UWT TAIFA

06/10/2026

06/10/2026

MAKAMU MWENYEKITI UWT ZAINAB SHOMARI AWASILI WILAYANI UKEREWE KU*INDUA WIKI YA UWT MKOA WA MWANZA

Mapokezi ya Makamu Mwenyekiti wa Jumuiya ya Umoja wa Wanawake wa Chama Cha Mapinduzi Tanzania (UWT) Ndg. Zainab Khamis Shomari (MNEC) akiwasili katika Uwanja wa Stendi ya Zamani uliopo katika Kata ya Kagera, Wilaya ya Ukerewe kwenye sherehe za Uzinduzi wa Wiki ya UWT Mkoa wa Mwanza leo, tarehe 06 Oktoba, 2026.

06/10/2026

UWT ZANZIBAR YALAANI MAUAJI YA MWANAFUNZI WANGU PEMBA

06/10/2026

HAWA GHASIA AWASHUKURU WANANCHI WA RUFIJI KWA KUIPA CCM USHINDI WA KISHINDO

Mjumbe wa Kamati ya Utekelezaji ya Baraza Kuu la UWT Taifa, Mhe. Hawa Ghasia, tarehe 05 Oktoba 2026, alifanya Mkutano wa Hadhara na wananchi wa Wilaya ya Rufiji, Mkoa wa Pwani, ambapo aliwashukuru wananchi kwa kuipa CCM ushindi wa kishindo katika Uchaguzi Mkuu wa mwaka 2025, huku akiwaasa kuendelea kuiamini CCM na kudumisha amani na mshikamano nchini.

Katika mkutano huo, Mhe. Hawa Ghasia aliwapongeza wanawake walionufaika na mikopo ya asilimia 10 ya Halmashauri na kuwataka wanawake wengine kuchangamkia fursa hiyo kwa ajili ya kujikwamua kiuchumi. Aidha, aliwataka Maafisa Maendeleo kutoa elimu ya kutosha kuhusu mikopo hiyo ili wanawake wengi zaidi waweze kunufaika.

06/10/2026

HAWA GHASIA AONGOZA ZIARA YA UWT TAIFA RUFIJI

Mjumbe wa Kamati ya Utekelezaji ya Baraza Kuu la UWT Taifa, Mhe. Hawa Ghasia, tarehe 05 Oktoba 2026 aliongoza ziara ya kikazi ya viongozi wa UWT Taifa katika Wilaya ya Rufiji, Mkoa wa Pwani, ambapo alikagua ujenzi wa Nyumba ya Mtumishi wa UWT, kutembelea vikundi mbalimbali vya wanawake vinavyonufaika na Mfuko wa Mikopo ya Asilimia 10 wa Halmashauri, pamoja na kukagua vitega uchumi vya Jumuiya na kukutana na viongozi wa Chama na Jumuiya, akisisitiza umuhimu wa kuimarisha uhai wa Chama na Jumuiya.

06/10/2026

ZIARA YA UWT TAIFA KISARAWE: MHE. BONNAH AKAZA U*I WA UJENZI WA NYUMBA YA MTUMISHI!

Tarehe 05 Oktoba 2026, Mbunge wa Viti Maalum, Mhe. Bonnah Kamoli, amewasili Wilaya ya Kisarawe akiiongoza ziara maalum ya Kamati ya Utekelezaji ya Baraza Kuu la UWT Taifa yenye lengo la kukagua utekelezaji wa Ilani ya Chama Cha Mapinduzi (CCM).

Ziara hiyo imekuja na maelekezo thabiti ambapo Mhe. Bonnah amezipongeza juhudi kubwa zinazofanywa na UWT Kisarawe, huku akitoa rai ya kukamilisha ujenzi wa nyumba ya mtumishi kabla ya mwezi Februari, 2027.

06/10/2026

UJUMBE WA MWENYEKITI WA UWT TAIFA UMEWASILI RASMI WILAYA YA KISARAWE.

Mbunge wa Viti Maalum, Mhe. Bonnah Kamoli, amewasili Wilaya ya Kisarawe tarehe 05 Oktoba, 2026 akiiongoza ziara maalum ya Kamati ya Utekelezaji ya Baraza Kuu la UWT Taifa. Ziara hii inalenga kukagua utekelezaji wa Ilani ya Chama Cha Mapinduzi (CCM).

Ziara hii yenye engo kuu la Kukagua wanufaika wa mikopo ya asilimia 15 inayotolewa kwa wanawake na vijana.

Pia, Kuimarisha uhai wa Chama na Jumuiya kuanzia ngazi za mashina, na Kukagua hali ya nyumba za watumishi wa Chama na Jumuiya.

