الاكاديميه المصريه الحديثه للتدريب والتنميه البشريه المعتمده

قررت الإكاديمية المصرية الحديثة للتدريب والتنمية البشرية
برئاسة الدكتور / اسلام سمير دعبس
أعتماد الكابتن / احمد فوزي مصطفي الطهواوي
مستشار التدريب الرياضي - وعضو مجلس إداره
الأكاديميه المصرية الحديثة للتدريب والتنمية البشرية
وذلك لما يتمتع به من مهارات قيادية تتيح له خدمه اهداف
الاكاديمية بجدارة“ بما لايخل باللوائح والقوانين المعمول به
داخليا وبما لايتعارض مع أمن وسلامه البلاد .

صباح الخير او مساء الخير 🥰ع حسب وصول البوست لحضرتك🤩
عاوزين نتكلم شويه عن نوعيه الكورسات اللى مهتمين بيها الفترة دى او بعدين😊
ليه بأة🤔
عشان نقدر نوفرها لحضرتك ف اقرب وقت ممكن🌸🌸
*وحاليا بنقدم منحه التنميه البشريه ب 50ج بس😉
والاكاديميه المصريه الحديثه للتدريب والتنميه البشريه بتقدملك افضل الكورسات الجامعيه والمهنيه والمعتمدة حكوميا ومحليا وعالميا ومعترف بيها داخل وخارج مصر 🤩😍...لأ ومش بش كدا دة فيه خصم للطلاب🥳 ..وكمان ممكن نوفر لك فرصه عمل لو كنت من المتميزين ف الكورس ..لأ وكمان حضرتك اللى هتحدد اليوم والميعاد المناسب لك🥰
وبنفدم حاليا كورسات(منحه التنميه البشريه ب 50ج, IcdL ,انجلش ,اعداد المدرب المحترفTOT , صحافه , الارشاد الاسرى والتربوى)🤩
الكورسات معتمده من (الجامعه الامريكيه للدرسات الاحترافيه,المركز الثقافى البريطانى,والاكاديميه المصريه الحديثه) وبتتسجل كل بياناتك برقم سيريل ع المواقع الرسميه والحكوميه الخاصه بكل جهه + كارنيه معتمد وامتيازات تانيه كتيييير🤩🥳
ايوة هتقولى وايه المطلوب منى دلوقتى🤔🤔
هقولك .. اكتب الكورس اللى حضرتك محتاجه دلوقتى او بعدين وعلق بمهتم او اسم الكورس اللى حضرتك محتاجه واحنا هنتواصل مع حضرتك ع طووول🥰
ودى ارقام التواصل الخاصه بنا:-
01009483930 (فون )
01090399194 (فون-واتس)
01100543484 (فون)
مقر الاكاديميه:😍
كفر الشيخ,ابراهيم المغازى,شارع الكنيسه,امام يوسف عمر للتحف والنجف

.
الاكاديميه المصريه الحديثه للتدريب والتنميه البشريه تكرم خبير التنميه الذاتيه / محمد عادل لدوره المتميز والفعال في مجال التدريب وتطوير الذات .
مع أطيب الامنيات لسيادته بمزيد من الترقي والتقدم المستمر .

.

؟

من فعاليات البرنامج التدريبي ( حل المشكلات واداره الازمات - واداره الوقت ) بقياده المدرب والمحاضر المتميز محمد عادل .

