Chama Cha Mapinduzi

MICHANGO MASHULENI IKOMESHWE- KIHONGOSI
MUSOMA: Katibu wa NEC, Itikadi, Uenezi na Mafunzo wa Chama Cha Mapinduzi (CCM) Taifa, Kenani Kihongosi ameelekeza suala la michango mashuleni likome, na kuhakikisha wananchi wanatendewa haki kwa kupata huduma kwa mujibu na maelekezo ya serikali ili kuepuka kutengeneza mazingira ya kuonekana wanaweka vikwazo kwa wananchi wao.

Kihongosi ameeleza hayo leo Aprili 14,2026 alipokuwa akizungumza na kusikiliza kero za wananchi katika viwanja vya Mkendo Musoma Mjini mkoani Mara, ikiwa ni mwanzo wa ziara yake ya kikazi katika mkoa huo.

Kihongosi ametoa maelekezo hayo baada ya kupokea changamoto ya mama mmoja ambaye hakujitambulisha kwa majina yake alidai kuwa na changamoto ya uwezo na kushindwa kusomesha watoto wake akieleza kuwa moja ya watoto hao yupo kidato cha nne lakini ameshindwa kwenda shule kwa sababu hana uwezo wa kumlipia fedha ya kambi ambayo ni zaidi ya Sh 600,000.

Baada ya kusikia Changamoto hiyo Kihongosi alimuita Afisa Elimu Sekondari wa Mkoa wa Mara, Aviti Malya ili kutoa ufafanuzi wa suala hilo alidai kuwa ni kweli kuna utaratibu huo lakini ni kwa wazazi wenye uwezo na kiasi kinachotakiwa kulipwa ni Sh 680,000 kwa ajili ya kulipia umeme, maji na mahitaji mengine muhimu wawapo kambini hapo.

Baada ya kusikiliza hilo Kihongosi alisema suala hilo bado ni changamoto na linaleta ukakasi kwa sababu k**a ni watoto wa darasa moja na ni masomo sawa, hakukuwa na ulazima wa kufanya hivyo na badala yake wangewaambia wazazi wachangie chakula ili kuwasaidia watoto hao kuliko kutoa kiasi hicho cha fedha.

“Kwanini hamkwenda na utaratibu wa kuchangia chakula na sio fedha labda
Mpeleke mahindi au maharage au mchele, wa sababu la Sh 600,000 haina tofauti na shuke binafsi na k**a serikali tunahubiri kwamba tunatoa elimu bila malipo sasa hoja k**a hii sioni uhalali wake mimi binafsi,” amesema Kihongosi.

BILIONI 16 ZAIDHINISHWA KUTEKELEZA AWAMU NYINGINE YA UJENZI WA HOSPITALI YA MWL NYERERE MARA

MUSOMA: Katibu wa NEC, Itikadi, Uenezi na Mafunzo wa Chama Cha Mapinduzi (CCM) Taifa, Kenani Kihongosi amesema zaidi ya Sh bilioni 16 zimeidhinishwa bungeni kwa ajili ya utekelezaji wa ujenzi wa Hospitali ya Rufaa ya Mkoa wa Mara ya Kumbukumbu ya Mwalimu Nyerere.

Amesema hatua hiyo ni dhamira ya serikali ya kuhakikisha hospitali hiyo inakamilika kwa manufaa ya wananchi wa Mkoa wa Mara pamoja na maeneo jirani yanayonufaika na huduma zake.

Kihongosi ameeleza hayo leo Mei 14,2026 alipotembelea na kukagua utekelezaji wa mradi wa hospitali hiyo iliyopo katika Kata ya Kwangwa, Wilaya ya Musoma ikiwa ni mwanzo wa ziara yake ya siku 5 Mkoani Mara.

Akizungumza hayo Kihongosi amesema ujenzi wa hospitali hiyo ulianza miaka mingi iliyopita lakini ulipata nguvu mpya baada ya Rais Dk Samia Suluhu Hassan akiwa Makamu wa Rais wakati huo kufuatilia utekelezaji wake na baadaye kuendelea kutoa fedha zaidi alipokuwa Rais wa Tanzania.

“Katika bajeti iliyopitishwa hivi karibuni, Bunge limeidhinisha zaidi ya shilingi bilioni 16 kwa ajili ya kuendelea na utekelezaji wa mradi huo huku kazi zikitarajiwa kuanza rasmi mwezi Julai,” amesema Kihongosi.
Kihongosi amewapongeza watumishi wa afya wa hospitali hiyo kwa kazi kubwa wanayoifanya licha ya mazingira yenye changamoto, akisema huduma za afya zinahitaji moyo wa kujitoa na uaminifu mkubwa.

