Tanzania Wildlife Management Authority - TAWA

Call Directions Website

Tanzania Wildlife Management Authority - TAWA Contact information, map and directions, contact form, opening hours, services, ratings, photos, videos and announcements from Tanzania Wildlife Management Authority - TAWA, Government Organization, Tafori Building, Morogoro.

Mamlaka ya Usimamizi Wanyamapori Tanzania(Tanzania Wildlife Management Authority -TAWA) ilianzishwa kwa mujibu wa kifungu cha 8 cha Sheria Ya Wanyamapori Na.5 ya mwaka 2009.

22/10/2026

Peter Kessy

TAWA YAANGAZIA FURSA YA UTALII WA GOFU ZANZIBAR WILDLIFE PARKNa Beatus Maganja, ZanzibarMAMLAKA ya Usimamizi wa Wanyamap...
22/10/2026

TAWA YAANGAZIA FURSA YA UTALII WA GOFU ZANZIBAR WILDLIFE PARK

Na Beatus Maganja, Zanzibar

MAMLAKA ya Usimamizi wa Wanyamapori Tanzania (TAWA) inaangalia uwezekano wa kuanzisha utalii wa mchezo wa gofu katika eneo linalopendekezwa kuanzishwa Zanzibar Wildlife Park ndani ya Msitu wa Hifadhi ya Jambiani Muyuni, Zanzibar ili kuongeza zao jipya la utalii na kuvutia wageni kutoka masoko mapya.

Mwenyekiti wa Bodi ya Wakurugenzi ya TAWA, Meja Jenerali (Mstaafu) Hamis R. Semfuko, ameeleza hayo Oktoba 21, 2026, wakati wa ziara ya wataalamu wa Troon International, kampuni yenye.makao makuu nchini Marekani inayosimamia viwanja vya gofu na klabu katika mataifa mbalimbali. Ujumbe huo umetembelea eneo hilo kutathmini uwezekano wa kuanzisha uwanja wa gofu, fursa za uwekezaji na namna ya kushirikiana katika uendeshaji wake.

โ€œGofu ni mchezo ambao unaleta watalii wengi,โ€ amesema Meja Jenerali Semfuko, akieleza kuwa wataalamu hao wamefika kwa mara ya kwanza kujionea eneo hilo na kupata taarifa zitakazowawezesha kutoa ushauri kuhusu uwezekano wa kuendeleza uwanja wenye viwango vya kimataifa.

Amesema dhamira ya TAWA ni kuunganisha utalii wa gofu na utalii wa picha ili kupanua shughuli za kitalii katika eneo hilo. Ameongeza kuwa ushauri wa wataalamu hao utasaidia kubaini namna ya kuendeleza gofu kwa kuzingatia uhifadhi wa mazingira na mahitaji ya soko la utalii.

Kwa upande wake, Makamu wa Rais Mtendaji wa Troon International David Jonathan amesema uwepo wa uwanja wa gofu katika eneo lenye wanyamapori unaweza kuiongezea Zanzibar kivutio cha kipekee kwa wachezaji wanaopenda kuchanganya mchezo huo na kutembelea vivutio vya utalii.

Jonathan amesema utalii wa gofu unaweza kuongeza muda wa watalii kukaa nchini na huku wakifurahia fukwe, wanyamapori, utamaduni na vyakula vya Zanzibar. Aidha, amesema uwanja wenye viwango vya kimataifa unaweza kuvutia mashindano na kusaidia kuitangaza Zanzibar katika masoko ya utalii wa gofu.

Naye Mhandisi Ujenzi kutoka TAWA, Samuel Hagu amesema wazo la kuanzisha uwanja wa gofu wa kiwango cha mashindano, unaojulikana kitaalamu k**a championship course, linalenga kuongeza kivutio kingine katika mradi wa Zanzibar Wildlife Park

WAZIRI KIJAJI AAGIZA MIRADI YA TDL PANDE IKAMILIKE KABLA YA DESEMBA 2026โœ๏ธ Na Beatus Maganja, Dar es SalaamWAZIRI wa Ma...
21/10/2026

WAZIRI KIJAJI AAGIZA MIRADI YA TDL PANDE IKAMILIKE KABLA YA DESEMBA 2026

โœ๏ธ Na Beatus Maganja, Dar es Salaam

WAZIRI wa Maliasili na Utalii, Mhe. Dkt. Ashatu Kijaji (Mb) ameagiza miradi inayotekelezwa na Mamlaka ya Usimamizi wa Wanyamapori Tanzania (TAWA) kwa fedha za Tozo za Maendeleo ya Utalii (TDL) katika Hifadhi ya Pande, jijini Dar es Salaam, ikamilike kabla ya Desemba 2026 ili kuimarisha huduma na kutumia fursa za mashindano ya Kombe la Mataifa ya Afrika (AFCON) 2027.

