ortamisemi

05/10/2026

Waziri wa Nchi, Ofisi ya Waziri Mkuu, Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amemuunga mkono Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba, kwa kuwasilisha mchango wa shilingi milioni 74 katika Harambee ya kuchangia maendeleo na maboresho ya vituo vya huduma na diakonia vya Kanisa la Kiinjili la Kilutheri Tanzania (KKKT), Dayosisi ya Kaskazini Mashariki.

Prof. Shemdoe aliwasilisha mchango huo baada ya kupewa fursa na Waziri Mkuu, Mhe. Dkt. Mwigulu Nchemba, ya kuwasilisha mchango aliokusanya kwa ajili ya kufanikisha lengo la harambee hiyo.

Akizungumza katika harambee hiyo, Prof. Shemdoe alisema kati ya shilingi milioni 74 alizowasilisha, shilingi milioni 24 zimetolewa na Mawaziri 12, huku shilingi milioni 50 zikiwa ni mchango kutoka kwake na marafiki zake. Alifafanua kuwa kati ya shilingi milioni 50 hizo, tayari shilingi milioni 20 zimeingizwa kwenye akaunti ya benki inayotumika kukusanya michango ya harambee hiyo.

Prof. Shemdoe aliwasilisha mchango huo Oktoba 5, 2026, wakati wa Harambee ya kuchangia maendeleo na maboresho ya vituo vya huduma na diakonia vya KKKT, Dayosisi ya Kaskazini Mashariki, iliyofanyika katika Viwanja vya Tanga Beach Resort, Jijini Tanga, ambapo Mgeni Rasmi alikuwa Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba.

Prof. Shemdoe amewahimiza waumini na wageni waliohudhuria harambee hiyo kuendelea kujitoa katika kuchangia shughuli zenye manufaa kwa jamii, akisisitiza kuwa michango hiyo ni sehemu ya kuwezesha maboresho ya vituo vya huduma na diakonia na hatimaye kuongeza uwezo wa vituo hivyo kuhudumia jamii.

Akinukuu maandiko matakatifu kutoka Kitabu cha Ezra 10:4, yanayosema, “Inuka maana kazi hii inakuhusu, nasi tutakuwa pamoja nawe; jitie nguvu ukatende hivyo,” Prof. Shemdoe ametoa wito kwa wote waliohudhuria harambee hiyo kuungana na kuchangia kwa ajili ya maendeleo na maboresho ya vituo vya huduma na diakonia vya KKKT, Dayosisi ya Kaskazini Mashariki.

05/10/2026

NAIBU WAZIRI DKT. DUGANGE AKUTANA NA UONGOZI WA DART

Naibu Waziri, Ofisi ya Waziri Mkuu – TAMISEMI, Dkt. Festo Dugange, amekutana na Mtendaji Mkuu wa Wakala wa Mabasi yaendayo Haraka (DART), Bw. Said Tunda, pamoja na Menejimenti ya Wakala huo, kwa ajili ya kupokea na kujadili **Taarifa ya Utekelezaji wa Majukumu ya Wakala**, pamoja na hatua zinazochukuliwa katika kuimarisha huduma za usafiri wa Mabasi yaendayo Haraka.

Katika kikao hicho kilichofanyika leo Oktoba 05, 2026, Dkt. Dugange amewapongeza Mtendaji Mkuu na Menejimenti ya DART kwa utayari, ushirikiano na hatua ambazo tayari wameanza kuzichukua katika maeneo mbalimbali. Amesisitiza kuendelea kusukuma utekelezaji wa mambo yaliyokubaliwa, huku akieleza kuwa lengo ni kuhakikisha wananchi wanaendelea kupata huduma bora, salama na endelevu.

Akizungumzia maelekezo ya Mhe. Rais Dkt. Samia Suluhu Hassan aliyoyatoa Agosti 07, 2026, kuhusu BRT Awamu ya Tatu, Dkt. Dugange amesisitiza umuhimu wa kuharakisha hatua zilizobaki ili Route Namba 3 kuelekea Gongo la Mboto ianze kutoa huduma ifikapo mwishoni mwa Oktoba. Amesema DART tayari imefanya vikao na wadau mbalimbali na kuchukua hatua za utekelezaji, huku akisisitiza taratibu zinazofuata zikamilishwe kwa kuzingatia sheria, mikataba na taratibu zilizopo, ili wananchi waanze kunufaika na huduma hiyo kwa wakati.