للتواصل والاستعلام : 01009483930

مساء الخير☺️
النهاردة هنكمل البوست بتاع "الهوس الاكتئابي " كنت قولت هنكمل الاعراض وطرق العلاج وكيفيه التعامل نفسيا مع الشخص المصاب بيه من العائله او الاصدقاء وازاي نحاول نساعدة
اولا الاعراض دي هنوضحها في فيديو قصير
ثانيا : الانواع ودي بتنقسم لاربع انواع :
1-النوع الأول :Bipolar I
في هذا النوع يجب حدوث على الأقل حالة هوس تدوم لمدة أطول من أسبوع.
بعض الحالات تحصل حالة هوس فقط ,بينما الأكثرية يعانون من حالات كآبة والبعض الأخر قد يعاني من حالات الكآبة أكثر من الهوس.
حالات الهوس إذا لم تعالج بصورة صحيحة فإنها بصورة عامة تدوم لمدة 3-6 أشهر, بينما حالات الاكتئاب تحتاج فترة أطول قليلا لتزول بدون علاج ( 6-12 شهرا)
2- النوع الثاني: Bipolar II
في هذا النوع تحصل حالة اكتئاب شديد مع حالة هوس خفيف والتي هوس صغير تسمى hypomania
3- تغير المزاج السريع:Rapid cycling
هنا تظهر أربع حالات خلال 12 شهر من اضطراب العاطفة الشديد و يصيب تقريبا شخص من كل عشره أشخاص من المصابين بمرض اضطراب العاطفة الثنائي القطب ويحصل في حالات النوع الأول والثاني.
4- اضطراب المزاج الدوري: Cyclothymia
تقلبات المزاج ليست شديدة كما هي في حالة الاضطراب ثنائي القطب, ولكنها تدوم لفترة أطول .
في بعض الأحيان قد تتطور هذه الحالة إلى مرض الاضطراب الثنائي القطب.
ثالثا: هنتكلم علي طرق
العلاج بينقسم لجزئين :
1- العلاج الدوائي :
العلاج الدوائي يتضمن ثلاثة أنواع من الأدوية وهي
1- الأدوية المثبتة للمزاج
2- الأدوية المضادة للذهان
3- الأدوية المضادة للإكتئاب.
أولاً: الأدوية المثبتة للمزاج هي أدوية تعمل على تقليل ومنع التقلبات المسيطرة على عقل المريض وبعضها يعمل على تقليل الأفكار الإنتحارية. وهي مثل Lithium وCarbamazepine و Lamotrigine. أفضل دواء مثبتة فعاليته هو الليثيوم حيث يقلل الفكر الإنتحارية ويضبط التقلبات المزاجية. لكن لديه أعراض جانبية مثل جفاف الفم وصعوبة التبول.
طيب امتي ابدء اخد الادويه المثبته للمزاج ؟
دا مهم جدا للوقايه . بعد حدوث نوبة واحدة من الصعب جدا توقع متى تحصل النوبة الأخرى, لذلك من المفيد البدء بالعلاج باستخدام الأدوية المثبتة للعلاج بعد حصول النوبة الأولى خاصة إذا كانت نوبة شديدة جدا.
بعد حدوث نوبة ثانية هناك احتمالية 80% لحدوث نوبات أخرى وهنا البدء بالدواء مهم جدا.
ثانياً: الأدوية المضادة للذهان هي أدوية تعمل على منع حالات الذهان التي قد تسيطر على المريض في وقت يتراوح بين أسبوع إلى أسبوعين. وهي مثل Olanzapine وQuetiapine وRisperidone.
