Tanesco, Jamatini Street, Dodoma Outlying (2026)

07/10/2026

TANESCO MKOA KAGERA YATOA ELIMU YA NISHATI SAFI YA KUPIKA SAMBAMBA NA ZAWADI YA MAJIKO KWA MAMA LISHE KUHAMASISHA MATUMIZI YA NISHATI HIYO

Na: Sadam Salai - Kagera

Ikiwa ni siku ya tatu ya Wiki ya Huduma kwa Wateja yenye kaulimbiu “Extra Mile”, TANESCO Mkoa wa Kagera imepiga hatua zaidi baada ya kuhamasisha matumizi ya nishati safi kwa vitendo kwenye mgahawa wa mama lishe eneo la Bilele Manispaa ya Bukoba.

Mama Lishe huyo pamoja na wananchi wa eneo hilo la jirani walipata fursa ya kujua faida za matumizi ya nishati hiyo baada ya maafisa kutoka TANESCO kutoa elimu hiyo mubashara na kujifunza namna teknolojia hiyo inavyoweza kurahisisha shughuli za mapishi, kuokoa muda na kuongeza usalama wakati wa kupika.

Wananchi waliohudhuria wameonesha kuvutiwa na teknolojia hiyo kutokana na faida zake, huku Mama Lishe wakipongeza TANESCO kwa kuwafikishia teknolojia inayoweza kurahisisha shughuli zao za kila siku.

Aidha, TANESCO imegawa majiko janja kwa baadhi ya Mama Lishe ikiwa ni sehemu ya kuhamasisha matumizi ya nishati safi ya kupikia na kuchochea jamii kutumia teknolojia salama na rafiki katika shughuli za mapishi.

07/10/2026

TANESCO MWANZA YAADHIMISHA WIKI YA HUDUMA KWA WATEJA KWA KUSHIRIKIANA NA VYOMBO VYA HABARI
Hilary Kasiga - Mwanza

Shirika la Umeme Tanzania (TANESCO) Mkoa wa Mwanza limeendelea kuadhimisha Wiki ya Huduma kwa Wateja 2026 yenye kaulimbiu ya *"Extra Mile - Kwenda Umbali Zaidi"* kwa kuhakikisha wateja wanapata huduma bora, ya uhakika na inayozidi matarajio yao.

Katika kutimiza adhma hiyo, TANESCO Mkoa wa Mwanza imeshirikiana na vyombo vya habari vya ndani kuhakikisha wananchi wanafikiwa na elimu muhimu kuhusu huduma mbalimbali zitolewazo na Shirika.

Akizungumza kupitia kituo cha redio cha Jembe FM, Kaimu Afisa Uhusiano wa Mkoa wa Mwanza, *Bi. Nyanso Choholo*, alitoa elimu ya usalama wa umeme na tahadhari zinazopaswa kuchukuliwa katika kipindi hiki cha mvua kubwa za El Niño, ikiwemo kufanya ukaguzi wa mfumo wa nyaya ndani ya nyumba (wiring) na kuepuka kufanya shughuli zozote chini au karibu na miundombinu ya umeme.

Kwa upande wake, Afisa Uhusiano wa Wilaya ya Kwimba, *Bw. Eladi Shirima*, alitumia fursa hiyo kuwaelimisha wananchi kuhusu mikakati madhubuti ambayo Shirika limejiwekea ili kuhakikisha upatikanaji wa umeme wa uhakika wakati wote, hususan katika kipindi cha mvua za El Niño.

Hali kadhalika, kupitia kituo cha Afya Radio, Maafisa Uhusiano na Huduma kwa Wateja *Bw. Hilary Kasiga* wa Wilaya ya Ilemela, *Bw. Emmanuel Sylvanus* wa Wilaya ya Nyakato na *Bi. Deborah Kaaya* wa Wilaya ya Sengerema, pia walipata wasaa wa kuelimisha wananchi kuhusu uzinduzi wa mfumo mpya wa *Twiga Assistant*, na kuwafahamisha kuwa sasa wateja wanaweza kujihudumia wenyewe kupitia mfumo huo wa kidijitali (Chatbot).

Aidha, wananchi walipewa elimu ya tahadhari juu ya kulinda miundombinu ya umeme kipindi cha El Niño na kuhimizwa kutumia namba ya huduma kwa wateja *180* kutoa taarifa za changamoto zozote za umeme wakati wowote, pamoja na maelekezo ya matumizi sahihi na salama ya umeme majumbani.