Kwa upande wa maandalizi dhidi ya mvua kubwa na uwezekano wa El Niño, DART imeeleza hatua ambazo tayari imezichukua, ikiwemo utaratibu wa kunyonya na kuondoa maji katika barabara na vituo vya BRT, pamoja na kuwa na vifaa vya dharura. DART pia imeandaa njia mbadala kupitia madaraja ya Kigogo Sambusa na Mkwajuni, ili huduma za mabasi yanayoelekea mjini ziweze kuendelea iwapo eneo la Jangwani litaathiriwa na mafuriko.

Dkt. Dugange amesisitiza umuhimu wa DART kuendelea kuimarisha maandalizi yake na kushirikiana na taasisi nyingine za Serikali, ili kuhakikisha huduma za BRT zinaendelea bila kukatika wakati wa mvua kubwa au changamoto nyingine zinazoweza kujitokeza. Amesema wananchi wanapaswa kuendelea kupata huduma ya usafiri ya uhakika na kuendelea na shughuli zao bila usumbufu.

05/10/2026

OWM-TAMISEMI INAWATAKIA WATAHINIWA WOTE WA DARASA LA NNE, MTIHANI MWEMA

04/10/2026

Waziri wa Nchi, Ofisi ya Waziri Mkuu, Tawala za Mikoa na Serikali za Mitaa (OWM–TAMISEMI), Mhe. Prof. Riziki Shemdoe, amewataka Wakandarasi wanaotekeleza miradi ya Uboreshaji wa Miundombinu ya Miji Tanzania (TACTIC) kufanya kazi usiku na mchana ili kuongeza kasi ya utekelezaji na kuhakikisha miradi hiyo inakamilika kwa wakati na kuanza kuwanufaisha wananchi kabla ya kuanza kwa mvua za El Niño zinazotarajiwa, kwa mujibu wa utabiri wa Mamlaka ya Hali ya Hewa Tanzania.

Prof. Shemdoe ametoa agizo hilo Oktoba 3, 2026, wakati wa kikao kazi cha kuhimiza uwajibikaji kwa Wakurugenzi wa Halmashauri zinazotekeleza miradi ya TACTIC, Wakandarasi, Wahandisi Washauri, Mameneja wa Mikoa na Wilaya wa TARURA pamoja na Waratibu wa Miradi ya TACTIC wa Halmashauri.

“Wakandarasi nendeni mkafanye kazi usiku na mchana ili k**a mvua za El Niño zikija, zikute mmeshakamilisha miradi yote na hatimaye wananchi wanufaike k**a ilivyokusudiwa na Serikali ya Awamu ya Sita inayoongozwa na Mhe. Rais Dkt. Samia Suluhu Hassan,” amesisitiza Prof. Shemdoe.

Aidha, Prof. Shemdoe amewaelekeza wakandarasi wote waliopo kazini kuondoa vifusi kwa wakati kando ya mifereji wa barabara, vilivyotokana zoezi la kuzibua mifereji ikiwa ni hatua ya kuchukua tahadhali dhidi ya athari zinazoweza kujitokeza kutokana na mvua za El Niño, ili vifusi hivyo visirejeshwe tena na maji ya mvua kwenye mifereji ya barabara.   

Sanjari na hilo, Prof. Shemdoe amewataka Wakandarasi kuwasilisha kwa Wahandisi Washauri mipango kazi mipya ya utekelezaji wa miradi hiyo, ambapo Wahandisi hao wataijadili pamoja na Wakurugenzi wa Halmashauri kabla ya kuiwasilisha kwake kupitia kwa wataalamu wa OWM–TAMISEMI kwa ajili ya kuipitia na kuipitisha ili itumike katika ufuatiliaji wa utekelezaji.

Prof. Shemdoe amewashauri Wakandarasi ambao utekelezaji wa miradi yao uko chini ya kiwango kuhakikisha wanatoa mikataba midogo (sub-contract) kwa Wakandarasi wengine wenye uwezo wa kukamilisha kazi kwa wakati, ili miradi hiyo iweze kuendelea na kukamilika kwa mujibu wa mikataba. Amesema hatua hiyo itawawezesha kuwasilisha hati za madai ya malipo kwa mwajiri na kupata fedha zitakazowawezesha kukamilisha miradi.

