Halmashauri ya wilaya ya kakonko

15/09/2026

Mkuu wa Wilaya ya Kakonko, Col.Evance Mallasa akiwa ameambatana na Katibu Tawala wa Wilaya Maulid Mtulia, na Mkurugenzi Mtendaji wa Halmashauri ya Wilaya ya Kakonko, Ndaki Stephano Mhuli na viongozi wengine wakiwa Wilayani Uvinza kuhitimisha mbio za Mwenge wa Uhuru kwa mkoa wa Kigoma zilizoanza tarehe 7-14 Septemba, 2026 na leo Jumanne 15 Septemba, 2026, Mwenge wa Uhuru umekabidhiwa Mkoa wa Tabora Wilaya ya Kaliuwa.

14/09/2026

https://www.instagram.com/p/DdRDcV4jSss/?stkn=MXh6bzEzNWNibnVyZg==

13/09/2026

MKURUGENZI KAKONKO AWAWEZESHA WALIMU WALIOFAULISHA VIZURI KUTEMBELEA HIFADHI YA TAIFA YA SERENGETI

Walimu 45 kutoka Shule ya Sekondari Kakonko na Shule ya Sekondari ya Wasichana Mtendeli wametembelea Hifadhi ya Taifa ya Serengeti tarehe 12 Septemba 2026, ikiwa ni sehemu ya motisha iliyotolewa na Mkurugenzi Mtendaji wa Halmashauri ya Wilaya ya Kakonko, Ndaki Stephano Mhuli, baada ya shule hizo kufanya vizuri katika matokeo ya Kidato cha Sita mwaka 2026.

Katika matokeo hayo, Kakonko Sekondari ilifanikiwa kupata wanafunzi 243 wa Daraja la Kwanza na 52 wa Daraja la Pili, huku Mtendeli Girls ikipata wanafunzi 72 wa Daraja la Kwanza, 55 wa Daraja la Pili na 2 wa Daraja la Tatu.

Akizungumza wakati wa ziara hiyo, Mkuu wa Msafara, Ndugu Claudius Nzabayanga, amesema motisha hiyo inalenga kutambua na kuthamini mchango wa walimu, kuongeza ari ya kazi na kuwahamasisha kuendelea kuboresha ufundishaji na ufaulu wa wanafunzi.

Mkuu wa Shule ya Sekondari Kakonko, Bi. Jesca Massawe, amewataka walimu kutumia motisha hiyo kuongeza juhudi katika kuwajenga wanafunzi katika misingi ya nidhamu, maadili, kujiamini na kujifunza kwa bidii.

Naye Mwalimu Furaha Kachota amemshukuru Mkurugenzi Ndaki Stephano Mhuli kwa kutambua juhudi za walimu, akisema ziara hiyo imewapa ari mpya, hamasa na fursa ya kubadilisha mazingira baada ya majukumu ya kila siku.

Hatua hiyo ni sehemu ya juhudi za Halmashauri ya Wilaya ya Kakonko kutambua utendaji bora na kutumia motisha k**a chachu ya kuendeleza ufaulu na ubora wa elimu katika shule zake.

09/09/2026

07/09/2026

MWENGE WA UHURU WATEMBELEA MIRADI 7 YENYE THAMANI YA SHILINGI BILIONI 1.3 KAKONKO

Mwenge wa Uhuru umetembelea miradi saba yenye thamani ya zaidi ya Shilingi bilioni 1.3 katika Wilaya ya Kakonko, ikiwa ni sehemu ya mwanzo wa mapokezi ya Mwenge wa Uhuru katika Mkoa wa Kigoma.

Mwenge huo umepokelewa leo, tarehe 7 Septemba 2026, ukitokea Mkoa wa Kagera na kuanza safari yake ya kutembelea na kukagua miradi mbalimbali ya maendeleo inayotekelezwa katika Wilaya ya Kakonko.

Miradi iliyotembelewa ni pamoja na miradi ya Elimu, Afya, Maji na Barabara, pamoja na mradi binafsi wa Milka Royal Hotel, Mradi wa Mkaa Mbadala na Kikundi cha Usafirishaji cha Bodaboda.

