PbpaTanzania

03/09/2026

Wakala wa Uagizaji Mafuta kwa Pamoja (PBPA) imetoa mafunzo kuhusu matumizi ya nishati safi ya kupikia kwa mama na baba lishe 70 wa Kikundi cha Jitihada, Kurasini, jijini Dar es Salaam, leo Septemba 3, 2026, ikiwa ni sehemu ya kuunga mkono Mkakati wa Taifa wa Matumizi ya Nishati Safi ya Kupikia.

Mafunzo hayo yamelenga kuongeza uelewa kuhusu umuhimu wa nishati safi katika kulinda afya, kuhifadhi mazingira na kuongeza ufanisi wa biashara zao.

Katika tukio hilo, washiriki walikabidhiwa jumla ya tani 1.5 za mkaa mbadala.

03/09/2026

PBPA YAWAWEZESHA MAMA LISHE KURASINI KUHAMIA NISHATI SAFI YA KUPIKIA

Dar es Salaam, Septemba 3, 2026

Mkurugenzi wa Uendeshaji wa Petroli, Wakala wa Uagizaji Mafuta kwa Pamoja (PBPA), Mhandisi Bruno Tarimo, amewahimiza mama na baba lishe kuachana na matumizi ya kuni na mkaa wa kawaida na kuhamia katika nishati safi ya kupikia ili kulinda afya zao, kuhifadhi mazingira na kuongeza ufanisi wa biashara zao.

Mhandisi Tarimo ametoa wito huo leo, Septemba 3, 2026, wakati wa mafunzo ya matumizi ya nishati safi ya kupikia yaliyotolewa na PBPA kwa mama na baba lishe wa Kikundi cha Jitihada, yaliyofanyika Kurasini jijini Dar es Salaam. Katika tukio hilo, PBPA imewakabidhi mama na baba lishe 70 jumla ya tani 1.7 za mkaa mbadala.

Akimwakilisha Mkurugenzi Mtendaji wa PBPA, Mhandisi Tarimo amesema mafunzo hayo ni sehemu ya ushiriki wa Wakala katika utekelezaji wa Mkakati wa Taifa wa Matumizi ya Nishati Safi ya Kupikia wa miaka 10, uliozinduliwa mwaka 2024 na Rais wa Jamhuri ya Muungano wa Tanzania, Mhe. Dkt. Samia Suluhu Hassan.

Mkakati huo unalenga kuhakikisha kuwa, ifikapo mwaka 2034, asilimia 80 ya Watanzania watakuwa wamehama kutoka katika matumizi ya nishati zisizo safi na salama na kuanza kutumia nishati safi ya kupikia.

“Tumekuja kushirikiana na mama na baba lishe pamoja na watoa huduma wa teknolojia za nishati safi ili kuwapatia elimu kuhusu matumizi yake na kuwasaidia kuachana na nishati zisizo safi na salama,” amesema Mhandisi Tarimo.

Ameeleza kuwa PBPA imeanza na mama na baba lishe wa Kurasini kwa sababu eneo hilo lina makampuni mengi ya mafuta ambayo ni miongoni mwa wadau wakuu wa Wakala. Wafanyakazi wa makampuni hayo hupata huduma za chakula kutoka kwa mama na baba lishe wanaofanya biashara katika maeneo ya Kurasini na Kigamboni.

“Wafanyakazi wanapokuja kula wataona chakula kimepikwa katika mazingira safi, hakina moshi na kina ladha nzuri. Wanaweza pia kuifikisha elimu hii kwa ndugu, jamaa na marafiki. Kwa namna hiyo, tunaendelea kuchangia utekelezaji wa lengo la kuwafikia asilimia 80 ya Watanzania,” amesema.

Mhandisi Tarimo amesema, katika mafunzo hayo, washiriki walipata fursa ya kuona na kujifunza matumizi ya majiko ya kisasa ya umeme, majiko banifu na mkaa mbadala. Pia walishuhudia kwa vitendo namna teknolojia hizo zinavyoweza kutumika kupika chakula kwa haraka, bila kutoa moshi mwingi wala kuchafua vyombo vya kupikia.

Amesema matumizi ya kuni na mkaa wa kawaida yana madhara kwa afya za watumiaji, hususan mama na baba lishe ambao hukaa karibu na moshi kwa muda mrefu. Aidha, matumizi ya nishati hizo yanachangia uharibifu wa mazingira unaotokana na ukataji wa miti.

PBPA pia inaendelea kuzihamasisha taasisi zinazohudumia au kuandaa chakula kwa zaidi ya watu 100 kwa siku kuhamia katika matumizi ya nishati safi na salama ya kupikia.

Kwa upande wake, Mwenyekiti wa Kikundi cha Jitihada, Bw. Lugano Mwaiswelo, amesema mafunzo hayo yamewapatia washiriki maarifa yatakayowasaidia kulinda afya zao na kuboresha mazingira wanamofanyia biashara.