Maelekezo hayo yametolewa wakati wa ziara yake hifadhini hapo Oktoba 20, 2026 akiwa pamoja na Naibu Waziri wa Maliasili na Utalii, Mhe. Hamad Chande (Mb) ambaye akizungumza kwa niaba ya Waziri, Mhe. Chande ameipongeza TAWA na kueleza kuwa Wizara imeridhishwa na mwenendo wa utekelezaji wa miradi hiyo.

โ€œTunataka ifikapo Desemba 2026 miradi hii iwe imekamilika, na Bodi ya Utalii Tanzania (TTB) iwe imeanza kuitangaza na kuipeleka sokoni. Msisitizo wetu ni kuunganisha utangazaji na mauzo ili juhudi za kuitangaza miradi hii zilete wageni na kuongeza mapato,โ€ amesema Mhe. Chande.

Kaimu Kamishna wa Uhifadhi wa TAWA, Mlage Y. Kabange, amesema ujenzi wa bwawa la kuogelea na viwanja vya michezo unalenga kukidhi mahitaji ya wageni, hususan wanafunzi wanaopendelea michezo sambamba na kutazama wanyamapori. Ameeleza kuwa miradi hiyo, yenye thamani ya takribani shilingi bilioni 1.24, ipo katika hatua mbalimbali za utekelezaji huku baadhi ikifikia asilimia 65, 75 na 90.

Akiwasilisha taarifa ya utendaji, Kamanda wa Hifadhi ya Pande, Maajabu Mbogo, amesema maboresho ya miundombinu na huduma yamechangia kuongezeka kwa watalii kutoka 224 mwaka 2020/2021 hadi 6,397 mwaka 2025/2026. Katika kipindi hicho, mapato yameongezeka kutoka shilingi milioni 3.66 hadi shilingi milioni 80.19.

Ameongeza kuwa katika kipindi cha Julaiโ€“Septemba 2026, hifadhi imepokea watalii 1,925 na kukusanya shilingi milioni 30.20. Takwimu hizo ni ongezeko la asilimia 17 kwa watalii na asilimia 41 kwa mapato, ikilinganishwa na kipindi k**a hicho mwaka uliotangulia.

Wananchi wamehimizwa kutembelea Pande kufurahia vivutio na shughuli mbalimbali, zikiwamo kutazama wanyamapori na ndege, matembezi ya asili na kupiga kambi.

Zuia Mifugo Kuingia Hifadhini ili kuepuka migongano kati ya wanyamapori na binadamu.
20/10/2026

Zuia Mifugo Kuingia Hifadhini ili kuepuka migongano kati ya wanyamapori na binadamu.

Karibu Hifadhi ya Pande Mheshimiwa Waziri wa Maliasili na Utalii Dkt. Dkt. Kijaji (PhD) (Mb).Pande Game Reserve
19/10/2026

Karibu Hifadhi ya Pande Mheshimiwa Waziri wa Maliasili na Utalii Dkt. Dkt. Kijaji (PhD) (Mb).

Pande Game Reserve

19/10/2026

๐ŸŽฅ | (2024)

TAWA KATIKA ULINZI WA MAISHA NA MALI ZA WANANCHI

Video hii inaonesha sehemu ya jitihada za Mamlaka ya Usimamizi wa Wanyamapori Tanzania (TAWA) katika kulinda maisha na mali za wananchi dhidi ya wanyamapori wakali na waharibifu, hususan tembo kupitia kazi iliyofanyika Wilaya ya Nkasi, Mkoa wa Rukwa, takribani miaka miwili iliyopita.

