سـكاريا - Sakarya

هذا المنشور راح يثبت بي معلومات عن سكاريا
للناس الي تريد تعرف سكاريا من كل النواحي

اغلب العراقيين والعرب يفضلون سكاريا لان محافظه هادئه وسياحيه وصناعيه ووايجارات رخيصه
وكونها تبعد عن اسطنبول 3 ساعات وعن انقره 5 ساعاتسكاريا محافظه حلوه بيها هواي مناطق سياحيه مثل بحر جبجه وساحل صبنجه وبحيرة بويرازلر شلالات معشوقيه ومنتجع ناتركوي ومتنزه كينت بارك غابات اورمان پارك واكو منتزهات اخرى

الايجارات تبدي من 500 ليرة فما فوق يعني 150 دولار فما فوق الايجارات بالمركز تكون اغلى لكونها مركز وقريبه من الاسواق والمولات مثلا تاجر شقه ايجار 600 ليره راح تدفع تامينات 600 ودلاليه 600 واكو بعض الشقق بدون دلاليه وتامنيات

الشغل في سكاريا متوفر يعني سكاريا من ناحية الشغل افضل من باقي المحافظات لكونها محافظه صناعيه وبيها معامل هوايه الشغل 12 ساعه مثلا من ال 8 الصبح للساعه 8 مساءاً اليوميات تبدي من 35 ليره الى 60 ليره حسب الشغل يعني تقريباً 10 دولار لحد 20 دولار السبت نص دوم والاحد عطله

الاقامات / الاقامه اكو مكاتب كثيره يسووها الكم همه يتكفلون بكلشي وتكلف تقريبا من 150 دولار فما فوق تريد انت تمشي بيها وتكملها حسب رأيك انت

وسائل النقل من سكاريا الى باقي المحافظات اكو باصات نقل تركيه واكو سيارات عراقيه تنقلك للمحافظه الي تريدوها وكلمت وسعره

اي استفسار ثاني حول سكاريا بخدمتكم