Amudaryo tumani Maktabgacha va maktab ta'limi bo'limi

Maktabgacha va maktab ta’limi vaziri E’zoza Karimova Qoraqalpog‘iston Respublikasidagi sog‘lomlashtirish oromgohlari faoliyatini o‘rgandi.

Uchrashuvlar davomida vazir Amudaryo tumani “Do‘rmon” OFY hududida joylashgan “Qaldirg‘och” oromgohida bo‘lib, bu yerda yaratilgan sharoitlar bilan yaqindan tanishdi.

Jumladan, oshxona, kutubxona, to‘garak xonalari hamda dam olish maskanlari ko‘zdan kechirildi.

➖ Ma’lumot o‘rnida: Amudaryo tumani “Do‘rmon” OFY hududidagi 84-sonli maktab binosida faoliyat yurituvchi “Qaldirg‘och” dam olish maskani 2026-yil yoz mavsumiga to‘liq tayyor holga keltirilgan.

🔰Oromgohda yozgi mavsum davomida Sport vazirligi hamda Madaniyat vazirligi bilan hamkorlikda turli ma’naviy-ma’rifiy va sport tadbirlarini tashkil etish rejalashtirilmoqda.

⏰ Birinchi mavsum 3-iyundan 15-iyungacha davom etadi hamda 12 kunlik dam olish jarayonini o‘z ichiga oladi.

📊 Mazkur maskanda har bir smenada 100 nafardan, jami 5 smenada 500 nafar bolani sog‘lomlashtirish ko‘zda tutilgan.

21 май — Кутубхоначилар куни муносиб нишонланди

Ўзбекистон Республикаси Президентининг 2019 йил 7 июндаги қарори билан мамлакатимизда 21 май санаси "Кутубхоначилар куни" сифатида кенг нишонланиб келинмоқда. Ушбу кун китобхонларга илм-фан ютуқларини етказиб берувчи, ёш авлоднинг дунёқарашини шакллантирувчи ва маънавий оламини бойитувчи кутубхоначилар меҳнатини қадрлашга хизмат қилади.

✨ Мактабгача ва мактаб таълими вазирлиги томонидан май ойида эълон қилинган "Муҳим ойлик" доирасида 20 май куни Амударё туманидаги 82-сонли умумий ўрта таълим мактабида касб байрамига бағишланган маърифий анжуман ташкил этилди.
🏆 Ҳудуддаги мактабларнинг кутубхона мудирлари ва ходимлари жам бўлган ушбу тадбирда ўқувчиларни мутолаага жалб қилишда алоҳида жонбозлик кўрсатган энг фаол ва илғор кутубхоначилар фахрий ёрлиқлар ҳамда қимматбаҳо эсдалик совғалари билан тантанали равишда тақдирланди.

📚 Жамиятнинг зиё масканлари бўлмиш кутубхоналар ва уларнинг фидойи ходимларини қўллаб-қувватлаш келажак авлоднинг билимли ҳамда маънавияти юксак бўлиб етишишига хизмат қилади. Зеро, китобга, илм-фанга ва маърифатга қаратилган эътибор — бу миллатнинг эртанги кунига йўналтирилган энг бебаҳо сармоядир.

ХУШХАБАР!
"Хорижий тилларни ўқитиш бўйича энг яхши мактаб" танловининг Қорақалпоғистон Республикаси босқичида 40-сонли умумий ўрта таълим мактаби фахрли III ўринни қўлга киритди. 40-мактаб жамоасини ютуқлари билан табриклаймиз.