07/10/2026

TANESCO MKOA WA SINGIDA WAKUTANA NA WATEJA WAKUBWA

Kaimu Mkuu wa wilaya wa Singida afungua kikao kazi cha TANESCO na wateja wakubwa kilichofanyika katika ukumbi wa Amenity Hotel

Akizungumza katika kimao hicho, aliwapongeza Wafanyakazi na Uongozi wa TANESCO Mkoa wa Singida kwa kuwa wabunifu na wasikivu kwa wateja.

Kwa upande mwingine Kaimu meneja wa Huduma kwa wateja aliwashukuri wateja wakubwa kwa mchango wao katika sekta ya nishati ya umeme, huku aliwaelezea namna ambavyo shirika limeganya maboresho makubwa eneovla huduma la huduma wateja kwa kuzindua mifumo mbalimbali ikiwepo maboresho ya mkataba wa huduma kwa wateja.

Hata hivyo Bi Rehema Mwaipopo Afisa Uhusiano na Huduma kwa Wateja aliwasilisha maana maalumuvkwa wateja wakubwa kwa kugusia maeneo mbalimbali ya shirika na huduma zinazotolewa ikiwepo mikakati ya maboresho ya miundombinu ya umeme inayofanyika kwa lengo la kuimarisha upatikanwa huduma ya umeme ya uhakika hasa kipindi cha mvua za elnino zinazotegenea kutokea.

Wateja walishukuru TANESCO kwa ushirikiano wanaopata kutoka kwao huku wakiahidi kuendelea kufanya upanuzi wa viwanda vyao na kutumia nishati ya umeme zaidi.

07/10/2026

NISHATI SAFI YA KUPIKIA ENDESHA KWA UMEME NA MATUMIZI BORA YA UMEME MTAA KWA MTAA MKOANI RUVUMA

RUVUMA, 07/10/2026

Shirika la Umeme Tanzania (TANESCO) Mkoa wa Ruvuma limeendelea kuwahamasisha wananchi kuhusu matumizi ya nishati safi ya kupikia pamoja na usafiri unaotumia umeme, kupitia kampeni ya “Pika na Endesha kwa Umeme”, iliyofanyika katika maeneo mbalimbali ya Mkoa wa Ruvuma.

Katika kufikisha ujumbe huo moja kwa moja kwa wananchi, TANESCO Ruvuma limetumia gari maalum la huduma na uhamasishaji lililozunguka mitaani, likiwa limebeba vifaa mbalimbali vinavyotumia umeme kwa matumizi ya nyumbani na usafiri.

Ndani ya gari hilo, wananchi walipata fursa ya kuona na kujifunza kwa vitendo kuhusu matumizi ya vifaa vya umeme vyenye ufanisi na vinavyotumia kiwango kidogo cha umeme, ikiwemo blenda, friji pamoja na pikipiki inayotumia umeme. Uwasilishaji huo wa vitendo ulivutia wananchi katika maeneo mbalimbali yaliyofikiwa na gari hilo.

Kupitia mpango huo, TANESCO Ruvuma limewahamasisha wananchi kuongeza matumizi ya nishati safi ya kupikia na kutumia fursa zinazotokana na nishati ya umeme katika shughuli zao za kila siku, ikiwa ni pamoja na matumizi ya vyombo vya usafiri vinavyotumia umeme, k**a vile pikipiki na magari.

Aidha, gari hilo litaendelea kuwa jukwaa la kuwafikia wananchi kwa karibu, kutoa elimu kuhusu matumizi sahihi na salama ya umeme, pamoja na kuwafahamisha wananchi kuhusu bidhaa na huduma mbalimbali zinazotolewa na TANESCO.

TANESCO Mkoa wa Ruvuma inaendelea kuhimiza wananchi kuchangamkia matumizi ya nishati safi na teknolojia zinazotumia umeme, hatua inayolenga kujenga jamii inayotumia nishati kwa ufanisi, usalama na kwa kuzingatia utunzaji wa mazingira. Uwasilishaji huo wa vitendo ulivutia wananchi katika maeneo mbalimbali yaliyofikiwa na gari hilo.

