Tanzania Agricultural Development Bank

16/10/2026

14/10/2026

10/10/2026

Wateja wa TADB wakihitimisha ziara ya Mafunzo katika Maonesho ya J-AGRI Chiba, Japan.

-AGRI

09/10/2026

09/10/2026

Mkuu wa Wilaya ya Mwanga, Mhe. Hassan Chomboko, ameipongeza TADB kwa mchango wake katika maendeleo ya kilimo nchini alipotembelea banda la Benki hiyo kwenye Kahawa Festival inayoendelea katika Kiwanda cha Kahawa Moshi, Kilimanjaro.

Akipokea maelezo kutoka kwa Meneja wa Kanda ya Kaskazini, Bw. Alphonce Mokoki, Mhe. Chomboko alielezwa kuwa TADB imewezesha jumla ya TZS bilioni 668.03 katika mnyororo wa thamani wa kahawa.

Kati ya fedha hizo, TZS bilioni 475.83 zimetolewa kupitia mikopo ya moja kwa moja kwa miradi 38, ikiwafikia wanufaika 313,882, wakiwemo wanawake 61,202 na vijana 54,794. Aidha, zaidi ya TZS bilioni 192 zimewezeshwa kupitia Mfuko wa Dhamana wa Wakulima Wadogo (SCGS), kwa kushirikiana na taasisi za kifedha.

09/10/2026

Wateja wa Benki ya Maendeleo ya Kilimo (TADB) wakiwa kwenye Maonesho ya Kilimo ya J-AGRI Chiba, Japan.

-Agri

07/10/2026

Balozi wa Tanzania nchini Japan, Mhe. Anderson Gukwi Mutatembwa, amewapokea na kuwakaribisha nchini Japan wakulima 14, wanufaika wa mikopo ya Benki ya Maendeleo ya Kilimo Tanzania (TADB), waliopata fursa ya kutembelea Maonesho ya Kilimo ya J-AGRI yanayofanyika jijini Chiba, Japan, ikiwa ni sehemu ya shughuli za kuadhimisha Wiki ya Huduma kwa Wateja 2026 ya TADB. Katika hafla hiyo, Mhe. Balozi aliipongeza TADB kwa kuwawezesha wakulima kupata maarifa na uzoefu wa kimataifa, na kuwataka wanufaika hao kutumia fursa hiyo kujifunza teknolojia, ubunifu na mbinu bora za kilimo zitakazosaidia kuongeza tija wanaporejea Tanzania.

Mhe. Balozi alieleza kuwa J-AGRI ni jukwaa muhimu linaloonesha teknolojia za kisasa katika uzalishaji, uchakataji, uhifadhi na usafirishaji wa mazao, pamoja na mitambo, mashine na pembejeo za kilimo. Maonesho hayo yanafanyika kuanzia tarehe 7 hadi 9 Oktoba 2026, yakilenga kukuza ubunifu na teknolojia za kilimo, fursa za biashara na uwekezaji, upatikanaji wa masoko pamoja na ushirikiano wa kimataifa katika sekta ya kilimo.

-Agri

07/10/2026

06/10/2026

Benkiy a TADB imeendesha mafunzo ya siku mbili kwa zaidi ya washiriki 300 kutoka vikundi vya wakulima, wavuvi na wafugaji kisiwani Pemba, yakilenga kuongeza ujuzi, tija na kuwaandaa kupata fursa za huduma za kifedha na mikopo.

Mafunzo hayo yalifunguliwa na Waziri wa Kilimo, Umwagiliaji, Maliasili na Mifugo Zanzibar, Mhe. Suleiman Masoud Makame, aliyesisitiza umuhimu wa mafunzo kwa vikundi katika kuongeza uzalishaji na kuimarisha shughuli zao za kiuchumi.

TADB iliendesha mafunzo hayo kwa kushirikiana na Benki ya Watu wa Zanzibar (PBZ) na TAHA, ikiwa ni sehemu ya juhudi za kuwawezesha wadau wa kilimo kuwa tayari na kukopesheka ili kukuza shughuli zao za kilimo.

06/10/2026

Mkurugenzi Mwendeshaji wa Benki ya Maendeleo ya Kilimo Tanzania (TADB) akiwaaga wanufaika 14 wa TADB wanaokwenda nchini Japan kushiriki maonesho ya J-AGRI Tokyo, kwa lengo la kujifunza teknolojia za kisasa, ubunifu na fursa mpya katika sekta ya kilimo.

Akizungumza leo, Oktoba 5, 2026, wakati wa kuwaaga wanufaika hao amewataka kutumia kikamilifu maarifa na uzoefu watakaoupata Japan na kuhakikisha wanayatumia kwa tija katika shughuli zao, pamoja na kuwa mfano na chachu ya mabadiliko kwa wengine watakaporejea nchini.

Ziara hiyo ni sehemu ya utekelezaji wa kaulimbiu ya Wiki ya Huduma kwa Wateja 2026, “The Extra Mile,” inayolenga kwenda zaidi ya utoaji wa mikopo kwa kuwawezesha wateja kupata maarifa, teknolojia na fursa za kukuza biashara zao za kilimo.

Kwa niaba ya wateja hao, Kamal Simba ameishukuru TADB kwa fursa hiyo, akisema maarifa na uzoefu watakaoupata Japan yatawasaidia kuongeza tija, ufanisi na kukuza biashara zao za kilimo.