Ulinzi wa maisha na mali za wananchi ni kipaumbele chetu. Unapowaona wanyamapori wakali na waharibifu katika maeneo ya makazi, chukua tahadhari na toa taarifa mapema kwa TAWA.

๐Ÿ“ž PIGA BURE: 0800750440

๐Ÿ‡น๐Ÿ‡ฟ KUMBUKIZI YA MWL. J.K. NYERERE | 1999โ€“2026Leo Oktoba 14, 2026 tunapoadhimisha miaka 27 tangu kufariki kwa Baba wa Tai...
13/10/2026

๐Ÿ‡น๐Ÿ‡ฟ KUMBUKIZI YA MWL. J.K. NYERERE | 1999โ€“2026

Leo Oktoba 14, 2026 tunapoadhimisha miaka 27 tangu kufariki kwa Baba wa Taifa, Hayati Mwalimu Julius Kambarage Nyerere, Mamlaka ya Usimamizi wa Wanyamapori Tanzania (TAWA) tunaendelea kukumbuka mchango wake mkubwa katika kuweka misingi ya uhifadhi wa wanyamapori na maliasili nchini Tanzania.

Kupitia Arusha Manifesto ya mwaka 1961, Mwalimu Nyerere alisisitiza umuhimu wa kulinda urithi wa maliasili kwa manufaa ya vizazi vya sasa na vijavyo.

TAWA inaendelea kuenzi maono yake kwa kusimamia uhifadhi endelevu wa wanyamapori na makazi yao ili kuhakikisha urithi huu wa thamani unaendelea kuwa fahari ya Taifa kwa vizazi vijavyo.

Tunamkumbuka Mwalimu Nyerere kwa kuendeleza urithi aliotuachia.

KAMATI YA BUNGE YAKIRI KUONA MAGEUZI YA KIUTENDAJI TAWANa Beatus Maganja, DodomaKamati ya Kudumu ya Bunge ya Ardhi, Mali...
13/10/2026

KAMATI YA BUNGE YAKIRI KUONA MAGEUZI YA KIUTENDAJI TAWA

Na Beatus Maganja, Dodoma

Kamati ya Kudumu ya Bunge ya Ardhi, Maliasili na Utalii imeipongeza Mamlaka ya Usimamizi wa Wanyamapori Tanzania (TAWA) kwa mageuzi ya kiutendaji hususan katika ukusanyaji wa mapato, ukuaji wa utalii na uboreshaji wa miundombinu katika maeneo ya uhifadhi. Pongezi hizo zimetolewa Oktoba 13, 2026 jijini Dodoma wakati Kamati ikipokea taarifa ya utendaji wa Mamlaka kwa mwaka wa fedha 2025/26 na mwelekeo wa mwaka 2026/27.

Akizungumza baada ya kupokea taarifa hiyo iliyowasilishwa na Kaimu Kamishna wa Uhifadhi wa TAWA, Mlage Y. Kabange kwa niaba ya Waziri wa Maliasili na Utalii Mhe. Dkt. Ashatu Kijaji, Mwenyekiti wa Kamati hiyo, Mhe. Timotheo Mnzava (Mb), amesema mabadiliko yanayoonekana TAWA ni makubwa huku akitaja ukusanyaji wa mapato kuwa miongoni mwa maeneo yaliyofanya vizuri. โ€œKwa upande wa TAWA, Mheshimiwa Waziri tunawapongeza. Mabadiliko ni makubwa, hasa katika makusanyo ya fedha. Kwa kweli wanafanya vizuri,โ€ amesema.

Awali akiwasilisha taarifa hiyo, Kamishna Kabange amesema TAWA ilikusanya Shilingi bilioni 92.28 katika mwaka wa fedha 2025/26 sawa na asilimia 91.79 ya lengo la Shilingi bilioni 100.53. Katika robo ya kwanza ya mwaka 2026/27, Mamlaka imekusanya Shilingi bilioni 29.35, sawa na asilimia 94 ya lengo la kipindi hicho, huku lengo la mwaka likiwa kukusanya Shilingi bilioni 124.87.