“Tumezungumza na wagonjwa na watumishi, wengi wao ni vijana, kazi mnayoifanya si rahisi lakini Mungu awaongoze na awalinde,”amesema Kihongosi.

Pia akijibu kuhusu suala la upungufu wa watumishi katika hospitali hiyo alisema taarifa zinaonyesha kuna upungufu wa watumishi kwani waliopo hawaendani na idadi ya wagonjwa wanaohudumiwa, jambo ambalo amesema atalifikisha kwa Waziri mwenye dhamana ili lipewe kipaumbele.

Mganga Mfawidhi wa hospitali hiyo,Dk Osimund Dyegura amesema tangu mwaka 2021 zaidi ya Sh bilioni 32 zimetumika katika ujenzi wa majengo, ununuzi wa vifaa tiba na magari ya wagonjwa.

KIHONGOSI: “UMUHIMU WA AMANI UWE NI AJENDA NA KIPAUMBELE CHETU.”

MUSOMA: Katibu wa NEC, Itikadi Uenezi na Mafunzo wa Chama Cha Mapinduzi (CCM) Taifa, Kenani Kihongosi amesema madhara ya kupoteza amani ni makubwa kuliko kuilinda amani yenyewe, hivyo amewaasa wananchi kuutambua umuhimu wa amani na kwamba iwe ni ajenda na kipaumbele chao.

Kenani ameeleza hayo leo Mei 14,2026 alipotembelea na kushiriki kikao cha Shina namba Tano Tawi la Veta Kata ya Mwisengwe Veta Musoma Mjini mkoani Mara ikiwa ni mwanzo wa ziara yake ya kikazi katika mkoa huo.

Akizungumza baada ya kusikiliza taarifa fupi ya shina hilo, Kihongosi amesema wamekusanyika na kuhudhuria katika kikao hicho kutokana na amani na utulivu uliopo katika Wilaya ya Musoma na mkoa mzima wa Mara kwa ujumla.

“Amani ndiyo msingi wa maendeleo, amani ndiyo inayoleta kila kitu ndani ya Mkoa wenu wa Mara niwaombe mlinde amani, ikitoweka hakuna atakayelima..watoto hawa hawataenda shule, biashara hamtafungua, umuhimu wa amani iwe ni ajenda na kipaumbele chetu watu wa Musoma,” amesisitiza Kihongosi.

Ameongeza”Madhara ya kupoteza amani ni makubwa kuliko kulinda amani yenyewe na hapa ni waibie siri ndogo Wazee wetu, waasisi wa nchi hii, Baba wa Taifa Mwalimu Julius Kambarage Nyerere na Sheikh Abeid Aman Karume wangekuwa wabinafsi, tusingekuta Jamhuri hii ya Muungano wa Tanzania k**a viongozi wetu wasingelinda amani na utulivu wa taifa hili.”
Kihongosi aliwataka wananchi wawakatae baadhi ya watu ambao kwa makusudi, kwa tabia mbaya, kwa ajenda zao na kujiangalia wao,wapo tayari nchi iharibike ili wao wafanye mambo yasiyofaa ndani ya taifa hili,

Alisisitiza Mungu amewapa ardhi hivyo hawana nchi nyingine hapa Musoma ndiyo kwao pakiharibika hawana pakukimbilia, hata wakienda nchi jirani atakuwa mkimbizi si kwao, hivyo aliwataka wazazi kuwaelimisha watoto wao na kila kijana aipende nchi yake .

Awali, Katibu wa Shina Namba Tano, Emiliana Kuboja alisoma ajenda ya kikao hicho akieleza kuwa lina wanachama 50 wanaume wakiwa 21 na wanawake 29 na waliolipa ada hadi sasa ni wanachama 35 lakini wameendelea kufanya vikao vya chama pamoja kwa lengo la kuimarisha shughuli za CCM eneo hilo.

MUSOMA: Katibu wa Halmashauri Kuu ya Taifa (NEC), Itikadi, Uenezi na Mafunzo wa Chama Cha Mapinduzi (CCM), Kenan Kihongosi, amewasili leo Mei 14, 2026 mkoani Mara Region kwa ajili ya kuanza ziara yake ya kikazi ya siku nne.

