COSTECH

26/10/2026

Karibu utazame ubunifu wa kifaa kinachowasaidia wanafunzi wenye changamoto ya kuona kutoka kwa mbunifu Philbert Shio

26/10/2026

Karibu utazame bunifu ya wanafunzi wenye changamoto ya kuona kutoka kwa Mbunifu Philbert Shio #

23/10/2026

Tume ya Taifa ya Sayansi na Teknolojia inaadhimisha miaka 40 tangu kuanzishwa kwake, Costech@40

22/10/2026

COSTECH YAKABIDHIWA JENGO LA SAYANSI, TEKNOLOJIA NA UBUNIFU DODOMA

DODOMA: Tume ya Taifa ya Sayansi na Teknolojia (COSTECH), imepokea rasmi Jengo la Sayansi, Teknolojia na Ubunifu (STI Complex) kutoka kwa Mkandarasi TILL aliyetekeleza ujenzi huo chini ya usimamizi wa MEKON Arch Consult.

Makabidhiano hayo yamefanyika Oktoba 20, 2026, katika jengo hilo lililopo Mtaa wa Tambukareli jijini Dodoma.

Jengo hilo lenye kumbi mbalimbali kwa ajili ya shughuli za ubunifu na kutoa nafasi kwa wabunifu kuendeleza mawazo ya kibunifu, pamoja na kurahisisha upatikanaji wa huduma zinazohusiana na sayansi, teknolojia.

Kukamilika kwa jengo hilo ni sehemu ya jitihada za Serikali kupitia COSTECH za kuboresha mazingira na kusogeza huduma karibu na wabunifu katika ukuzaji wa Ubunifu na ubiasharishaji kuimarisha nchini, ikiwa ni mchango katika kufanikisha malengo ya Dira ya Taifa ya Maendeleo 2050.
Ujenzi huu ulifadhiliwa na Serikali kupitia mradi wa Elimu ya Juu kwa Mageuzi ya Kiuchumi (HEET).

16/10/2026

MBIO ZA STI (STIthon 2026)

USAJILI UMEFUNGULIWA SASA!

Tukiadhimisha COSTECH@40

Kuwa sehemu ya tukio hili la kihistoria tunapokimbia pamoja kusherehekea miaka 40 ya mageuzi na maendeleo ya Sayansi, Teknolojia na Ubunifu (STI) nchini Tanzania.

Jisajili leo na uhifadhi nafasi yako!

🏅 Ada ya Usajili: TZS 35,000
(Umbali wa 2.5km, 5km, 10km na 21km)

Kimbia • Buni • Leta Mabadiliko

🫀 Kimbia kwa Afya
💚 Kimbia kuunga mkono Sayansi, Teknolojia na Ubunifu (STI)

📅 Tarehe: 29, Novemba 2026
📍 Ukumbi: Viwanja vya TTCL, Kijitonyama

🎟 Jisajili sasa: https://stithon.costech.or.tz/

Usisubiri hadi wakati wa mwisho. Jisajili leo na uungane na mamia ya wakimbiaji kuandika historia!

15/10/2026

MTANZANIA AIBUKA MSHINDI WA TUZO YA UN YA AKILI MNEMBA ILI KUKABILIANA NA MABADILIKO YA TABIANCHI 2026

PHNOM PENH, KAMBODIA.

Mtanzania Ndg. Upendo Ernest Lyimo ameshinda Tuzo ya Umoja wa Mataifa ya AI for Climate Action Award 2026 kupitia jukwaa la kidijitali la CLIMAID, linalotumia Akili Mnemba (AI), takwimu za satelaiti na taarifa za kaya zilizo katika hatari kusaidia kukabiliana na athari za mabadiliko ya tabianchi.

Jukwaa hilo husaidia kutambua maeneo hatarishi ya ukame na mafuriko, kutoa tahadhari za mapema, kupanga mikakati ya kukabiliana na mabadiliko ya tabianchi na kutathmini hasara na madhara yanayosababishwa na majanga ya tabianchi. Pia, linawezesha mamlaka kutambua jamii zilizo hatarini na kupanga matumizi ya rasilimali na fedha za kukabiliana na changamoto hizo.