04/10/2026

PROF. SHEMDOE FORMS MINISTER’S DELIVERY TEAM (MDT) TO CONDUCT DAILY MONITORING OF STALLED TACTIC PROJECTS

By: PMO–RALG, Dar es Salaam

The Minister of State, Prime Minister’s Office – Regional Administration and Local Government (PMO–RALG), Hon. Prof. Riziki Shemdoe, has established a Minister's Delivery Team (MDT) to closely monitor, on a daily basis, the implementation of stalled projects under the Tanzania Cities Transforming Infrastructure and Competitiveness (TACTIC) Programme.

Prof. Shemdoe clarified that the move is aimed at ensuring that all TACTIC projects are completed on time and begin delivering the intended services and benefits to the public.

Prof. Shemdoe issued the directive on October 3, 2026, during a working session aimed at promoting accountability among Directors of Local Government Authorities implementing TACTIC projects, Contractors, Consulting Engineers, TARURA Regional and District Managers, as well as TACTIC Project Coordinators from the respective Local Government Authorities.

He said the team will be led by the Deputy Permanent Secretary of PMO–RALG responsible for Infrastructure and will be tasked with conducting daily monitoring of the implementation of stalled projects, while submitting progress reports to him every two weeks.

According to Prof. Shemdoe, the measure is intended to strengthen accountability and accelerate the implementation of the projects, as part of advancing H.E. President Samia Suluhu Hassan’s vision of connecting Tanzanians through an improved road network and urban infrastructure.

03/10/2026

TARATIBU ZA KIUTENDAJI ZISICHELEWESHE HUDUMA KWA WAGONJWA MAHUTUTI – DKT. MWIGULU

Na: OWM–TAMISEMI, Bunda

Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba, amesisitiza umuhimu wa kuhakikisha taratibu za kiutendaji na kiitifaki katika vituo vya afya haziwi sababu ya kuchelewesha huduma kwa wagonjwa walio katika hali mahututi, hususani
wanawake wajawazito.

Dkt. Mwigulu ameyasema hayo leo, Oktoba 3, 2026, wakati akizungumza na wananchi katika mkutano wa hadhara uliofanyika Nyamuswa, Bunda Vijijini mkoani Mara, baada ya kukagua maendeleo ya ujenzi wa Hospitali ya Wilaya ya Bunda.

Amesema wagonjwa wanaohitaji huduma za dharura wanapaswa kuhudumiwa kwanza ili kuokoa maisha, huku taratibu nyingine za kiutendaji na kiutawala zikiendelea kushughulikiwa baada ya mgonjwa kupewa huduma stahiki.

“Utaratibu usiwe sababu ya kuchelewesha huduma kwa mgonjwa aliye katika hali ya hatari,” amesema Dkt. Mwigulu, akisisitiza kuwa maelekezo hayo yanapaswa kuzingatiwa katika vituo vyote vya kutolea huduma za afya nchini.

Aidha, Dkt. Mwigulu amewahimiza wananchi kujiunga na bima za afya ili kuwa na uhakika wa kupata huduma za matibabu wakati wanapozihitaji, akieleza kuwa changamoto za kiafya na dharura zinaweza kujitokeza wakati wowote.

Amesema bima ya afya si suala linalowahusu watumishi wa Serikali pekee, bali ni muhimu kwa kila mwananchi na familia katika kukabiliana na gharama za matibabu.

Kwa upande wake, Naibu Waziri, Ofisi ya Waziri Mkuu–TAMISEMI anayeshughulikia Afya, Mhe. Dkt. Jafari Seif, amesema OWM–TAMISEMI inaendelea kuhamasisha wananchi kujiunga na bima ya afya kwa wote ili kuhakikisha wanakuwa na uhakika wa kupata huduma za matibabu pindi wanapozihitaji.

03/10/2026

DKT. MWIGULU AKAGUA MAENDELEO YA UJENZI MRADI WA HOSPITALI YA WILAYA YA BUNDA

Na: OWM – TAMISEMI, Bunda

Waziri Mkuu wa Jamhuri ya Muungano wa Tanzania, Dkt. Mwigulu Nchemba, amesema Serikali inaendelea kuchukua hatua mbalimbali za kuboresha mazingira ya kazi kwa watumishi wa afya na kuimarisha huduma zinazotolewa kwa wananchi katika vituo vya afya nchini kote, kwa lengo la kuhakikisha wananchi wanapata huduma bora, salama na kwa wakati.