Katika utalii na uwekezaji, idadi ya watalii wa picha ilifikia 270,823 mwaka 2025/26 huku vitalu vyenye wawekezaji vikiongezeka kutoka 95 hadi 98. Mikataba saba ya uwekezaji kupitia mfumo wa uwekezaji mahiri (Special Wildlife Investment Concession Areas -SWICA) imesainiwa na kuchangia Shilingi bilioni 21.3 sawa na asilimia 23.1 ya mapato yote ya Mamlaka sambamba na juhudi za kuboresha miundombinu na kutangaza vivutio vya utalii.

Kwa upande wa uhifadhi, TAWA imeendelea kuimarisha doria na matumizi ya teknolojia katika kulinda rasilimali za wanyamapori na kudhibiti wanyamapori wakali na waharibifu. Hatua hizo zinajumuisha matumizi ya ndege nyuki, vifaa vya GPS, ufuatiliaji wa makundi ya tembo pamoja na ujenzi wa uzio wa umeme wenye urefu wa kilometa 104 katika Pori la Akiba Maswa.

๐Ÿ‡น๐Ÿ‡ฟ ONE NATION. MORE GLOBAL VICTORIES!๐Ÿ“Congratulations to Jihan Dimack on being crowned Miss Grand International 2026! Yo...
11/10/2026

๐Ÿ‡น๐Ÿ‡ฟ ONE NATION. MORE GLOBAL VICTORIES!

๐Ÿ“Congratulations to Jihan Dimack on being crowned Miss Grand International 2026! You've made Tanzania proud!

One crown secured, two more victories to go!

๐Ÿ“Let's keep Tanzania shining on the global stage by voting for our incredible tourism destinations at the World Travel Awards 2026!

๐Ÿ† Selous Game Reserve โ€“ World's Leading Tourist Attraction

๐Ÿ† Mpanga-Kipengere Game Reserve โ€“ World's Leading Honeymoon Destination

๐Ÿ‡น๐Ÿ‡ฟ Tanzania, let's make history again!

๐Ÿ“ HOW TO VOTE

1. Visit www.worldtravelawards.com/vote
2. Register or log in to your account.
3. Verify your email address if registering for the first time.
4. Find the World's Leading Tourist Attraction category and vote for Selous Game Reserve.
5. Find the World's Leading Honeymoon Destination category and vote for Mpanga-Kipengere Game Reserve.
6. Confirm and submit your votes.

YOUR VOTE. OUR PRIDE. TANZANIA'S VICTORY!
Ukurasa Rasmi wa Wizara ya Utalii - Tanzania๐Ÿ‡น๐Ÿ‡ฟ
๐Œ๐ˆ๐’๐’ ๐†๐‘๐€๐๐ƒ ๐ˆ๐๐“๐„๐‘๐๐€๐“๐ˆ๐Ž๐๐€๐‹
Tanzania Tourism Updates TAWA Tourism

TAWA TanzaniaUnforgettable

๐Ÿ‡น๐Ÿ‡ฟ NI ZAMU YETU KUANDIKA HISTORIA!! ๐Ÿ“Karibu tuungane kuipigia kura Hifadhi ya Mpanga-Kipengere kushinda tuzo ya Worldโ€™s ...
10/10/2026

๐Ÿ‡น๐Ÿ‡ฟ NI ZAMU YETU KUANDIKA HISTORIA!!

๐Ÿ“Karibu tuungane kuipigia kura Hifadhi ya Mpanga-Kipengere kushinda tuzo ya Worldโ€™s Leading Honeymoon Destination 2026.

๐Ÿ“JINSI YA KUPIGA KURA:

1. Tembelea www.worldtravelawards.com/vote
2. Jisajili na thibitisha barua pepe yako.
3. Ingia kwenye akaunti yako.
4. Chagua Worldโ€™s Leading Honeymoon Destination โ€“ Mpanga-Kipengere Game Reserve.
5. Thibitisha na tuma kura yako.

๐Ÿ‡น๐Ÿ‡ฟ TANZANIA KWANZA! KURA YAKO, FAHARI YA TAIFA LETU

Ukurasa Rasmi wa Wizara ya Utalii - Tanzania๐Ÿ‡น๐Ÿ‡ฟ
Hifadhi ya Mpanga Kipengere tanzania_unforgettable
Tanzania Tourist Board

Address

Tafori Building
Morogoro

Telephone

+255232934205

Website

,

Alerts

Be the first to know and let us send you an email when Tanzania Wildlife Management Authority - TAWA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category