Somali Embassy in Kampala- Uganda

08/10/2026

Shirka 1-aad ee Taliyeyaasha Ciidamada Afrika ee Hawlgallada Milatari ee ka baxsan dagaalada oo Kampala Uganda ka dhacaya

08/10/2026

‎Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa ka qaybgalay Shirka 1-aad ee Taliyeyaasha Difaaca Afrika ee howlgallada dagaalka ahayn, kaas oo maanta lagu soo gabagabeeyay magaalada Kampala, kaddib saddex maalmood oo uu socday.
‎
‎Shirka oo diiradda lagu saaray Hawlgallada Milatari ee aan ahayn kuwa Dagaalka (MOOTW) ayaa waxaa ka qaybgalay Taliyeyaasha Ciidamada iyo saraakiil sare oo ka kala socday dalal Afrikaan ah, Midowga Afrika, ururrada goboleed iyo hay’adaha ku hawlan hawlgallada nabad-ilaalinta.
‎
‎Intii uu shirku socday, waxaa lagu soo bandhigay doorka ciidamada ee hawlgallada aan dagaalka ahayn, oo ay ka mid yihiin taageerada horumarinta bulshada, ilaalinta nabadda, ka jawaabita musiibooyinka iyo xaaladaha degdegga ah, iyadoo la adkeeyay in ciidamada ay door muhiim ah ku leeyihiin u adeeggidda iyo badbaadinta bulshada, marka laga soo tago hawlgallada dagaalka.
‎
‎Madaxweynaha Uganda, Yoweri Kaguta Museveni, oo shirka soo xiray ayaa khudbad muhiim ah ka jeediyay gabagabadii shirka, isagoo carrabka ku adkeeyay muhiimadda ay leedahay xoojinta iskaashiga, isku-duwidda iyo wada shaqaynta ciidamada Afrika, gaar ahaan hawlgallada milatari ee aan ku salaysnayn dagaallada caadiga ah.
‎

07/10/2026

‎Safiirka Soomaaliya ee Uganda iyo Wasiirka Qaxootiga Uganda oo ka wada hadlay arrimaha Qaxootiga Soomaaliyeed ee Uganda ku nool.
‎
‎
‎Kampala, 7 Oktoobar 2026 — Safiirka Jamhuuriyadda Federaalka Soomaaliya ee Uganda, Amb. Fardowsa Maxamed Qanyare, oo kulan kula yeelatay xafiiskiisa Wasiirka Maareynta Masiibooyinka iyo Qaxootiga Xildhibaan. Sam Engola ayaa kulanka waxaa diiradda lagu saaray xaaladda iyo mustaqbalka qaxootiga Soomaaliyeed ee ku nool Uganda.
‎
‎
‎Kulanka ayaa looga hadlay xaaladda qaxootiga Soomaaliyeed ee Uganda ku nool iyo fursadaha dib-u-laabashada Qaxootiga iyagoo la qasbeyn iyo in ay helaan qaxootiga dib-u-dajin loogu sameeyo dalkooda Soomaaliya. Isagoo wasiirka xusay in 52, kun oo qaxooti Soomaaliyeed ah ee Uganda hadda ku sugan yihiin.
‎
‎Danjire Fardowsa Maxamed Qanyare ayaa dowladda Uganda uga mahadcelisay martigelinta iyo soo-dhaweynta ay muddada dheer u fidisay shacabka Soomaaliyeed, iyadoo xustay muhiimadda ay leedahay sii xoojinta iskaashiga Soomaaliya iyo Uganda ee arrimaha qaxootiga, si loo helo xal waara.
‎
‎Safiiradda ayaa sidoo kale sheegtay in Safaaraddu arrintan si dhow ula kaashan doonto hay’adaha Dowladda Federaalka Soomaaliya ee qaabilsan arrimaha qaxootiga, iyadoo sidoo kale arrinta la wadaagi doonta Jaaliyadda Soomaaliyeed ee Uganda, gaar ahaan dadka doonaya inay si ikhtiyaari ah ugu laabtaan dalkooda Soomaaliya.
‎

30/09/2026

TACSI
‎
‎إِنَّا لِلَّٰهِ وَإِنَّا إِلَيْهِ رَاجِعُونَ
‎
‎Safiirka Jamhuuriyadda Federaalka Soomaaliya ee Uganda, Danjire Fardowsa Maxamed Qanyare, iyadoo ku hadlaysa magaceeda, kan dhammaan diblumaasiyiinta iyo hawlwadeennada Safaaradda, waxay tacsi tiiraanyo leh u diraysaa qoyska, ehelada, qaraabada, asxaabta iyo dhammaan bulshada Soomaaliyeed geeridii naxdinta lahayd ee ku timid, Alle ha u naxariistee, Nabadoon Suldaan Maxamed Cabdi Maxamed (Suldaan Gaas) oo xalay ku geeriyooday magaaladan Kampala.
‎
‎
‎Marxuumku wuxuu ka mid ahaa odayaasha dhaqanka Soomaaliyeed ee ku noolaa dalka Uganda, kaalin muuqdana ku lahaa bulshada Soomaaliyeed.
‎
‎Safaaraddu waxay marxuumka Alle uga baryaysaa inuu naxariistiisa janno ka waraabiyo, qabrigiisana u waasiciyo, kitaabkiisana midigta ka siiyo. Sidoo kale, waxay Eebbe uga baryaysaa qoyskiisa, eheladiisa iyo dhammaan ummadda Soomaaliyeed inuu ka siiyo samir iyo iimaan.

