Мамадалиев Уткир Абдугаффарович

❗️Фуқароларга янада қулайлик яратиш мақсадида MySud мобил иловаси яратилиб, ишга тушурилди.

MySud иловаси Олий суднинг барча интeрактив хизматларини ўз ичига олади. Хусусан, судларга электрон мурожаатларни юбориш, иш ҳолатларини реал вақт режимида кузатиш, суд тўловларини онлайн амалга ошириш ва яна бир қанча имкониятлар мавжуд.

✅ MySud иловасининг iOS ва андроид талқинини қуйидаги иловалар орқали юклаб олишингиз мумкин:

Android: https://play.google.com/store/apps/details?id=uz.sud.mysud&pcampaignid=web_share

iOS: https://apps.apple.com/uz/app/mysud-sud-elektron-xizmatlari/id6746529895

Суд фахрийларига эҳтиром кўрсатилди

Қашқадарё вилояти судлари жамоаси Хотира ва қадрлаш куни муносабати билан суд фахрийлари хонадонига ташриф буюришиб, уларнинг ҳолидан хабар олишди.

Ташриф давомида суд фахрийларини байрам билан қутлашиб, уларга эсдалик совғалари топширишди. Бир пиёла чой устида бўлиб ўтган самимий суҳбатлар давомида узоқ йиллар давомида суд тизимида самарали меҳнат қилиб келган, ўз даврида жамоадошлари орасида ҳурмат қозонган марҳум суд фахрийлари эсланди, ширин хотиралар жонланди.

#Жараён

Қашқадарё вилоят суди раиси ўринбосари Ў.Мамадалиев ва вилоят суди бош консультанти Д.Боллиевлар томонидан тизимда коррупциявий ҳолатларнинг олдини олиш ва коррупцияга қарши курашиш бўйича учрашув ташкил этилди.

Унда Жиноят ишлари бўйича Косон ва Муборак туман судлари, Фуқаролик ишлари бўйича Косон туман суди ва Косон туманлараро иқтисодий суди судьялари, ходимлари ва уларнинг оила аъзолари иштирок этди.

Тадбирда сўз олганлар коррупцияга қарши курашиш бугунги куннинг талаби эканлиги, бунда эса ҳар бир судья ва суд ходимининг иштироки муҳим эканлиги айтиб ўтилди.

Шунингдек, жорий йилнинг
5 март куни Президентимиз томонидан Коррупцияга қарши курашиш миллий кенгаши йиғилишида коррупциядан ҳоли бўлган адолатли суд тизими яратиш бўйича белгилаб берилган устувор вазифалар хусусида батафсил тўхталиб ўтилди.

Dehqonobodda navbatdagi ochiq sud majlisi o‘tkazildi

Jinoyat ishlari bo‘yicha Dehqonobod tuman sudi raisi Shahzod Baxtiyorov raisligida bir guruh fuqarolar ishtirokida ochiq sud majlisi o‘tkazildi. Mazkur ochiq sudda tuman prokurori Otabek Usanov, tuman IIB boshligʻi Musurmon Boʻriyev ham ishtirok etdi.

Sud ishida Dehqonobod tuman IIB JXX probasiya guruhi hisobida turgan 6 nafar muayyan huquqdan mahrum qilish jazosini oʻtayotgan mahkumlarning iltimosnomalariga hamda axloq tuzatish ishlari va ozodlikni cheklash jazosi tayinlangan 7 nafar mahkumlar Dehqonobod tuman IIB boshligʻi taqdimnomasiga asosan "Insonparvarlik" prinsipi qoʻllanib, Oʻzbekiston Respublikasi Jinoyat kodeksining 73-moddasi 3-qismiga tegishli bandlari bilan sud tomonidan tayinlangan ahloq tuzatish ishlari, ozodlikni cheklash va jazoni oʻtash davrida oʻzining jinoiy qilmishlarini anglab yetgan, tuzalish yoʻliga qatʼiy oʻtgan, jazo oʻtash davomida oʻzini ijobiy tomondan koʻrsatgan va axloq tuzalgan shaxslarga nisbatan yigʻma jild hujjatlari koʻrib chiqilib, jami 13 nafar mahkum jazoni oʻtashdan muddatdan ilgari shartli ozod qilindi.

Majlis yakunida tuman Ichki ishlar boʻlimi boshligʻi Musurmon Boʻriyev tomonidan O‘zbekiston Respublikasi Prezidentining PQ-1-son qaror mazmun mohiyati hamda kelgusida jinoyatchilik va huquqbuzarliklarni sodir etmaslik, ushbu ishlarning oxiri yaxshilikka olib kelmasligi haqida ishtirokchilarga tushunchalar berildi.

Олий суд раҳбариятининг сайер қабули бўлиб ўтмоқда.

Қарши шаҳри, Қашқадарё вилоят суди биноси.