Bakitatz

02/10/2026

Jisajili sasa kupitia mfumo wa TSMS kwa kubofya kiungo hiki: https://tsms.gov.go.tz/login.

30/09/2026

BAKITA YAPATA ELIMU KUHUSU MATUMIZI YA NISHATI SAFI NA SALAMA

Watumishi wa Baraza la Kiswahili la Taifa (BAKITA) wamepata elimu kuhusu umuhimu na faida za matumizi ya nishati safi na salama, hususani matumizi ya umeme, ikiwa ni pamoja na mchango wake katika kupunguza moshi na uchafuzi wa mazingira.

Akizungumza na watumishi wa BAKITA, Bw. Juma Msuya, Afisa Huduma kwa Wateja kutoka Shirika la Umeme Tanzania (TANESCO), Mkoa wa Kinondoni, ameeleza kuwa matumizi ya umeme kwa ajili ya kupikia ni nafuu ikilinganishwa na baadhi ya aina nyingine za nishati, huku yakichangia kuboresha mazingira ya kupikia na kupunguza uchafuzi wa mazingira.

Aidha, Bw. Msuya amesisitiza umuhimu wa kuendelea kuhamasisha matumizi ya nishati safi na salama kutokana na faida zake katika kulinda mazingira, kuboresha afya na kuchangia ustawi wa jamii.
Elimu hiyo imetolewa leo tarehe 30 Septemba 2026, katika ukumbi wa Baraza la Kiswahili la Taifa (BAKITA), Makumbusho, Dar es Salaam.

27/09/2026

𝐏𝐚𝐩𝐚 𝐧𝐚 𝐊𝐢𝐬𝐰𝐚𝐡𝐢𝐥𝐢…

Papa Leo XIV alipokaribishwa kwa Kiswahili na mtumishi wa Ubalozi wa Tanzania Ufaransa akajibu “Ahsante”

23/09/2026

Baraza la Kiswahili la Taifa (BAKITA) limeendesha mafunzo ya Waandishi Waendesha Ofisi (WWO) yaliyoanza tarehe 21 Septemba 2026 katika ukumbi wa hoteli ya New Kiboko iliyopo jijini Tanga , mafunzo hayo yanalenga kuwaongezea washiriki ujuzi wa matumizi fasaha na sanifu ya lugha ya Kiswahili kwa ajili ya kuimarisha mawasiliano na utoaji wa huduma kwa wananchi.


Akifungua rasmi mafunzo hayo, Katibu Mtendaji wa BAKITA, Bi. Consolata P. Mushi, amesema mafunzo hayo ni muhimu katika kuwajengea Waandishi Waendesha Ofisi uwezo wa kutumia Kiswahili kwa usahihi na kuimarisha ujuzi wa Lugha ya Alama ili waweze kuwasiliana na kutoa huduma kwa ufanisi zaidi kwa wananchi wenye changamoto za kusikia na kuzungumza Hatua hii inalenga kuhakikisha wananchi wote wanapata huduma kwa usawa na bila vikwazo vya mawasiliano. Vilevile maarifa ya matumizi akiliunde katika Kiswahili yatawasaidia kuharakisha na kurahisisha majukumu yao ya kazi za kila siku husasan uhariri na uandishi wa vyaraka mbalimbali ili kuongoza ufanisi na tija katika taasisi.
Mafunzo hayo yanayofanyika kuanzia tarehe 21 hadi 25 Septemba 2026 yanalenga kukuza huduma jumuishi katika taasisi, kwa kuwawezesha Waandishi Waendesha Ofisi kuwa na uelewa na stadi za msingi za Lugha kwa kuzingatia maadili katika mazingira ya kazi. Hatua hii inalenga kuhakikisha wananchi wote wanapata huduma kwa usawa na bila vikwazo vya mawasiliano na kuepusha migogoro.

Aidha, Bi. Mushi amewahimiza Waandishi Waendesha Ofisi ambao bado hawajapata mafunzo hayo kujisajili na kutumia fursa ya mafunzo yatakayoendelea kutolewa katika kanda mbalimbali nchini, ili kuongeza ujuzi, kuimarisha weledi na kuchangia katika kuboresha mawasiliano na utoaji wa huduma katika taasisi zao.

23/09/2026

21/09/2026

Je, wajua neno hili la Kiingereza lina Kiswahili chake sanifu?

21/09/2026

Kujisajili katika mafunzo haya, jiunge katika kundi maalumu la WhatsApp kwa kubofya kiungo hiki: https://chat.whatsapp.com/Bb1JCaPafEl8LExmgueX8P?s=cl&p=a&mlu=0&ilr=4

20/09/2026

Jisajili sasa kupitia mfumo wa TSMS kwa kubofya kiungo hiki: https://tsms.gov.go.tz/login.