Makambako Town Council

09/10/2026

Fursa za Kilimo na Ufugaji

Mwenyekiti wa Halmashauri ya Mji Makambako, Mhe. Salum Mlumbe akizungumza na wakulima na wafugaji walioshiriki maonesho ya Nanenane 2026 jijini Mbeya.

08/10/2026

Wananchi wote wenye maradhi mbalimbali mnakaribishwa kupata huduma za kibingwa kwa maradhi tajwa.

08/10/2026

Kwa kijana au binti mwenye umri wa kuanzia miaka 18 hadi 22 ambaye ameishia darasa la saba na hakupata nafasi ya kujiunga na masomo ya sekondari au aliacha shule kwa sababu mbalimbali ikiwemo wasichana waliopata mimba na wameshajifungua, wana nafasi ya kuendelea na masomo ya sekondari na kutimiza ndoto zao kupitia elimu.

Serikali imeweka mfumo huo ili kuhakikisha wenye umri huo wote wanapata elimu bila gharama yoyote,hivyo kijana au binti mwenye umri huo,anaweza kufika shule ya sekondari ya Makambako na kupewa utaratibu wa kuanza masomo.

Lakini pia kwa wale ambao hawajawahi kupata elimu ya shule ya msingi wanakaribishwa kujiunga na elimu kupitia MEMKWA , uwe ni mtu mzima au mtoto ambaye hajapata elimu ya msingi fika shule yoyote iliyo karibu nawe uweze kupewa utaratibu na kujiandaa kwa ajili ya kuanza masomo mwakani.

01/10/2026

MIKOPO YA ASILIMIA KUMI YAZIDI KUCHOCHEA FURSA ZAIDI YA MOJA.

Na.Tanessa Lyimo

Kamati ya uhakiki ya Mikopo ya asilimia kumi ya Wilaya ilioambata na wajumbe wa Halmashauri ya Mji Makambako leo imefanya ukaguzi wa shughuli zinazotekelezwa na vikundi mbalimbali vilivyonufaika na vinavyotarajia kunufaika na mikopo ya asilimia kumi ya vijana, wanawake na wenye ulemavu inayotolewa na Halmashauri katika kuhakikisha kila mtanzania mwenye lengo la kujikwamua kiuchumi anafaidika.

Ziara hiyo iliyoongozwa na Katibu Tawala wa Wilaya Bi. Agatha Mhaiki ilitembelea vikundi 7 vyenye thamani ya zaidi ya Shilingi Milioni 200 vinavyojishughulisha na uuuzaji na usambazaji wa mbao,huduma ya usafirishaji, uchapaji wa mabango,shughuli za Gereji, uuzaji wa vifaa vya ujenzi na biashara ya uuzaji viatu ambapo amefurahishwa na urejeshaji wa mikopo kwa wakati.

Bi. Mhaiki amesema kuwa, amefarijika kuona kundi la walemavu linajitokeza kwa wingi katika kuhakikisha hawapitwi na fursa hiyo, iliyowawezesha kufanya biashara ya uuzaji viatu na usafirishaji ili kujikwamua kiuchumi.

Aidha ametoa wito na ushauri kwa vikundi kutumia mitandao ya kijamii kutengeneza maudhui yatayochochea utangazaji na usambazaji wa taarifa za biashara wanazozifanya kujiongezea kipato na kuleta chachu kwa jamii kujitokeza na kuomba mikopo hiyo ili kujikwamua kiuchumi.

Naye Mkuu wa divisheni ya maendeleo ya Jamii Bi.Lilian Mwelupungwi amesema mwitikio wa uhitaji wa mikopo bado ni kubwa kutokana na wananchi wengi kuwa na weledi wa marejesho na kurejesha kwa wakati na uhitaji wa fursa mbalimbali .

Jumla ya Milioni 225 zimetolewa kwa kikundi kimoja cha wanawake kilichokopeshwa mkopo wa Milioni 40, vikundi vya vijana vinne vimekopeshwa Milioni 165, na watu wenye ulemavu wamekopeshwa Milioni 20.

01/10/2026

Kuitwa kwenye 👇

https://makambakotc.go.tz/announcement/999

24/09/2026

Mabadiliko ya kituo cha maadhimisho ya siku ya kichaa cha mbwa duniani, badala ya ofisi za Kata ya Lyamkena maadhimisho hayo yatafanyika Ofisi ya Mtaa wa Ilangamoto.

