Consulate of Mongolia in Chicago

10/19/2026

📌ИРГЭДИЙН АНХААРАЛД:

Сүүлийн үед АНУ-д зорчиж буй зарим иргэн тус улсад байх зөвшөөрөгдсөн хугацаагаа нягтлаагүйн улмаас АНУ-ын Гааль, хил хамгаалах алба (CBP)-наас тогтоосон хугацааг хэтрүүлэх тохиолдол гарч байна.

Иймд иргэд Та бүхэн АНУ-ын хилээр нэвтэрсний дараа тус улсад байх зөвшөөрөгдсөн хугацаагаа I-94 бүртгэлийн мэдээллээс заавал шалгахыг зөвлөж байна. Иргэн Та АНУ-ын Гааль, хил хамгаалах албаны https://i94.cbp.dhs.gov/home цахим хуудсанд гадаад паспортын мэдээллээ оруулан I-94 бүртгэлээ шалгах боломжтой.

АНУ-ын Гааль, хил хамгаалах албаны I-94 бүртгэлд заасан “Admit Until Date” нь АНУ-д байх зөвшөөрөгдсөн хугацааны эцсийн өдрийг заадаг тул буцах өдрөө зөв төлөвлөж, уг хугацааг хэтрүүлэхгүй байхыг зөвлөж байна.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг

10/18/2026

"MS. WIZARDS ACADEMY" СУРГАЛТЫН ТӨВ НЭЭГДЛЭЭ

Математик, IQ хөгжүүлэлт, монгол хэлний гүнзгийрүүлсэн сургалт явуулах "Мs. Wizards Academy" сургалтын төвийн нээлтийн ажиллагаа 2026 оны 10 дугаар сарын 17-ны өдөр болов.

Роллин Медоус хотод байрлах уг сургалтын төвийг олон жил математикийн сургалт явуулсан туршлагатай багш Э.Болормаа үүсгэн байгуулсан бөгөөд 40 орчим сурагч, 3 багштайгаар үйл ажиллагаагаа албан ёсоор ийнхүү эхлүүллээ.

Сургалтын төвийн нээлтийн ажиллагаанд Консул Т.Батцэцэг оролцож, баяр хүргэлээ.

10/16/2026

МОНГОЛ УЛСЫН БОЛОВСРОЛЫН ЯАМ ЧИКАГО ОРЧМЫН МОНГОЛ СУРГУУЛИУДАД САНХҮҮГИЙН ДЭМЖЛЭГ ҮЗҮҮЛЛЭЭ

Хилийн чанадад амьдарч буй монгол хүүхдүүдийн боловсролыг дэмжих хөтөлбөрийн хүрээнд Монгол Улсын Боловсролын сайд Л.Энх-Амгалангийн тушаалаар АНУ-ын Чикаго хот орчимд үйл ажиллагаа явуулж буй “Монгол Мэдлэг”, “Чикаго Монгол”, “Антиох Монгол” сургуулиудад санхүүгийн дэмжлэг үзүүлснийг Консул Т.Батцэцэг 2026 оны 10 дугаар сарын 16-ны өдөр сургуулиудын удирдлагад гардууллаа.

Хилийн чанадад амьдарч буй хүүхэд, залуучуудад монгол хэл, соёл, зан заншлаа өвлүүлж, заан сургах чиглэлээр олон жил тууштай ажиллаж буй багш, сурган хүмүүжүүлэгчдийн хичээл зүтгэлийг үнэлж, санхүүгийн дэмжлэг үзүүлсэн Монгол Улсын Боловсролын яаманд Чикаго орчимд амьдарч буй монголчуудынхаа өмнөөс чин сэтгэлийн талархал илэрхийлье.

Боловсролын яам
Чикаго Монгол сургууль
Монгол Мэдлэг Сургууль
Amarsanaa Myagmar

10/08/2026

ЧИКАГО МАРАФОНД ОРОЛЦОХ "АХИЛЛИС МОНГОЛ ОУБ" ТББ-ЫН ТАМИРЧИД ХҮРЭЛЦЭН ИРЛЭЭ

“Ахиллис Монгол ОУБ” ТББ-ын хөгжлийн бэрхшээлтэй тамирчид хөтөч гүйгчийн хамт Чикаго марафонд оролцохоор 10 дугаар сарын 7-ны өдөр хүрэлцэн ирлээ.

“Ахиллис Монгол ОУБ” ТББ-ын тамирчдад өндөр амжилт хүсье. 10 дугаар сарын 11-ний Ням гарагийн өглөөний 7:20 цагт эхлэх марафоныг үзэж, тамирчдаа дэмжихийг Чикаго орчимд амьдарч буй монголчууддаа уриалж байна.

