BRELA Tanzania

21/10/2026

Wakala wa Usajili wa Biashara na Leseni (BRELA) imeendelea kutekeleza majukumu yake kwa kutoa elimu kwa umma ambapo Tarehe 20 Oktoba 2026 ilitoa elimu kwa wanafunzi wa fani ya ushonaji kutoka Mamlaka ya Elimu na Ufundi Stadi (VETA) Chang’ombe jijini Dar Es Salaam.

Elimu uliyotolewa ilihusu usajili wa Majina ya Biashara, Kampuni pamoja na Ulinzi wa Ubunifu kwa wanafunzi wa fani ya ushonaji.

21/10/2026

Wanafunzi wa David Mpondyo wanolewa
Tunahakikisha ukiingia sokoni upo rasmi
lango la mafaniko ya biashara yako
wako wa mavazi urasimishe
BRELA tukusaidia kuulinda

21/10/2026

20/10/2026

Karibu tukuhudumie katika Kongamano la Wiki ya Biashara Bunifu Tanzania 2026. Utapata fursa ya kujifunza zaidi kuhusu huduma zetu za kabla na baada ya usajili. Tupo kwa ajili yako hadi Ijumaa, tarehe 23 Oktoba 2026.

20/10/2026

Washa redio yako masafa ya Kissfm Tanzania

19/10/2026

Waziri wa Viwanda na Biashara, Judith Kapinga, amesema biashara bunifu zina nafasi muhimu katika kukuza uchumi wa Tanzania na kufungua fursa zaidi za ajira kwa wananchi, huku zikichangia kuongeza thamani ya bidhaa na huduma.

Akizungumza katika ufunguzi wa Kongamano la Wiki ya Biashara Changa Tanzania, jijini Dar es Salaam, Kapinga amesema Serikali imeendelea kuweka mazingira rafiki kwa biashara na kuimarisha ushiriki wa sekta binafsi katika kukuza uchumi.

Amesema katika mwaka huu wa fedha, Serikali imeweka mkazo katika kuimarisha na kukuza biashara bunifu, hatua inayolenga kuendeleza biashara hizo na kuongeza mchango wake katika uchumi wa taifa.

19/10/2026

𝐌𝐀𝐊𝐀𝐌𝐔 𝐖𝐀 𝐑𝐀𝐈𝐒 𝐀𝐅𝐔𝐍𝐆𝐔𝐀 𝐖𝐈𝐊𝐈 𝐘𝐀 𝐁𝐈𝐀𝐒𝐇𝐀𝐑𝐀 𝐁𝐔𝐍𝐈𝐅𝐔 𝐓𝐀𝐍𝐙𝐀𝐍𝐈𝐀 𝟐𝟎𝟐𝟔.

Makamu wa Rais wa Jamhuri ya Muungano wa Tanzania, Mhe. Deogratius Ndejembi, leo Oktoba 19, 2026, amefungua rasmi Kongamano la Wiki ya Biashara Bunifu Tanzania 2026 (Startup Week 2026) katika Ukumbi wa Kimataifa wa Mikutano wa Julius Nyerere (JNICC), jijini Dar es Salaam.

Kongamano hilo, linalobebwa na kauli mbiu ya “Kujenga Uchumi wa Kampuni Changa Tanzania,” limewakutanisha Vijana Wabunifu, Waanzilishi wa Biashara Bunifu, Wawekezaji, Taasisi za Fedha, Washirika wa Maendeleo na Wadau wa Serikali. Wadau hao wanajadili namna ya kupata mitaji, kukuza masoko, kuboresha mazingira ya kisera na kuziwezesha kampuni changa kukua na kutoa ajira.

Wiki iliyopita mkoani Rukwa katika Kilele cha Mbio za Mwenge wa Uhuru kwa mwaka 2026, Makamu wa Rais aliziagiza Wizara na Taasisi zinazohusika na vijana kuunganisha mifumo yao ili vijana wafikie fursa za ajira, mitaji na biashara bila usumbufu. Jukwaa la leo linaendeleza ajenda hiyo ya Serikali ya Rais Dkt. Samia Suluhu Hassan, ya kugeuza ubunifu wa vijana kuwa biashara, ajira na kipato.

Akizungumza mbele ya waanzilishi wa Biashara Bunifu, Wawekezaji, Taasisi za Fedha na washirika wa Maendeleo, Makamu wa Rais amesema Biashara Bunifu zina nafasi ya kubadili sura ya uchumi wa Tanzania kwa kutatua changamoto halisi za wananchi katika kilimo, afya, elimu, fedha na usafirishaji, huku zikizalisha ajira kwa vijana.