Akizungumza baada ya kutembelea miradi hiyo, Muongoza Mbio wa Mwenge wa Uhuru Kitaifa, Ndg. Wazo Michael Mwang'onda, ameipongeza Wilaya ya Kakonko kwa utekelezaji mzuri wa miradi hiyo na kueleza kuridhishwa kwake na namna fedha zinazotolewa na Serikali chini ya uongozi wa Mheshimiwa Rais Dkt. Samia Suluhu Hassan zinavyotumika kuwaletea wananchi maendeleo.
Aidha, amewaomba vijana na wananchi kwa ujumla kuendelea kudumisha amani, umoja na mshik**ano nchini, akisisitiza kuwa maendeleo mbalimbali yanayotekelezwa yanaendelea kupatikana kutokana na mazingira ya amani yaliyopo nchini.

Mwenge wa Uhuru unatarajiwa kukabidhiwa kesho katika Wilaya ya Kibondo kwa ajili ya kuendelea na mbio zake na kutembelea halmashauri nyingine za Mkoa wa Kigoma.

07/09/2026

MWENGE WA UHURU WAANZA MBIO ZAKE KIGOMA

Mwenge wa Uhuru umepokelewa na kuanzia mbio zake Mkoa wa Kigoma katika Halmashauri ya Wilaya ya Kakonko, ambapo jumla ya miradi yenye thamani ya Shilingi Bil.73.2 itazinduliwa, kutembelea, kukaguliwa sambamba na kukabidhi Hundi, vifaa na Samani.

Mwenge wa Uhuru utakimbizwa umbali wa Km. 937.8 katika Halmashauri Nane za Mkoa ambapo katika miradi itakayofikiwa, mchango wa Serikali na wahisani ni Shilingi. Bil.57.5, wahisani Bil.14.6, Halmashauri Mil. 958.4 huku nguvu ya wananchi ikiwa Mil.100.6.

Aidha, Miradi 20 itawekewa mawe ya msingi, 16 itazinduliwa, 12 itatembelewa na kukaguliwa huku mingine minne itahusisha kukabidhi vifaa, Hundi au Samani.

Mkoani hapa, Mwenge utakimbizwa kuanzia leo Septemba 7 hadi 14, 2026 kisha kukabidhiwa katika Mkoa wa Tabora Septemba 15, 2026.

01/09/2026

https://www.instagram.com/reel/DcwBTeDtMA6/?igsi=MTQxYW5wMmRpaGV5ZA==

01/09/2026

WACHEZAJI WA BASKETBALL WALIOSHINDA SHIMISEMITA WAKABIDHIWA VIWANJA

Wachezaji wa timu ya Basketball ya Halmashauri ya Wilaya ya Kakonko walioshika nafasi ya kwanza katika mashindano ya SHIMISEMITA yaliyofanyika Mbeya, wamezawadiwa hati ya kiwanja kilichopimwa kila mmoja katika eneo la Mganza kwa kutambua mchango wao katika kuiletea Halmashauri ushindi.

Zawadi hiyo kwa kila mchezaji ni sehemu ya kutambua juhudi, nidhamu na mshik**ano walioonesha katika kuiwakilisha Halmashauri, ambapo timu ya mpira wa kikapu imeibuka mshindi wa kwanza kitaifa na kukabidhiwa kombe la mshindi wa kwanza katika mashindano huku timu hiyo ikikabidhi kombe hilo kwa Mkuu wa Wilaya ya Kakonko, Col. Evance Mallasa, pamoja na Mkurugenzi Mtendaji, Ndugu Ndaki Stephano Mhuli.

Akizungumza wakati wa hafla hiyo, Mkuu wa Wilaya ya Kakonko, Col. Evance Mallasa aliwapongeza wachezaji kwa ushindi huo na kuwataka kuendeleza umoja na mshik**ano waliouonesha katika michezo katika utekelezaji wa majukumu yao ya kila siku.

Mkurugenzi mtendaji wa Halmashauri, Ndaki Stephano Mhuli ameeleza kuwa kutambua mchango wa wachezaji wao na uzalendo wao, Halmashauri imewazawadia kila mchezaji kiwanja kimoja wakiwa jumla ya wachezaji 9 na dereva ambaye alikuwa mhamasishaji mahiri.

Ushindi huo unatarajiwa kuongeza hamasa kwa watumishi kushiriki katika michezo, kujenga afya, mshik**ano na kuimarisha utendaji kazi.