Dkt. Mwigulu ameyasema hayo leo, Oktoba 3, 2026, alipotembelea na kukagua maendeleo ya mradi wa ujenzi wa Hospitali ya Wilaya ya Bunda mkoani Mara, ambapo hadi sasa Serikali imeshatoa shilingi bilioni 5.3 kwa ajili ya ujenzi wa hospitali hiyo .

Akizungumza na watumishi wa hospitali hiyo, Dkt. Mwigulu amesema Rais Dkt. Samia Suluhu Hassan anatambua na kuthamini kazi kubwa inayofanywa na watumishi wa sekta ya afya katika kuwahudumia Watanzania na kueleza kuwa, Serikali itaendelea kuweka mkazo katika kuboresha mazingira ya utoaji wa huduma za afya, ikiwemo kuhakikisha watumishi hawakwamishwi na ukosefu wa vitendea kazi au mazingira yasiyofaa katika kutekeleza majukumu yao.

Naibu Waziri Ofisi ya Waziri Mkuu – TAMISEMI anayeshughulikia Afya Dkt. Jafar Seif ameeleza kuwa lengo la mradi huo ni kuwawezesha wananchi wa Bunda kupata huduma za afya ngazi ya hospitali ambazo awali hazikupatikana kwa urahisi katika maeneo hayo, hali iliyowalazimu kusafiri umbali mrefu kufuata huduma hizo katika mji wa Bunda na Wilayani Serengeti.

Aidha amesma OWM - TAMISEMI tayari imeongeza Shilingi milioni 660 kwa ajili ya kukamilisha ujenzi wa jengo la Watoto Njiti na Jengo la huduma za mama na mtoto katika hospitali hiyo.

03/10/2026

MAWAZIRI WAPOKEA TAARIFA YA TIMU YA WATAALAM YA UCHAMBUZI WA HOJA ZA WANANCHI KUHUSU MGOGORO WA MIPAKA YA KIUTAWALA NA MPAKA WA MSITU WA KAZIMZUMBWI

Na: OWM–TAMISEMI, Dar es Salaam

Timu ya Wataalam iliyoundwa kwa ajili ya kuchambua hoja za wananchi kuhusu mgogoro wa muda mrefu wa mipaka ya kiutawala na mpaka wa Msitu wa Kazimzumbwi, imewasilisha taarifa ya uchambuzi wa hoja zaidi ya 60 zilizowasilishwa na wananchi 22 kwa Mawaziri wa Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI), Wizara ya Ardhi, Nyumba na Maendeleo ya Makazi pamoja na Wizara ya Maliasili na Utalii.

Timu hiyo inaundwa na Mkurugenzi anayeshughulikia Mipango Miji na Vijiji wa OWM–TAMISEMI, Kamishna wa Ardhi wa Wizara ya Ardhi, Nyumba na Maendeleo ya Makazi, Mkurugenzi wa Upimaji na Ramani wa Wizara hiyo pamoja na Kamishna wa Uhifadhi wa Wakala wa Huduma za Misitu Tanzania (TFS).

Taarifa hiyo imewasilishwa Oktoba 2, 2026, katika Ukumbi wa Ofisi ya Mkuu wa Mkoa wa Dar es Salaam, ikiwa ni utekelezaji wa maelekezo yaliyotolewa Septemba 23, 2026 na Waziri wa Nchi, OWM–TAMISEMI, Mhe. Prof. Riziki Shemdoe, wakati wa mkutano wa Mawaziri hao watatu na wananchi uliofanyika katika Viwanja vya Chanika Zingiziwa kwa lengo la kusikiliza na kuchambua hoja zao.

Mkutano huo ulikuwa sehemu ya utekelezaji wa maelekezo ya Makamu wa Rais wa Jamhuri ya Muungano wa Tanzania, Mhe. Deogratius Ndejembi, aliyoyatoa Septemba 18, 2026 akiwa Dampo la Pugu, akiwataka Mawaziri hao watatu kukutana na wananchi ndani ya siku saba kwa ajili ya kutafuta ufumbuzi wa mgogoro huo wa mipaka ya kiutawala.

02/10/2026

02/10/2026

TANGAZO LA AJIRA YA WALIMU WA MKATABA WALIOCHAGULIWA NA KUPANGIWA KUFUNDISHA SOMO LA ELIMU YA BIASHARA KATIKA SHULE ZA SEKONDARI

https://tamisemi.go.tz/announcement/1013