ثالثاً: الأدوية المضادة للإكتئاب هي أدوية تعمل على خفض نسبة نوبات الإكتئاب التي يصاب بها المريض. لكن يجب إستخدامها بحذر لأنه ممكن أن تسبب نوبات هذه الأدوية هوس للمريض. يمكن إستعمالها مع الليثيوم.
طيب ايه هو افضل علاج ؟
افضل علاج دا بيحدده الطبيب المعالج بالاتفاق مع المريض لان في الحالات اللي زي دي مش كل المرضي عندهم نفس الاستجابه بس يعتبر الليثيوم هو العلاج المستخدم لاغلب الحالات
2- العلاج النفسي :
بوجهٍ عامّ تستخدم أنواع معيّنة من العلاج النفسي:
1- التثقيف النفسي –معرفة المزيد عن المرض.
2- مراقبة المزاج- لتتمكن من معرفة تقلبات المزاج عندما تصبح غير طبيعية.
3- السيطرة على المزاج- لمساعدتك على السيطرة على الحالات البسيطة وعدم تحولها إلى حالة شديدة
4- مساعدتك على تطوير قدراتك العامة على التعايش مع المرض.
5- العلاج المعرفي السلوكي لعلاج الكآبة.
وفي كمان طرق اخري للعلاج بيتم استخدامها في العلاج زي :
1- العلاج بالصّدمات الكهربائيّة وبتستخدم لعلاج الاكتئاب الشّديد الثّنائيّ القطب في حالة فشل العلاجات الأخرى، وفي الحمل كبديل عن الأدوية التي قد تؤثر على الجنين.
بالرّغم من فاعلية هذا العلاج، لكن الأطباء يفضلون استخدامه كعلاج أخير بسبب الآثار الجانبيّة والتّعقيدات الممكنة.
2- علاج الوخز بالإبر تُسْتَخْدَم من قبل البعض، وبعض الأبحاث تظهر إمكانية امتلاكها لبعض المزايا العلميّة.
3- ويستخدم أيضا من قبل البعض أحماض دهنيّة للأوميجا 3 كعلاج إضافيّ أو بديل للاضطراب الشّخصيّ ولكن النّتائج لهذا النوع من العلاج البديل لا تزال غير حاسمة
طب سؤال هو انا ممكن اوقف تلقب المزاج دا ازاي ؟
العلاج النفسي والادويه المثبته للمزاج من اهم العناصر في وقف تقلبات المزاج بس انت كمان عليك دور في خلق التوازن في حياتك مع الادويه يعني مثلا :
1- بالنسبه للاجهاد دا تبعد عنه تماما متوصلش بنفسك لمرحله الاجهاد التام لانها بتولد حاله كأبه وممكن تتطور لنوبه
2- العلاقات : النوبات اللي بتحصل هتأثر علي علاقاتك باغلب اللي حواليك الاصدقاء او العائله وهتشكل ضغط عليهم بس دا مش معناه انك تبعد هما بس محتاجين يفهوا ايه بيحصل معاك عشان يقدروا يساعدوك حاول لما تبقا في حاله طبيعيه تكلمهم عن المرض عشان يقدروا يساعدوا
3- حاول تلعب رياصه كل يوم لمدة ساعه مثلا بتأثر جدا علي المزاج وتعديله
4- اعمل حاجة جديدة فيها تسليه تدي لحياتك معني
5 - الاستمرار في العلاج ودي اهم نقطه لان هتيجي اوقات هتحس انك كويس مش محتاج تاخد دوا متحاولش تعمل كدا غير بعد استشارة الطبيب لان وقف الدوا المفاجئ ممكن يؤدي لنوبات
اخيرا بقا هنتكلم عن العائله والاصدقاء المفروض يتصرفوا ازاي لو حد قريب منهم وعزيز عليهم مصاب بالمرض دا :
