISHO

NSSF YAENDELEA KUWAFIKIA WALIOJIAJIRI KUPITIA HIFADHI SKIMUMfuko wa Taifa wa Hifadhi ya Jamii (NSSF) umeendelea kuwafiki...
04/10/2026

NSSF YAENDELEA KUWAFIKIA WALIOJIAJIRI KUPITIA HIFADHI SKIMU

Mfuko wa Taifa wa Hifadhi ya Jamii (NSSF) umeendelea kuwafikia wananchi waliojiajiri kwa kutoa elimu kuhusu umuhimu wa hifadhi ya jamii kupitia Hifadhi Skimu, katika Jukwaa la wazi la fursa za biashara, uwekezaji na uanzishaji wa viwanda kwa wawekezaji wa ndani na nje ya nchi, lililofanyika wakati wa Maonesho ya Tisa ya Kitaifa ya Teknolojia ya Madini yaliyofanyika katika Viwanja vya Dkt. Samia Suluhu Hassan, Mkoani Geita.

Kongamano hilo, lililopewa jina la “Fungua Fursa,” lilifunguliwa na Mkuu wa Wilaya ya Geita, Mhe. Hashimu Komba, akimwakilisha Mkuu wa Mkoa wa Geita, Mhe. Alexander Mnyeti.

Elimu hiyo ilitolewa na Meneja wa Uhusiano na Elimu kwa Umma wa NSSF, Bi. Lulu Mengele, kwa kushirikiana na Meneja wa NSSF Mkoa wa Geita, Bi. Winniel Lusingu, ambapo walieleza manufaa ya kujiunga na NSSF kupitia Hifadhi Skimu, hususan kwa wananchi waliojiajiri.

Katika elimu hiyo, wananchi, wakiwemo wachimbaji wadogo wa madini na maafisa usafirishaji (bodaboda), walihimizwa kutumia fursa ya Hifadhi Skimu kwa kuweka akiba kwa ajili ya maisha yao ya sasa na baadaye na kunufaika na mafao mbalimbali yanayotolewa na Mfuko kwa mujibu wa sheria, yakiwemo mafao ya matibabu, uzazi, pensheni ya uzee, urithi na ulemavu.

Aidha, ilisisitizwa kuwa hifadhi ya jamii ni nguzo muhimu katika ustawi wa wananchi, hivyo kuanza kuweka akiba mapema na kuendelea kuchangia kutawawezesha kujenga maisha yenye uhakika zaidi kwao na familia zao.

Ushiriki wa NSSF katika kutoa elimu hiyo unaendana na Dira 2050, inayolenga kujenga taifa lenye uchumi shindani na jumuishi, unaowawezesha Watanzania kushiriki kikamilifu katika shughuli za kiuchumi na kunufaika na matokeo ya maendeleo.

Kupitia Hifadhi Skimu, NSSF inaendelea kuwawezesha wananchi waliojiajiri kujenga ulinzi wa kijamii na kujiandaa kwa maisha ya sasa na ya baadaye.

Vilevile, utoaji wa elimu na uhamasishaji wa wananchi kujiunga na Hifadhi Skimu ni sehemu ya utekelezaji wa Mpango Mkakati wa Nane wa NSSF wa mwaka 2026/27–2030/31, unaolenga kupanua wigo wa hifadhi ya jamii na kuongeza idadi ya Watanzania wanaofikiwa na huduma za Mfuko, hususan wananchi waliojiajiri.

Katika hatua nyingine, NSSF ilitoa fulana maalumu zenye virejeshi mwanga vya usalama barabarani (reflector vests) kwa maafisa usafirishaji (bodaboda), ikiwa ni sehemu ya kuwaunga mkono katika kuimarisha usalama wao wanapotekeleza majukumu yao ya kila siku.

Waendesha pikipiki hao ni miongoni mwa makundi yanayolengwa na Hifadhi Skimu, ambayo huwawezesha wananchi waliojiajiri kuweka akiba kwa ajili ya mafao ya uzeeni na baada ya kuchangia kwa miezi mitatu mfululizo, kunufaika na mafao ya matibabu pamoja na mafao mengine yanayotolewa kwa mujibu wa taratibu za Mpango huo.

Kupitia ushiriki wake katika matukio mbalimbali, NSSF inaendelea kusogeza elimu na huduma za hifadhi ya jamii karibu na wananchi, hususan makundi ya waliojiajiri, kwa lengo la kuongeza uelewa na ushiriki katika hifadhi ya jamii pamoja na kujenga msingi imara wa ustawi wa wananchi na familia zao.

MWISHO

WAZIRI SANGU ALIVYOTEMBELEA BANDA LA NSSF KATIKA MAONESHO YA TISA YA KITAIFA YA TEKNOLOJIA YA MADINIWaziri wa Nchi, Ofis...
04/10/2026

WAZIRI SANGU ALIVYOTEMBELEA BANDA LA NSSF KATIKA MAONESHO YA TISA YA KITAIFA YA TEKNOLOJIA YA MADINI

Waziri wa Nchi, Ofisi ya Waziri Mkuu – Kazi, Ajira na Mahusiano, Mhe. Deus Sangu alivyotembelea maonesho ya 9 ya Teknolojia ya Madini katika mabanda yaliyo chini ya Ofisi ya Waziri Mkuu Kazi Ajira na Mahusiano ukiwemo Mfuko wa Taifa wa Hifadhi ya Jamii (NSSF).

Akiwa katika banda la NSSF Mhe. Sangu alipongeza kukuwa kwa thamani ya Mfuko mpaka kufikia Trilioni 11.6 , pia mpango mkakati wa nane wa 2027-30/31

Aliongeza kuwa moja ya maeneo katika Dira 2050 ni uchumi jumuishi ambapo NSSF inatekeleza kupitia Hifadhi Skimu na mojawapo ya makundi lengwa ni wachimbaji wadogo wa madini.

SIKU YA WAZEE DUNIANIFurahia Pensheni ya Uzeeni kutoka NSSF
01/10/2026

SIKU YA WAZEE DUNIANI

Furahia Pensheni ya Uzeeni kutoka NSSF

Address

P. O. Box 1322, Azikiwe Street
Dar Es Salaam
0255

Website

Alerts

Be the first to know and let us send you an email when NSSF Tanzania posts news and promotions. Your email address will not be used for any other purpose, and you can unsubscribe at any time.

Shortcuts

Share

Category