Amehimiza Taasisi za Fedha, Wawekezaji na Washirika wa Maendeleo kuongeza mitaji kwa Biashara Bunifu za Kitanzania. Amesisitiza kuwa Serikali ya Rais Dkt. Samia Suluhu Hassan, itaendelea kuweka mazingira wezeshi ya kisera na kisheria ili ubunifu wa vijana ukue kutoka wazo hadi biashara kubwa.

19/10/2026

Makamu wa Rais wa Jamhuri ya Muungano wa Tanzania Mhe. Deogratius Ndejembi ameiagiza Wizara ya Viwanda na Biashara kuhakikisha ndani ya miezi sita inatengeneza na kukamilisha sera ambayo itajumuisha vitu vingi ambayo itaongoza Biashara bunifu (Startups) ili kuratibu kwa kushirikiana na sekta nyingine zenye biashara bunifu mbalimbali.

Makamu wa Rais ametoa agizo hilo wakati wa Ufunguzi wa Kongamano la Wiki ya Biashara Bunifu Tanzania 2026 (Tanzania Startup week 2026) uliofanyika Oktoba 19,2026 katika ukumbi wa Mikutano wa Mwalimu Nyerere Jijini Dar es Salaam.

Mhe. Ndejembi ameingeza kuwa mpango wa Serikali ya awamu ya sita ni kutengeneza kituo kikubwa kwa ajili ya Startup kukutana na kuendeleza mawazo yao , hivyo ameiagiza Ofisi ya Waziri Mkuu na Wizara ya Viwanda na Biashara kuratibu na kutafuta jengo maalum ambalo litakuwa ni makutano ya startup ili kukuza mawazo hayo.

Aidha amesema Serikali inaiona Biashara bunifu k**a eneo linalokua kwa kasi zaidi hivyo inaendelea kusirikiana na kuwashika mkono na kuwajengea mazingira rafiki wamilki wa biashara changa ili kukuza vipaji na mawazo waliyonayo.

Kwa upande wa Waziri wa Viwanda na Biashara Mhe. Judith Kapinga (Mb) amesema Wizara hiyo imeendelea kuwa kinara katika kuwawezesha na kuwa sehemu ya kusaidia biashara bunifu ambalpo Wizara imeweka katika bajeti ya wizara 2026/2027 kipengele namba 7 pamoja na kuanzisha kitengo cha intelijensia ya masoko ambacho kinaenda sambamba na biashara bunifu.

Aidha Waziri Kapinga ameongeza kuwa Wizara na Taasisi zake zimekuwa mstari wa mbele katika kuwasaidia vijana wabunifu hasa wanaoanza biashara n wafanyabiashara wote nchini kwa urahisi kwani taasisi zimeweka mifumo rafiki ili kupatikana kwa urahisi.

Kwa upande wake Mtendaji Mkuu wa taasisi ya kukuza biashara bunifu Bwana Zahoro Muhaji amemshukuru Makamu wa Rais kwa kutambua mchango wa taasisi bunifu na kuona umuhimu wa kutambua makampuni hayo kwani ndio vijana watakaokuwa nguvu kazi ya kesho

Kongamano linaambatana na maonesho ya wabunifu mbalimbali kwenye sekta mbalimbali ambao anatoa mchango mkubwa kwenye sekta ya Mawasiliano, Viwanda na Biashara Nishati na nyinginezo.

19/10/2026

WATUMISHI WA BRELA WANUFAIKA NA ELIMU JUU YA HAKI NA WAJIBU ZA KIUTUMISHI

Watumishi wa BRELA wanufaika na elimu juu ya haki na wajibu katika masuala ya kiutumishi kwa kuzingatia Sera, Sheria, Kanuni, Taratibu na Miongozo ya Utumishi. Mafunzo hayo yametolewa na Tume ya Utumishi wa Umma ambapo watumishi wa BRELA walipata nafasi ya kuuliza maswali, kutoa maoni na kueleza changamoto mbalimbali za kiutumishi.
Sambamba na mafunzo hayo Tume ya Utumishi wa umma ilifanya ukaguzi ikiwa ni utekelezaji wa majukumu yake katika kuhakikisha miongozi ya kiutumishi yanasimamiwa kwa mujibu wa Sheria, Kanuni na Taratibu.
Ofisi ya Rais Tume ya Utumishi wa Umma