07/10/2026

TANESCO DODOMA YAENDA HATUA ZAIDI KUHAMASISHA MATUMIZI YA NISHATI SAFI

Zaidi ya wananchi 300 wa Kata ya Majengo, eneo la Chang’ombe, Dodoma wamepatiwa elimu kuhusu matumizi ya nishati safi ya kupikia na Majiko Janja ikiwa ni sehemu ya maadhimisho ya Wiki ya Huduma kwa Wateja 2026.

Kupitia elimu hiyo iliyotolewa katika Soko la Mavunde, wananchi wameoneshwa kwa vitendo namna matumizi ya umeme katika kupikia yanavyoweza kuokoa muda, kuweka mazingira ya upishi kuwa safi na kupunguza utegemezi wa kuni na mkaa.

TANESCO pia imehamasisha matumizi ya On-Bill Financing, utaratibu unaorahisisha upatikanaji wa vifaa vya matumizi bora ya umeme, ikiwemo Majiko Janja, kwa kulipia gharama kupitia bili ya umeme.

Ni “Extra Mile – Hatua Zaidi” katika kuwafikishia wateja elimu na suluhisho zinazoboresha maisha.

07/10/2026

TANESCO KIGAMBONI YAKUTANA NA WATEJA WAKUBWA, YALENGA KUIMARISHA HUDUMA NA USHIRIKIANO

Na: Jamilah Masonga, Kigamboni

Shirika la Umeme Tanzania (TANESCO), Mkoa wa Kigamboni, limekutana na wateja wake wakubwa katika kikao kilicholenga kuimarisha ushirikiano, kusikiliza maoni na changamoto za wateja, pamoja na kujadili namna ya kuboresha zaidi huduma ya umeme.

Kikao hicho kimefanyika Leo tarehe 07/10/2026 katika Ukumbi wa Sunrise Beach, Kigamboni, kiliwakutanisha viongozi wa serikali, menejimenti ya TANESCO Mkoa wa Kigamboni, Maafisa huduma kwa wateja, pamoja na wateja wakubwa wa mkoa wa Kigamboni.

Akizungumza katika kikao hicho, Mgeni Rasmi, Bi. Augusta Safari Afisa Tarafa wa Somangila, aliyemwakilisha Mkuu wa Wilaya ya Kigamboni, Mhe. Dalmia Mikaya, aliipongeza TANESCO kwa juhudi na hatua mbalimbali inazoendelea kuchukua katika kuboresha huduma na kuimarisha mahusiano na wateja.

Alisisitiza umuhimu wa kuendelea kusikiliza mahitaji ya wateja na kushirikiana nao ili kuhakikisha huduma za umeme zinaendelea kuwa bora, za uhakika na zenye kukidhi mahitaji ya wananchi na shughuli za kiuchumi.

Kwa upande wake, Meneja wa TANESCO Mkoa wa Kigamboni, Eng. Godlove Mathayo, aliwapatia wateja elimu kuhusu miradi mbalimbali ya umeme, maendeleo yaliyofikiwa mkoani Kigamboni, maboresho yanayoendelea pamoja na hatua zinazochukuliwa kuongeza ufanisi na ubora wa huduma.

07/10/2026

TANESCO ILALA YAENDA HATUA ZAIDI KWA USAFI WA MAZINGIRA

Katika kuadhimisha Wiki ya Huduma kwa Wateja 2026, wafanyakazi wa TANESCO Mkoa wa Ilala wamefanya usafi katika eneo la Denge Beach ikiwa ni sehemu ya kuchangia utunzaji wa mazingira na kuigusa jamii.

Pamoja na zoezi hilo, TANESCO imekabidhi vifaa vya usafi ikiwemo mapipa na mifuko ya kuhifadhia taka pamoja na reki, ili kusaidia kuendeleza usafi wa eneo hilo.

Hatua hiyo ni sehemu ya utekelezaji wa kaulimbiu ya “Extra Mile – Hatua Zaidi”, inayosisitiza kwenda zaidi katika kuwahudumia wateja na kushirikiana na jamii.

07/10/2026

TANESCO PWANI YAENDA HATUA ZAIDI, YAFANYA USAFI KITUO CHA AFYA MKOANI

Katika kuadhimisha Wiki ya Huduma kwa Wateja 2026, wafanyakazi wa TANESCO Mkoa wa Pwani wamefanya usafi katika Kituo cha Afya Mkoani, Wilaya ya Kibaha, ikiwemo kusafisha mazingira na mifereji ya maji.