10/07/2026

ДЭЛХИЙН ХУВЦАС ЗАГВАРЫН ФЕСТИВАЛИЙГ ҮЗЭЖ, МОНГОЛ ДИЗАЙНЕРАА ДЭМЖЭЭРЭЙ

2026 оны 10 дугаар сарын 15-17-ны өдрүүдэд Чикаго хотод болох “Дэлхийн хувцас загварын фестиваль”-д Монгол Улсын “Шилмэл загвар” компанийн дизайнер, загвар өмсөгчид оролцоно. Та бүхэн хувцас загварын фестивалийг өргөнөөр үзэж, Монголоос ирж оролцох дизайнераа дэмжээрэй.

Зохион байгуулагчдаас ирүүлсэн дараах линкээр орж хөнгөлөлттэй тасалбар худалдан аваарай.

https://socialloop.ai/go/RbiqMCO?promoCode=MONGOLIA26

Mongolian Business Council of Chicago
The American Mongolian Association
Mongolian Heritage Center
Mongolian American Center
Монгол Мэдлэг Сургууль
Чикаго Монгол сургууль
NUDN Women's Club
Chicago Mongols Group

10/06/2026

ГАДААД ХАРИЛЦААНЫ САЙД Б.БАТЦЭЦЭГ АНУ-ЫН ТӨРИЙН НАРИЙН БИЧГИЙН ДАРГА МАРКО РУБИОТОЙ УТСААР ЯРИВ

Гадаад харилцааны сайд Б.Батцэцэг 2026 оны 10 дугаар сарын 5-ны өдөр АНУ-ын Төрийн нарийн бичгийн дарга Марко Рубиотой утсаар ярив.

Талууд Монгол Улс, АНУ-ын харилцаа, хамтын ажиллагаа Стратегийн гуравдагч хөршийн түншлэлийн хүрээнд өргөжин хөгжиж буйд сэтгэл хангалуун буйгаа илэрхийлж, ирэх онд Монгол Улс, АНУ-ын хооронд дипломат харилцаа тогтоосны 40 жилийн ой тохиож буйг онцлон тэмдэглэв.

Гадаад харилцааны сайд Б.Батцэцэг Монгол Улс, АНУ-ын харилцаа хоёр талын хамтын ажиллагааны механизм, яриа хэлэлцээгээр дамжин улам бүр бэхжиж буйг тэмдэглэхийн сацуу манай хоёр улсын бодит, үр дүнтэй хамтын ажиллагааны бэлгэ тэмдэг болсон Мянганы сорилтын Хоёрдугаар Компакт амжилттай хэрэгжсэнд сэтгэл хангалуун буйгаа илэрхийлэв.

Төрийн нарийн бичгийн дарга М.Рубио Монгол Улс олон улсын тавцанд АНУ-ын бодлого, санаачилгыг тууштай дэмжиж, хамтран ажиллаж ирснийг өндрөөр үнэлдгээ илэрхийлээд, Стратегийн гуравдагч хөршийн түншлэлийн харилцааг цаашид бэхжүүлэхийн төлөө нягт хамтран ажиллахаа нотлов.

Түүнчлэн талууд хоёр улсын хамтын ажиллагааг харилцан ашигтай салбарт өргөжүүлэн хөгжүүлэх, дээд, өндөр түвшний харилцан айлчлал, яриа хэлэлцээг идэвхжүүлэх талаар дэлгэрэнгүй ярилцаж, санал солилцлоо.

FOREIGN MINISTER B. BATTSETSEG’S CALL WITH U.S. SECRETARY OF STATE MARCO RUBIO

Minister of Foreign Affairs of Mongolia Battsetseg Batmunkh spoke with Secretary of State of the United States of America Marco Rubio on October 5, 2026.

The two sides expressed their satisfaction with the vitality of Mongolia-U.S. relations and cooperation in the spirit of the Strategic Third Neighbor Partnership and underscored that next year marks the 40th anniversary of the establishment of diplomatic relations between Mongolia and the United States of America.

Foreign Minister Battsetseg noted that relations between Mongolia and the United States have further strengthened through bilateral cooperation mechanisms and expressed satisfaction with the successful completion of the Millennium Challenge Corporation’s Mongolia Water Compact, a symbol of tangible and effective partnership between the two countries.

Secretary Rubio expressed his gratitude for Mongolia's steadfast support for the U.S. policy and initiatives and reaffirmed his close cooperation to further strengthen the Strategic Third Neighbor Partnership.

Foreign Minister and the Secretary discussed further expanding bilateral cooperation in mutually beneficial areas and increasing high-level exchanges.

10/01/2026

"МОНГОЛЫН ҮНЭРТЭЙ САЛХИ" ГЭРЭЛ ЗУРГИЙН ҮЗЭСГЭЛЭН, УУЛЗАЛТАД ОРОЛЦООРОЙ

Монгол Улсын соёлын гавьяат зүтгэлтэн, гэрэл зурагчин Сэрээтэрийн Цацралтын " Монголын үнэртэй салхи" гэрэл зургийн үзэсгэлэн, ярилцлага 2026 оны 10 дугаар сарын 3-ны өдрийн 12-17 цагт Консулын газрын байранд болно.