الموضوع مش سهل خالص لان اوقات كتير هتحسوا انكم مش قادرين تتعاملوا ولا قادرين تساعدوا بحاجه وان لو بعدوا هيكون افضل بالنسبه ليه بس دا غلط تماما لان دا اكتر وقت المريض بيكون محتاج فيه للدعم والمساعدة حتي لو تظاهر بعكس كدا . طيب التصرف بيكون ازاي :
1- اولا في حاله الكأبه : هيبقي منطوي ومش عايز يسمع نصيحة ولا مهتم اصلا انت بتقول ايه واي حاجة هتحاول تقولها هيخدها بسلبيه كل اللي عليك تبقا جمبه وتكون صبور وتتقبل كل اللي بيقوله ولو اتكلم عن الانتحار متاخدش الموضوع بهزار خد كل حاجة بيقولها بجديه وحاول تهديه وخد استشارة طبيب .
2- ثانيا في حاله الهوس : في بداية النوبة هيكون سعيدا جدا , ونشطوعايز يروح كل الاماكن اللي فيها تسليه و يكون قلب المكان النابض و محط الانتباه , ويستمتع بالمناسبات الاجتماعية و الحفلات والمناقشات الحامية بس دا هيخليه يشعر بإثارة ومزاجه قد يسوء أكثر عشان كدا لازم تحاول تبعدة عن الاجواء دي او يبقا فيها توازن شويه
3- حاول تاخد بالك من صحته بيهتم بأكله ولا لاء بيحاول يأذي نفسه باي طريقه من الطرق وخليك علي اتصال دائم بطبيبه او المعالج
4- لو المكان دا في اطفال حاول تشرحلهم المرض دا لانهم ممكن يحسوا انهم السبب في اللي بيحصل حاول توضح نقطه زي دي عشان نفسيه الاطفال وميبقاش عندهم شعور بالذنب انهم ممكن يكونوا سبب اللي بيحصل وعرفهم ازاي يقدروا يساعدوا
_ في النهايه خالص حابه اقول ان المرض النفسي مش وصمه عار او حاجة تقلل من شأن صاحبها ابدا المرض النفسي مرض زيه زي اي مرض ليه علاج وطرق كل مرض بتختلف وزي ماقولنا قبل كدا ان دا ممكن يكون نتيجة عامل وراثي او خلل في الجينات وزي مافيه امراض عضويه مزمنه في كمان امراض نفسيه مزمنه محتاجة مداومه العلاج والاعتراف بيها هيساعدك وهيساعد اللي حواليك في المعالجة وتقديم المساعده . وفي ناس كتير قدروا يتغلبوا علي الامراض دي او يتعايشوا معاها وتركوا اعمال وابدعات اشخاص طبيعين جدا مقدروش يعملوها
ولان المرض دا واسع الانتشار عالميا في يوم عالمي للاضطراب ثنائي القطب 😊
انطلاقا من سنة 2014، تم تخصيص يوم عالمي للاضطراب ثنائي القطب الواسع الانتشار: في 30 مارس من كل سنة، وهو ما يصادف ذكرى عيد ميلاد الرسام الهولندي فينسنت فان غوخ الذي يعرف تاريخيا كأشهر من عانى الاضطراب ثنائي القطب ووثق معاناته (بإدراك منه أو من دونه) على شكل إبداعات خلدت لاسمه في تاريخ الفن. أطلق هذا اليوم بمبادرة من جمعية أغروس 2001 بهدف تحسيس وتوعية عامة الناس وأقارب الأشخاص المتضررين بكيفية التعامل مع هذه الاضطرابات .

