10/15/2026
🔴MULA SA KAIBU-TURAN NG AKING PUSO, MARAMING MARAMING SALAMAT PO SA INYONG LAHAT! 🇵🇭🇺🇸
Sa lahat ng aking mga mahal sa buhay, kaibigan, kapamilya, kapwa OFWs, supporters, followers, at sa lahat ng mga taong patuloy na nagtitiwala, naniniwala, sumusuporta, at nagmamahal sa akin .
MARAMING MARAMING SALAMAT PO SA INYONG MGA PAGBATI AT PAG-ALALA SA AKING KAARAWAN!
Hindi ko man kayo maisa-isang mabanggit o personal na mapasalamatan, nais kong malaman ninyo na bawat mensahe, pagbati, panalangin, at pagpapakita ng pagmamahal ay tunay na nagpapasaya at nagpapagaan ng aking puso.
Sa totoo lang, wala nang mas hihigit pang regalo kaysa sa malaman mong maraming taong nagmamahal, nagtitiwala, at naniniwala sa iyo, kahit hindi mo sila personal na nakakasama o nakikita.
Sa mga taong naniwala sa akin noong nagsisimula pa lamang ako, sa mga nanatili sa kabila ng mga pagsubok, at sa mga patuloy na sumusuporta hanggang ngayon hindi ko po kayo kailanman malilimutan.
Ang inyong pagmamahal at pagtitiwala ang nagbibigay sa akin ng lakas upang ipagpatuloy ang aking adbokasiya, lalo na ang pagtulong at pagtatanggol sa karapatan at kapakanan ng ating mga kababayang Overseas Filipino Workers.
Marami na tayong pinagdaanan. May mga tagumpay, sakripisyo, pagsubok, at pagkakataong hindi naging madali ang ating paglalakbay. Ngunit sa bawat hakbang, nariyan kayo upang magbigay ng inspirasyon at lakas ng loob.
Ang anumang tagumpay at karangalang aking natatanggap ay hindi lamang sa akin, kundi para rin sa inyong lahat na naging bahagi ng aking buhay at paglalakbay.
Higit sa lahat, nagpapasalamat ako sa ating Poong Maykapal sa panibagong taon ng aking buhay, sa aking asawa at pamilya, sa mabuting kalusugan, at sa mga taong patuloy Niyang ipinagkakaloob upang maging bahagi ng aking buhay.
Sa aking mga tagasuporta sa Pilipinas, Saudi Arabia, sa buong Middle East, Estados Unidos, Canada, Europa, at saanmang panig ng mundo, maraming salamat sa walang sawang pagmamahal at suporta.
Hindi ko man masuklian ang lahat ng inyong kabutihan, dalangin ko na pagpalain kayo ng Panginoon at ang inyong mga pamilya.
Habang may lakas at pagkakataon akong tumulong, patuloy akong magsisilbi, makikinig, at magiging boses ng ating mga kababayang nangangailangan.
Ang inyong pagtitiwala ay isang karangalang aking iingatan. Ang inyong pagmamahal ay biyayang habambuhay kong pahahalagahan.
Muli, mula sa kaibuturan ng aking puso, MARAMING MARAMING SALAMAT SA INYONG LAHAT!
TO GOD BE ALL THE GLORY! 🙏
Lubos na nagpapasalamat,
DJ SURDO SALANAP
