Land Transport Regulatory Authority - LATRA

31/10/2026

27/10/2026

NJIA MPYA YA USAJILI WA LESENI DAR ES SALAAM

27/10/2026

27/10/2026

NJIA MPYA YA USAJILI WA LESENI MKOA WA PWANI

24/10/2026

Mamlaka ya Udhibiti Usafiri Ardhini (LATRA) inaendelea kutekeleza kifungu cha 5 (1) (d) cha Sheria ya Mamlaka ya Udhibiti Usafiri Ardhini Sura 413 kwa kuendesha mafunzo maalum ya ithibati kwa maafisa wake wanaosimamia upimaji wa maarifa ya madereva wa vyombo vya moto vinavyodhibitiwa kisheria. Mafunzo haya yanalenga kuwajengea uwezo maafisa hao katika mchakato wa kuandaa, kusimamia na kutathmini mchakato wa upimaji maarifa ya dereva ili kuhakikisha kuwa madereva wanaopimwa kwa lengo la kuthibitishwa wanakuwa katika mazingira rafiki na ya utulivu wakati wote wa upimaji maarifa.

Mafunzo hayo yamefanyika Chuo cha Taifa cha Usafirishaji (NIT) jijini Dar es Salaam Oktoba 12, 2026 na kufunguliwa na Bw. Pateli Ngereza, Kaimu Meneja Usimamizi wa Magari ya Abiria aliyemuwakilisha Bi. Halima Lutavi, Kaimu Mkurugenzi Udhibiti Usafiri wa Barabara LATRA.

LATRA imekuwa ikifanya mafunzo haya kila mwaka ambapo hii ni awamu ya tatu kufanyika na mwaka huu yanafanyika kwa siku nne kuanzia Oktoba 12 hadi Oktoba 15, 2026, ikiwa ni sehemu ya juhudi za LATRA kuimarisha weledi na ubora katika usimamizi wa mitihani ya madereva hao.