صباح الخير☺️
حابه اتكلم معاكم النهاردة شوية عن مرض اسمه " الاضطراب ثنائي القطب " او ما يُعرف ب " الهوس الأكتئابي " .
ايه دا هو ازاي هوس وازاي اكتئاب ؟ يعني انا ببقا مبسوط ولا ببقا زعلان؟
سؤال طبيعي ومنطقي الهوس هو فرط السعادة والشعور بالاثارة والحماس والانفعال المبالغ فيه وعكسه تماما الاكتئاب وهو فقدان الرغبه والقدرة علي فعل اي شئ حتي بالاعمال الحياتيه الطبيعيه .. ومن هنا تيجي خطورة المرض دا لانه حاله حاله تقلب مزاجي بين الاكتئاب والهوس واللي بنتقسم ل :
1.المنخفض:الشعور بالكآبة الشديدة واليأس.-الاكتئابى
2.المرتفع: الشعور بالبهجة- الهوس.
3.المختلط: كالشعور بالكآبة مع عدم الأستقرار وازدياد النشاط كما فى النوبة الهوسية.
هو اينعم مش بدرجة خطورة الاكتئاب الحاد ولا الهوس المعروف بس يظل يندرج مرض " الهوس الاكتئابي " تحت قائمه الامراض النفسيه الخطرة لان المريض في المراحل الاولي منه بيحس الموضوع عاادي وانو مجرد تقلب مزاج ومش بيحس ان فيه مشكله المشكله بتبدأ مع النوبات شديدة الخطورة اللي بتمتد لفترات زمنيه طويله سواء كانت نوبات اكتئاب او هوس واحيانا بتبقي الاتنين سوا ودي من اخطر الحالات .
يعني تقصد ان المشكله ان مش بقدر اتعرف عليه غير لما ابقي مريض بدرجة متقدمه منه ؟
صح , بس مش دي كل المشكله المشكله ان المريض ممكن يأذي اللي حواليه ونفسه بدون ادراك منه لدا وبعدها بيسأل هو عمل كدا ازاي ويبدأ عنده الشعور بالذنب اللي ممكن يخليه يفكر في الانتحار وانو يبعد عن كل اللي حواليه عشان ميأذيش حد .
يعني دا انفصام ؟
لا مش انفصام ..
يعني لا أنفصام ولا أكتئاب اومال ايه ؟
هو حاله وسط بردو بين الاتنين ودي هي الخطورة بتاعته انو بيشمل كل الاعراض بتاعت الهوس والانفصام والاكتئاب الحاد للدرجه اللي بتخلي تشخيصه صعب جدا وطرق التعامل معاه اصعب .
طيب مين معرض للاصابه بالمرض دا ؟
الدراسات اثبتت ان واحد من كل 100 شخص بيتصاب بالمرض دا في مراحل حياتهم المختلفه مراهقه وشباب بس بتقل الاصابه بيه بعد سن الاربعين وفرصه الرجال والسيدات متساويه يعني مش مقتصر علي فئه معينه .
طب ايه ممكن تكون اسباب الاصابه بالمرض ؟
لحد كبير مفيش سبب واحد نقدر نقول انو سبب اساسي للاصابه بس اللي تم استنتاجه من الابحاث ان الاسباب بتتمثل في 3 اسباب رئيسيه :
1-العوامل الوراثية: أشارت الدراسات الجينية السلوكية أن العديد من الكروموسومات والجينات المرشحة ترتبط بمعدل تأثر إضطراب ثنائي القطب مع كل جين. و يزيد خطر الإصابة بهذا المرض بنحو عشرة أضعاف تقريباً لدى الأقارب من الدرجة الأولى للمتضررين من اضطراب المزاج ثنائي القطب بالمقارنة مع عموم الناس؛ بالمثل، وبخلاف الناس العاديين، يرتفع خطر الاصابة باضطراب الاكتئاب الرئيسي بمعدل يفوق ثلاث مرات عند أقارب المرضى الذين يعانون سلفا من الاضطراب ثنائي القطب.
2- العوامل المحيطة:· بعض الحالات قد تحدث نتيجة ضغوطات الحياة أو أمراض بدنية.
3- العوامل العصبيه : ودي اقل شيوعا مقارنه بالاسباب الاولي والعوامل العصبيه علي سبيل المثال (السكتة الدماغية، وإصابات الدماغ، والإصابة بفيروس نقص المناعة البشرية، والتصلب المتعدد، والبورفيريا، ونادراً الصرع الفص الصدغي.)
طب اعرف ازاي لو حد من اللي حواليا مصاب بالمرض دا ؟ اعرف ازاي في اي مرحله عشان اقدر اساعدة ؟
هو مبدأيا مرحله المرض الطبيب النفسي او المعالج هو اللي بيقدر يحددها . وانا هستكفي بكدا النهاردة وبكرا ان شاء الله هكمل في بوست جديد انواعه ومراحله واعراضه وطرق العلاج وأمثله لبعض الحالات . واتمني تستفادوا من البوست الجاي عشان نقدر نساعد لو حد من عيلتنا او اصحابنا بيعانوا من حاجة زي دي لان الدعم النفسي اهم بكتير من علاج العقاقير .
تابعوا البوست الجاي ☺️