15/09/2026

‎Danjire Fardowsa Maxamed Qanyare oo xarunta Safaaradda ku qaabishay Safiirka cusub Masar
‎
‎Safiirka Jamhuuriyadda Federaalka Soomaaliya ee Uganda, Danjire Fardowsa Maxamed Qanyare ayaa maanta xafiiskeeda ku qaabishay Safiirka Jamhuuriyadda Carabta Masar u fadhiya Uganda, Mudane Shariif Al-Jammal, kaas oo dhawaan lasoo magacaabay.
‎
‎Kulanka oo ahaa booqasho sharafeed uu Safiirka dalka Masar ku yimid xarunta Safaaradda Jamhuuriyadda Federaalka Soomaaliya ee Uganda, ayaa diiradda lagu saaray xoojinta xiriirka iyo iskaashiga Soomaaliya iyo Masar, iyo sidii loo sii horumarin lahaa wada-shaqeynta iyo isku-xirka labada Safaaradood, gaar ahaan arrimaha danaha wadajirka u leh labada dal.
‎
‎Danjire Fardowsa iyo Safiir Shariif Al-Jammal waxay sidoo kale isku afgarteen in ay sii xoojiyaan wada-shaqeynta iyo isku-duwidda kulamada iyo mowqifyada diblomaasiyadeed ee labada dal.
‎

17/08/2026

‎𝗦𝗼𝗼𝗺𝗮𝗮𝗹𝗶𝘆𝗮 𝗼𝗼 𝗸𝗮 𝗾𝗮𝘆𝗯 𝗴𝗮𝘀𝗵𝗮𝘆 𝘀𝗵𝗶𝗿𝗸𝗮 𝗪𝗮𝘀𝗶𝗶𝗿𝗮𝗱𝗮 𝗚𝗮𝗮𝘀𝗵𝗮𝗮𝗻𝗱𝗵𝗶𝗴𝗴𝗮 𝗲𝗲 𝗨𝗿𝘂𝗿𝗸𝗮 𝗖𝗶𝗶𝗱𝗮𝗺𝗮𝗱𝗮 𝗥𝗶𝗴𝗹𝗶𝗴𝗮 𝗔𝗳𝗿𝗶𝗸𝗮𝗱𝗮 𝗕𝗮𝗿𝗶 (𝗘𝗔𝗦𝗙) 𝗼𝗼 𝗞𝗮𝗺𝗽𝗮𝗹𝗮 𝗸𝗮 𝗱𝗵𝗮𝗰𝗮𝘆

‎Wasiir Ku-xigeenka Wasaaradda Gaashaandhigga XFS, Mudane Idiris Cismaan Xaaji Cali, ayaa magaalada Kampala ee dalka Uganda kaga qeybgalay Shirka 36-aad ee Guddiga Taliyeyaasha Ciidamada iyo Golaha Wasiirrada Difaaca ee Ururka Ciidamada Rigliga Afrikada Bari (EASF).
‎
‎Wafdiga Jamhuuriyadda Federaalka Soomaaliya waxaa sidoo kale kamid ahaa Danjire Fardowsa Maxamed Qanyare, Safiirka JFS ee dalkan Uganda iyo G/Sare Axmed Maxamed Xassan oo wakiil ka ah Taliyaha Ciidanka XDS
‎
‎Shirka ayaa diiradda lagu saaray qiimeynta howlaha Ururka, xaaladda amniga gobolka, xoojinta iskaashiga dhinacyada difaaca iyo amniga, iyo ansixinta qorshe-hawleedka Ururka ee inta ka harsan sannadka 2026.
‎
‎Sidoo kale, shirku wuxuu soo dhaweeyay horumarka laga sameeyay xaaladda amniga iyo dib-u-soo-kabashada Jamhuuriyadda Suudaan, waxaana la go’aamiyay in Suudaan ay sannadka 2027 la wareegto guddoonka Ururka Ciidamada Rigliga Afrikada Bari.
‎

31/07/2026

War-murtiyeedka: Shir-Madaxeedka Labaad ee Waddamada Ciidamadooda ay qaybta ka yihiin Hawlgalka Taageerada iyo Xasillinta Soomaaliya ee Midowga Afrika (AUSSOM-TCC) oo maanta lagu soo gabagabeeyay magaalada Kampala ee dalka Uganda.

31/07/2026

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa magaalada Kambaala ee dalkan Yugaandha uga qayb galay Shir-Madaxeedka Labaad ee Waddamada Ciidamadooda ka qeyb qaata howlgalka Taageerada iyo xasillinta ee Midowga Afrika.

Madaxweynaha ayaa khudbad uu ka jeediyey shirka ku soo bandhigay horumarka la taaban karo ee Dowladda Federaalka Soomaaliya ka gaartay dib-u-xoreynta dalka, dib-u-habaynta hay’adaha amniga, xoojinta dowladnimada, kobcinta dhaqaalaha iyo tayeynta adeegyada bulshada, isaga oo adkeeyey in guulahaasi ay saldhig u yihiin wadajirka shacabka Soomaaliyeed iyo garab istaagga saaxiibbada caalamka.

DHAMMAAD

31/07/2026

30/07/2026

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa galinkii dambe ee maanta safar shaqo ku yimid magaaladan Kambaala ee caasimadda dalka Yugaandha, halkani oo uu kulan miro dhal ah kula yeeshay Madaxweynaha Jamhuuriyadda Yugaandha, Mudane Yoweri Kaguta Museveni.