The American Mongolian Association
Mongolian Business Council of Chicago
Mongolian Heritage Center
Mongolian American Center
Монгол Мэдлэг Сургууль
Чикаго Монгол сургууль
Mongolian Buddhist Community in Chicago

"МОНГОЛЫН ҮНЭРТЭЙ САЛХИ" ГЭРЭЛ ЗУРГИЙН ҮЗЭСГЭЛЭН, УУЛЗАЛТАД ОРОЛЦООРОЙ

Монгол Улсын соёлын гавьяат зүтгэлтэн, гэрэл зурагчин Сэрээтэрийн Цацралтын " Монголын үнэртэй салхи" гэрэл зургийн үзэсгэлэн, ярилцлага 2026 оны 10 дугаар сарын 3-ны өдрийн 12-17 цагт Консулын газрын байранд болно.

Үзэсгэлэнд зурагчин С.Цацралтын удахгүй Вашингтон хотод гаргах "Монгол: Ардчиллын баян бүрдийн түүх" үзэсгэлэнд тавигдах зарим зураг болон түүний авсан Монгол орны байгалийн үзэсгэлэн төгөлдөр газруудын зургууд дэлгэгдэх бөгөөд үзэгчидтэй чөлөөт ярилцлага хийнэ. Та бүхнийг өргөнөөр оролцохыг урьж байна.

09/30/2026

09/28/2026

"МОНГОЛЫН ҮНЭРТЭЙ САЛХИ" ГЭРЭЛ ЗУРГИЙН ҮЗЭСГЭЛЭН, УУЛЗАЛТАД ОРОЛЦООРОЙ

Монгол Улсын соёлын гавьяат зүтгэлтэн, гэрэл зурагчин Сэрээтэрийн Цацралтын " Монголын үнэртэй салхи" гэрэл зургийн үзэсгэлэн, ярилцлага 2026 оны 10 дугаар сарын 3-ны өдрийн 12-17 цагт Консулын газрын байранд болно.

Үзэсгэлэнд зурагчин С.Цацралтын удахгүй Вашингтон хотод гаргах "Монгол: Ардчиллын баян бүрдийн түүх" үзэсгэлэнд тавигдах зарим зураг болон түүний авсан Монгол орны байгалийн үзэсгэлэн төгөлдөр газруудын зургууд дэлгэгдэх бөгөөд үзэгчидтэй чөлөөт ярилцлага хийнэ. Та бүхнийг өргөнөөр оролцохыг урьж байна.

09/27/2026

МОНГОЛ УЛСЫН ЕРӨНХИЙЛӨГЧ У.ХҮРЭЛСҮХ ТӨРИЙН ДЭЭД ЦОЛ, ОДОН, МЕДАЛЬ ГАРДУУЛЛАА

Монгол Улсын Ерөнхийлөгч Ухнаагийн Хүрэлсүх 2026 оны 9 дүгээр сарын 24-ний өдөр АНУ-ын төвийн бүсэд амьдарч буй монгол иргэдтэй уулзах үеэрээ эрхэлсэн ажил, салбартаа олон жил үр бүтээлтэй ажиллаж, эх орныхоо хөгжил дэвшлийг урагшлуулах, монголчуудынхаа эв нэгдлийг бэхжүүлэх, эх хэл, түүх, соёл, өв уламжлалаа түгээн дэлгэрүүлэх үйлсэд үнэтэй хувь нэмэр оруулж буй иргэдэд төрийн дээд цол, одон, медаль гардуулав.

АНУ-ын төвийн бүсэд амьдарч буй иргэд болох Нанзадын Зүмбээ
Монгол Улсын Гавьяат багш цолоор, Тайваны Ариунтунгалаг "Хөдөлмөрийн гавьяаны улаан тугийн одон"-гоор, Баатарсүрэнгийн Пүрэвсүрэн, Батаахүүгийн Төгсбаяр, Батсүхийн Жавхлан, Будсүрэнгийн Батхуяг, Гэрэлийн Амарсанаа, Лхагвын Оюун-Эрдэнэ, Лхамсүрэнгийн Ичинхорлоо, Манибадарын Эрдэнэтуяа, Мөнхбаатарын Ганчимэг, Цэрэнбатын Энхбилэг, Самданхоролын Оюунбилэг нар "Алтан гадас" одонгоор, Батжаргалын Гандэлгэр, Расолийн Досболат, Цэрэнлхагвын Эрдэнэцэцэг нар "Хөдөлмөрийн хүндэт медаль"-иар тус тус шагнуулав.

Төрийн дээд цол, одон, медаль хүртсэн нийт иргэддээ Монгол Улсаас АНУ-ын Чикаго хотод суугаа Консулын газар халуун баяр хүргэж, эрүүл энх, аз жаргал, цаашдын ажил үйлсэд нь улам их амжилт хүсэн ерөөе!