Akieleza chimbuko la ubunifu huo, Ndg. Lyimo amesema uzoefu wake wa kufanya utafiti katika jamii zilizoathiriwa na mabadiliko ya tabianchi nchini Tanzania ulimchochea kuanzisha CLIMAID ili kubadilisha takwimu za tabianchi kuwa taarifa zinazoweza kutumika kufanya maamuzi na kuchukua hatua.

Tuzo hiyo ilitangazwa 13 Oktoba 2026, katika Jukwaa la AI for Climate Action lililofanyika Phnom Penh, Kambodia, lililoandaliwa na Umoja wa Mataifa kupitia mfumo wake wa teknolojia za tabianchi kwa kushirikiana na wadau wa kimataifa.

Ushindi huo unaonesha mchango wa sayansi, teknolojia na ubunifu wa ndani katika kutatua changamoto za kijamii na kimazingira. Kwa Tanzania, CLIMAID ina fursa ya kusaidia kuimarisha mifumo ya tahadhari za mapema, mipango ya kukabiliana na majanga na matumizi ya taarifa za kisayansi katika maamuzi ya maendeleo, sambamba na matarajio ya kupanua wigo wa matumizi ya Teknolojia hiyo katika nchi nyingine za Afrika na duniani.

15/10/2026

MTANZANIA ASHINDA TUZO YA AKILI- MNEMBA, KUDHIBITI ATHARI ZA MABADILIKO YA TABIANCHI- UN

PHNOM PENH, KAMBODIA.

Tanzania imen'gara Anga la Jukwaa la Kimataifa mara baada ya Ushindi wa Kishindo na kufanikiwa kutwaa Tuzo ya AI for Climate Action Award 2026 ya bunifu ya CLIMAID, iliyowasilishwa na Ndg. Upendo Ernest Lyimo toka Chuo Kikuu cha Dar es Salaam (UDSM) kushinda tuzo hiyo na kuliheshimisha Taifa ughaibuni. Huku Dkt. Cesilia Mambile wa Chuo Kikuu cha Dodoma (UDOM) akiingia Tano (5) Bora ya washindani duniani kupitia bunifu yake ya FirePredict.

Mafanikio hayo yalitangazwa 13 Oktoba 2026, kupitia Mfumo wa uwezeshaji wa Teknolojia za Mkataba wa Umoja wa Mataifa wa Mabadiliko ya Tabianchi (UNFCCC) ili kukuza matumizi ya Akili Mnemba (AI) kutatua changamoto na kutoa suluhisho za mabadiliko ya tabianchi - Jijini Phnom Penh, Kambodia

Lyimo ameshinda kupitia bunifu ya CLIMAID, jukwaa la kidijitali linalounganisha Akili Mnemba (AI) kuchakata taarifa za satelaiti na takwimu za vihatarishi vya jamii ili kutambua maeneo hatarishi ya ukame na mafuriko, kutoa tahadhari za mapema, kuimarisha mipango ya udhibiti wa athari za tabianchi na kutathmini hasara na madhara yatokanayo na majanga hayo. Teknolojia hiyo inabadilisha taarifa za kisayansi kuwa maarifa-halisi yanayowezesha Serikali na wadau wake kufanya maamuzi sahihi, yenye tija na kwa wakati.

Naye, Dkt. Mambile kupitia Bunifu yake ya FirePredict inayotumia teknolojia ya AI kutabiri vihatarishi vya moto na kusaidia utoaji wa taarifa mapema ya mifumo ya tahadhari alifanikiwa kupeperusha bendera ya Taifa kwa kuingia Tano (5) Bora Duniani. Bunifu zote hizi zinaonesha uwezo wa wataalamu wa Kitanzania kutumia majukwaa na teknolojia za kisasa kutengeneza suluhisho zinazolinda mazingira, maisha na shughuli za kiuchumi za wananchi.

Kwa upande mwingine, Tanzania iliwakilishwa katika jopo la majaji na Dkt. Gerald Kafuku kutoka Tume ya Taifa ya Sayansi na Teknolojia (COSTECH), akishiriki mchakato wa kitaalamu wa kutathmini tija na ufaniisi wa bunifu zilizoshindanishwa katika jukwaa hilo la kimataifa. Mafanikio hayo ni alama muhimu ya uimarishaji ushirikiano wa PPP baina ya COSTECH na Sekta binafsi (PPP) ili kuendeleza bunifu za Kitanzania, zibiasharishwe sokoni na kutoa suluhisho kwa changamoto za wananchi.