Kihongosi amepokewa na viongozi pamoja na wanachama wa CCM ngazi ya Mkoa na Wilaya, ambapo mara baada ya kuwasili alipata nafasi ya kufanya kikao cha ndani na kuzungumza na viongozi wa chama kuhusu masuala mbalimbali ya uhai na uimarishaji wa CCM katika mkoa huo.

Ziara hiyo inalenga kukagua uhai wa chama kupitia mashina, kufuatilia utekelezaji wa Ilani ya CCM kupitia miradi ya maendeleo pamoja na kusikiliza na kutatua kero za wananchi kupitia mikutano ya hadhara.

Aidha, katika ziara hiyo, Kihongosi anatarajiwa kutembelea wilaya za Musoma, Tarime Mjini, Tarime Vijijini, Butiama na Bunda kwa ajili ya kuzungumza na wananchi na viongozi wa chama kuhusu utekelezaji wa shughuli za maendeleo na uimarishaji wa chama.

Katika ratiba ya leo, Kihongosi anatarajiwa kutembelea mashina mbalimbali ya CCM katika Musoma, akianza na uzinduzi wa Shina namba tano Tawi la Veta Kata ya Mwisenge, pia atakagua miradi ya maendeleo, na baadaye kufanya mkutano wa hadhara Musoma Mjini.

Katibu Mkuu wa Chama Cha Mapinduzi, Ndugu Asha-Rose Migiro, ameshiriki dhifa ya jioni iliyoandaliwa na Mheshimiwa Rais Yoweri Kaguta Museveni pamoja na Chama cha National Resistance Movement (NRM), ikiwa ni sehemu ya shughuli za uapisho wa Rais wa Uganda.

Kwa niaba ya Chama Cha Mapinduzi, Vyama vya Ukombozi na Vyama-rafiki vilivyoshiriki katika hafla hiyo, Katibu Mkuu Migiro alitoa salamu za pongezi kwa Rais Museveni na Chama cha NRM kufuatia kuaminiwa tena na wananchi wa Uganda kuendelea kuiongoza nchi hiyo.

Katika salaam zake, Ndugu Asha-Rose Migiro alisisitiza umuhimu wa kuendeleza mshik**ano, ushirikiano na urafiki wa kihistoria kati ya vyama vya ukombozi barani Afrika katika kuimarisha maendeleo, amani na ustawi wa wananchi wake.

𝗪𝗔𝗡𝗔𝗡𝗖𝗛𝗜 𝗪𝗔 𝗠𝗔𝗥𝗔 𝗞𝗔𝗘𝗡𝗜 𝗠𝗞𝗔𝗢 𝗪𝗔 𝗠𝗔𝗣𝗢𝗞𝗘𝗭𝗜 𝗬𝗔 𝗠𝗧𝗨𝗠𝗜𝗦𝗛𝗜 𝗪𝗔 𝗪𝗢𝗧𝗘 𝗠𝗪𝗘𝗡𝗘𝗭𝗜 𝗞𝗘𝗡𝗔𝗡𝗜 𝗞𝗜𝗛𝗢𝗡𝗚𝗢𝗦𝗜

𝙉𝙞 𝙢𝙪𝙚𝙣𝙙𝙚𝙡𝙚𝙯𝙤 𝙬𝙖 𝙯𝙞𝙖𝙧𝙖 𝙮𝙖𝙠𝙚 𝙮𝙖 𝙠𝙞𝙠𝙖𝙯𝙞 𝙠𝙬𝙖 𝙨𝙞𝙠𝙪 𝙩𝙖𝙩𝙪 (3)

Baada ya kumaliza ZIARA ya kikazi Mkoani Geita, Katibu wa NEC - Itikadi, Uenezi na Mafunzo wa CCM Taifa Ndugu. 𝗞𝗲𝗻𝗮𝗻𝗶 𝗞𝗶𝗵𝗼𝗻𝗴𝗼𝘀𝗶 (𝙈𝙩𝙪𝙢𝙞𝙨𝙝𝙞 𝙬𝙖 𝙬𝙤𝙩𝙚) anabisha hodi Mkoani 𝗠𝗮𝗿𝗮 kwa kishindo chenye kuleta matokeo chanya katika kuhakikisha Ilani ya Chama Cha Mapinduzi (2025/26) inaendelea kutekelezwa ipasavyo kwa maslahi mapana ya wana Mara na Taifa kwa ujumla.

Ziara kuanza tarehe 14 - 16 Mei, 2026.