Mgeni rasmi katika maadhimisho hayo ni Mhe. Salum Roden Mlumbe,Mwenyekiti wa Halmashauri ya Mji Makambako.

Njoo wewe na jirani yako kupata elimu mbalimbali kuhusu ufugaji na namna ya kumkinga mbwa wako ili asisababishe madhara kwako na kwa wengine.

Pia chanjo ya kichaa cha mbwa itatolewa bure kwa mbwa wote.

Karibuni nyote.

19/09/2026

Wakulima waiomba Serikali Umeme mashambani na kuboresha barabara

Na. Lina Sanga

Wakulima wa Halmashauri ya Mji Makambako wameiomba Serikali kuboresha miundombinu ya barabara na umeme,ili kuwarahisishia wakulima kulima kilimo cha kisasa na kusafirisha mazao kwa urahisi.

Ombi hilo lilitolewa jana katika kikao cha tathimini ya maonesho ya Nanenane mwaka 2026, kilichofanyika katika ukumbi wa mikutano wa Halmashauri ya Mji Makambako na kuhudhuriwa na Mwenyekiti wa Halmashauri hiyo,Mhe. Salum Mlumbe.

Akizungumza kwa niaba ya wakulima hao, Bw.Enoc Kipuge mkulima kutoka Mtaa wa Mkolango,Kata ya Mlowa amesema kuwa, kilimo cha parachichi kinakabiliwa na changamoto mbalimbali k**a barabara ambazo mkulima anatumia kufikisha mazao kiwandani pamoja na nishati ya umeme kwa ajili ya umwagiliaji,hivyo endapo Serikali itafikisha miundombinu hiyo mashambani itamsaidia mkulima kulima kisasa na kupata mavuno ya uhakika.

Aidha, wakulima hao wameishukuru Halmashauri kwa maandalizi yenye tija na kuwawezesha wakulima kushiriki maonesho hayo jijini Mbeya, na kupata washindi ngazi ya Kanda ambao ni Bw. Amoni Mihale Mkulima wa mahindi aliyeshika nafasi ya pili Kanda katika kundi la Mazao ya nafaka,mizizi,mikunde na mafuta,Bi. Veronica Sanga mfugaji wa kuku mshindi nafasi ya kwanza Kanda kundi la wafugaji wa kuku na Bw. Cleofas Kasonso mfugaji wa ng’ombe wa maziwa mshindi nafasi ya pili Kanda kundi la wafugaji wa ng’ombe wa Maziwa.

Pia,wametoa rai kwa wakulima na wafugaji wengine kuendelea kujifunza kupitia wakulima waliopo ndani ya Makambako ,warsha na maonesho mbalimbali k**a maonesho ya Nanenane kabla na baada ya kuanzisha miradi, ili waweze kupata mafanikio kupitia kilimo na ufugaji na kuishauri Halmashauri kuendelea kuwashindanisha wakulima na wafugaji kuanzia ngazi ya Kata hadi Halmashauri kabla ya Nanenane ili kuwapa hamasa zaidi ya kujifunza ili washindi waendelee kupatikana.

Mhe. Salum Mlumbe, Mwenyekiti wa Halmashauri hiyo amewapongeza washiriki wa kikao hicho ambao walipata nafasi ya kushiriki maonesho ya Nanenane 2026 jijini Mbeya, kwa kuonyesha kuridhishwa na maandalizi na shughuli zote zilizofanyika kwenye maonesho hayo na kuwataka wakulima na wafugaji kuendelea kufanya uzalishaji na kujifunza kupitia wengine, ili kujiongezea kipato wakati Serikali ikiendelea kushughulikia changamoto zinazoikabili sekta hiyo, pamoja na kuwashukuru wadau mbalimbali walioshirikiana na Halmashauri kwenye maandalizi ya Nanenane kwa michango mbalimbali.

Naye, Bi. Beatrice Tarimo Mkuu wa divisheni ya Kilimo na Mifugo wa Halmashauri ya Mji Makambako amewapongeza wakulima 48 kutoka Kata ya Mlowa kwa kuunga mkono jitihada za Halmashauri, za kuhakikisha wakulima na wafugaji wanajitoa kushiriki maonesho ya Nanenane kwa kujigharamia ili kujifunza,kwani Halmashauri haina uwezo wa kugharamia wakulima wote kushiriki maonesho hayo.

