U.S. Central Command - Urdu

Call Directions Website Contact the organization

U.S. Central Command - Urdu امریکی مرکزی کمانڈ کا سرکاری صفحہ

یونائیٹڈ اسٹیٹس سینٹرل کمانڈ (سینٹ کام) ۱ جنوری ۱۹۸۳ کو قائم کی گئی تھی۔ یہ ۲۱ ممالک سمیت ۴ ملین مربع میل سے زیادہ کے علاقے کی نگرانی کرتے ہوئے، مشرق وسطیٰ اور وسطی ایشیا میں پائیدار امریکی مفادات کی حمایت میں علاقائی سلامتی اور استحکام کو بڑھانے کے لیے اتحادیوں اور شراکت داروں کے ساتھ فوجی کارروائیوں اور سرگرمیوں کو ہدایت اور قابل بناتا ہے۔

تھائی لینڈ کے حالیہ دورے کے بعد یو ایس ایس جارج ایچ ڈبلیو بش (CVN 77) بحیرۂ عرب میں گشت کر رہا ہے۔ اس طیارہ بردار بحری ...
10/15/2026

تھائی لینڈ کے حالیہ دورے کے بعد یو ایس ایس جارج ایچ ڈبلیو بش (CVN 77) بحیرۂ عرب میں گشت کر رہا ہے۔
اس طیارہ بردار بحری جہاز کے 5,000 سے زائد عملے کے ارکان اور اس پر تعینات دیگر اہلکار طے شدہ تعیناتی کے دوران مشرقِ وسطیٰ میں سینٹ کام کی کارروائیوں کی حمایت جاری رکھے ہوئے ہیں۔

ایک ایم ایچ-60آر سی ہاک ہیلی کاپٹر علاقائی سمندری حدود سے گزرتے ہوئے یو ایس ایس رافیل پیرالٹا (DDG 115) کے عرشے پر اتر ر...
10/15/2026

ایک ایم ایچ-60آر سی ہاک ہیلی کاپٹر علاقائی سمندری حدود سے گزرتے ہوئے یو ایس ایس رافیل پیرالٹا (DDG 115) کے عرشے پر اتر رہا ہے۔

10/15/2026

امریکی فوج نے 6 اکتوبر کو خلیج عمان میں ایران سے وابستہ ایک روایتی بحری کشتی کو تباہ کیا، جو امریکی بحریہ کے جنگی جہازوں کی نگرانی اور انہیں نشانہ بنانے کے لیے معلومات فراہم کر رہی تھی۔
گزشتہ سات ماہ کے دوران ایران کی پاسدارانِ انقلاب (آئی آر جی سی) نے خطے کے سمندری راستوں سے گزرنے والے ہزاروں شہری بحری عملے کے ارکان اور امریکی بحریہ کے جنگی جہازوں کو اندھا دھند نشانہ بنانے کی سرگرمیاں جاری رکھی ہیں۔
کارروائی سے قبل کشتی میں سوار تمام افراد کو بحفاظت نکال لیا گیا تھا، جبکہ عملے کے ارکان کو ان کے آبائی ممالک واپس بھیجنے کے لیے اقدامات کیے جا رہے ہیں۔

🚫دعویٰ: بین الاقوامی بحری تنظیم میں ایران کے سفیر نے دعویٰ کیا ہے کہ امریکی فوج ایرانی جہاز رانوں کے خلاف "دھمکی آمیز، ت...
10/14/2026

🚫دعویٰ: بین الاقوامی بحری تنظیم میں ایران کے سفیر نے دعویٰ کیا ہے کہ امریکی فوج ایرانی جہاز رانوں کے خلاف "دھمکی آمیز، توہین آمیز اور اشتعال انگیز زبان" استعمال کرتے ہوئے شہری عملے پر "شدید ذہنی دباؤ" ڈال رہی ہے اور "نفسیاتی تناؤ" کا باعث بنی ہوئی ہے۔ یہ دعویٰ غلط ہے۔

