Samarqand viloyat prokuraturasi

Жомбой тумани прокурори, 2-сектор раҳбари Н.Қодиров, сектор штаби аъзолари, мутасадди ташкилот раҳбарлари, "маҳалла еттилиги" иштирокида "Қўлбости" маҳалласида навбатдаги сайёр қабул ўтказилди.

Қабул давомида мурожаатларнинг аксарияти жойида ижобий ҳал этилиб, муддат талаб қилинадиган мурожаатларни ҳал қилиш бўйича мутасадди ташкилотларга топшириқлар берилиб, ижроси назоратга олинди.

Самарқанд тумани прокурори 2-сектор раҳбари Ғ.Абдурахмонов томонидан сектор ҳудудидаги маҳаллаларда “Бир маҳалла-бир маҳсулот” тамойили асосида аҳоли томорқасидан унумли фойдаланиш, "Яшил макон" дастури доирасида кўча четларига дарахт ва кўчатлар экиш ҳамда маҳаллаларда олиб борилаётган ободонлаштириш ишлари ўрганилди.

Ўрганишда масъулларга тегишли тавсия ва топшириқлар берилди.

Тойлоқ тумани прокурори А.Абдуллаев ҳамда туман Халқ қабулхонаси мудири З.Зиёдуллаевлар томонидан “Чароғбон” маҳалласида “Прокурор ва ёшлар” учрашуви ўтказилди.

Учрашувда туман прокурори А.Абдуллаев томонидан ёшларнинг контракт тўловлари, моддий ёрдам ва бошқа мурожаатлари тингланиб, уларга амалий ёрдам кўрсатиш учун масъулларга кўрсатмалар берилди.

Ургут тумани прокуратураси ҳамда “Ҳудудий электр тармоқлари” АЖ Самарқанд ҳудудий филиали томонидан истеъмолчиларни узлуксиз электр энергияси билан таъминлаш мақсадида “Сариқтепа”маҳалласидаги аҳоли хонадонларига электр энергия таъминоти сифатини ошириш мақсадида 145 та темир бетон устунлари ўрнатилди.

Маҳаллада “Ташаббусли бюджет” лойиҳасига асосланган қуввати “160 КВА бўлган 4 дона трансформатор пунктига 100 та темир бетон таянчлари ўрнатилиб, 12 км.тармоқ тортиш ишлари олиб борилди.

Амалий ишлар натижасида маҳалладаги 300 га яқин хонадонлар сифатли электр энергияси билан таъминланди.

Тойлоқ тумани прокурори А.Абдуллаев, Ўзбекистон маҳаллалари уюшмасининг Тойлоқ тумани бўлими бошлиғи А.Мирзоевлар 2-сектор ҳудудидаги “Ворсин” маҳалласида томорқадан унумли фойдаланиш ҳамда аҳолини қийнаб келаётган муаммолар юзасидан учрашув ўтказилиб, аҳоли томорқалари кўздан кечирилди.

Учрашувда маҳалла фаоллари билан учрашиб “Бир маҳалла, бир маҳсулот” тамойили асосида картошка етиштиришни кўпайтириш, бўш ерларга серҳосил ва даромади юқори бўлан дарахт ва кўчатларни экиш ҳамда иссиқхоналар ташкил этиш, лидер тадбиркорларга бириктириш бўйича масъулларга топшириқ ва кўрсатмалар берилди.

Булунғур тумани прокурори И.Мустанов 2-сектор ҳудудидаги “Амир Темур” маҳалласида маҳалла раислари, ҳоким ёрдамчилари ва банк хизматлари бўлими иштирокида “Бир маҳалла-бир маҳсулот” тамойили асосида аҳоли томорқаларидан унумли фойдаланиш бўйича маҳалла фуқаролари билан учрашди.

Учрашувда туман сектор раҳбари томонидан сектор ҳудудида яшовчи аҳоли орасида томорқадан унумли фойдаланиш, кўп даромадли экинлар экиб, ҳосил олиш бўйича кўрсатмалар берилди.

Каттақўрғон шаҳар прокурори И.Нуриддинов томонидан 2-сектор ҳудудидаги "Қориравот" маҳалласида навбатдаги сайёр қабул ва ёшлар учрашуви ўтказилди.

Сайёр қабулда 12 нафар фуқароларнинг мурожаатлари тингланиб, шундан 9 та мурожаат жойида ижобий ҳал этилди.

Муддат ва маблағ талаб қиладиган мурожаатларни ҳал қилиш бўйича мутасадди ташкилотларга топшириқлар берилди.

Каттақўрғон шаҳар прокурори ўринбосари А.Хайдаров томонидан “Нурафшон” маҳалласида Ўзбекистон Республикаси Президентнинг “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сонли қарори ижросини таъминлаш мақсадида маҳаллаларда ўрганиш ишлари олиб борилди.

Ўрганишда маҳаллаларда криминоген вазиятни барқарорлаштиришга қаратилган тадбирлар олиб борилиши, маҳалла “еттилиги” аъзоларига маҳаллани “қизил” тоифадан чиқариш бўйича барча чораларни кўришлари юзасидан масъулларга топширқилар берилди.

Оқдарё тумани прокуратураси ходимлари томонидан “Чорбоғ” ва “Пўлатдархон” маҳаллаларида яшовчи ногиронлиги бўлган фуқароларнинг ҳолидан хабар олинди.

Самарқанд тумани прокурори Ғ.Абдурахмонов мутасадди ташкилот раҳбарлари иштирокида ёқилғи-энергетика ресурсларидан фойдаланиш устидан давлат назоратини самамрали ташкил этиш ва мувофиқлаштириш бўйича туман штаби томонидан энергия ресурсларини иқтисод қилиш имконияти, шунингдек, қиш мавсумини беталофат ўтказиш бўйича штаб томонидан амалга оширилаётган ишлар юзасидан йиғилиш ўтказилди.

Йиғилишда корхоналар ва хонадонларда энергия тежамкор ускуналар ҳамда қуёш панеллари ўрнатиш мақсадга мувофиқлиги, бу борада уларга бериладиган имтиёзлар ҳақида тарғибот тадбирларини ўтказиш бўйича масъулларга топшириқлар берилди.