Cinpu Zomi

KHAMANGTHANG A VEI NUPINU KHAT
Agelh ~ Sia Mungno

Pasian' mizat minthang D. L. Moody in America gam Chicago khuapi ah pawlpi lian khat ah pastor a sep laitakin Chicago khuapi meikang in D. L. Moody ii biakinn zong kangtum a hih manin D. L. Moody in a lungsim daisak dingin tuipi gei khuata khat ah va pai hi. Tua khuasungah biakinn khat om a muh ciangin Nipini kikhawm dingin va pai a, mipi' tutna a nunggual pen ah va tu hi. Tua biakinn pen golpi hi-in tutna te zong hoih sitset na pi mi kikhawm tawm bek om banah dai khipkhep uh ci hi.
Tua biakinn pastorpa in pulpit tung panin a nung gualpen aa tu D. L. Moody a muh ciangin Pasian' mizat minthangpa a hih thei a hih manin pulpit ah thugen dingin sam hi. D. L. Moody zong pulpit tung kahto in a gen ngei bangin Pasian' hong gupkhiatna thu mah nasia takin gen hi napi mipite in lunglut mello uh a hih manin lamdangsa in, a lung zong kia mahmah hi. Pastorpa in, "Nitak ciangin zong D. L. Moody in gupna thu hong gen lai ding a hih manin hong pai tek un" ci-in tangko sawnsawn ta lai hi. Tua hi a, mipite thadah huai mah taleh, a nitak ciangin zong thu a gen lai kul ding dan hi mawk hi.
Tua ni a kikhawm nungakno khat a inn a tun' ciangin a nu kiangah, "Nu aw, tuni biakinn nong pailoh naksup hive cin, tuni biakinn aa thugen pa thei lecin na lungdam lua ding" a cih leh a nu in, "Kua a hia bawi, tuni thugen?" a cih ciangin a tanu in, "I khua-ah Pasian' Thu a genin hong pai dingin na thunget nget pa D. L. Moody hi ven, nitak ciangin zong gen lai ding ci, biakinn va pai ni maw nu" ci hi. A nu in, "Aw,.. tua a hih leh ka khansungah thu na ngen ning in kua mah'n hong nawngkaisak peuhmah kei un maw" ci-in a khansungah thu ngen hi.
Tua nitak pen a sun aa bang loin, Pasian' Khasiangtho in nakpi na sem a hih manin khanlawhna nakpi in piang hi.
Khamangthang vei-in na thungetna te Pasianin, "Na thuumnate ka za a, na khituite ka mu hi" ci hi.

Pakistan leh Afghanistan kikapna nasia mahmah

US leh Iran kido ding cih mipi in a lamet mahmah laitak, hinneihloh in Pakistan in Afghanistan gam kap mawk hi.

Pakistan galvanleng in Afghanistan khuapi akap baan ah a gamgi dung aa om sakhan tampi tak la uh hi.

Asi aliam tamcih kiza hi. Afghanistan (Taliban) te galkap 228 si in Pakistan galkap 55 si hi. Afghanistan (Taliban) te in Pakistan galvanleng 2 kapkhiat sak zo uh hi. Numei naupang asi mi 18 kiim pha hi.

Manlang tak in kikapna akhawlna ding leh kilemna abawl zawhna ding uh Qatar gam in palai sem samsam hi.

Leitung ah Kilemna omta hen....

UFC om in Kawlgam hun 4:30 AM in kipan ding hi.

🎓🎓🎓PhD- DOCTORATE DEGREE NGAH LUNGDAMPIHNA🎓🎓🎓

🪴”Dr. James Cin Len Khai ii pianzia leh a zilsinthu”🪴

🌹🏡PIANNA🏡🌹
®Dr. James Cin Len Khai pen Saizang khua ateng’ Pu- Tun Khaw Pau (Zolai sangsiapi - retired, Gualnam beh) leh Pi- Zo Khaw Langh te' sung panin Saizang khua ah suak hi. Unau giat pha uh aa, amah pen a ulam pan a thumna a hihi.

🏛️🌱LEITUNG LAM TAWH KISAI PILSINNA!🌱🏛️

®1976-1981 k*m sungin Basic Education Primary School- Saizang ah tanlang pan tanli d**g pilna sin in gualzo hi.

®1981-1985 k*m sungin Basic Education Middle School- Saizang mah ah tannga pan tangiat d**g pilna sin in gualzo hi.