✅حقیقت: ایران کے خلاف امریکہ کی مؤثر پابندیوں کا نفاذ کئی ماہ سے جاری ہے اور اس حوالے سے تمام اقدامات انتہائی پیشہ ورانہ انداز میں کیے گئے ہیں۔ علاقائی آبی گزرگاہوں سے گزرنے والے تجارتی جہازوں اور ان کے عملے کو نشانہ بنانے والا واحد ملک ایران ہے۔
ان بلاجواز حملوں کے باوجود، امریکی افواج اور علاقائی شراکت داروں کی جانب سے مشترکہ اور مربوط آپریشنز کی بدولت آبنائے ہرمز سے تجارتی آمدورفت کا سلسلہ بھرپور انداز میں جاری ہے۔

کیا آپ جانتے ہیں؟امریکی فضائیہ کی مرکزی کمان کی ٹاسک فورس 99 نے مشرقِ وسطیٰ میں جنگی اہلکاروں کے لیے نئی ڈرون اور مواصلا...
10/14/2026

کیا آپ جانتے ہیں؟
امریکی فضائیہ کی مرکزی کمان کی ٹاسک فورس 99 نے مشرقِ وسطیٰ میں جنگی اہلکاروں کے لیے نئی ڈرون اور مواصلاتی صلاحیتیں متعارف کرائی ہیں۔
میدانِ جنگ میں واقع ایک تجرباتی مرکز کی حیثیت سے، یہ ٹاسک فورس نئی ٹیکنالوجیوں اور اختراعی تصورات کو حقیقی عملی ماحول میں آزما کر جنگی صلاحیتوں کو بہتر بنانے میں مدد دیتی ہے۔

🚫 دعویٰ: ایران کی پاسدارانِ انقلاب (آئی آر جی سی) کی بحریہ کے کمانڈر نے آج دعویٰ کیا ہے کہ ایران کی بحری افواج آبنائے ہر...
10/14/2026

🚫 دعویٰ: ایران کی پاسدارانِ انقلاب (آئی آر جی سی) کی بحریہ کے کمانڈر نے آج دعویٰ کیا ہے کہ ایران کی بحری افواج آبنائے ہرمز پر کنٹرول رکھتی ہیں اور اس کے قریب آنے والے امریکی بحریہ کے کسی بھی جنگی جہاز کو "غرق" کر دیا جائے گا۔

✅ حقیقت: آئی آر جی سی کی بحریہ کے کمانڈر کے پاس کوئی بحریہ موجود نہیں۔ امریکہ اور اس کے علاقائی شراکت دار واضح طور پر آبنائے ہرمز پر کنٹرول رکھتے ہیں۔
امریکی افواج نے گزشتہ روز ہی خلیجی شراکت دار ممالک کی معاونت کرتے ہوئے آبنائے ہرمز کے راستے 19 ملین بیرل سے زائد خام تیل کی محفوظ ترسیل میں مدد فراہم کی۔

10/13/2026

امریکی بحریہ کے طیارہ بردار بحری جہاز یو ایس ایس جارج واشنگٹن (CVN 73) کا عملہ سمندر میں رسد کی منتقلی کے دوران ایک ٹیم کے طور پر کام کرتے ہوئے 270 سے زائد ڈاک کے پیلیٹس کی وصولی، چھانٹی اور تقسیم کے فرائض انجام دیتا ہے۔
اس عمل کے ذریعے جہاز پر موجود 5,000 سے زائد اہلکاروں کو ضروری رسد اور ان کے پیاروں سے رابطہ فراہم کیا جاتا ہے۔

امریکی فضائیہ کا ایف-35 اے لائٹننگ II لڑاکا طیارہ مشرقِ وسطیٰ میں رات کے وقت پرواز کے دوران ایک کے سی-135 اسٹریٹو ٹینکر ...
10/12/2026