Zoezi hilo limelenga kuweka mazingira ya kituo hicho katika hali ya usafi na kupunguza athari zinazoweza kujitokeza wakati wa mvua kubwa.

Afisa Uhusiano wa TANESCO Mlandizi, Magdalena Hezton, amesema kaulimbiu ya “Extra Mile – Hatua Zaidi” inawahamasisha watumishi kwenda hatua zaidi katika kuwahudumia wateja na kushirikiana na jamii.

07/10/2026

TANESCO KAGERA YASHIRIKI USAFISHAJI MAZINGIRA, KUTOA ELIMU YA USALAMA WA UMEME PAMOJA NA KUGAWA VIFAA VYA KUJIKINGA WAKATI WA MVUA ZA EL NINO

Na Sadam Salai - Kagera

Ikiwa leo ni siku ya pili ya wiki ya huduma kwa wateja,TANESCO Kagera wameadhimisha siku hii kwa kuingia mtaani kushiriki zoezi la kusafisha maeneo inapopita miundombinu ya umeme katika Manispaa ya Bukoba ikiwa ni sambamba na kutoa elimu juu ya usalama wa umeme kwa wananchi wanaozunguka maeneo hayo.

Zoezi hili limefanyiwa na maafisa kutoka TANESCO pamoja na wananchi ambapo wameshiriki kukata miti iliyopo karibu na laini kuu za umeme na maeneo mengine inapopita miundombinu ya Tanesco.

Samabamba na shughuli hizo pia maafisa hao wametoa zawadi kwa wananchi kwa kuwakabidhi vifaa Kinga vya mvua k**a miamvuli, buti na koti za kujikinga wakati wa mvua ambapo wamewasihi wananchi kuvitumia vizuri ikiwa ni sehemu mojawapo ya kuchukua tahadhari wakati wa mvua za el nino.

07/10/2026

TANESCO TEMEKE YAPIGA HATUA ZAIDI KIHUDUMA, WAUNGANA NA WANANCHI KUDHIBITI ATHARI ZA MVUA EL NINO

Na Goodluck Assenga

Wafanyakazi wa Shirika la Umeme Tanzania (TANESCO) Mkoa wa Temeke, wameunga na wakazi wa Kata ya Tandika kufanya usafi , kuzibua mifereji iliyopo pembezoni mwa reli kwa lengo la kuwezesha maji kupita kwa urahisi ili kulinda miundombinu ya umeme dhidi ya athari za mvua za El Nino pamoja na kurudisha kwenye jamii.

Akizungumza leo, Oktoba 6, 2026, jijini Dar es Salaam kwa niaba ya Meneja wa TANESCO Mkoa wa Temeke, wakati kufanya usafi eneo Tandika bwela relini ikiwa ni sehemu ya kuadhisha Wiki ya Huduma kwa Wateja 2026, Mhandisi Mkuu wa Mkoa huo, David Mhando, amesema hatua hiyo inalenga kuhakikisha wakazi wa eneo hilo la Tandika pamoja na miundombinu ya umeme inakuwa salama, hasa katika kipindi cha mvua tarajiwa

Mhandisi Mhando amesema pia wamekabidhi vifaa vya usafi kwa wakazi ili kuwawezesha kuendelea kutunza mazingira, huku akitoa wito wananchi kuepuka kurundika taka maeneo yenye miundombinu ya umeme, kwa kuwa hali hiyo inaweza kuziba njia za maji na kusababisha uharibifu.

Kwa upande wake, Mstahiki Meya wa Halmashauri ya Manispaa ya Temeke, Mhe. Uzairu Athuman, ameushukuru uongozi wa TANESCO Mkoa wa Temeke kwa kushirikiana na wananchi katika zoezi hilo na kutoa vifaa vya usafi, huku akiwahimiza wadau wengine kuiga mfano huo.

Wiki ya Huduma kwa Wateja 2026 mbele zaidi Kihuduma sambamba na jamii yenye mazingira safi na salama

Tanesco

07/10/2026

07/10/2026

07/10/2026

07/10/2026

07/10/2026

07/10/2026

07/10/2026

07/10/2026

07/10/2026

07/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request