®1985-88 k*m leuleu ciangin Basic Education high School- Tedim ah tankua leh tansawm d**g pilna sinin gualzawhna ngah hi.

®1991-1995 k*m sungin MANDALAY UNIVERSITY ah laisim hong zomto in lungsimlam tawh kisai BA (Bachelor of Arts In Psychology) lukhu neelkai hong ngah thei hi.

®2013-2017 k*m sungin a sangzaw pilsinna pen Philippines gam, Manila khuapi aom DE LA SALLE UNIVERSITY ah hong nei thei aa, MA (Master of Arts In Counseling) tawh lukhu neelkai hong ngah hi.

®2019–2025 k*m sungin Philippines gam, Manila khuapi aom sangminthang mahmah khat ahi UNIVERSITY OF SANTO TOMAS ah “Doctorate Degree” hong sinsuak thei hi.
-2025 k*m sungin PhD (PhD in Clinical Counseling Psychology) lukhu neelkai hong ngah hi.
-Dr. James Cin Len Khai pen laisim-uk, laisim- hahkat leh a kiniamkhiat mahmah khat ahih na tawh kizui-in UNIVERSITY OF SANTO TOMAS Sanginnpi pan PhD level pahtawina limci mahmah (St. Albertus Magnus Outstanding Award) hong ngah hi.

❣️⛪️BIAKNA/PAWLPI LAM TAWH KISAI PILSINNA!⛪️❣️

1. St.Alouis Minor Seminary- Pyin Oo Lwin or Maymyo (1988-1989)

2. St.Thomas Minor Seminary- Mandalay (1989-1995)

3. St. Joseph Catholic Major Seminary- Pyin Oo Lwin or Maymyo (1995-1997)

4. St. Joseph Catholic Major Seminary- Yangon (1997-2001)

5. Pastoral Management (2009-2011)
(East Asian Pastoral Institute- Ateneo De Manila University)

6. Clinical Pastoral Education- Manila (Makati Medical Center) 2011-2012

Noted:
Dr. James Cin Len Khai pen k*m-13 sung (1988-2001) pilna tuamtuam (English, Latin, Leadership, Spirituality, Philosophy, Theology, leh a tuamtuam, a sinkhit ciangin Catholic Siampi zaa’ (Priestly Ordination) hong ngah thei hi.

🍀🛤️PASIAN NA SEP NGEINA MUN TENG!🛤️🍀

1. St. Mary Catholic Church, Lukse Parish (Mindat Diocese)
💒2001-2007
2. Assumption of Our Lady Church, Myoma Parish, Tedim, (Kalay Diocese)
💒2007-2008
3. Makati Medical Center, (Chaplain,) Manila, 2010
4. Sacret Heart of Jesus Parish- Manila, Phillipines (Manila Diocese)
💒2010-2017
5. Sacred Heart of Jesus Parish- Manila, Philippines (Manila Archdiocese)
💒2019-2025

@ Rev. Fr.James Len Khai (PhD) pen a neulim akipan NulePa thumang in Pasianthu zong a hahkat mahmah leh a ki niamkhiat mahmah mi khat a hihi.
@ Rev. Fr.James Len Khai (PhD) pen biakinn pai in kikhawm dena, Laisiangtho simin thunget zong a hanciam mahmah mi khat a hihi.
@ Rev.Fr.James Len Khai (PhD) pen Pasian na sem te it-in a zahtak mahmah mi khat hi aa,a septheih bang semin Pasian leh ama pawlpi adingin a kipia khia ngiat mi nunnem mahmah khat a hihi. Tua teng tawh kizom in Pasian sapna ngah in siampi sinna sang ah kah aa, Pasian lenggah huan ah na sem dingin Pasian sapna panin Pasian telna zong a ngah siampihoih khat suak hi.
@ Rev. Fr.James Len Khai (PhD) pen k*m- 1995 in kawlgambup level Catholic siampi sinna sangpi lut theihnang’ laiguanna (မြန်မာနိုင်ငံလုံးဆိုင်ရာ ကက်သလစ် ရဟန်းဖြစ်တက္ကသိုလ် ဝင်ခွင့်စာမေးပွဲ) ah, a nihna- 2nd hong ngah ngei hi.
@ Rev. Fr.James Len Khai (PhD) pen Zogam tulpipa Bishop Nicholas Mang Thang khut siangtho sung pan September 30, 2001 ni- in a pianna Saizang Khuapi ah tawntung siampi suahna za’ (Priestly Ordination) ngah hi.

