Mwauwasa

24/09/2026

23/09/2026

TENKI LA MAJI KISESA KUNUFAISHA ZAIDI YA WAKAZI 75,000

Mradi wa ujenzi wa Tenki la Maji Kisesa lenye ujazo wa lita Milioni 5 umefikia hatua nzuri ya utekelezaji ambapo ukikamilika unatarajiwa kunufaisha zaidi ya wakazi 75,000 katika maeneo ya Kata za, Bujora, Kisesa, Bukandwe, Bujashi na Igudija.

Hayo yamebainishwa wakati wa ziara ya Kamati ya Siasa ya Chama Cha Mapinduzi (CCM) Wilaya ya Magu ilipotembelea eneo la mradi kujionea utekelezaji wake. Kamati imesema imeridhishwa na kiwango cha utekelezaji wa kazi katika mradi huo, ikisisitiza umuhimu wa kukamilisha hatua zilizobaki ili wananchi waweze kunufaika na huduma.

Akizungumza kwa niaba ya Meneja wa Miradi MWAUWASA, Mhandisi Martin Sungeni amesema maandalizi yanaendelea kuelekea majaribio ya kuingiza maji kwenye Tenki hilo mwezi Oktoba 2026. Aidha amefafanua kuwa baada ya ujenzi kukamilika, kazi itakayofuatia ni ulazaji wa mtandao wa usambazaji maji kutoka kwenye matenki kwenda kwa wananchi ili wapate huduma.

Tenki la Kisesa ni sehemu ya mradi mkubwa wa kimkakati wa ujenzi wa matenki matano ya maji katika maeneo ya Buhongwa, Fumagila, Nyamazobe, Kisesa na Usagara, wenye jumla ya ujazo wa lita milioni 31, sambamba na vituo viwili vya kusukuma maji na kilomita 40.5 za mabomba makuu ya kusafirisha maji. Mradi huo wenye thamani ya takribani Sh bilioni 46.2 unalenga kuimarisha uhifadhi, usafirishaji na usambazaji wa maji kwa wananchi wa Mwanza na maeneo jirani ukitarajiwa kukamilika mwezi Desemba mwaka huu.

21/09/2026

HUDUMA YA MAJI YABORESHWA NYANZA–NYAMAZOBE

MWAUWASA imeendelea kutekeleza maboresho ya miundombinu katika maeneo yake ya kihuduma kwa kutumia utaalamu wa kihandisi katika kuboresha mtiririko na mgawanyo wa maji (Water hydraulics).

Kupitia maboresho hayo, wananchi wa Nyanza–Nyamazobe sasa wanapata maji kwa uhakika zaidi.

16/09/2026

Huduma ya maji yarejes katika maeneo ya Buhongwa Magharibi, Maliza, Nyaluhama, Buguku na Mwang’aranga baada ya MWAUWASA kukamilisha matengenezo ya bomba kubwa la 6” lililopasuka jana jioni.

Kupasuka kwa bomba hilo kulisababisha kukosekana kwa huduma ya maji katika maeneo hayo. Matengenezo yamekamilika leo jioni, na huduma ya maji imeanza kurejea kwa wakazi wa maeneo yote yaliyoathirika.

MWAUWASA inaendelea kuwashukuru wananchi kwa uvumilivu na ushirikiano wao wakati wa zoezi la matengenezo.

16/09/2026

Mkurugenzi wa Mamlaka ya Majisafi na Usafi wa Mazingira Mwanza (MWAUWASA), Mha. Leonard Msenyele, amewataka watumishi wa Mamlaka kuongeza uwajibikaji, juhudi na uaminifu katika kutekeleza majukumu yao, ili kuhakikisha wananchi wanapata huduma bora na endelevu ya majisafi na usafi wa mazingira.

Mkurugenzi Msenyele ameyasema hayo wakati akizungumza na watumishi wa Kanda ya Nyegezi na Kanda ya Kati, katika ziara ya kikazi yenye lengo la kutambulisha Menejimenti mpya ya MWAUWASA pamoja na kukumbushana kuhusu umuhimu wa uwajibikaji katika utoaji wa huduma bora kwa wateja.

Amesema watumishi wanafanya kazi kubwa katika kuhakikisha huduma inawafikia wananchi, hivyo kinachohitajika zaidi ni kuongeza bidii na kujituma katika majukumu yao.

“Naamini mnafanya kazi kinachohitajika ni kujituma kwa bidii, Wateja wanapokosa maji wanatuangalia sisi k**a mnakuwa na changamoto ya kuwafikishia maji, ni bora kusema mapema ili tuweze kuchukua hatua na kuboresha huduma,” amesema Mha. Msenyele.

Aidha, Mkurugenzi huyo amesisitiza umuhimu wa kulinda na kutokwamisha nguzo kuu nne za Mamlaka ambazo ni uzalishaji, usambazaji, mauzo na makusanyo, akieleza kuwa nguzo hizo ni muhimu katika kuhakikisha Mamlaka inatekeleza majukumu yake kwa ufanisi.

Amesema yuko tayari kufanya kazi kwa nguvu zote na watumishi katika kuendeleza Mamlaka, huku akiwaomba watumishi hao kumpa ushirikiano na kutomwangusha katika utekelezaji wa majukumu yake.

Kwa upande wake, Mkurugenzi wa Huduma kwa Wateja, Ndugu Edward Range, amewakumbusha watumishi kuzingatia mambo mawili muhimu katika utendaji wao ambayo ni jitihada na uaminifu katika kazi, akieleza kuwa misingi hiyo ndiyo mtaji muhimu wa Taasisi katika kufikia malengo yake.

Watumishi wa Kanda ya Nyegezi na Kanda ya Kati wameipongeza Menejimenti mpya ya MWAUWASA kwa kukubali kupokea kijiti cha kuiongoza Mamlaka na kuahidi kutoa ushirikiano wa dhati katika kutekeleza majukumu yao, hususani katika kuhakikisha wananchi wanapata huduma bora ya majisafi na usafi wa mazingira.

16/09/2026

14/09/2026

Fahamu kuhusu Mradi wa Uboreshaji wa Chanzo cha Maji cha Capripoint unaoendelea kutekelezwa. Utaongeza uwezo wa chanzo hicho kuzalisha maji kutoka lita Milioni 90 hadi Lita Milioni 144 kwa siku na kunufaisha wakazi wa Jiji la Mwanza.