Эслатиб ўтамиз, Ўзбекистон Республикаси Вазирлар Маҳкамасининг 2021 йил 9-сентябрдаги 562-сонли қарорига мувофиқ I ўрин 250 млн. сўм, II ўрин 200 млн. ва III ўрин ғолиби 150 млн. сўм пул мукофоти билан тақдирланади.
Ғолиб мактабнинг бюджетдан ташқари жамғармасига ўтказилган маблағлар қуйидагича йўналтирилади:
танлов шартларига кўра асосий кўрсаткичлар бўйича мактабнинг юқори баҳоланишига ҳисса қўшган ҳамда ўқувчиларни танловга тайёрлаган хорижий тиллар ўқитувчиларини рағбатлантириш учун — мукофот суммасининг 25 фоизигача;
танловда қатнашиб юқори натижалар кўрсатган терма жамоа аъзолари бўлган ўқувчиларни эсдалик совғалар ёки нақд пул шаклида рағбатлантириш учун — мукофот суммасининг 25 фоизигача;
мактабнинг бошқа эҳтиёжлари, жумладан, танловнинг кейинги босқичига тайёргарлик учун зарур харажатлар, хорижий тилларни ўқитишни янада яхшилаш учун шарт-шароитлар яратиш, мактаб кутубхонасини хорижий тилдаги илмий, бадиий адабиётлар билан бойитиш, ўқувчиларнинг хорижий тилда тинглаб тушуниш кўникмаларини баҳолашга кўмаклашувчи техник воситалар билан фан кабинетларини жиҳозлаш учун — мукофот суммасининг қолган қисми.
Терма жамоа аъзоларига бир хил қийматдаги совғалар ажратилади ёки мукофот суммаси жамоа аъзолари ўртасида тенг тақсимланади.

Жорий йил 28-апрел куни 82-сонли мактабда VI ижодкор ўқитувчилар олимпиадасининг туман босқичи бўлиб ўтган эди. 1-ўринни 55-мактабнинг "Зиё нажоткорлари" жамоаси, II ўринни 26-мактабнинг "Креатив устозлар" жамоаси ва III ўринни 12-мактабнинг "12-мактаб" жамоаси эгаллади.
55-мактаб жамоаси танловнинг республика босқичида иштирок этиш йўлланмасини қўлга киритди. Келгуси босқичда омад тилаймиз!

36-мактабнинг 6-синф ўқувчиси Бахтияров Темурбек инглиз тили фанидан В2 даражали сертификат олди. Темурбекнинг келгуси ўқишида омад тилаб қоламиз!

Олдин хабар берганимиздек, VI ижодкор ўқитувчилар олимпиадасининг туман босқичи бўлиб ўтди.

Олимпиаданинг якуний натижаларига кўра
55-мактаб жамоаси I ўрин
26-мактаб жамоаси II ўрин
12-мактаб жамоаси III ўринни қўлга киритди. Ғолиб ва совриндор жамоаларни ютуқлари билан муборакбод этамиз.

55-мактаб жамоасига олимпиаданинг республика босқичида омад тилаймиз!

Жорий йил 28-апрел куни 82-сонли мактабда VI ижодкор ўқитувчилар олимпиадасининг туман босқичи бўлиб ўтди. Мазкур танловга 49 та мактаб иштирок этиш истагини билдирган ва иштирокчилар сони 245 нафарни ташкил қилди.
Иштирокчи жамоаларга омад тилаймиз.

Эслатиб ўтамиз, 2025 йил ўтказилган V ижодкор ўқитувчилар олимпиадасининг ғолиби 49-мактаб жамоаси ҳисобланади.

✅ Berdimuratov Paraxat Jiemuratovich- Amudaryo tumani Maktabgacha va maktab ta’limi bo‘limiga qarashli 58-sonli umumiy o'rta ta'lim maktabi direktori lavozimiga “Direktorlar kengashi” tavsiyasiga asosan tayinlandi.

📌 Bunga qadar Berdimuratov Paraxat Jiemuratovich Amudaryo tumani 58-sonli umumiy o‘rta ta'lim maktabi o‘quv ishlari bo'yicha direktor o'rinbosari lavozimida faoliyat yuritgan.

🗂 Endilikda yangi tartib boʻyicha umumiy o‘rta ta‘lim maktab direktorlarini lavozimiga tayinlash “Direktorlar kengashi” tavsiyasiga asosan amalga oshirilib, direktorlikka nomzodlarning menejerlik sertifikatiga ega boʻlish talabi qoʻyilgan.

Хушхабар!
36-мактабнинг 11-синф ўқувчиси Тожибаев Хурсандбек НДПИ "РЕКТОР КУБОГИ" олимпиадасида физика фани бўйича Қорақалпоғистон Республикасида фахрли I ўринни эгаллади.
Хурсандбекни, устози Хушнудни ва мактаб жамоасини бу ютуқлар билан табриклаймиз!