🙏🏻🌹THUKHUPNA LEH THUPHA PAIHNA🌹🙏🏻

Rev, Fr.James Cin Len Khai (PhD) ii a lamdang gualzawhna leh pahtawina ngah khempeuh pen a nungta Pa Pasian hang bek a hihi.
A ma ii gualzawhna pen gam leh minam ading leh pawlpi ading hi ngiat ta hen.
A lunglut’huai mahmah, a ma ii gualzawhna pen Kalay Diocese sung leh a pianna Saizang khua a dingin Lungsimlam tawh kisai PhD (Clinical Counseling Psychology) နှစ်သိမ့် အကြံပြု ဆွေးနွေးခြင်းနှင့် ကုခန်း စိတ်ပညာ tawh lukhu neelkai ngah masa pen hong suak hi.
A ma ii gualzawhna te hangin Pasian min ii phat aa,mi tampi phattuamna ding leh Pasian gamzaina,Pasian minthanna hizaw den ta hen…Amen.
__________________________________

✍️✍️✍️Thomas Cih Lian-Gualnam

Tedim ah thaupui nging cih kiza hi. Leitawhtan ah innkhat kha in limsiat mahmah cih agen om hi. Tua inn in Emmanuel inn ci hi. Thungetna ah phawk ni.

Tedim - Taingen - Kawlpi lampi mawtaw, saikel pai Ceuceu thei ta

Hite pawl bel nasep hat mahmah in um veng aw Ceucau 😂. Zong pil mahmah in ummawh lai ing. 2025 sung ni 5 nasep na tawlnga demdam sam ing. Ni 5 nasep ka kuanloh pen ka nasep ni te sang gimzaw ing. Hun om sunsun amanpha in zang in khuazin ka hihman hi. Nasep hong hanciam semsem ding hi ing.

𝙇𝙖𝙞 𝙎𝙞𝙖𝙣𝙜𝙩𝙝𝙤 bup alot ngah 𝐂𝐨𝐦𝐩𝐮𝐭𝐞𝐫 khuak nei:

Agelh ~ Jeffrey Pau Do Lian

𝐊𝐢𝐦 Peek, kici mikhat 1951 in Utah ah suak in 2009 k*m in si hi. Akhuak pongman lo ahihman in Siavuan te in "natapa uh pau thei ngeilo ding, lampai thei ngei lo ding" munkhat ah koih un" ci in anu le pate kiangah gen uh hi. Austism hiding in ki-um mawh himah leh autism hilo ding hi' mipi in cihi.

➡️ K*m 3 aphak in apa, Fran Peek, in nitak aa-a laisim pen zingsang ciangin kammal khatzong kipelh loin lotngah thei, cikik thei cihi.

➡️ Veilam mit in lai-mai khat, taklam mit in lai-mai khat, simkhat in lai-mai nihta sim thei hi.

➡️ Lai asim khempeuh akammal te leh laimai bangzah na cih akipan lotngah cihi.

➡️Lai Siangtho bu (thuciam lui & thuciam thak) zong lotngah ci hi.

➡️Shakespeare's laibu khempeuh a kammal tektek bangin lotngah cihi.

➡️Akhan sungin Laibu 12,000 lotngah cihi.

➡️Dotna khatpeuh akidot ciang gtn; March 15, 1847 bang ni hiam cih akidot leh, Monday, bek cilo in akhuahun, alum avot dan leh tua ni-a leitung thupiang te nangawn genbeh zawmah lai cihi. Isaac Newton suah bang hun ci-in akidot leh Christmas ni, 1642 cih bangin a nithupi dang tawh genkawm theilai hi.

➡️Leitung khuapi nih akizopna lampi (road) direction gen thei ziauziau cihi.

➡️𝑹𝒂𝒊𝒏 𝑴𝒂𝒏 cih cinema script gelhsak a a director in akimuh pih leh, "Peek tawh kakih muh khit, mihing te lungsim katheihna kilamdang" ci tanghial hi.

➡️Laipilna tawh kisai, Academic Award 4 tak ngah in, History, Geography, Literature, Music leh Bible te khatvei asim tawh etloh sa in ci thei kik hi.