امریکی فضائیہ کا ایف-35 اے لائٹننگ II لڑاکا طیارہ مشرقِ وسطیٰ میں رات کے وقت پرواز کے دوران ایک کے سی-135 اسٹریٹو ٹینکر سے ایندھن حاصل کر رہا ہے۔

امریکی بحریہ کے اہلکار یو ایس ایس جارج واشنگٹن (CVN 73) پر موجود ایف/اے-18 سپر ہارنیٹ لڑاکا طیارے کی دیکھ بھال کرتے ہوئ...
10/12/2026

امریکی بحریہ کے اہلکار یو ایس ایس جارج واشنگٹن (CVN 73) پر موجود ایف/اے-18 سپر ہارنیٹ لڑاکا طیارے کی دیکھ بھال کرتے ہوئے۔

10/11/2026

امریکی افواج نے ناکہ بندی کی خلاف ورزی کرنے والے ایک مال بردار بحری جہاز کو ناکارہ بنا دیا

ٹیمپا، فلوریڈا — خلیجِ عمان میں سرگرم امریکی افواج نے 10 اکتوبر کو ایک تجارتی مال بردار جہاز کو اُس وقت غیر فعال بنا دیا جب اس کے عملے نے متعدد تنبیہات کو نظر انداز کرتے ہوئے ایران کے خلاف نافذ بحری ناکہ بندی کی خلاف ورزی کرنے کی کوشش کی۔
پاناما کے پرچم بردار کارگو جہاز ایم وی اوشن مولیکا کو امریکی لڑاکا طیارے نے نشانہ بنایا۔ اس جہاز کو "اریکا سن" کے نام سے بھی جانا جاتا ہے۔
امریکی طیارے نے جہاز کے پچھلے حصے پر درست نشانہ لگانے والا گولہ بارود استعمال کیا، جس سے جہاز کا نظامِ حرکت مکمل طور پر ناکارہ ہو گیا۔ اس کارروائی میں جہاز کے عملے کو کوئی نقصان نہیں پہنچا۔
جہاز ایک ایرانی بندرگاہ سے روانہ ہونے کے بعد علاقائی پانیوں سے گزرنے کی کوشش کر رہا تھا۔
سینٹ کام کی افواج نے 14 جولائی کو ایرانی بندرگاہوں میں داخل ہونے یا وہاں سے روانہ ہونے والے جہازوں کے خلاف بحری ناکہ بندی کا دوبارہ آغاز کیا تھا۔
سخت نگرانی کے تین ماہ کے دوران 135 تجارتی جہازوں کا راستہ تبدیل کرنے پر مجبور کرنے کے علاوہ، امریکی افواج نے ایسے 4 جہازوں کو بھی ناکارہ بنایا جو امریکی احکامات پر عمل کرنے سے انکار کر رہے تھے۔
اسی عرصے کے دوران 10 ایسے تجارتی جہاز بھی سینٹ کام کی بحری کارروائیوں کا نشانہ بنے جو ایران کے پاسدارانِ انقلاب (آئی آر جی سی) کے اربوں ڈالر مالیت کے خفیہ مالیاتی اور تجارتی نیٹ ورک کا حصہ تھے۔
تمام جہازرانوں کو ہدایت کی جاتی ہے کہ 'نوٹس ٹو میرینرز' کی نشریات پر نظر رکھیں اور خلیجِ عمان اور آبنائے ہرمز کے اطراف میں کارروائیوں کے دوران 'بریج ٹو بریج چینل 16' پر امریکی بحریہ کے ساتھ رابطہ برقرار رکھیں۔

Address

MacDill AFB
Tampa, FL

Telephone

+18135078940

Website

Alerts

Be the first to know and let us send you an email when U.S. Central Command - Urdu posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to U.S. Central Command - Urdu:

Shortcuts

Share

Category