06/10/2026

MAKAMU MWENYEKITI UWT ZAINAB SHOMARI AMPONGEZA RAIS SAMIA KWA UTEKELEZAJI WA MIRADI YA KIMKAKATI, AKAZIA DHAMIRA YA KUACHA ALAMA KWA KILA MTANZANIA KUPITIA UWEZESHAJI

MWANZA: Makamu Mwenyekiti wa Jumuiya ya Umoja wa Wanawake wa Chama Cha Mapinduzi Tanzania (UWT), Ndg. Zainab Khamis Shomari (MNEC), amempongeza Rais wa Jamhuri ya Muungano wa Tanzania, Dkt. Samia Suluhu Hassan, kwa utekelezaji wa miradi ya kimkakati nchini, ikiwemo ujenzi wa Reli ya Kisasa (SGR) kuelekea Mwanza na kukamilika kwa Daraja la Kigongo–Busisi, akisema miradi hiyo ni sehemu ya hatua zinazolenga kuchochea maendeleo na kurahisisha shughuli za kiuchumi kwa Wananchi katika Mikoa ya kanda ya Ziwa.

Makamu Zainab amesema juhudi hizo zinaonesha dhamira ya Serikali ya kuwekeza katika miundombinu na mazingira yatakayowawezesha wananchi kutumia fursa zinazotokana na maendeleo hayo.

Aidha, amesisitiza kuwa dhamira ya Dkt. Samia ni kuacha alama kwa kila Mtanzania kupitia uwezeshaji, akiwataka wanawake na wananchi kwa ujumla kuchangamkia fursa zinazotolewa na Serikali, hususan mikopo ya asilimia 10 ya mapato ya Halmashauri, kwa ajili ya kuanzisha na kuendeleza shughuli za kiuchumi.

Amesema viongozi, hasa Madiwani wa Viti Maalum, wana wajibu wa kuhakikisha taarifa za fursa zinawafikia wananchi kwa wakati ili waweze kuzitumia kuboresha maisha yao.

“Dhamira ya Dkt. Samia ni kuacha alama kwa kila Mtanzania. Alama hiyo inaonekana pia kupitia uwezeshaji wa wananchi na utekelezaji wa miradi inayofungua fursa za maendeleo,” amesema Zainab.

Akihitimisha ziara yake katika Wilaya za Ngamagana na Ukerewe, Mkoani Mwanza, Makamu Zainab amewataka wanawake kutumia fursa zilizopo, kuongeza juhudi katika shughuli za kiuchumi na kuwa sehemu ya mchakato wa maendeleo katika maeneo yao.

06/10/2026

06/10/2026

MAKAMU MWENYEKITI UWT ZAINAB SHOMARI AWAPONGEZA VIONGOZI WA UWT MWANZA KWA UWEKEZAJI NA UJENZI WA NYUMBA YA MTUMISHI

Makamu Mwenyekiti wa Jumuiya ya Umoja wa Wanawake wa Chama Cha Mapinduzi (UWT) Tanzania, Ndg. Zainab Khamis Shomari (MNEC), amewapongeza Viongozi wa UWT Mkoa wa Mwanza kwa jitihada za kujenga na kukamilisha nyumba ya UWT, akisema mkoa huo umeonyesha mfano mzuri wa matumizi ya rasilimali katika kujenga mali na kuimarisha uwekezaji wa Jumuiya.

Zainab ametoa pongezi hizo wakati jana tarehe 05, 2026 katika hafla ya uwekaji wa jiwe la Msingi wa nyumba hizo, ambapo alipata fursa ya kuona nyumba hiyo iliyokamilika pamoja na uwekezaji uliofanyika katika eneo hilo.

Akizungumza kwa furaha, Makamu Zainab amesema kuwa katika maeneo mbalimbali aliyoyatembelea, Mwanza imekuwa miongoni mwa maeneo yaliyomvutia zaidi kutokana na namna nyumba hiyo ilivyojengwa na kukamilishwa.

“Sina deni na Mkoa wa Mwanza. Kwa kweli, katika mikoa yote niliyotembelea, kwa mara ya kwanza ndio nimekuta nyumba ambayo imekamilika vizuri, imejengwa vizuri,” amesema Zainab.

Amesema kinachofanya jitihada hizo kuwa za kipekee si kukamilika kwa nyumba pekee, bali pia uwepo wa uwekezaji mwingine uliofanyika pembeni yake, hatua ambayo amesema inaonesha namna viongozi wa UWT Mkoa wa Mwanza walivyotumia fursa na rasilimali walizonazo kujenga msingi wa maendeleo ya Jumuiya.

“Haikuwa nyumba tu ya kuishi, lakini pia na uwekezaji pembeni yake. Kwa hiyo hongereni sana,” amesema.

Aidha, Makamu Zainab amewapongeza viongozi na wanachama wote waliohusika katika kufanikisha ujenzi na uwekezaji huo, huku akiwaombea baraka na mafanikio zaidi katika kazi wanazozifanya.