INTERNATIONAL ZOMI PEACE CONFERENCE munding pen mikim theihtheih penpenna ding Lamka, India (or) Cikha, Chin State, PDF-Zoland te ii phualpi khawng hizaw leh adawl kim in palaite kimthei pen ding in ngaihsun ing. Hiamtawi kipawlna atamzaw gam sung ah a om ahihna hang in hi. Palai kusalee te pen Malaysia apai theih ding sam hang, i gam i lei aa om nasem taktakte apaina ding baih hetlo ding cih theih gige sa ahi hi.

Kei mimal muhna pong hi.

ZIUSA ii inntek sepna leh vaihawmna ahi hi.

IZPC khawmpi ah anuai a Zomi kipawlna tuamtuam pan makai leh taangmi te kisam hi:
Gam tuamtuam pan Zomi Innkuan kipawlna
• Political Parties leh Armed Organizations
• Civil Society Organizations leh Non-governmental Organizations
Faith-based Organizations leh Faith Leaders
• Professional Organizations, Scholars leh Intellectuals
• News leh Media Groups, leh other invited guests

Jan. 5 ni Nipi khuavakni (zingciang) aa kipan Tedim - hhScozang - Thuam lam Mawtaw, Saikel kipai thei ta ding cih kiza hi.

CC (CDF CDM - Siyin) leh CB (PDF-Zoland) kipawl khawm in Thuammual kiim aa om Kawl ngongtat galkapte ado ciatciatna uh pan la zo taktak ta uh cih ki za hi. Lungdam mahmah hang. Kawlpi leh Tedim Lampi ki hong dek khathei pah ding hi. Mipi galkapte a panpih sum leh paai neihsa tawh leh thungetna tawh a panpih mimalkim tung ah lungdam mahmah hang. Ki it liailiai in Itna maan tawh maa apangkhawm liailiai dingte ihi hi.

Tutung bel ataktak in akila ahi hi.

Taingen zong sawtnawnlo ka thei ding hi.

Tu laitak Falam gamke sung ahi Khuangli khua kiim leh paam ah zong CC leh CB kipawl khawm in Kawl ngongtat galkapte tawh kinak kap mahmah uh hi. Thungetna beek ah phawk kim tek ni.

Tuni pen Ka Pa (Phamsa Siapi Phut Khaw Suan) adam lai hi zenzen hi leh k*m 78 a phak ni ding ahi hi.

Ka pianna Pa Tangthu tomno:

Suahni: Jan. 4, 1948
Pianna khua: Cingpikot/Keizaang, Tedim
Chin State
Beh: Buan Sing
A P**e beh: Suante
Pawlpi: Tuiphum pawlpi
A Pa min: Phamsa Pu Ngulh Thang
A Nu min: Phamsa Pi Pum Ciin

Pianna ka Pate U leh nau a phazah:
Pasal (7) le numei (2) lak pan a (6)na ahi hi.

Pianna Pa U leh nau teng:
1. Phamsa Rev. Son Khaw Kham (Baptist Pastor, Pension, Tedim) Zomi Sia masate sung pan Tuiphum tam pen pawl leh kiteenna aneihsak atam pen pawl
lak ah hi hel ding hi. I theih diak ding ah Sia Vial Thawng, Pa Suan Lian Tuang te ii pa hi.
2. Lia Suang Niang (A neu lai si)
3. Sgt. Khai Za Nang (Kalay Myo), i theihdiak ding ah Thangzakhup Buansing @ Kyawkhine ii pa hi.
4. Rev. Ngin Khan D**g (JAT, UPC Pastor, Tedim) Ka huanthang aa nahtang laingek aw' cih kaphuakpa hi in phamsa Pa Thang Khen (Ciamnuihhat, laphuak, lasa bawn ah sinloh anei lo ii Pa hi.)
5. RSM Thang Do Langh (Pension, Pinoolwin) (Mitheih ding diak ah Sia Nang Ngaih Lian, Bama Sia Yangon ah akici Thang Cin Khai te ii Pa hi.)
6. Siapi Phut Khaw Suan (Tan 10 Siapi, Tedim) Ka Pa hi. Pau Khaw Mang Asi, Manlek Kapteel pasal nei, Artist Khamsanpaal ii Pa hi.
7. Sgt. Zam Khan Khai (Yangon)
Pate unau sung pan apil atei penpen phial hingei in atate Tg. Zampu (Laisiang tho tamsim mahmah khat baan ah Maylaysia ah omta, anaute India, Kawlgam ah madawk tak in sang kah uh hi.)
8. Nu Dim Ngo Man (Ta 4 a neih khit teh hong nusia) Tu laitak Kawlgalkap MAL/SAM sung pan Pasian thu ah apiang tak mahmah, Kawlpau tawh Pasian thugen zeel ka U Khai Kap Thang ii Nu hi.
9. Durwan Thawng Cin Pau (Pension, Cingpikot) Khua ah Pa Thang Khan Mung, USA ah Thawnglian + Ciinsante ii pa hi.