Mafanikio haya ni Alama na msingi wa ufikiwaji wa Dira-2050 na kutumia Maendeleo ya Sayansi, Teknolojia na Ubunifu k**a nyenzo ya kujenga uchumi-maarifa , shindani na stahimilivu kwa mabadiliko ya tabianchi, kupitia uendelezaji wa bunifu hizo ili kuongeza thamani ya rasilimali ya ndani , ajira na kuimarisha maendeleo endelevu, na kuijengea Tanzania uwezo wa kuzalisha teknolojia zake mwenyewe bila utegemezi wa suluhisho kutoka nje pekee.

Kongole kwa Ushindi wa Ndg. Upendo Ernest Lyimo, Dkt. Cesilia Mambile na Dkt. Gerald Kafuku kwa mchango wao na ukiwakilishi wa Tanzania katika jukwaa la kimataifa la Maendeleo ya Sayansi, Teknolojia na Ubunifu

14/10/2026

NUKUU YA MWALIMU. NYERERE

Leo tarehe 14 Oktoba 2026 Taifa la Tanzania linaadhimisha Miaka 27 ya kumbukizi ya Kifo cha Baba wa Taifa, Hayati Mwl. Julius K. Nyerere , itakumbukwa ushiriki wake wakati akifunga rasmi Semina ya Siku Tatu ( 3) ya Maendeleo ya Sayansi na Teknolojia.

Aidha, Mwalimu Alivutiwa sana na mvumbuzi Zebedayo Kyomo mara baada ya kusikiliza Wasilisho la aliyekuwa Mkurugenzi Mkuu wa Tume ya Taifa ya Sayansi na Teknolojia wa wakati huo , Prof. Abdulrahman S. Msangi tangu ilipoanzishwa rasmi mwaka 1986 hadi alipostaafu mwaka 1992.

Maadhimisho ya Kumbukizi ya kifo cha Baba wa Taifa, Hayati Mwalimu Julius Kambarage Nyerere yanafanyika - Uwanja wa Nelson Mandela, Sumbawanga - Mkoa wa Rukwa, sambamba na kilele cha Mbio za Mwenge wa Uhuru na Maadhimisho ya Wiki ya Vijana Kitaifa.

09/10/2026

Makala fupi ya Mbunifu wa Dawa ya Mbu, Ndugu Alfred Alfred Ngulo

08/10/2026

Una wazo, bunifu au teknolojia unayotaka kuikuza? Kuna fursa za mafunzo, mikopo na uwezeshaji kwa vijana.

Ungana nasi LIVE kwenye KONEKTI NA WAZIRI , leo saa 12:00 jioni, na Dkt. Amos Nungu, Mkurugenzi Mkuu wa COSTECH, ataelezea fursa hizo na namna ya kuzifikia.

Serikali imeendelea kufungua fursa mbalimbali kwa vijana waliopo kwenye sekta ya ubunifu na teknolojia, zikiwemo fursa za mafunzo, mikopo, kukuza bunifu zao pamoja na kuwaunganisha na fursa nyingine nyingi.

Ungana nasi LIVE kwenye kipindi cha KONEKTI NA WAZIRI, Alhamisi hii, tarehe 8 Oktoba 2026, saa 12:00 jioni, tukiwa na:

🎙️ Dkt. Amos Nungu
CEO — COSTECH

Dkt. Amos Nungu atazungumzia kwa kina fursa zinazopatikana kwa vijana katika maeneo ya ubunifu na teknolojia, namna ya kuzifikia na jinsi vijana tunavyoweza kuzitumia kukuza mawazo na bunifu zetu.

K**a wewe ni kijana mwenye wazo, ubunifu, teknolojia au suluhisho unalotamani kulikuza na kulifikisha mbali zaidi, kipindi hiki ni kwa ajili yako.

📅 Ni Alhamisi Hii, 8 Oktoba 2026

⏰ Saa 12:00 Jioni

🔴 TUTAKUWA LIVE kupitia:

📲 Instagram:
📘 Facebook: Joel Nanauka
▶️ YouTube: Joel Nanauka

K**a una swali unaweza kuuliza kwenye comments hapa chini...