“Tunaishukuru Serikali ya Rais Samia kwa kuwakumbuka mama na baba lishe kupitia jitihada za kuhamia katika nishati safi ya kupikia inasaidia kuboresha mazingira na kulinda afya zetu. Tumepokea elimu hii kwa furaha, tutazingatia tuliyofundishwa na tutakuwa mfano kwa vikundi vingine kwa kutumia majiko banifu, mkaa mbadala na majiko ya umeme,” amesema Bw. Mwaiswelo.

Mmoja wa mama lishe walioshiriki mafunzo hayo, Bi. Joyce Benjamin Mtweve, amesema maonesho ya upishi yaliyofanyika yamewathibitishia kuwa matumizi ya nishati safi yanaweza kurahisisha kazi zao na kuboresha mazingira ya biashara.

“Tumefurahi sana kwa ujio wenu na kwa kutuonesha majiko ya nishati safi. Tumeshuhudia yakipika vizuri, bila moshi na bila kuchafua sufuria. Tuko tayari kuunga mkono juhudi hizi,” amesema Bi. Mtweve.

Naye Rais wa Mama Lishe Tanzania, Bi. Latifa Habibu Masasi, amesema upatikanaji wa gesi, majiko ya umeme, majiko banifu na mkaa mbadala umewapa mama lishe fursa ya kuchagua teknolojia inayolingana na mahitaji pamoja na uwezo wao.

“Nishati safi ni muhimu sana. Teknolojia hizi zinaongeza thamani katika mnyororo wa biashara ya chakula kwa sababu zinawawezesha mama lishe kupika kwa haraka, kwa wakati na katika mazingira salama zaidi,” amesema Bi. Masasi.

Mafunzo hayo yanaashiria kuanza kwa kampeni ya PBPA ya kuhamasisha matumizi ya nishati safi ya kupikia miongoni mwa mama na baba lishe nchini. Kampeni hiyo inatarajiwa kuendelea katika maeneo mengine yenye mama na baba lishe wanaotoa huduma za chakula kwa wadau wa PBPA.

31/08/2026

BONANZA LA WATUMISHI WA PBPA 2026

Tazama matukio mbalimbali yalivyojiri katika Bonanza la Watumishi wa Wakala wa Uagizaji Mafuta kwa Pamoja (PBPA), lililofanyika Agosti 29, 2026 katika Viwanja vya Tanzanite Hub, Mikocheni jijini Dar es Salaam.

Bonanza hilo liliwakutanisha watumishi katika michezo na burudani mbalimbali, likilenga kuimarisha afya, mshik**ano, ushirikiano na mahusiano mazuri mahali pa kazi.

**ano

31/08/2026

31/08/2026

MICHEZO NI CHACHU YA AFYA, MSHIKAMANO KWA WATUMISHI - TARIMO

Na Mwandishi wetu- Dar es Salaam

Mkurugenzi wa Uendeshaji wa Petroli wa Wakala wa Uagizaji Mafuta kwa Pamoja (PBPA), Mha.Bruno Tarimo, amewahimiza watumishi kujenga utamaduni wa kufanya mazoezi mara kwa mara ili kuimarisha afya, kuongeza mshik**ano na kukabiliana na athari zinazoweza kusababishwa na kukaa muda mrefu ofisini.

Tarimo ametoa rai hiyo, Agosti 29, 2026, wakati wa Bonanza la Watumishi wa PBPA lililofanyika katika viwanja vya Tanzanite Hub, Mikocheni jijini Dar es Salaam.

“Tunatumia muda mwingi kutekeleza majukumu yetu tukiwa ofisini. Tunapopata nafasi k**a hii ya kukutana na kufanya mazoezi kwa pamoja, tunajenga afya zetu na wakati huo huo tunahamasishana kuendelea kufanya mazoezi hata tukiwa wenyewe,” amesema Tarimo.

Ameeleza kuwa mikusanyiko ya aina hiyo pia inawapa watumishi nafasi ya kufahamiana zaidi nje ya majukumu yao ya kila siku, kujenga mahusiano mazuri na kuimarisha ushirikiano unaohitajika katika utekelezaji wa majukumu ya Wakala.

Katika bonanza hilo, watumishi walionesha ushindani na vipaji katika michezo mbalimbali ikiwemo Mpira wa Miguu, Netball, Kuvuta Kamba,Mbio za Magunia,Volleyball, Mbio za Mayai, Basketball, Kuk**ata kuku, Bao,Draft, Chess, Karata na Pool table.

Kwa upande wake, Mwenyekiti wa Michezo PBPA ambaye pia ni Afisa Ubora wa Mafuta, Bw.Mosses Nyaronga, amesema mwitikio mkubwa wa watumishi katika bonanza hilo umeonesha umuhimu wa kuendelea kutoa nafasi kwa shughuli za michezo ndani ya taasisi.

“Tunawashukuru viongozi wetu kwa kutupa kibali na kutuwezesha kuandaa bonanza hili. Lengo letu ni kuhakikisha tunajenga afya zetu kupitia michezo, na tunafurahi kuona watumishi wengi wamejitokeza kushiriki,” amesema Nyaronga.