17/09/2026

04/09/2026

Tangazo la kazi👇👇

Kumradhi: Tunaomba radhi kwa kukosea tarehe ya tangazo , tangazo lilisainiwa 31.8.2026 na sio 31.9.2026 👏

31/08/2026

MEMKWA na SEQUIP mkombozi wa watoto na watu wazima wenye kiu ya elimu.

Na. Lina Sanga

Jamii imetakiwa kutambua umuhimu wa elimu na kutakiwa kuunga mkono jitihada za Serikali kwa kuhakikisha watoto na watu wazima waliokosa elimu katika mfumo rasmi wanapata elimu kupitia Mpango wa Elimu ya Msingi kwa Waliyoikosa (MEMKWA) na Mpango wa uboreshaji wa elimu YA sekondari (SEQUIP),inayomwezesha mwanafunzi mwenye umri wa miaka 9 hadi 22 kusoma kuanzia elimu ya msingi hadi vyuo vikuu.

Wito huo umetolewa leo na Mhe. Robert Shejamabu, Makamu Mwenyekiti wa Halmashauri ya Mji Makambako, katika maadhimisho ya juma la elimu ya watu wazima, yaliyofanyika katika viwanja vya ofisi ya zamani ya Kijiji cha Ikelu.

Mhe. Shejamabu amesema kuwa, licha ya mpango huo wa Serikali kuwawezesha wananchi kielimu ipo haja ya jamii kutambua umuhimu wa elimu licha ya ajira za Serikali kutotosheleza idadi ya wasomi Nchini,kwani elimu inaongeza ufahamu na kwa sasa kupitia shule za amali mhitimu anaweza kujiajiri na kunufaika kupitia elimu aliyonayo.

Ametoa wito kwa vijana kutochagua kazi baada ya kuhitimu masomo na kuwataka kujishughulisha kwa kazi mbalimbali hata ambazo ni tofauti na taaluma walizonazo k**a kilimo na ujasiriamali,wakati wakisubiri ajira rasmi na kuwataka wazazi watambue kuwa, wanasomesha watoto ili wapate ufahamu na kujiongezea maarifa na sio kuajiriwa pekee kwani dunia ya leo inahitaji watu wenye ujuzi wa vitu mbalimbali.

“Ili Halmashauri yetu iendelee na Nchi yetu iendelee tunahitaji vijana wetu wasome na wazazi tuwe na ufahamu wa elimu, angalau elimu ya kusoma,kuandika,na kuhesabu tuwe nayo,hata k**a umri umeenda tuwekeze kwa watoto”alisema Mhe. Shejamabu.

Amewataka wanafunzi kuishika elimu na wazazi kuwapeleka watoto shuleni ili kutopata lawama pindi watoto wakiwa watu wazima pamoja na kutowaficha ndani watoto wenye mahitaji maalum kwani elimu ni haki ya kila mtoto.

Pia, ametoa wito kwa wajasiriamali wanaozalisha bidhaa mbalimbali pamoja na mitambo ya kilimo kujitangaza kupitia vyombo vya habari,ili wananchi waliopo ndani na nje ya Makambako wawatambue na kufika kwenye viwanda vyao kujifunza ufundi na utengenezaji wa bidhaa mbalimbali.

Frank Filangali, Mmiliki na fundi wa mitambo ya kilimo wa kiwanda cha Tuonane fabrication workshop kilichopo Mtaa wa Majengo,Halmashauri ya Mji Makambako ameishukuru ofisi ya Mkurugenzi kwa kuandaa maonyesho ya bidhaa katika maadhimisho hayo na kutoa rai kwa wananchi wanaotaka kujifunza ufundi wa zana za kilimo kufika katika kiwanda chake ili waweze kupata zana hizo pamoja na maarifa.

Naye,Adriano Mdenye mwanafunzi katika shule ya sekondari Makambako,taasisi ya elimu ya watu wazima ameishukuru Serikali kwa kutoa fursa kwa wanafunzi waliokatiza masomo kwa sababu mbalimbali, na kuwataka wazazi kutowakatia tamaa watoto wao ambao walikatiza masomo kwani inawezekana kuendelea na masomo na kutimiza malengo yao.