Ka Pa a Sangkah Na Ngeite:

1. Tanlang pan Tan (6) SMS, Cingpikot
2. Tan (7) SMS, Tuithang
3. Tan (8) SHS, Loikaw
4. Tan (9), tan (10) SHS, Tedim
5. B.A Mandalay University
6. B.Ed Yangon ah sang kah hi.

Ka Pa ii K*mpi Na A Sepna Munte:
1. SPS Khinpong (1.8.1972-3.1.1977, PAT)
2. SMS Makuiimnu (4.11.1977-8.6.1978, JAT)
3. SMS Cingpikot (9.6.1978-30.6.1986, JAT)
4. No. (2) SHS Falam (1.7.1986-24.5.1988, SAT)
5. SHS Tonzang (25.5.1988-30.10.1994. SAT)
6. SMS Laaitui (1.11.1994-31.7.2003, Middle Head)
7. SHS Phasaung (7.8.2003-7.8.2006, High School Head)
8. SHS No. (2) Lawibual (8.8.2006-6.6.2007, High School Head)

Ka Pa ii Zi le Ta Neihna:

1984 k*min Nu Dim Khan Niang (Suante) tawh kiteeng in tapa (2) le tanu (2) nei hi.

Ka Pa in a tuntunna Khuate ah a Nasepte:

1. Pianna Cingpikot (Keizang) ah a om sungin khangno makai sem zel hi.
2. Falam ah a om sungin Veng Upa sem hi. Kawl Service makaipi sem hi.
3. Tonzang a om sungin sang ah Library makai sem hi. Lai lam le Kawl pau tawh thugenna ah thugen khuan ngah zel hi.
4. Tonzang Tuiphum Pawlpi ah Sia Vial Nang Library kiphuan a, tua lai ah thuzeekpi sem hi. Tonzang VBC ah C.Ed thuzeekpi zong sem hi.
5. Laaitui Tuiphum pawl pi ah ahih theih bangbang in ama pang den khat ahi hi.
6. Phasawng, Kayah state Tuiphum Pawlpi ah zong Pasian minthan semsemna ding in na tampi sem hi.
6. Tedim Lawibual Tuiphum Pawlpi ah E&M ah zong sumkem sem hi.
7. A neu a kipan Sunday School pan khang ahih manin biakna lam buiah B.Min zong ngah hi.

Ka Pa ii Minphatna, Pahtawina a Ngah Ngeite:

1. Myitina TTS ah a kah lai in khutsiamna letsong ngah zel hi.
2. 1973 k*m in Kawl gam bup mi sazian lakna ah Mindat gam sazian siangtho pen letsong ngah hi.
3. Mandalay TTC ah la lam a siam pen letsong ngah hi.
4. Tonzang Tan (10) Sang ah Kawllai hilh siam ci in letsong ngah hi.
5. Hakha Pyine bup piahkhan kidemna ah a hoih pen letsong ngah hi.
6. Kaya gam Phasaung ah sang pelh ngeilo, sangkah man letsong ngah hi.

(Adang pahtawina angah tampi om lai hi.)

Ka Pa in Hong nusiatna:
Amah pen nasep hanciam nuam mahmah ahih manin a ni a nai d**g mah in nasep pelh nuamlo hi. Natna lian lua a neih loh hangin kamsiatna tawh sikhang natna nei hi. Hong nusiat nitak in zong a lawmte tawh boarder ah nasem khawm uh a, a man ciangin inn ah ciah in a innkuante tawh lasa khawm, thungen khawm lai uh hi. Lup hun ta ahih manin lupna zuan in a sawt lo in a nuntakna T**a in 2007 June 6, 9:30 PM in hong laksak hi.

A tom pen in kaikhawm in a kigelh ahi hi. Khialhna zong om kha thei ding hi.

Ka Pa pen ka phawk mahmah aa, ka ngai mahmah hi.

Ka Pa in a it ngaungau ka Nu pen kei ading in Nuhoih penpen hi in, hong dampih lai hi. Angtang mahmah ing.

A tapa keimah Cinpu Zomi @ Siankip Cin

Hong It kim ing.