Nyaronga ametoa wito kwa viongozi wa taasisi kuendelea kuunga mkono shughuli za michezo kwa watumishi na kuwezesha mabonanza ya aina hiyo kufanyika mara kwa mara, akipendekeza yafanyike angalau kila baada ya mwezi mmoja au miwili.

29/08/2026

28/08/2026

MFUMO WA PBPA WAWEKA UHAKIKA WA MAFUTA NCHINI

Na Mwandishi Wetu, Morogoro

Wakala wa Uagizaji Mafuta kwa Pamoja (PBPA) umeeleza kuwa Mfumo wa Uagizaji Mafuta kwa Pamoja umeendelea kuhakikisha Tanzania inapata bidhaa za mafuta kwa uhakika, kwa wakati na kwa gharama shindani.

Akizungumza katika Maonesho ya Nne ya Kitaifa ya Utamaduni yanayoendelea mkoani Morogoro, Mchumi wa PBPA, Bw. Henry Kilenga, amesema mfumo huo unahusisha ukusanyaji wa mahitaji ya mafuta kutoka kwa kampuni za uuzaji wa mafuta nchini kabla ya kutangazwa kwa zabuni za kimataifa.

Amesema PBPA hukusanya mahitaji hayo na kuyaunganisha ili mafuta yaagizwe kwa pamoja kwa kiwango kikubwa. Utaratibu huo huiwezesha nchi kunufaika na ununuzi wa pamoja na kupata gharama shindani za uagizaji na usafirishaji.

“PBPA hukusanya mahitaji ya mafuta kutoka kwa kampuni za uuzaji wa mafuta, huandaa zabuni na kuwashindanisha wazabuni waliokidhi vigezo. Utaratibu huu unasaidia kuhakikisha nchi inapata mafuta kwa uhakika na kwa gharama shindani,” amesema Kilenga.

Amefafanua kuwa zabuni hizo hushirikisha kampuni za kimataifa zilizohakikiwa na kukidhi vigezo vilivyowekwa na PBPA. Wazabuni hushindanishwa kwa uwazi, huku tathmini ikizingatia bei zilizowasilishwa, uwezo wa kusambaza mafuta na masharti mengine ya zabuni.

Kwa mujibu wa Kilenga, baada ya kukamilika kwa tathmini, kampuni zilizokidhi vigezo na kuwasilisha bei nzuri huchaguliwa kuleta mafuta nchini kulingana na kiasi na muda uliopangwa.

Kilenga amesema uwazi na ushindani katika uendeshaji wa zabuni unalenga kulinda maslahi ya taifa, kuongeza ufanisi na kuhakikisha bidhaa za mafuta zinaendelea kupatikana kwa ajili ya wananchi na shughuli mbalimbali za kiuchumi.

Amesisitiza kuwa Mfumo wa Uagizaji Mafuta kwa Pamoja una mchango mkubwa katika kuimarisha usalama wa upatikanaji wa nishati na kuchochea maendeleo ya kijamii na kiuchumi nchini.

27/08/2026

Watumishi wa Wakala wa Uagizaji Mafuta kwa Pamoja (PBPA) wameendelea kutoa elimu kwa wananchi kuhusu majukumu na shughuli zinazotekelezwa na Wakala, pamoja na kujibu maswali yao katika Onesho la Nne la Kitaifa la Utamaduni linalofanyika mkoani Morogoro leo, Agosti 27, 2026.

26/08/2026

PBPA YASHIRIKI ONESHO LA NNE LA KITAIFA LA UTAMADUNI

Wakala wa Uagizaji Mafuta kwa Pamoja (PBPA) unashiriki Onesho la Nne la Kitaifa la Utamaduni kwa lengo la kutoa elimu kwa wananchi kuhusu majukumu yake na Mfumo wa Uagizaji Mafuta kwa Pamoja nchini.

Katika onesho hilo, wataalamu wa PBPA wanatoa maelezo kuhusu namna Wakala unavyoratibu uagizaji, upokeaji na uwasilishaji wa bidhaa za mafuta aina ya petroli, dizeli na mafuta ya ndege.

Wananchi wanaotembelea banda la PBPA pia wanaelimishwa kuhusu mchango wa Mfumo wa Uagizaji Mafuta kwa Pamoja katika kuhakikisha bidhaa za mafuta zinapatikana nchini kwa uhakika, kwa wakati na kwa gharama shindani.

Aidha, PBPA inatoa elimu kuhusu matumizi ya Mfumo wa Kielektroniki wa Usimamizi na Upatikanaji wa Taarifa (SCADA), unaotumika kufuatilia ushushaji wa mafuta kutoka melini hadi kwenye maghala ya kuhifadhia mafuta.

Ushiriki wa PBPA katika onesho hilo ni sehemu ya jitihada za Wakala kuimarisha mawasiliano na wananchi pamoja na kuongeza uelewa kuhusu shughuli zake na mchango wake katika usalama wa upatikanaji wa nishati nchini.

PBPA imewakaribisha wananchi kutembelea banda lake ili kupata elimu, kuuliza maswali na kufahamu zaidi kuhusu Mfumo wa Uagizaji Mafuta kwa Pamoja.